Ta̱ Uwo Bolofe̱i̱ Lukha̱ Nala̱i̱ 24:4 - Godiha̱ Ta̱ Bolofei̱

⁴ Fi̱ hiyedo maga dalaguali dugube, o bolo̱u̱ dilie hafe̱i̱ dege tafalaguamo͡u dugu. Dilie yukuei ka̱i̱be fo̱ degei hoho̱ hiyedo dugu.

Ta̱ Uwo Bolofe̱i̱ Lukha̱ Nala̱i̱ 24:4 ပူးပေါင်းရင်းမြစ်များ

Ta̱ Uwo Bolofe̱i̱ Makha̱ Nala̱i̱ 16:5

Dia̱ ulou dai kodu muguamo͡u dugube, o gisiai ta yukuei fo̱ degei sasado ke̱ ka̱i̱ dobogo͟͡u deleko͡u duwomo͡u duguo kesigile i.

Dabai 1:10

Fogo͡u imo͡u, dia̱ agudileto͡u baha tafalaguamo͡u, o bolo̱u̱ ta toto tama̱ degemo͡u, dia̱bo͡u de tefeleiguei. O bolo̱u̱ ke̱dilie yukueibe fo̱ degele i dugulo i.

Ta̱ Uwo Bolofe̱i̱ Lukha̱ Nala̱i̱ 2:9

Hiye Oha̱ e̱sol o kaha̱ dia̱moko͡u tama̱ degeimo͡u, Hiye Oha̱ hoho̱ kaha̱ dia̱ sile̱mo̱u̱mo͡u, dia̱ gue̱ hiyedo degele i.

Ta̱ Uwo Bolofe̱i̱ Lukha̱ Nala̱i̱ 24:5

Sasa̱i̱ kedia̱ o bolo̱u̱ ke̱dilie duguomo͡u, gue̱ degemo͡u, yubu sugulo fiya, miye duwoguamo͡u, o bolo̱u̱ ke̱dilie dia̱moko͡u yodu, ni̱me o gehe̱ dege ko͡u hagua̱ma i ke̱me kagemo͡u o tei wida i sa kuoko͡u dugulamo͡u hagua ka iya?

Dabai 12:7

Kelegeno͡u, Hiye Oha̱ e̱sol o taha̱ didio̱ moso̱ kodu totono͡u tama̱ degeimo͡u, hoho̱ hiyedo hoho̱gu. Pita tilamo͡u e̱sol o kaha̱ e̱ figiko͡u kuguo tiliguomo͡u, na̱ toto hagua̱yede tobo͡u mo͡u, tigi nele̱do, e̱ dobogo͟͡u tigei ke̱ kusiama, mihi̱ko͡u fiyasigei.

1 Timoti 3:16

Di tewe, Godiha̱ midiho̱be sibige̱ hiyedo folodo. Ta̱ e̱ dimoko͡u hehegiedi kaha̱ sibige̱be ko͡u gue, E̱me damale̱do o baga tama̱ degeimo͡u, o sasa̱i̱ye dugulo i. Duo Bolofe̱i̱ha̱ge e̱me midiho̱ do̱u̱dono͡u milo͡u di oyodemo͡u hegi. E̱ tama̱ degeimo͡u, e̱sol o kedia̱ne dugulo i. E̱ degegai ke̱ oe sa sa obiyei kedia̱moko͡u hehegiemo͡u suluguei. Sa sibige̱ o sasa̱i̱ kedia̱ e̱moko͡u damale̱yodele i. E̱ hebeni hoho̱ko͡u folomo͡u, hu̱ hiyedo ke̱ mo̱u̱.