Ta̱ Uwo Bolofe̱i̱ Lukha̱ Nala̱i̱ 8:10 - Godiha̱ Ta̱ Bolofei̱

¹⁰ E̱ dia̱moko͡u ko͡u gue tobou, Godiha̱ o sasa̱i̱ wolo͡u daladi kaha̱ sibige̱ ke̱me ni̱ tawamabadomo͡u yo͟͡u ni̱moko͡u ko͡u hegi, mogogou ta dala mei. O damale̱yodele ili mei kedia̱no͡u si ta̱ makaino͡u dudi, ta̱ sibige̱ ta dudiyo mei. Ke̱me ko͡u gue nala̱i̱ dala, Kegeligi, diho̱ye duguoba, tawale iye domo͡u. Ta̱ duloba, ta̱ kaha̱ sibige̱ ta tawale iye domo͡u. Aisaia 6:9

Ta̱ Uwo Bolofe̱i̱ Lukha̱ Nala̱i̱ 8:10 ပူးပေါင်းရင်းမြစ်များ

Ta̱ Uwo Bolofe̱i̱ Makha̱ Nala̱i̱ 4:11

Yesuha̱ o kedia̱moko͡u tobou, Godiha̱ o sasa̱i̱ wolo͡u daladi kaha̱ sibige̱ ke̱me ni̱ tawamabadomo͡u yo͟͡u ni̱moko͡u ko͡u hegi, mogogou ta dala mei. O damale̱yodele ili mei kedia̱no͡u si ta̱ makaino͡u dudi, ta̱ sibige̱ ta dudiyo meiyode tobou.

Matyu 11:25

Kelegebe, Yesuha̱ ko͡u gue tobou, Aye, na̱me agudiobo͡u sa sibige̱bo͡u olo͡u fe̱i̱ kaha̱ Hiye O. A̱ na̱moko͡u bolofe̱i̱yode tobolo͡u. Yobe, ne̱ nele̱ ke̱me tewebo͡u fima̱i̱bo͡u hiyedo o kedia̱moko͡u hehegili mei, haba o sasa̱i̱ dio͟͡usie dihi saga̱i̱ dege dalagua kedia̱moko͡u no͡u hehegiei kaha̱ degemo͡u.

Kolosi 2:2

A̱ dabai ke̱ degedi kaha̱ yobe ko͡u gue, ni̱ olo͡u fe̱i̱ nele̱do dege dalali, fi̱ tano͡u degeba, ni̱o͡u sie yogoko͡u solo͡u do degeiba solo͡u do degeiba demabadomo͡u. A̱ tagalibe, ni̱ fima̱i̱ bolo̱ ke̱bo͡u, tewe hiyedo ke̱bo͡u de mo͟͡umaba, Godiha̱ ta̱ mogogou kaha̱ sibige̱ ke̱me ni̱ tawamabadomo͡u. Ta̱ kaha̱ sibige̱be Kelesu e̱no͡u.

EgeiPolha̱ Sa Rom O Kedia̱moko͡u Nala̱ma Ne̱i̱ 16:25

Godiha̱ degeiyeno͡u si ni̱ damale̱yodeibe nele̱do degele. Ta̱ uwo bolofe̱i̱, a̱ tobo͡u di kaha̱ge kegeno͡u hehegiedi. Yesu Kelesuha̱ degei kaha̱ ta̱ ke̱me afuge mogogou deleiye,

Matyu 16:17

Kegemo͡u, Yesuha̱ tobou, Jonha̱ dihi Saimon, na̱ hoho̱bolo͡u no͡u. Yobe, na̱ ta̱ ko͟͡u tobolo͡u ke̱me na̱moko͡u be o tae ta hegili mei, na̱moko͡u be ma̱ Aye hebenito͡u duwo kaha̱no͡u hegi kaha̱ degemo͡u.

1 Timoti 3:16

Di tewe, Godiha̱ midiho̱be sibige̱ hiyedo folodo. Ta̱ e̱ dimoko͡u hehegiedi kaha̱ sibige̱be ko͡u gue, E̱me damale̱do o baga tama̱ degeimo͡u, o sasa̱i̱ye dugulo i. Duo Bolofe̱i̱ha̱ge e̱me midiho̱ do̱u̱dono͡u milo͡u di oyodemo͡u hegi. E̱ tama̱ degeimo͡u, e̱sol o kedia̱ne dugulo i. E̱ degegai ke̱ oe sa sa obiyei kedia̱moko͡u hehegiemo͡u suluguei. Sa sibige̱ o sasa̱i̱ kedia̱ e̱moko͡u damale̱yodele i. E̱ hebeni hoho̱ko͡u folomo͡u, hu̱ hiyedo ke̱ mo̱u̱.

1 Korin 12:11

Duo Bolofe̱i̱be tano͡u fe̱i̱ye, ke̱no͡u si e̱ degeiyeno͡u, dabai kegele i olo͡u fe̱i̱be tama̱ degeimo͡u dugudi. E̱ yo͟͡u e̱ tagaiya ke̱no͡u e̱ dede̱i̱ olo͡u fe̱i̱ ke̱ damale̱yodele i o sasa̱i̱ kedia̱moko͡u fimo͡u i dala kuhe̱.

Ta̱ Uwo Bolofe̱i̱ Jonha̱ Nala̱i̱ 12:40

Godiha̱ degeiye, dia̱me diho̱ du degei, die fi̱be hili̱gido dalagua. Kegeligi, die diho̱ye duguo, sibige̱ tawaleba, fi̱ boholo͡u a̱moko͡u haguasieiba, a̱ bologuo̱u̱ba, bolo̱ degele iye domo͡u. Aisaia 6:10

Ta̱ Uwo Bolofe̱i̱ Makha̱ Nala̱i̱ 4:12

Kegemo͡u, afu o taha̱ ko͡u gue nala̱i̱ dala, Ko͡u duguloye, ke̱no͡u si sibige̱ ta dugulo ile mei. Ko͡u duloye, ke̱no͡u si sibige̱ ta tawale ile mei. Kegeligi, fi̱ boholo͡u iba, Godiha̱ midiho̱ kasaga̱i̱ dia̱ milolo͡u idi ke̱ gebe meiyodeiye domo͡u. Aisaia 6:9-10