Zooɛ 3:9 - Bible

⁹ “M̀ɛnii ŋí ƃó ǹɔii-ŋûŋ-ŋai su: ‘Ka kákpîŋ kpɛ̀tɛ kɔ́kɔ mɛni ma. Ka gɔ́kulu-ƃa-ŋai líi kpéle. Gɔ́kɔ-ƃelai kélee tóli díkîe ma dí pá.

Zooɛ 3:9 ပူးပေါင်းရင်းမြစ်များ

Mąątɛ̨nɛ̨ 96:10

Ka m̀ó ǹɔii ŋuŋ-ŋai dîa kâai, “Yâwɛɛ káa a kâloŋ. Ǹɔii seɛɛ̂i zeêi. Va kûla naa. A pâi núu kélee ŋɔmɛnii ŋá têei a bɔriɛ́ɛ.”

Azaya 34:1

Lɔii-ŋuŋ-ŋa, ka kámu-siɣe ká tɔ́ɔ. Ka lɛɣɛ a ńyãa ka káwoli tɔ́ɔ. Tɔɔ sɛŋ-fûlu kélee ŋ̀éniɛi sui e ŋ̀óli tɔ́ɔ ḿâ.

Ɉeremi 31:10

Yâwɛɛ è mò ǹyɛɛ, “Lɔii-ŋuŋ ŋa, ka káwoli tɔ́ɔ ḿâ, ká ŋ́oo ƃó ǹyái-koo-ma ƃɛ́i ǹaa kôyaai. Ŋá ŋánûai tàa-taa, kɛ́lɛ ŋa pâi pâi pôlu a dia, ŋá dímɛi káa yɛ̂ɛ berei ƃála-mɛi-kaa nuu a ŋɔƃála-ŋai mɛi kâa lai.

Ɉeremi 50:2

“Duŋ ŋí tóo ǹɔii-ŋuŋ-ŋai dîa! M̀ó! Ŋɛi kɛ́-maa lɛ́ dîa, í dùŋ too! Ífe gɛ̀ a loo mɛ́ni! Babelɔŋ aâ too! Ŋɔɣâlai Madɔ a too, a wólo, a táa-tâa! Ŋumɛ a Babelɔŋ ɣala pɔkɔɔŋ-ŋai sóŋ. Díɣâla-pɔkɔɔŋ-ŋai ŋí nyii m̀ɛlɛ fé ŋ́goi, da wólo-wôlo.

Ɉeremi 51:11

Yâwɛɛ è Midia kaloŋ-ŋai líi mù sìɣe kpɛ́ni fêi, a ŋ̀wɛ̂li é Babelɔŋ lɔii su-kara. Berei ŋí ƃé a pâi kpa kulâi la dîa Ŋɔɣâla-pɛrɛ Kɛ́tɛi wólo mɛ̂ni ma. Gɔ-kuluƃa-ŋai mɛi ǹúui è mò ǹyɛɛ, “Ka kásɔa-ŋai síɣe a gɛɛ ŋ̀á lí. Ka kásɔla ŋáɣale kɔli-kalaŋ-ŋai kpɛtɛ.

Ɉeremi 51:27

“Ŋɛi-kɛ-maa kɛ́ a gɛɛ gɔ́i é tée. Gɔ́kɔ turii fɛ́ɛ a gɛɛ ǹɔii-ŋuŋ-ŋai kélee dí ŋ̀óo mɛ́ni. Ǹɔii-ŋuŋ-ŋai kpɛtɛ a gɛɛ dí kɔ́ pɛ́lɛ Babelɔŋ ma. M̀ó gâloŋ-ŋai kúla Alalai, Minii, da Asikena dí gɔ́i tée. Gɔ-kûluƃa-ŋai mɛi-nuu lɛ́ a gɛɛ dítɔɔ gɔ́i láa-tuɛ. Pá a zoo-ŋai nyíi-ŋai dítamaai yɛɛ gotó-kpulu kɛ́tɛi.

Ɉeremi 6:4

Da pâi môi dîyɛɛi, “Kwaa kúkpîŋ kpɛtɛ a gɛɛ kú kɔ́ pɛ́lɛ m̀a. Í mu-siɣe a gɛɛ kú pɛ́lɛ m̀a a vólo tɛ́ɛ ŋuŋ-mai!” Kɛ́lɛ da ŋɔ́nɔ môi dîyɛɛi, “Kpalo ƃêlaai kûa, kpɛ́ni fêi, vóloi a kɛ́ nâa liî. Ŋ̀ele-wûlii niniŋ a nâa kôya.

Izikiɛ 38:17

Yá ƃe íkaa a ǹúui nyii ŋa kɛ̀ lônoi é pîlaŋ ma a tãi su kôyaa ńyee mu-ƃelai nyii-ŋai díkaa a ŋálono kɛ́-ƃelai Eezuɛi sârai. Ŋa mò dîa a gɛɛ núu da káa pâi pâi nyii pâi kɔ́ pɛlɛ̂i kâai. Ńyãai ŋ́gaa a Ŋ̀wála-wâla kélee Yâwɛɛi ńyãa ƃé mò tí.”

Izikiɛ 38:7

M̀ó ǹɔii-ŋûŋ-ŋai nyii-ŋai díkaa ká kɔlɛ mai dîa a gɛɛ ka dîa-ni kákɛ a kákpîŋ kpɛtɛɛ a tãi ya mò la dîa a gɛɛ díkɛ a díkpîŋ kpɛtɛɛi.

Mise 3:5

Yâwɛɛ è m̀ɛni-ŋai ŋí ƃò diai dîa da díkpîŋ sìɣe a ŋɔlóno kɛ́-ƃela díkɛ ŋɔnûai ƃòo dîyɛɛi, “Lii-see é kɛ́ kápɛrɛi lá.” Kpɛ́ni fêi, da sɛŋ da wɛ̂lii díyêei, ǹyaŋ díkɛ diai fôo dífa díyee sèe dímui.

Egaa 2:7

Ǹyaŋ ŋa pâi ǹɔii-ŋûŋ-ŋai kélee túmo-tûmoi dí pá a dítɔɔ-sãai ƃɛ́ ŋá ƃɛ́rɛi ŋí láa fɛ́ɛ a sɛŋ lɛ́lɛɛ-ŋa.

Zakari 14:2

Yâwɛɛ a pâi pâi a ǹɔii-ŋûŋ-ŋai kwaa tɔ̂nɔ ma dí kɔ́ pɛ́lɛ Zerusâlɛŋ ma, dí daai yée mɛi ɣále dí bɛ́rɛ-ŋai wólo dí ǹɛyâai kɛ́ a dínɛyâa a wála-wâla-laa. À kɛ̀ tí, daâi m̀éla tɔnɔ a pâi liî luɛ-lâa su, m̀éla gbéli é lɛ́ɛ naa.

Zakari 14:3

À kɛ̀ tí, Yâwɛɛ a pâi kɔ́ pɛlɛ̂i ǹɔii-ŋûŋ-ŋai dîa yɛ̂ɛ berei a kâa gɛ̀ la a bɔlɔ a kɔ́-kɔ tãi.