Mogogou Ta̱ Hegi 18:2 - Godiha̱ Ta̱ Bolofei̱

² E̱ migilemo͡u, hili̱gedo ko͡u gue tobo͡u mo͡u du, Sa hiyedo Babilonbe makoma mei degei. Moso̱ olo͡u fe̱i̱ biligisema mei degei. O mei degeimo͡u, duo kasaga̱i̱ kedia̱no͡u dalagua. Sio kasaga̱i̱ kedia̱ die timo͡u degele i.

Mogogou Ta̱ Hegi 18:2 ပူးပေါင်းရင်းမြစ်များ

Mogogou Ta̱ Hegi 14:8

Kegemo͡u, e̱sol o sasama kaha̱ne hagua tobou, sa hiyedo Babilonko͡u be, moso̱ olo͡u fe̱i̱ biligilema̱ fiyasigei. Sa kaha̱ge e̱ sasa̱i̱ hiyou degedi midiho̱ ke̱ sa sa o sasa̱i̱ olo͡u fe̱i̱ kedia̱moko͡u hehegieimo͡u, dia̱me tigi kolo hue̱i̱ gofo͟͡udo nama̱ fi̱ toto͡u degedi saga̱i̱ ke̱no͡u tefele idi.

Mogogou Ta̱ Hegi 18:21

Kegemo͡u, e̱sol o ta kaha̱ nele̱ hiyedo degemo͡u, bogo hiyedo ta mala̱mo͡u, to̱ dawalako͡u hebele muguomo͡u tobou, A̱ bogo hiye ke̱ dawalako͡u hebele mugu saga̱i̱ ke̱no͡u tefele, sa hiyedo Babilonne nele̱do dege hebele muguba, haba ta dugulo ile mei.

Mogogou Ta̱ Hegi 18:10

Sa Babilon douye no̱u̱ba duguo gue̱ degeba, ahudo dege tafalaguali, ko͡u gue tobolo͡u ile, Ano͡u we, ano͡u we, sa hiyedo Babilon, solo͡u do hiyedo. Ne̱ hu̱ hiyedo deleiye, ke̱no͡u si hebe kasaga̱i̱ kaha̱ haguamo͡u, aso̱ diho̱ tano͡u fe̱i̱ kelegeno͡u douye ne̱ bima̱i̱ olo͡u fe̱i̱ ke̱ na̱ma mei degei.

Mogogou Ta̱ Hegi 17:18

Sasa̱i̱ na̱ dugu kaha̱ sibige̱be sa hiyedo. Sa hiyedo kaha̱ge sa sa olo͡u fe̱i̱ kaha̱ hiye o ke̱ wo͡u ma daladi.

Mogogou Ta̱ Hegi 17:5

Sasa̱i̱ kaha̱ e̱ wodemeko͡u be hu̱ nala̱gaibo͡u. Nala̱i̱ kaha̱ e̱ sibige̱be mogogou dalaye, ke̱no͡u si nala̱i̱ ke̱me ko͡u gue nala̱gai: sa hiyedo babilon. o hiyou siadi sasa̱i̱ olo͡ufe̱i̱ kedia̱ die adio͡udo. sa sibige̱ko͡u midiho͡u kasaga̱i̱ milo͡ugadi kaha̱ obo͡u.

Mogogou Ta̱ Hegi 16:19

Sa hiyedo Babilon bafolo͡u mo͡u, olo͡u fe̱i̱ kamadia degei. Sa sa hiyedo olo͡u fe̱i̱ne, moso̱ olo͡u fe̱i̱ biligisema mei degei. Damale̱do, midiho̱ kasaga̱i̱, sa hiye Babilon o sasa̱i̱ kedia̱ milo͡u ga idi ke̱me Godiha̱ge ta toto͡u degeli mei, e̱ kope gofo͟͡u hiyedo kaha̱ ama̱ma̱i̱ ke̱ sa ke̱ tie o sasa̱i̱ kedia̱moko͡u ne̱i̱mo͡u nala̱ i.

Mogogou Ta̱ Hegi 16:13

A̱ haba kegemo͡u dugube, duo kasaga̱i̱ olo͡u fe̱i̱ kamadia kege, sai baga fele̱goumo͡u dugu. Sai tabe bei kagasio͡u ha̱ mogouduge fele̱i̱. Tabe kolu̱kuaha̱ mogouduge fele̱i̱. Tabe ogo͡u gai egei tobo͡u di hiye oha̱ e̱ mogouduge fele̱i̱.

Mogogou Ta̱ Hegi 14:15

A̱ ke̱ duguo masele tafalamo͡u, e̱sol o ta Godiha̱ moso̱duge migile tama̱ko͡u tafalali, mabi tageto͡u duwo o koko͡u hili̱gedo ko͡u gue tobou, sa sibige̱ko͡u nale̱ olo͡u fe̱i̱be suwi degei kaha̱ degeimo͡u, na̱ ne̱ aweki mala̱ba olo͡u fe̱i̱do kege diafigiyede tobo͡u mo͡u du.

Mogogou Ta̱ Hegi 10:3

E̱ hili̱gedo ta̱ digio dege, fuse sosouwedo laionye ta̱i̱ saga̱i̱ degema mei degeimo͡u, dibie dioyosi kege fufuoumo͡u du.

Mogogou Ta̱ Hegi 5:2

A̱ haba dugube, e̱sol o ta, nele̱ hiyedo kaha̱ hili̱gedo ko͡u gue tobo͡u mo͡u du, kuguo folou kuolo͡u ma̱i̱ ko͟͡ume o bolofe̱i̱do koyoha̱si kusiale saga̱i̱?

Mogogou Ta̱ Hegi 1:15

E̱ abogo͟͡ube sele igi kopa, obe douluko͡u sili ke̱ saga̱i̱ dugu. E̱ ta̱ uwobe to̱ si uwo saga̱i̱ du.

Mogogou Ta̱ Hegi 11:8

Tofigieiba, dilie to͡u be sa hiye ta̱ makai Sodombo͡u Isipbo͡u yodele idi kaha̱ aliko͡u tilaguale. Sa hiye ke̱me dilie Hiye O hebe fufuguoma̱i̱ko͡u ikoke degele i sa ke̱.