Ta̱ Uwo Bolofe̱i̱ Jonha̱ Nala̱i̱ 17:12 - Godiha̱ Ta̱ Bolofei̱

¹² A̱ dia̱bo͡u de dala ko͡u legebe, a̱ge dia̱me hu̱ na̱ a̱moko͡u ne̱i̱ kaha̱ dia daladi. Tano͡u ta fogo͡u li mei. O tano͡u si a̱ to͡u fogo͡u mo͡u, e̱ yo͟͡usie makoloyadomo͡u fogo͡u i. Yobe, Godiha̱ kuguoko͡u nala̱i̱ dala ke̱me damale̱do tama̱ degeyadomo͡u.

Ta̱ Uwo Bolofe̱i̱ Jonha̱ Nala̱i̱ 17:12 ပူးပေါင်းရင်းမြစ်များ

Ta̱ Uwo Bolofe̱i̱ Jonha̱ Nala̱i̱ 18:9

E̱ kege tobou kaha̱ yobe, afu e̱ o na̱ a̱moko͡u makai kedia̱me, a̱ge tano͡u ta to͡u fogo͡u li meiyode tobou. Ke̱me damale̱do tama̱ degeyadomo͡u kuhe tobou.

Ta̱ Uwo Bolofe̱i̱ Jonha̱ Nala̱i̱ 13:18

A̱ge ni̱ olo͡u fe̱i̱do tobo͡u yo mei. O a̱ makama̱ fogou kedia̱me a̱ tewe. Ke̱no͡u si Godiha̱ kuguoko͡u nala̱i̱ dala ke̱me damale̱do tama̱ degele. Ta̱ ke̱me ko͡u gue, Ni̱ o ta abo͡u de o͡u nala̱ duwo kaha̱ge ma̱ widileto͡u e̱ abogo͟͡utiye tofogo͡u ba makolo. Buk Song 41:9

Ta̱ Uwo Bolofe̱i̱ Jonha̱ Nala̱i̱ 6:37

Aye Godiha̱ a̱moko͡u makai o sasa̱i̱ kedia̱me a̱moko͡u haguasile. O koyoha̱ a̱moko͡u hagubabe, a̱ge o ke̱me ta igile mugulo mei.

1 Jon 2:19

O kedia̱me afuge dibo͡u de ko͡u deleigueiye, haba dia̱ di to͡u fogo͡u fogo͡u yai. Ke̱no͡u si dia̱me di soso͡u do dege deleigueli mei. Di soso͡u do delei debabe, ifine dibo͡u de dalagua. Dia̱ di to͡u fogo͡u fogo͡u yai kaha̱ degemo͡u, dige dia̱me di bi meiyode tawale ili.

Dabai 1:25

Judas e̱me di dabai ke̱ to͡u fogo͡u, sa yo͟͡u dalale saga̱i̱ koko͡u fogo͡u i. O koyoha̱ e̱ timo͡u ke̱ mala̱ba, ta̱-bolofe̱i̱-mala̱-siadi-o degele ke̱ eimoko͡u hegiyedema diho̱ baga̱ tobolo͡u i.

2 Tesalonaika 2:3

Ogo͡u gai ta̱ ke̱ duloba damale̱yodedama. Hiye Oha̱ hagualebe mogogo͡u haguale mei. E̱ hagualaba degeibabe, kelege o sasa̱i̱ su̱do Godi tobeko͡u mugulo ile. Godi tobeko͡u muguoba ibe deba, kuolo͡u ta̱ gobo͡u di widio o ke̱ kuhe tama̱ degele. O ke̱me Godiha̱ makoma mei degeleyodema makai dala.

Hibru 2:13

Haba tobou, A̱ge na̱ degegaleyode tobou ke̱me degeiba dugulaba baha duwoloyodei. Aisaia 8:17 Haba tabe, A̱me kuhe̱. Godi ne̱ sisigo̱, no͟͡u a̱moko͡u ne̱i̱ kedia̱me a̱bo͡u de dalaguayodei. Aisaia 8:18

Ta̱ Uwo Bolofe̱i̱ Jonha̱ Nala̱i̱ 17:6

Yesuha̱ haba ko͡u gue diho̱ baga̱ tobou, A̱ge ne̱ hu̱be sa sibige̱ o sasa̱i̱ na̱ a̱moko͡u ne̱i̱ kedia̱moko͡u ko͡u hehegiei. Dia̱me ne̱ o, na̱ a̱moko͡u ne̱i̱mo͡u, dia̱ ne̱ ta̱ defe̱i̱do dulo sesele i.

Filipai 2:9

Kegei kaha̱ degemo͡u, Godiha̱ e̱me to͡u gulido mala̱ folomo͡u, e̱moko͡u hu̱ bolo̱do ta, hu̱ ilo kele gabama feleido ke̱ ne̱i̱.

Mogogou Ta̱ Hegi 19:12

E̱ diho̱be douye wobolo͡u saga̱i̱ kegei dugu. E̱ widileto͡u be hiye o kedia̱ heti su̱do kai dalaguamo͡u dugu. E̱ to͡u guebo͡u be hu̱ ta nala̱i̱ dalamo͡u dugu. Hu̱ ke̱me yo͟͡uno͡u tewe. O tae tewe mei.