Ta̱ Uwo Bolofe̱i̱ Jonha̱ Nala̱i̱ 20:28 - Godiha̱ Ta̱ Bolofei̱

²⁸ Kege tobo͡u mo͡u, Tomasha̱ge na̱me ma̱ Hiye O, ma̱ Godiyode tobou.

Ta̱ Uwo Bolofe̱i̱ Jonha̱ Nala̱i̱ 20:28 ပူးပေါင်းရင်းမြစ်များ

Ta̱ Uwo Bolofe̱i̱ Jonha̱ Nala̱i̱ 1:1

Afudo, Godiha̱ bi ta milo͡u li mei kelegebe, Ta̱ Bolo̱do ke̱me yo͟͡u kegeno͡u delei. Ta̱ ke̱me Godibo͡u de delei. Haba Ta̱ ke̱no͡u be e̱me Godi.

1 Timoti 3:16

Di tewe, Godiha̱ midiho̱be sibige̱ hiyedo folodo. Ta̱ e̱ dimoko͡u hehegiedi kaha̱ sibige̱be ko͡u gue, E̱me damale̱do o baga tama̱ degeimo͡u, o sasa̱i̱ye dugulo i. Duo Bolofe̱i̱ha̱ge e̱me midiho̱ do̱u̱dono͡u milo͡u di oyodemo͡u hegi. E̱ tama̱ degeimo͡u, e̱sol o kedia̱ne dugulo i. E̱ degegai ke̱ oe sa sa obiyei kedia̱moko͡u hehegiemo͡u suluguei. Sa sibige̱ o sasa̱i̱ kedia̱ e̱moko͡u damale̱yodele i. E̱ hebeni hoho̱ko͡u folomo͡u, hu̱ hiyedo ke̱ mo̱u̱.

Matyu 14:33

O mosole foudu duweguei kedia̱ ke̱ duguomo͡u, e̱moko͡u yubu sugulo fiya duwoguali, na̱me damale̱do Godiha̱ Dihiyode tobolo͡u i.

Ta̱ Uwo Bolofe̱i̱ Jonha̱ Nala̱i̱ 5:23

E̱ ke̱ degei kaha̱ yobe, o sasa̱i̱ kedia̱ Aye Godiha̱ hu̱ hebele fogulo idi saga̱i̱ ke̱no͡u tefele, e̱ Dihiha̱ hu̱ne hebele fogumabadomo͡u kuhe degei. O koyoha̱ Dihi kaha̱ hu̱ hebele fogu ho fogo͡u babe, Dihi ke̱ tobo͡u mo͡u haguei o kaha̱ hu̱ne ta hebele foguyo mei.

Ta̱ Uwo Bolofe̱i̱ Lukha̱ Nala̱i̱ 24:52

Fogo͡u imo͡u, dia̱ yubu sugulo fiya duwoguali, e̱moko͡u diho̱ baga̱ tobolo͡u i. Hoho̱bolo͡u ma̱, sa Jerusalemko͡u boholo͡u ma̱ fogo͡u yai.

Ta̱ Uwo Bolofe̱i̱ Jonha̱ Nala̱i̱ 20:16

Kege tobo͡u mo͡u, Yesuha̱ e̱ hu̱ so̱u̱, Maria deimo͡u, e̱ haba boholo͡u mo͡u Hibru ta̱e Rabonai de tobou. Ta̱ kaha̱ sibige̱be Tisa Hiye.

Ta̱ Uwo Bolofe̱i̱ Jonha̱ Nala̱i̱ 20:31

Midiho̱ gehe̱ gehe̱ milo͡u gai ke̱ nala̱gai kaha̱ yobe ko͡u gue, ni̱ge Yesu e̱me Godiha̱ Dihi, Godiha̱ makai o Kelesudade tawamabadomo͡u . Ni̱ e̱moko͡u damale̱yodebabe, e̱ hu̱ya ke̱ fi̱ tofousogo tofousogo kegeno͡u tofolo͡u ke̱ molo͟͡u.

Ta̱ Uwo Bolofe̱i̱ Jonha̱ Nala̱i̱ 20:27

Kele tafalali, Tomasko͡u tobou, na̱ hagua, ma̱ dobogo͟͡uko͡u ne̱ dobogo͟͡u doso͡u ye muguo dugu. Haba, ne̱ dobogo͟͡uye ma̱ figiko͡u ne muguo dugu. Na̱ hobo͡u fi̱ bolo̱u̱ degeda, a̱moko͡u no͡u damale̱yode.

Ta̱ Uwo Bolofe̱i̱ Jonha̱ Nala̱i̱ 20:29

Kegemo͡u, Yesuha̱ e̱moko͡u, na̱me a̱ duguomo͡u kuhe damale̱yodili. Ke̱no͡u si o a̱ duguli mei damale̱yodele i kedia̱me hoho̱bo͡u mabeede tobou.