Matyu 15:8 - Godiha̱ Ta̱ Bolofei̱

⁸ O sasa̱i̱ ko͟͡udia̱ge ma̱ hu̱be ta̱eno͡u hebele fogulo idi, ke̱no͡usi die fi̱be ahudo dalagua. A̱moko͡u ta dala mei.

Matyu 15:8 ပူးပေါင်းရင်းမြစ်များ

Dabai 8:21

Godiha̱ dihi̱le koko͡u be ne̱ fi̱be do̱u̱do mei kaha̱ degemo͡u, ele dabai ko͟͡u degelibe, na̱bo͡u degele mei.

1 Pita 3:10

Di tewe, O koyo na̱ bologua̱do dalale ke̱bo͡u, haba sawisiei bolofe̱i̱ dugulo ke̱bo͡u de tagaibabe, na̱ ta̱ kasaga̱i̱bo͡u, ogo͡u gai ta̱bo͡u de hobo͡u tobo͡u mo͡u siada.

Hibru 3:12

Mogo dia̱ma, ni̱o͡u tawaibo͡u. Ni̱ kile o taha̱ damale̱yodili mei, fima̱i̱ kasaga̱i̱bo͡u de dalali, Godi yo͟͡u kegeno͡u daladi o ke̱ tobeko͡u muguye.

Ta̱ Uwo Bolofe̱i̱ Jonha̱ Nala̱i̱ 1:47

Kegemo͡u, Yesuha̱ Nataniel hagumo͡u duguomo͡u tobou, o ke̱me Israel o bolo̱do. E̱me ogo͡u gai ta̱ tobo͡u diyo mei.

Matyu 15:7

Ni̱me ta̱eno͡u tobolo͡u idi o. Aisaiaha̱ habage tama̱ degele ke̱ toboube, e̱ ni̱moko͡uno͡u ko͡ugue tobolo͡umo͡u nala̱i̱,

Ta̱ Uwo Bolofe̱i̱ Makha̱ Nala̱i̱ 7:6

Yesuha̱ sima tobou, ni̱me ta̱eno͡u tobolo͡u idi o. Aisaiaha̱ habage tama̱ degele ke̱ toboube, e̱ ni̱moko͡u no͡u ko͡u gue tobolo͡u mo͡u nala̱i̱, O sasa̱i̱ ko͟͡udia̱ge ma̱ hu̱be ta̱eno͡u hebele fogulo idi, ke̱no͡u si die fi̱be ahudo dalagua. A̱moko͡u ta dala mei.

Ta̱ Uwo Bolofe̱i̱ Jonha̱ Nala̱i̱ 5:23

E̱ ke̱ degei kaha̱ yobe, o sasa̱i̱ kedia̱ Aye Godiha̱ hu̱ hebele fogulo idi saga̱i̱ ke̱no͡u tefele, e̱ Dihiha̱ hu̱ne hebele fogumabadomo͡u kuhe degei. O koyoha̱ Dihi kaha̱ hu̱ hebele fogu ho fogo͡u babe, Dihi ke̱ tobo͡u mo͡u haguei o kaha̱ hu̱ne ta hebele foguyo mei.