Zooɛ 3:17 - Bible

¹⁷ “Ka pâi ŋ́gɔlɔnii naa a Yâwɛɛ Káɣâlai, nyii gáa Zãiyɔŋ Yeei mai, ŋáyee maa-waai. Zerusâlɛŋ a pâi kɛ̂i a maa-waa. Ŋɔ̃́ya da kélee yée fé ŋɔ́nɔ pâi tɛɛ̂i naa.

Zooɛ 3:17 ပူးပေါင်းရင်းမြစ်များ

Zôo 15:19

Ɣâla è ǹɔii ŋí tɛ̀ɛ nɔ́ dáre-ƃelai pɔ́ dítee-tee. Ǹyaŋ lɔii da kpɛ́ni su nuu da fé tá gɛ́ ní dí kúla Ɣâla pôlu.

Mąątɛ̨nɛ̨ 76:2

Ɣâla pɔ́-taai ƃa Zerusâlɛŋ. Zeɛ́ɛ káa Zãiyɔŋ Yeei ma.

Mąątɛ̨nɛ̨ 9:11

Ka laa ma tɛ̂ wule-ŋa too Yâwɛɛ ma. Zeêi ƃa Zãiyɔŋ Yeei ma. Ka gɛ́-mɛni kpaya-kpayai maa mɛ̂ni ƃó ǹûai dîa.

Lɛɛ gbɔwɔ ɓa 16:12

“Ŋa Eezuɛ-ŋai dílii-ŋwanai maa mɛ̂ni m̀ɛni. M̀ó dîa a gɛɛ da pâi sua miî a ŋ̀ele-wulii, gbóloi kélee da ŋ̀wɛ̂lii dí mii a Ŋ̀ele-wâlai. Gɛ̀ ní da pâi gɔ́lɔnii a gɛɛ ŋgáa a Yâwɛɛ nyii gáa a Díɣâlai.”

Azaya 11:9

Sɛŋ nyɔ́mɔɔ da kélee fé pâi lɛɛ̂i Ɣâla Ŋɔyée maa waai Zãiyɔŋ ma. Yâwɛɛ maa kili ŋa-ponoi kélee a pâi kɛ̂i naa, yɛ̂ɛ berei nɔ́ yúo fa wɔ́lɔ kpàla lai.

Azaya 12:6

Tɔɔ diai kélee Zãiyɔŋ Yeei mai dí láɣi ɣelêi pere a wule-wôo. Eezuɛ Ŋɔɣâla tɔnɔ maa waai kɛ̂tɛi. Gɛ̂i nɔ́ ƃa ŋɔnûai sáma.”

Azaya 35:8

Pere-lêe a pâi kɛ̂i ƃɛ́i nûa da kâa kɛ̀ yaôi a gɛ́ɛ dí tɛ́ɛ naai. Maa pere-leei ŋí láa ƃé pâi kɛ̂i a, “Bere-lêe Maa Waai.” Vé pâi kɛ̂i a sɔnyɔ̂ŋ-nuu tɛɛ pêre. Ɣâla ƃé pâi kɛ̂i nûa téniŋ tɔɔ̂i berei ŋí su. Ǹúui kpîŋ táre da fé ŋ̀uŋ sui, a pâi pɔ̂ri tɛɛ̂i a berei ŋí.

Azaya 4:3

Diai pâi lɛɛ̂i Zerusâlɛŋ nyii Ɣâla a dísiɣe zui, da pâi dítôlii a nûa maa waa-ŋa.

Azaya 46:13

Ŋa pâi káŋuŋ ma ƃôi a maa félaa. Ǹaa su fé ŋɔ́nɔ kôya ní. Sɛŋ da fa pɔ̂ri káŋuŋ ma ƃó mɛnii kperâi. Ŋa pâi Zerusâlɛŋ ŋuŋ ma ƃôi, ŋá Eezuɛ mu-wuyɛ.”

