Zooɛ 3:12 - Bible

¹² “Tɔɔ ǹɔii ŋûŋ-ŋai kélee dí díkpîŋ kpɛ̀tɛ, dí pá Zeosafa ya ƃolo-ƃoloŋ su. Kpɛni fêi, ǹaa ƃé ŋa pâi seêi naa ŋá ǹɔii ŋuŋ-ŋai kélee ƃɛ́i dímɛnii ŋáa-tee.

Zooɛ 3:12 ပူးပေါင်းရင်းမြစ်များ

Kɔlɔnikɔ Veerɛi 20:26

Ŋ̀ele-kûui náaŋ ɣele siriɛɛi, díkelee dí díŋa tɛ̀ gîe ma Bɛraka tiŋ-tiŋ su dí Yâwɛɛ láa ma tɛ́ naa. Zɛŋ ƃé díkɛ la gwaai ŋí ma láa ma Bɛraka Tiŋ-tiŋ su é lɛ́ɛ la zu dí gɔlