Zooɛ 3:14 - Bible

¹⁴ Núu wála támaa káa mɛni ŋãa-tee ya-ƃolo-ƃoloŋ su. Yâwɛɛ ŋɔɣelei a lɛ̀ɣɛ mɛni ŋá-tee mɛni ma ǹyá-ƃolo-ƃoloŋ su.

Zooɛ 3:14 ပူးပေါင်းရင်းမြစ်များ

Mąątɛ̨nɛ̨ 37:13

Kɛ́lɛ Yâwɛɛ a kɛ̀ nɔ́ ɣɛ̂lɛi dîa, kpɛ́ni fêi, dísu kara ɣelei maa fé ŋɔ́nɔ kôya ní.

Azaya 13:4

Íwoli tɔ́ɔ ǹyêe-ŋaii su tiŋ ma. Lɔii ŋuŋ támaa da kâloŋ-laa lɔii-kpiniŋ támaa díkaa dí ŋáa tɛ̂i gîe ma. Ŋ̀wála-wâla kélee Yâwɛɛ a dípûi díkîe ma kɔ́-kɔ mɛni ma.

Azaya 22:1

M̀ɛnii ŋí ƃé ŋá ǹaa kàa ǹyeei loai zĩ̂a su. Lé ƃé kɛ̂i? Ka liî mí? Gáa léŋ kákelee ká kaa tɛ̂i kápɛrɛ-ŋai tôŋ su ká kɛ́ lii-nɛ̃ɛ kulai?

Zooɛ 1:15

Ŋ̀elei malôŋɔɔi kpɛ́ni fêi, Yâwɛɛ ŋɔɣelei a lɛ̀ɣɛ, Ŋ̀wála-wâla kélee Ɣalai a pâi pâi a su-kâra.

Zooɛ 2:1

Ka dúrii fɛ́ɛ Zãiyɔŋ Yeei ma, ká vɛ́ɛ a ŋ̀óo su kɛ́tɛ ŋáyee maa-waai ma! Tɔɔ ǹɔii su-ƃelai kélee dí kpɛ̃lîŋ. Yâwɛɛ ŋɔtãi a pâi, a nâa lɛ̀ɣɛ.

Zooɛ 2:11

Yâwɛɛ a ŋ̀óo tɛ̂i ɣelêi ŋɔkɔkuluƃa-ŋai túɛ. Ŋɔkɔkuluƃa-ŋai tâmaai, wála-wâla kɛ́ ƃò diai kélee yêei da ŋ̀óo mɛnii. Ŋɔɣelei káa a ɣele kɛ́tɛ, maa-pɔlɔ-pɔlɔɔ. Gbɛ̂ɛ ƃa pɔ̂ri tɔɔ̂i dúɛi?

Zooɛ 3:12

“Tɔɔ ǹɔii ŋûŋ-ŋai kélee dí díkpîŋ kpɛ̀tɛ, dí pá Zeosafa ya ƃolo-ƃoloŋ su. Kpɛni fêi, ǹaa ƃé ŋa pâi seêi naa ŋá ǹɔii ŋuŋ-ŋai kélee ƃɛ́i dímɛnii ŋáa-tee.

Zooɛ 3:2

Ŋa pâi ǹɔii-ŋûŋ-ŋai kélee ŋáa tɛ̂i ma ŋa pá a dîa Zeosafa potoi su, naa ƃé ŋa pâi dímɛnii ŋáa têei naa ŋánûai mɛni ma da Eezuɛ nyii gáa a ŋápɔɔ-sɛŋ kpɛ́ni fêi, da ŋánûai táa-tâa ǹɔii-ŋûŋ-ŋai su, da ŋálɔii ŋáa kɔ́lɛ.

Sofoni 1:14

Yâwɛɛ ŋɔɣele kɛ́tɛi a lɛɣɛ, ǹyaŋ a pâi a maa-felaa! Yâwɛɛ ŋɔpa-ɣelei a pâi kɛ̂i a mɛni kpɔ̂lu-ɣele. A pâi kɛ̂i a mɛni kpɔ̂lu-ɣele nyii pâi gɛ̂i ŋ̀wála-wâla-nuui a pâi wɔ̂lɔi naa.

Filipə 3:2

Ka kámɛi káa a ŋ̀îla-ŋai. Ka kámɛi káa a díi nyɔ́mɔɔ-kɛ-ƃelai, ka kámɛi káa a diai da dísua tèe-tee diai.

Piɛrə veelɛ 3:7

Kɛ́lɛ, ŋelei da ǹɔii nyíi-ŋai díkaa naa tãi ŋí sui, Ɣâla ŋɔwóo tɔnɔi a dílɛɛ naa ŋɔŋ mɛni ma. A dílɛɛ naa é lɛ́ɛ la zu mɛni-ŋa tee-tãi da diai dífe láa ní a Ɣâla-mɛnii dísu-kara-tãi é seri.