Mogogou Ta̱ Hegi 17:18 - Godiha̱ Ta̱ Bolofei̱

¹⁸ Sasa̱i̱ na̱ dugu kaha̱ sibige̱be sa hiyedo. Sa hiyedo kaha̱ge sa sa olo͡u fe̱i̱ kaha̱ hiye o ke̱ wo͡u ma daladi.

Mogogou Ta̱ Hegi 17:18 ပူးပေါင်းရင်းမြစ်များ

Mogogou Ta̱ Hegi 16:19

Sa hiyedo Babilon bafolo͡u mo͡u, olo͡u fe̱i̱ kamadia degei. Sa sa hiyedo olo͡u fe̱i̱ne, moso̱ olo͡u fe̱i̱ biligisema mei degei. Damale̱do, midiho̱ kasaga̱i̱, sa hiye Babilon o sasa̱i̱ kedia̱ milo͡u ga idi ke̱me Godiha̱ge ta toto͡u degeli mei, e̱ kope gofo͟͡u hiyedo kaha̱ ama̱ma̱i̱ ke̱ sa ke̱ tie o sasa̱i̱ kedia̱moko͡u ne̱i̱mo͡u nala̱ i.

Mogogou Ta̱ Hegi 18:2

E̱ migilemo͡u, hili̱gedo ko͡u gue tobo͡u mo͡u du, Sa hiyedo Babilonbe makoma mei degei. Moso̱ olo͡u fe̱i̱ biligisema mei degei. O mei degeimo͡u, duo kasaga̱i̱ kedia̱no͡u dalagua. Sio kasaga̱i̱ kedia̱ die timo͡u degele i.

Mogogou Ta̱ Hegi 12:4

A̱ dugube, bei kagasio͡u kaha̱ e̱ suwaye agudio figi iloko͡u kuidiho̱ olo͡u fe̱i̱do ke̱ sa sibige̱ kuoko͡u kogosoumo͡u dugu. Kuidiho̱be agudileto͡u olo͡u fe̱i̱ kamadia kege kefeguo dogoguomo͡u, kefei bolo̱u̱be to͡u dalamo͡u kefei tabe olo͡u fe̱i̱do sa sibige̱ko͡u fiyasigei. Kegemo͡u, bei kagasio͡u kaha̱ge sasa̱i̱ kaha̱ dihi mala̱ fele̱i̱ba, wala nale̱yodemamo͡u e̱ midiho̱ko͡u dia tefelei.

Ta̱ Uwo Bolofe̱i̱ Lukha̱ Nala̱i̱ 2:1

Sawisiei kelegebe, sa Rom gamani hiye o, e̱ hu̱ Sisar Ogastusha̱ge gamani o kedia̱ o sasa̱i̱ olo͡u fe̱i̱ hu̱ so͟͡umabeede tobou.

Mogogou Ta̱ Hegi 11:8

Tofigieiba, dilie to͡u be sa hiye ta̱ makai Sodombo͡u Isipbo͡u yodele idi kaha̱ aliko͡u tilaguale. Sa hiye ke̱me dilie Hiye O hebe fufuguoma̱i̱ko͡u ikoke degele i sa ke̱.