Azaya 52:1

Ka káŋɛi lá ƃó, ká kámu-siɣe, kákponôi é kpanáŋ, óo Zerusâlɛŋ-ƃela. Káai a Ɣâla ŋɔtaa-lêe maa waai su-ƃelai, ka kámaa ɣíri a káseɣe lɛ́lɛɛ-ŋai. Ŋ̀ɔ̃ya-ŋai ká taa-lêei su kàrai, da fé pâi ŋɔ́nɔ tɛ̂i kátaai su.

Azaya 56:7

“Ŋa pâi pâi a káa ŋáyee maa waai Zãiyɔŋ ma, ŋá gɛ́ lii-sêe kɛ́ ƃò káyêei ḿvɛli pɛrɛi mu. Géreŋ sâla-ŋai ka pâi gulâi ŋáteƃelei ma da zama-sãai ka pâi pâi la ŋápɛrɛi mui, ŋa pâi ńyee seêi dímu. Nûa da pâi Ŋápɛrɛi tôlii a ɣâla fɛli kwaa ma núu kélee mɛni ma.”

Ɉeremi 31:23

Ŋ̀wála-wâla kélee Yâwɛɛi nyíi gáa a Eezuɛ-ƃelai Díɣâlai è mò ǹyɛɛ, “Tãi ŋa pâi ǹûai dílɔii tɛɛ̂i la dípɔ pôlui, ǹûai da pâi môi Zuda lɔii da naa taa-ŋai su dîyɛɛi, ‘Yâwɛɛ é lûwa láa Zerusâlɛŋ yee maa waai ma, gwaa ma waai ƃɛ́i gáa naai.’

Ɉeremi 31:40

É lí dìŋ-tiŋ su ƃɛ́i da zaai lôo naa dí kɛ́ galai pîli naai, é seri ǹɔii su nyíi gáa Kidɔŋ Yai kɔlɛi, é pîlaŋ Zoo-ŋai tɛɛ siɣãŋ laƃerei, é lí vóloi kulâi pere. Gwaai ŋí ma a pâi kɛ̂i a kwaa maa waa ḿaa mɛ̂ni ma. Daa-leei ŋí fé pâi wɔ́lɔ ŋɔ́nɔ pâi pûi a dɔnɔ kpîŋ.”

Izikiɛ 20:40

Eezuɛ lɔii su ƃɛ́i ŋáyee maa-waa kɛ́tɛi káa naai, naa ƃé Eezuɛ-ƃelai kélee da pâi ḿvɛlîi naa ǹɔii su. Ǹyaŋ ǹaa ƃe ŋa pâi ǹyée seêi naa dí mu ŋ́ɛi kɛ ƃo ká perei a gɛɛ ká pá a kásala-sãai da kásama-sãa maa waa ŋai.

Izikiɛ 37:6

Ŋa pâi gɛ̂i káluu é kɛ́ kâa, ŋama é kɛ́ kákponôi da kɔlɔ é tɛ́ kâa. Ŋa pâi gɛ̂i ká lɛ̂wo é tóo kákponôi ká kɛ́ ɣele ma. Gɛ̀ ní ká pâi gɔ̂lɔnii a gɛɛ Ńyãa ƃa Yâwɛɛ.” ’ ”

Izikiɛ 43:12

Ŋ̀âla-pɛrɛ Kɛ́tɛi ŋɔtɔ̂ŋ ká ŋí: Ǹyéei tôŋ su gɔlɛ mâ kélee é tínaŋ m̀a, maa waai. Ŋ̀âla-pɛrɛ Kɛ́tɛi ŋɔtɔ̂ŋ ká ŋí.”

