Ta̱ Uwo Bolofe̱i̱ Jonha̱ Nala̱i̱ 12:13 - Godiha̱ Ta̱ Bolofei̱

¹³ Dulomo͡u ya, fagai guo saga̱i̱ ke̱ diafigima to͡u mamo͡u, Yesu gelegulamo͡u aba yai. Yolugi hili̱gedo ko͡u gue totobo͡u mo͡u yai, Di hoho̱bo͡u me. Hiye Oha̱ hu̱ya ke̱ hagulu o ke̱me Godiha̱ dogo͡u guyedeibasi. Buk Song 118:26 E̱me Israel o sasa̱i̱ di Hiye O.

Ta̱ Uwo Bolofe̱i̱ Jonha̱ Nala̱i̱ 12:13 ပူးပေါင်းရင်းမြစ်များ

Mogogou Ta̱ Hegi 15:3

Dia̱ tafalaguali, Wai Sipsip Wili kaha̱ die̱, Godiha̱ dabai degedi o Mosesha̱ afu ko͡u gue fei ke̱ feile imo͡u du, Hiye O Godi, ne̱ nele̱be hiyedo folodo. Na̱ dabai hiyedo degegoumo͡u be, ei duguomo͡u kesigile idi. Na̱me sa sa o sasa̱i̱ kedia̱ wolo͡u daladi o. Ne̱ midiho̱ olo͡u fe̱i̱be do̱u̱dono͡u, damale̱dono͡u. Ta̱ na̱ tobo͡u dibe, damale̱do ta̱ ke̱no͡u tobo͡u di.

Mogogou Ta̱ Hegi 7:9

Kegemo͡u, a̱ haba o sasa̱i̱ kefei su̱do hu̱ solo͟͡u hobogolo͡u saga̱i̱ mei, sa sa olo͡u fe̱i̱ o sasa̱i̱bo͡u, obiyei olo͡u fe̱i̱bo͡u, kolo gehe̱ gehe̱bo͡u, ta̱ gehe̱ gehe̱ tobo͡u di o sasa̱i̱bo͡u olo͡u fe̱i̱ kefema duwodi bolo̱do koto͡u duwodi Hiye Obo͡u, Wai Sipsip Wilibo͡u dilie midiho̱ko͡u tafalaguamo͡u dugu. Dia̱me yukuei fo̱ degei ke̱ ka̱ imamo͡u, fagai guo saga̱i̱ ke̱ tolo͡u i dugu.

Ta̱ Uwo Bolofe̱i̱ Jonha̱ Nala̱i̱ 1:49

E̱ tobou, Tisa Hiye, na̱me Godiha̱ Dihi. Na̱me Israel o sasa̱i̱ ei Hiye O.

Matyu 23:39

Ni̱ duma, a̱ ni̱moko͡u tobolo͡u kuhe̱, ni̱ge a̱me haba ta dugulo mei dalaguali, habage ni̱, Hiye Oha̱ hu̱ya ke̱ hagulu o ke̱me Godiha̱ dogo͡u guyedeibasi. Buk Song 118:26

Ta̱ Uwo Bolofe̱i̱ Jonha̱ Nala̱i̱ 19:15

Ke̱no͡u si o kedia̱ ta̱ digio dege tobolo͡u i, mala̱ ile, hebe fufuguoma̱i̱ko͡u ikoke degeyedele i. Pailatha̱ yodu, a̱ ni̱ hiye o ko͟͡u de ikoke degele? Mogo͡u du dalaguadi hiye o kedia̱ ko͡u gue tobolo͡u i, ei hiye obe ta dala mei, tano͡u fe̱i̱ sa Rom o Sisarno͡u.

Mogogou Ta̱ Hegi 19:16

Hiye Oha̱ e̱ yukuei ka̱i̱ koko͡u bo͡u, e̱ misie̱ko͡u bo͡u koko͡u be hu̱ ko͡u gue nala̱i̱ dugu. hiye o olo͡ufe̱i̱ kedia̱, die hiye o. haba gamani hiye o kedia̱, die hiye o.

Ta̱ Uwo Bolofe̱i̱ Jonha̱ Nala̱i̱ 12:15

Sa Saion tie o sasa̱i̱ ni̱ hobo͡u gue̱ degedama. Duguma, ni̱ Hiye Obe wai do̱ki wili kaha̱ tageto͡u folomo͡u haguluyode tobou. Sekaraia 9:9

Matyu 27:42

E̱ge o ilo kelebe ko͡u dogo͡u gudiye, ke̱no͡u si yo͟͡usiebe ta dogo͡u guyo mei. O ko͟͡ume Israel o kedia̱ hiye o, e̱ hebe fufuguoma̱i̱ to͡u fogo͡u migibasi, di duguoba damale̱yodele ile.

Ta̱ Uwo Bolofe̱i̱ Jonha̱ Nala̱i̱ 12:14

Kegemo͡u, o tae wai do̱ki ta wolo͡u hagumo͡u, Yesuha̱ koto͡u folo bilomo͡u i. Wai do̱ki tageto͡u bilomo͡u i ke̱me Godiha̱ kuguoko͡u ko͡u gue nala̱i̱ dala,