2 Timoti 4:14 - Godiha̱ Ta̱ Bolofei̱

¹⁴ Sele igi kopa dabai degedi o Aleksanderha̱ a̱moko͡u midiho̱ kasaga̱i̱ hiyedo milou kaha̱ degemo͡u, Hiye Oha̱ e̱moko͡u hebe kasaga̱i̱ ke̱ nele̱.

2 Timoti 4:14 ပူးပေါင်းရင်းမြစ်များ

1 Timoti 1:20

O kegele ibe Himeneus dilie Aleksander dilie. Diliebe a̱ Tama̱ko͡u sesegu, dilie Godibe huyafe̱i̱ degele saga̱i̱ meidade tawamabadomo͡u.

2 Tesalonaika 1:6

Godibe midiho̱ do̱u̱dono͡u milo͡u di o. Kegei kaha̱ degemo͡u, ni̱moko͡u hagi̱ ne̱di o kedia̱moko͡u be Godiha̱ge hagi̱ nele̱.

Mogogou Ta̱ Hegi 18:6

Midiho̱ kasaga̱i̱ e̱ milo͡u di kaha̱ hebe ke̱me ni̱ne e̱moko͡u ke̱no͡u tefele ne̱ma. E̱ midiho̱ kasaga̱i̱ milo͡u gadi kaha̱ dowo ke̱me ni̱ge e̱moko͡u hebe kasaga̱i̱ ke̱me bolo̱u̱ ko̱go͡u ne̱ma. E̱ kope kodube sibigi kasaga̱i̱yeno͡u ama̱ma̱i̱ kaha̱ degeimo͡u, ni̱ne e̱ kope kodu hebe kasaga̱i̱ hiyedo ke̱me bolo̱u̱ ko̱go͡u ne̱i̱ba, e̱ olo͡u fe̱i̱do na̱le.

EgeiPolha̱ Sa Rom O Kedia̱moko͡u Nala̱ma Ne̱i̱ 12:19

Ma̱ mogo dia̱ma, midiho̱ kasaga̱i̱ ni̱moko͡u milo͡u ba, ni̱ hobo͡u muwo͡u boholo͡u milo͡u dama. Di tewe, Godiha̱ midiho̱ kasaga̱i̱ kaha̱ hebe ke̱ nele̱ dala. Yobe, ta̱ Godiha̱ ko͡u tobou ke̱me Mosesha̱ nala̱i̱ dala kuhe̱, A̱ muwo͡u dia̱moko͡u milolo͡u . Damale̱do, midiho̱ kasaga̱i̱ milo͡u gadi kaha̱ hebe nele̱ ke̱me ma̱ dabai. Lo 32:35

Mogogou Ta̱ Hegi 18:20

Hebenito͡u tafalagua o sasa̱i̱ ni̱ hoho̱bo͡u ma, sa Babilonbe Godiha̱ makoma mei degei kaha̱ degeimo͡u. Godiha̱ o sasa̱i̱bo͡u, ta̱-bolofe̱i̱-mala̱-suluguadi-obo͡u, habage-degele-duguo-tobolo͡u-idi-obo͡u, ni̱ olo͡u fe̱i̱do hoho̱bo͡u ma. Godiha̱ sa hiye Babilon o sasa̱i̱ kedia̱moko͡u hebe kasaga̱i̱ ke̱ ne̱i̱, dia̱ ni̱ makolo idi kaha̱ degeimo͡u.

Mogogou Ta̱ Hegi 6:10

Tei fi̱ kedia̱ hili̱gedo ko͡u gue tobolo͡u i, Wolo͡u Daladi Hiye O, na̱me bolo̱do. Na̱ degeleyodei ke̱me na̱ degeleno͡u. Sa sibige̱ o sasa̱i̱ ei woumo͡u tofigiei kedia̱me koboge ta̱ sama, hebe kasaga̱i̱ ke̱ dia̱moko͡u toto nele̱?

1 Jon 5:16

Damale̱yodei o taha̱ge e̱ yogoha̱ midiho̱ kasaga̱i̱ ta e̱ wala tolo saga̱i̱ mei ke̱ milo͡u ba dugubabe, e̱ Godiko͡u o yogo ke̱ dogo͡u guyedema diho̱ baga̱ tobo͡u yedei. Kegeibasi, o yogo ke̱ mihi̱ko͡u fiyale mei, fi̱ gehe̱, yo͟͡u kegeno͡u dalale ke̱bo͡u de tofolo͡u. A̱ge o wala tolo saga̱i̱ midiho̱ ke̱ tobo͡u yo mei. Midiho̱ kasaga̱i̱ ta dala. Midiho̱ kasaga̱i̱ ke̱ milolo͡u kaha̱ge tofigileno͡u, tofousogo ta tofolo͡u saga̱i̱ mei. A̱ge e̱me kegei ke̱ diho̱ baga̱ tobo͡u yede tobo͡u yo mei.

EgeiPolha̱ Sa Rom O Kedia̱moko͡u Nala̱ma Ne̱i̱ 2:6

Godiha̱ hebe ke̱ nele̱be, Midiho̱ di milo͡u ga idi ke̱ fileba, hebe kasaga̱i̱bo͡u, hebe bolo̱bo͡u de o sasa̱i̱ tano͡u tano͡u dimoko͡u kuhe ne̱mo͡u ile. Buk Song 62:12

2 Timoti 4:15

O koko͡u be na̱ne no͟͡u tawaibo͡u, e̱ gofo͟͡u degemo͡u, ta̱ da hehegiedi ke̱ akogu kaha̱ degemo͡u.