Mogogou Ta̱ Hegi 19:4 - Godiha̱ Ta̱ Bolofei̱

⁴ Kege tobo͡u mo͡u, odo olo͡u fe̱i̱ 24 kegebo͡u, fi̱bo͡u bi doso͡u yosi kegebo͡u olo͡u fe̱i̱ kedia̱ yubu sugulo fiya duwoguali, Godi, e̱ duwodi bolo̱do koto͡u duwo koko͡u ko͡u gue diho̱ baga̱ tobolo͡u i, Damale̱do, di Godiko͡u bolofe̱i̱yode tobo͡u me.

Mogogou Ta̱ Hegi 19:4 ပူးပေါင်းရင်းမြစ်များ

Mogogou Ta̱ Hegi 5:14

Kegemo͡u, fi̱bo͡u bi doso͡u yosi kege kedia̱ damale̱do-yode tobolo͡u imo͡u, odo 24 kege kedia̱ yubu sugulo fiya duwoguali, diliemoko͡u diho̱ baga̱ tobolo͡u imo͡u dugu.

Mogogou Ta̱ Hegi 19:1

Kegemo͡u, a̱ ta̱ uwo hiyedo, hebeniko͡u o sasa̱i̱ su̱do kedia̱ hili̱gedo tobolo͡u ili saga̱i̱ kegei ko͡u gue du, Di Godiko͡u bolofe̱i̱yode tobo͡u me. Godiha̱no͡u di mamo̱u̱ dala kuhe̱. Di Godiko͡u no͡u hoho̱bo͡u me. E̱ hu̱be hiyedo folodo.

Mogogou Ta̱ Hegi 15:7

E̱sol o dioyosi kege kedia̱ tafalaguamo͡u, fi̱bo͡u bi doso͡u yosi duo kile tano͡u taha̱ge Godiha̱ gofo͟͡u hiyedo ke̱ meleki, sele igi golye milou dioyosi kege koko͡u sai ke̱ mo͟͡uma ne̱mo͡u i. Godi e̱me yo͟͡u kegeno͡u daladibe, ta mei degele mei.

1 Korin 14:16

Na̱ ne̱ duo kaha̱ ta̱ gehe̱ ta̱e Godiko͡u bolofe̱i̱yode tobo͡u ma, damale̱do-yode tobo͡u babe, o taege na̱bo͡u de damale̱do-yodele saga̱i̱ mei. Yobe, e̱ ne̱ ta̱ uwo ko͡u duloye, ke̱no͡u si sibige̱ ta tawale mei kaha̱ degemo͡u.

Matyu 28:20

Ta̱ a̱ ni̱moko͡u tobo͡u di ke̱me ni̱ge dia̱moko͡u ne hehegie tobo͡u ma, dia̱ dulo sesemabadeba. Ni̱ duma, a̱me ni̱bo͡u de dalali, uwage sawisiei kuhe hagua kogulo.

Matyu 6:13

Tefele dugu ta eimoko͡u hagubabe, na̱ akogogue. Na̱ ei dia dala, midiho̱ kasaga̱i̱ kaha̱ ei to͡u ye deba.

Mogogou Ta̱ Hegi 19:3

Kegemo͡u, hebenito͡u tafalagua o sasa̱i̱ kedia̱ haba tobolo͡u i, Di Godiko͡u bolofe̱i̱yode tobo͡u me. Douye sa hiyedo Babilon nolu̱ kaha̱ daha̱i̱ ke̱me ta mei degele mei, yo͟͡u kege folono͡u dalale.

Mogogou Ta̱ Hegi 19:6

Kegemo͡u, a̱ uwo ta, to̱ nele̱ hiyedo kaha̱ uwo saga̱i̱ kegei du, dibie uwo hili̱gedo fuale uwo saga̱i̱ kegei. Uwo ke̱me o sasa̱i̱ su̱doye ta̱so͡u degeli saga̱i̱ ke̱no͡u tefeimo͡u du, Di Godiko͡u bolofe̱i̱yode tobo͡u me. Di Hiye O Godi, e̱ nele̱be hiyedo folodo. E̱ge di wolo͡u dala kuhe̱yode tobo͡u mo͡u du.