Ta̱ Uwo Bolofe̱i̱ Lukha̱ Nala̱i̱ 2:51 - Godiha̱ Ta̱ Bolofei̱

⁵¹ Kegemo͡u, e̱ diliebo͡u de sa Nasaretko͡u boholo͡u ma̱ ile felei. Diliebo͡u de dalali, dilie ta̱ tobo͡u mo͡u dulo milolo͡u delei. Ke̱no͡u si e̱ adio͡u ha̱ge e̱ dugugai olo͡u fe̱i̱ ke̱me e̱ duledu sagiemo͡u fima̱i̱.

Ta̱ Uwo Bolofe̱i̱ Lukha̱ Nala̱i̱ 2:51 ပူးပေါင်းရင်းမြစ်များ

Ta̱ Uwo Bolofe̱i̱ Lukha̱ Nala̱i̱ 2:19

Ke̱no͡u si, Mariaha̱ge ta̱ dia̱ tobolo͡u ili ke̱me e̱ duledu sagiemo͡u fidi.

Ta̱ Uwo Bolofe̱i̱ Makha̱ Nala̱i̱ 6:3

O ko͟͡ume moso̱ togodi oyode tobolo͡u i. E̱me Mariaha̱ dihi, Jemsbo͡u Josepbo͡u Judasbo͡u Saimonbo͡u kedia̱ die eye̱. E̱ bobasi dia̱ne dibo͡u de ko͡u le dalagua. Moso̱ma̱ o sasa̱i̱ kedia̱ kege tobolo͡u mo͡u Yesu dafa i.

1 Pita 2:21

Ni̱ dowoye, Kelesu e̱ hagi̱ hiyedo dugu kaha̱ degemo͡u, Godiha̱ ni̱ne hagi̱ dugumabeedema haguisai. Hagi̱, Kelesuha̱ dugu ke̱me yo͟͡u ni̱moko͡u hegi, ni̱ne tawaleba sesemabadomo͡u.

Matyu 3:15

Yesuha̱ tobou, a̱ na̱moko͡u yodube bolo̱. Godiha̱ tagali ke̱ da degelebe do̱u̱doyode tobou. Kegemo͡u, Yesuha̱ yodu ke̱me Jonha̱ degei.

Efesus 5:21

Ni̱ge Kelesube ni̱ Hiye Odade tawaleba, ni̱ tano͡u tano͡u be Godiha̱ o sasa̱i̱ ilo kedia̱ hayedu dalaguama.

Ta̱ Uwo Bolofe̱i̱ Lukha̱ Nala̱i̱ 2:39

Maria dilie Josep dilie Hiye Oha̱ kuolo͡u ta̱e tobou kege degema mei degeimo͡u, boholo͡u ma̱ ya, dilie sa Nasaret sa Galili duo koko͡u fologai.

Matyu 12:46

Yesube o sasa̱i̱ kedia̱moko͡u egei tobolo͡u dalamo͡u, e̱ adio͡ubo͡u e̱ mala̱ dia̱bo͡u kedia̱ e̱bo͡u ta̱ kalamo͡u haguasie, mihi̱ko͡u baha tefeleiguei.

Ta̱ Uwo Bolofe̱i̱ Makha̱ Nala̱i̱ 1:9

Kelege Yesu e̱ sa Nasaret sa Galili duo ke̱ to͡u fogo͡u ile foloumo͡u, e̱me Jonha̱ to̱ Jordanko͡u fafeleya degei.

Ta̱ Uwo Bolofe̱i̱ Lukha̱ Nala̱i̱ 4:16

Yesu e̱ sa Nasaretko͡u i. E̱ dihife̱i̱ kelegebe, sa koko͡u dalali hiye degei. Folomo͡u, misiholo duwodi sawisiei kelegebe, yo͟͡u ko͡u degedi saga̱i̱ ke̱no͡u tefele, egei moso̱ko͡u folo duwei. Duwo dema, e̱ Godiha̱ ta̱ huso͡u la̱mo͡u hagua̱i̱.

Ta̱ Uwo Bolofe̱i̱ Lukha̱ Nala̱i̱ 4:23

Kegeimo͡u, Yesuha̱ dia̱moko͡u ko͡u gue tobou, a̱ tawalibe, obe tobo͡u di saga̱i̱ kegeno͡u ni̱ge a̱moko͡u ne ko͡u gue tobolo͡u ile saga̱i̱, Medigo, na̱ no͟͡usie bologuo̱u̱ba bolo̱ degeyedele. Ei na̱ sa Kaperneamko͡u ge degeiyode tobo͡u mo͡u dulo i saga̱i̱ ke̱no͡u tefele no͟͡une sabe kuoko͡u ne degeiba, ei duguo tawale ileyode tobolo͡u ile saga̱i̱ degei.

Ta̱ Uwo Bolofe̱i̱ Lukha̱ Nala̱i̱ 18:37

Sa Nasaret o Yesu haguluyode tobolo͡u i.