Mogogou Ta̱ Hegi 14:7 - Godiha̱ Ta̱ Bolofei̱

⁷ E̱sol o kaha̱ hili̱gedo ko͡u gue tobo͡u mo͡u du, Godiko͡u gue̱ degeba, e̱ hayedu dalali, e̱ hu̱ hebele foguma, e̱ ta̱ salebe hafe̱i̱ degeli kaha̱ degeimo͡u. Agudiobo͡u, sa sibige̱bo͡u, to̱ dawalabo͡u, to̱ soubo͡u olo͡u fe̱i̱ milo͡u gai o koko͡u ni̱ yubu sugulo fiya duwoguali, diho̱ baga̱ tobo͡u mabeede tobou.

Mogogou Ta̱ Hegi 14:7 ပူးပေါင်းရင်းမြစ်များ

Mogogou Ta̱ Hegi 15:4

Godi na̱me tano͡u fe̱i̱, na̱no͡u si bolo̱do. O sasa̱i̱ olo͡u fe̱i̱ na̱moko͡u gue̱ degeba, ne̱ hayedu dalali, ne̱ hu̱ hebele fogulo ile. Sa sa olo͡u fe̱i̱ o sasa̱i̱ kedia̱ na̱moko͡u haguasie, yubu sugulo fiya duwoguali, diho̱ baga̱ tobolo͡u ile. Yobe, midiho̱ do̱u̱do, na̱ milo͡u gadi ke̱me tama̱ degei kaha̱ degeimo͡u.

Mogogou Ta̱ Hegi 11:18

Sa sa o sasa̱i̱, na̱moko͡u damale̱yodele ili mei kedia̱ gofo͟͡u degele idiye, ke̱no͡u si ne̱ gofo͟͡ube tama̱ degeli kehe̱. Na̱ tofigiei o sasa̱i̱ kedia̱ ta̱ salebe hafe̱i̱ degei kuhe̱. Na̱ge ne̱ dabai degele idi o kedia̱moko͡u hebe bolo̱do ke̱ ne̱mo͡u ile. O kedia̱me habage-degele-duguo-tobolo͡u-idi-o kedia̱. Damale̱do, ne̱ o sasa̱i̱ na̱moko͡u gue̱ degemo͡u, ne̱ hayedu dalaguadi kedia̱me ilo kelebe hu̱bo͡u, ilo kelebe hu̱bo͡u meiye, ke̱no͡u si na̱ ne̱ o sasa̱i̱ olo͡u fe̱i̱ kedia̱moko͡u hebe bolo̱do ke̱ nele̱. Haba o sa sibige̱ o sasa̱i̱ wodi kedia̱moko͡u be na̱ hebe kasaga̱i̱ ke̱ nele̱.

Mogogou Ta̱ Hegi 4:11

Na̱me bolo̱do. Na̱me ei Hiye O, ei Godi. O sasa̱i̱ olo͡u fe̱i̱ na̱moko͡u hoho̱bolo͡u ba, ne̱ hu̱ hebele foguoba, ne̱ hu̱be hiyedo folodoyodele ile. Yobe, bi olo͡u fe̱i̱ ifi dala ko͟͡ume na̱ no͟͡u ne̱ tagaiya ke̱no͡u milo͡u gai kaha̱ degeimo͡u.

Mogogou Ta̱ Hegi 11:13

Kelegeno͡u gigima hiyedo hagulugi, sa ilo tano͡u ta makoma, o sasa̱i̱ olo͡u fe̱i̱ 7,000 kege woma mei degei. Haba sa ilo olo͡u fe̱i̱ 9 kegebe bolo̱no͡u deleiguei. Kegeimo͡u, o sasa̱i̱ tofigili mei kedia̱ gue̱ hiyedo degemo͡u, hebeni Godiha̱ hu̱ hebele fogulo i.

Mogogou Ta̱ Hegi 18:10

Sa Babilon douye no̱u̱ba duguo gue̱ degeba, ahudo dege tafalaguali, ko͡u gue tobolo͡u ile, Ano͡u we, ano͡u we, sa hiyedo Babilon, solo͡u do hiyedo. Ne̱ hu̱ hiyedo deleiye, ke̱no͡u si hebe kasaga̱i̱ kaha̱ haguamo͡u, aso̱ diho̱ tano͡u fe̱i̱ kelegeno͡u douye ne̱ bima̱i̱ olo͡u fe̱i̱ ke̱ na̱ma mei degei.

Mogogou Ta̱ Hegi 16:9

O sasa̱i̱ aso̱ difi hiyedo kaha̱ simo͡u, dia̱ge Godiko͡u ta̱ bo͡u baga tobolo͡u i, e̱ degeiye do hiyedo dugulo iliyodemamo͡u. Ke̱no͡u si fi̱ boholo͡u ili mei, Godiko͡u hoho̱bolo͡u be dafa i.

