Ta̱ Uwo Bolofe̱i̱ Jonha̱ Nala̱i̱ 11:11 - Godiha̱ Ta̱ Bolofei̱

¹¹ E̱ kege tobo͡u mamo͡u, e̱ dabai degedi o kedia̱moko͡u haba ko͡u gue tobou, di mogo Lasarusbe tiei tila. Tiei kaha̱ degeimo͡u, a̱ ile tiliguba, e̱ hagua̱le.

Ta̱ Uwo Bolofe̱i̱ Jonha̱ Nala̱i̱ 11:11 ပူးပေါင်းရင်းမြစ်များ

Ta̱ Uwo Bolofe̱i̱ Jonha̱ Nala̱i̱ 11:13

Yesuha̱ Lasarusbe tolo iyode tobolo͡u ke̱me dia̱ge ta tawale ili mei. Dia̱ tawaibe Lasarusbe yogo͡u gua tiei tobolo͡u yade tawale i.

1 Tesalonaika 5:10

Di dowoye, Yesu e̱ tolo i kaha̱ degeimo͡u, di tei debane, teli mei debane, dibe e̱bo͡u de dogo͡u guo dalaguale.

1 Korin 15:51

A̱ ni̱moko͡u tobo͡u ladi ko͟͡ume mogogou ta̱. Ni̱ duma. Di olo͡u fe̱i̱ tofigile mei, ke̱no͡u si di to͡u olo͡u fe̱i̱ boholo͡u ba, to͡u gehe̱ dege dalaguale.

Dabai 7:60

E̱ yubu sugulo fiya duwoli, nele̱do dege tobou, Hiye O, midiho̱ kasaga̱i̱ ko͟͡u milolo͡u ili kaha̱ hebe ke̱me, na̱ge dia̱moko͡u hobo͡u ne̱dayede tobo͡u mamo͡u, e̱ kuhe tolo i.

Matyu 27:52

Tofigiei widagai a so͟͡useimo͡u, Godiha̱ o sasa̱i̱ afu tofigiei su̱do kedia̱ hagua̱ma,

Efesus 5:14

Hoho̱ kaha̱ bi tako͡u hoho̱gumo͡u be, di bi ke̱ dugudi. Kegei kaha̱ degemo͡u, kuguo ta koko͡u be ko͡u gue nala̱i̱ dala, O koyo na̱ tiei dala debabe, na̱ hagua̱. Na̱ widaimiko͡u ge haguo̱u̱babe, Kelesuha̱ e̱ hoho̱ kaha̱ na̱moko͡u hoho̱gulo.

Ta̱ Uwo Bolofe̱i̱ Makha̱ Nala̱i̱ 5:39

Fologamo͡u, Yesuha̱ ile folo, o sasa̱i̱ kedia̱moko͡u tobou, ni̱ kageimo͡u gosolo uwo hiye ko͟͡u degeiya? Dihi ko͟͡ume teli mei, e̱me tiei tilayode tobou.

Matyu 9:24

E̱ dia̱moko͡u tobou, ni̱ fogo͡u ima. Sasa̱i̱ dihi ko͟͡ume teli mei, e̱me tiei tilayode tobou. Ke̱no͡u si dia̱ e̱moko͡u yilo̱ i.

Jems 2:23

Godiha̱ kuguoko͡u be ko͡u gue nala̱i̱ dala, Abraham e̱me Godiko͡u damale̱yodei kaha̱ degemo͡u, Godiha̱ge e̱me do̱u̱do oyode tobou. Stat 15:6 Kegema, Godiha̱ge Abrahambe ma̱ mogoyodei. Damale̱do, Abrahamha̱ e̱ dihibe Godiko͡u ne̱i̱ kaha̱, Godiha̱ ta̱, kuguoko͡u nala̱i̱ dala ke̱me damale̱do kuhe tama̱ degei.

1 Korin 15:34

Toto͡u degedama. Bologua̱do fima̱ba, midiho̱ kasaga̱i̱ ni̱ milo͡u gadi ke̱ olo͡u fe̱i̱ to͡u fogo͡u ma. Ni̱ o ilo kedia̱me Godibe tawale iyo mei. A̱ ko͟͡ume ni̱ sidifi degemabadomo͡u tobolo͡u.

1 Korin 15:18

Kegei debabe, Kelesuko͡u damale̱yodele i o sasa̱i̱ tofigile i kedia̱ne makei dala.

Ta̱ Uwo Bolofe̱i̱ Jonha̱ Nala̱i̱ 11:3

Lasarus e̱ do tilamo͡u, e̱ owo͡u bolo̱u̱ dilie Yesuko͡u, Hiye O, ne̱ mogo e̱me do dalayode tobo͡u ma dogogulo i.

Ta̱ Uwo Bolofe̱i̱ Jonha̱ Nala̱i̱ 3:29

Sasa̱i̱ o taha̱ hu ke̱me, o e̱ hu̱ kaha̱ bi. Sasa̱i̱ ke̱ hu o kaha̱ ta̱ tobo͡u mo͡u, e̱ mogo taha̱ e̱ ta̱ uwo ke̱ dulomo͡u, hoho̱ hiyedo degedi. A̱me sasa̱i̱ hu o kaha̱ mogo ke̱ sa̱ degei. Ke̱no͡u tefei, hoho̱ ke̱me ma̱ bi, ma̱ duledu ama̱ma̱i̱ dala.

Ta̱ Uwo Bolofe̱i̱ Jonha̱ Nala̱i̱ 11:10

O koyoha̱ hulia̱me subabe, o ke̱me fiyale, yobe, hoho̱ ta mei kaha̱ degeimo͡u.

Ta̱ Uwo Bolofe̱i̱ Jonha̱ Nala̱i̱ 11:12

Dia̱ sima tobolo͡u i, Hiye O, e̱me tiei tilababe, e̱ dobe mei degeladiyode tobolo͡u i.