Matyu 13:31 - Godiha̱ Ta̱ Bolofei̱

³¹ Kegemo͡u, Yesuha̱ o kedia̱moko͡u haba ta̱ makai ta tobou, hebeni Hiye Oha̱ o sasa̱i̱ wolo͡u daladi midiho̱ ke̱me nale̱ mastet ho saga̱i̱ kegei, o taha̱ to͡uma ile, e̱ hebe haimiko͡u sogoma fogo͡u haguei.

Matyu 13:31 ပူးပေါင်းရင်းမြစ်များ

Matyu 17:20

Kegemo͡u, e̱ dia̱moko͡u tobou, ni̱ Godiko͡u damale̱yodili mei kaha̱. A̱ ni̱moko͡u damale̱do tobolo͡u kuhe̱. Ni̱ damale̱yodeibe nale̱ mastet ho saga̱i̱ huyadefe̱i̱ kegei dalali, bito̱u̱ kuoko͡u, na̱ kugule teguo ile dalayede tobo͡u babe, bito̱u̱ ko͟͡umaha̱ awouba dugulo ile. Damale̱do, ni̱ Godiko͡u damale̱yodema, kage kage degelaba degeibabe, ni̱ sasale degeleno͡u.

Ta̱ Uwo Bolofe̱i̱ Lukha̱ Nala̱i̱ 17:6

E̱ dia̱moko͡u tobou, ni̱ damale̱yodeibe nale̱ mastet ho saga̱i̱ huyadefe̱i̱ kegei dalali, ni̱ hebe ko͟͡u tafala ke̱ tobo͡u ba, e̱ duloba, e̱ tefe tegilema̱ fele̱ ile, to̱ hiye kaha̱ duledu tafalaba duguloyode tobou.

Matyu 13:24

Kegemo͡u, Yesuha̱ o kedia̱moko͡u haba ta̱ makai ta ko͡ugue tobou, hebeni Hiye Oha̱ o sasa̱i̱ wolo͡u daladi ke̱me, o taha̱ e̱ hebe haimiko͡u ile, nale̱ hou bolo̱do sogogai saga̱i̱ ke̱no͡u tefei.

Ta̱ Uwo Bolofe̱i̱ Lukha̱ Nala̱i̱ 20:9

Yesuha̱ o sasa̱i̱ kedia̱moko͡u ta̱ makai ko͡u gue tobou, o taha̱ e̱ hebe haimiko͡u hebe hou sogogama, o ilo kedia̱moko͡u e̱ hebe hai ke̱ heliofe̱i̱ nele̱mo͡u, makisi degemabeede tobou. E̱ hebe kolo ilo kelebe e̱ biyode tobo͡u ma, sa ahudo kuhe fogo͡u i. Folomo͡u, sa kele hiyedo delei.

Ta̱ Uwo Bolofe̱i̱ Lukha̱ Nala̱i̱ 19:11

O sasa̱i̱ kedia̱ Yesuha̱ ta̱ ke̱ tobo͡u mo͡u dulo dalaguamo͡u, e̱ ta̱ makai ta dia̱moko͡u tobou. Yobe, e̱ ile, sa Jerusalem hafe̱i̱ dege dalamo͡u, o sasa̱i̱ kedia̱ tawale ibe, Godiha̱ wolo͡u daladi sabe wa, kelegeno͡u tama̱ degeleyade tawale i kaha̱ degemo͡u.