Izikiɛ 44:9

“ ‘M̀ɛni ma, Ńyãai Ŋ́gaa a Ŋ̀wála-wâla kélee Yâwɛɛ ŋá mò a gɛɛ ŋɔ́ya nyii Ɣâla mɛni fé ǹíi sui nyii gáa Eezuɛ-ŋai sámai vé pâi lɔ̂i ŋápɛrɛi mu.’ ”

Izikiɛ 48:35

Ziɣãŋ ŋí ŋɔkɔ̀ɔŋ maa kélee bu gîe ma é tínaŋ daa-leei ma káa a kɔ́ɔ ƃɔ́rɔnii wála ŋuŋ buu saaƃa (30,000). Ǹyaŋ daa-leei ŋí láa ƃé pâi kɛ̂i a ‘Yâwɛɛ káa ƃɛ́.’ ”

Danîa 11:45

A kɛ̀ tí a pâi ƃûu tɔɔ̂i yúo da ǹyéei loai ƃɛ́i Ŋ̀âla-pɛrɛi è kɛ̀ naai. Ǹaa pôlu ma a pâi toôi núu da fa kɛ̂ naa é kpɔ́ŋ ma. Ǹyaŋ a pâi saâi.”

Danîa 9:16

Ítɔ̃yâ-laai su, ílii ŋá yéŋ í Zerusâlɛŋ nyii gáa a ítaa-lee kɛ́tɛi, su-mɛni lɛɛ. Ítaa-leei ká ŋí íyee maa waai ma. Kúsɔnyɔ̂ŋ da kúnâŋ-ni díwɔ̂i a gɛ́ ƃaa kula maa a sɛ̂lɛŋ daa-leei ŋí ma. Gɔlɛ ma-ƃelai kélee da kɛ́ nɔ́ ɣɛlɛ-maa kulâi gbonôi.

Zooɛ 2:27

Ka pâi gɔ̂lɔnii a gɛɛ ŋ́gaa Eezuɛ lɔii sáma, ŋ́gɛ ƃò a Yâwɛɛ nyii gáa a Káɣâlai, ǹyaŋ ɣâla da kpɛ́ni kélee fé naa é kúla ḿbôlu. Ŋánûai dífe pâi ŋɔ́nɔ wɔ́lɔ ŋumɛ sɔlɔ ƃôi.

Zooɛ 3:21

Ŋa pâi ŋánûai díkpâi kulâi. Fé pâi mɛni nyɔ́mɔɔ kɛ́-ƃelai su mɛni lɛɛ̂i, kpɛ́ni fêi, ńyãa Yâwɛɛ káa Zãiyɔŋ Yeei ma.”

Mise 4:7

Dí kɔ̃liŋɔɔi dí naa kôya dípɔ-taai ma kɛ́lɛ ŋa pâi dí kɛ̂i ŋɔ́nɔ a lɔii-ŋûŋ ŋá díkɛ a lɔii-ŋûŋ kpanaŋɔɔ. Ŋa pâi kɛ̂i dímɛi a kâloŋ Zãiyɔŋ yeei ma wɔ́lɔ-wɔlɔ.”

Nahumə 1:15

Ka gáa, ŋ̀orɛ̂-woo ƃó-nuui kɔ́ɔ mu tiŋ káa tɛ̂i ǹyéei su gɛ́ pà a duŋ lɛ́lɛɛi lii-sêe mɛni ma! Óo Zuda-ƃela, ka kɛ́ nɔ́ kúu kɛ̂i ḿâ, ká kákono têe-ŋai ŋ̀aa-see kɛ́, kpɛ́ni fêi, ŋ̀wana lɔ̂ɔ nuui fé pâi pâi ŋɔ́nɔ kápɔ a saa.

Zakari 8:3

Ŋa pâi penêi pôlu Zãiyɔŋ ŋá sée Zerusâlɛŋ, ǹyaŋ da pâi Zerusâlɛŋ tôlii a tɔ̃yâ taa-lee dí ŋáyeei tóli a yée maa waa.

M̀ɛni-lɛɛi 21:27

Kɛ́lɛ, sɛŋ nyíi kélee maa fé waa níi, vé pâi lîi zu, kpaa máŋ núu kélee a ŋwana-lɔ̂ɔ maa kɔ̂rii, kpaa máŋ wôya-mɛnii, kɛ́lɛ, fɛ̂ɛ nɔ́ diai dílaa pɔ̃yɛɛ̂i M̀ála-loŋ ŋɔfúlu-laa-kɔlɔi sui.