Mogogou Ta̱ Hegi 4:9

Fi̱bo͡u bi doso͡u yosi kege kedia̱ o e̱ duwodi bolo̱do koto͡u duwo, yo͟͡u tofousogo kegeno͡u daladi koko͡u hoho̱bolo͡u mo͡u, e̱ hu̱ hebele foguomo͡u, bolofe̱i̱yode tobolo͡u no͡u dalaguamo͡u,

Dabai 14:15

mogo dia̱ma, ni̱ kageimo͡u kege degele iya? Elebe o nebe ni̱ saga̱i̱ degei. Ele hagua, ta̱ uwo bolofe̱i̱ ko͟͡u ni̱moko͡u tobolo͡u be, ni̱ ogo͡u gai godi, sibige̱ ta dala mei ke̱ to͡u fogo͡u ba, yo͟͡u kegeno͡u daladi Godiko͡u haguamabadomo͡u. Damale̱do Godi e̱me agudiobo͡u, sa sibige̱bo͡u, to̱ dawalabo͡u, bi olo͡u fe̱i̱ kodu dalagua ke̱bo͡u de milo͡u gai Godi.

Mogogou Ta̱ Hegi 19:5

Godiha̱ duwodi bolo̱do koko͡u ge, ta̱ uwo ta ko͡u gue toboumo͡u du, hu̱bo͡u obo͡u, hu̱bo͡u mei obo͡u, Godiha̱ dabai degele idi o sasa̱i̱, Godiko͡u gue̱ degemo͡u, e̱ hayedu dalaguadi, ni̱ge di Godiko͡u no͡u bolofe̱i̱yode tobo͡u ma.

Mogogou Ta̱ Hegi 8:10

Kegemo͡u, e̱sol o koma̱ kaha̱ e̱ kibi haguisoumo͡u, kuidiho̱ hiyedo disio mi sa̱ degei agudileto͡u duwodi ke̱ telema̱, sa ilo tano͡u ta to̱bo͡u, hue̱i̱ soubo͡u koko͡u fiyoumo͡u dugu. Haba to̱bo͡u, hue̱i̱ soubo͡u de sa ilo bolo̱u̱ kegebe bolo̱no͡u delei.

Ta̱ Uwo Bolofe̱i̱ Lukha̱ Nala̱i̱ 17:18

O ilo kedia̱me kadegeimo͡u boholo͡u ma̱ hagua, Godiha̱ hu̱ hebele foguyo mei? O sa a̱i̱ko͡u tie ko͟͡umaha̱no͡u si boholo͡u ma̱ hagua, Godiko͡u bolofe̱i̱yodili kuhe̱.

Mogogou Ta̱ Hegi 18:19

Kege tobo͡u ma, mihi̱ko͡u duotele̱ mo͟͡uma, dio͟͡u die widio tageto͡u hebeseleba, sa kaha̱ sihou gosoloba, haba hili̱gedo ko͡u gue tobolo͡u ile, Ano͡u we sa hiyedo. Bi moto͡u ladi mosole obo͡u kedia̱me sa hiyedo kaha̱ o sasa̱i̱ kedia̱ sele hiyedo mala̱ idi ke̱me olo͡u fe̱i̱ mei degei. Solo͡u do hiyedo, sa hiyedo ke̱me aso̱ diho̱ tano͡u fe̱i̱ kaha̱no͡u makoma mei degei.

Mogogou Ta̱ Hegi 18:17

Haba bima̱i̱ olo͡u fe̱i̱ ke̱me aso̱ diho̱ tano͡u fe̱i̱ kaha̱no͡u makoma mei degei. Mosole to͡u ma suluguadi obo͡u, bima̱i̱ tiga mo͟͡udi o mosoleya ke̱ suluguadi obo͡u, mosole kodu dabai degele idi obo͡u, mosole dabai degele idi o ilo kedia̱bo͡u olo͡u fe̱i̱ ahudo tafalaguali,

1 Pita 4:7

Uwage sawisiei ke̱ hafe̱i̱ degeli kaha̱ degemo͡u, ni̱ fi̱ gofo͟͡udo dege tawaleba, defe̱i̱do sulugualibe, Godiko͡u diho̱ baga̱ tobolo͡u no͡u suluguama.

Matyu 25:13

Kegei degemo͡u, Yesuha̱ e̱ dabai degedi o kedia̱moko͡u, ni̱ defe̱i̱do dia dalama, Hiye Oha̱ haguale sawisieibo͡u aso̱ diho̱bo͡u ke̱me ni̱ ta tewe mei kaha̱ degemo͡u.