1 Korin 10:29 - Godiha̱ Ta̱ Bolofei̱

²⁹ A̱ge ni̱ defeliyode tobo͡u yo mei. A̱ tobolo͡u be, o ta ni̱me defeliyode tawai o kaha̱ defeliyode tobolo͡u. Ke̱no͡u si, o taha̱ kege tobo͡u ho fogo͡u babe, ni̱ nale̱no͡u. Godiko͡u damale̱yodei o sasa̱i̱ dibe kuolo͡u ta dala mei. O yo͟͡usie kuolo͡u ma̱i̱ o e̱ a̱moko͡u na̱dayede tobo͡u babe, a̱ de dulo sesele?

1 Korin 10:29 ပူးပေါင်းရင်းမြစ်များ

1 Korin 9:19

A̱me kuolo͡u ma̱i̱ ta dalamo͡u ke̱ sesediyo mei. A̱me sa sibige̱ kuoko͡u ge o tae fisimo͡u dabai degediyo meiye, ke̱no͡u si mayo͟͡u ma̱ tagaiya ke̱no͡u, a̱ge o sasa̱i̱ olo͡u fe̱i̱ Kelesuko͡u damale̱yodema, dimoko͡u gelegumabadomo͡u die dabai degedi o kuhe degei.

2 Korin 8:21

Eige Godibo͡u, o sasa̱i̱ kedia̱bo͡u die dihi̱leya ke̱ midiho̱ bolo̱no͡u milo͡u lamo͡u degele ili.

1 Korin 10:32

Ni̱ Juda o sasa̱i̱bo͡u, Grik o sasa̱i̱bo͡u, Godiko͡u damale̱yodei o sasa̱i̱bo͡u kedia̱moko͡u defe̱i̱do fima̱ba, midiho̱ ni̱ milolo͡u ke̱me dia̱ duguba, mihi̱ko͡u fiyale saga̱i̱ ke̱me ni̱ milo͡u gadama.

1 Tesalonaika 5:22

Midiho̱ kasaga̱i̱ ke̱me olo͡u fe̱i̱do to͡u fogo͡u ma.

Ta̱ Uwo Bolofe̱i̱ Lukha̱ Nala̱i̱ 4:18

Hiye Oha̱ e̱ Duo Bolofe̱i̱be hagua a̱bo͡u dala, yobe Hiye Oha̱ a̱ maka degei, ta̱ uwo bolofe̱i̱ ke̱ o bi mei o kedia̱moko͡u hehegie tobo͡u yadomo͡u. E̱ tobo͡u mo͡u a̱ hagueibe, a̱ o didio̱ degei dalagua kedia̱moko͡u tobo͡u ba, didio̱ degei ke̱ to͡u fogo͡u fogo͡u yamabadomo͡u. E̱ tobo͡u mo͡u a̱ hagueibe, a̱ o diho̱ du degele i o kedia̱moko͡u tobo͡u ba, die diho̱ bolo̱ degeiba dugumabadomo͡u. O hagi̱ dugulo ili kedia̱ hagi̱ ke̱ne fogo͡u mabadomo͡u a̱ kuhe haguei.

1 Korin 9:1

Midiho̱ a̱ ko͟͡u milo͡u gadi ke̱ ni̱ duguo tawama. Tabe, a̱me kuolo͡u ma̱i̱ ta dalamo͡u ke̱ sesediyo mei. Tabe, a̱me ta̱-bolofe̱i̱-mala̱-siadi-o. Tabe, di Hiye O Yesube a̱ge ko͡u dugu. Haba tabe, a̱ degeiye, ni̱me Yesuko͡u damale̱yodele i dalagua kehe̱dade tawama.