Hibru 7:17 - Godiha̱ Ta̱ Bolofei̱

¹⁷ Yobe, Godiha̱ ko͡u gue tobou, Na̱me mogo͡u du daladi o, o Melkisedekha̱ delei saga̱i̱ kege, na̱ne tofousogo no͟͡u kegeno͡u tafalale. Buk Song 110:4

Hibru 7:17 ပူးပေါင်းရင်းမြစ်များ

Hibru 5:6

Godiha̱ ta̱ tabe ko͡u gue tobou, Na̱me mogo͡u du daladi o, o Melkisedekha̱ delei saga̱i̱ kege, na̱ne tofousogo no͟͡u kegeno͡u tafalale. Buk Song 110:4

Hibru 7:21

Damale̱do, Yesube mogo͡u du daladi o degeimo͡u, Godiha̱ yo͟͡u e̱ hu̱ya ke̱ damale̱do makama̱mo͡u tobou, A̱me ne̱ Hiye O. Na̱me mogo͡u du daladi o, tofousogo no͟͡u kegeno͡u tafalale. Hiye O Godiha̱ kege tobou kelegebe, e̱ fima̱i̱ bolo̱u̱ ma̱mo͡u tobo͡u li mei. Buk Song 110:4

Hibru 7:15

Mogo͡u du daladi o ta, Melkisedek saga̱i̱ degei ta ke̱me, Godiha̱ tobo͡u mo͡u haguei kaha̱ degeimo͡u, di ta̱ a̱ tobolo͡u ko͟͡ume defe̱i̱do tawame, e̱ dabai degele kaha̱ge o Livaiha̱ soso͡u dia̱ degele idi ke̱me gabama folodo degele.

Hibru 5:10

Kegemo͡u, Godiha̱ tobou, na̱me mogo͡u du daladi hiye o, o Melkisedekno͡u tefele dalayede tobou.

Hibru 6:20

Yesuha̱ e̱buko͡u widio degemo͡u, Godiha̱ moso̱ko͡u feleibe, e̱ di dogo͡u gulamo͡u felei. Yobe, e̱me mogo͡u du daladi hiye o degei kaha̱, e̱me o Melkisedek e̱ degei saga̱i̱ ke̱no͡u tefele tofousogo tofousogo tafalale.

Hibru 7:11

Kuolo͡u ta̱ Mosesha̱ ma̱i̱yege, Livaiha̱ hu̱ti o kedia̱me mogo͡u du daladi dabai degele idi. Dabai ke̱ degemo͡u hagueibe, Israel o sasa̱i̱ kedia̱ge Godiha̱ dihi̱le koko͡u midiho̱ bolofe̱i̱ ta degele idiyo mei. Bolofe̱i̱no͡u degele idi debabe, Godiha̱ o ta tobo͡u mo͡u hagueli mei. Ke̱no͡u si midiho̱ bolo̱ ta degele ili mei kaha̱ degemo͡u, Godiha̱ o ta tobo͡u mo͡u haguei, Godi yo͟͡u dalaba, di dalaba, e̱ge mogo͡u du dalayadomo͡u. O ke̱me Livaiha̱ hu̱ti o Aron sa̱ degei mei. E̱me o Melkisedek sa̱ degei.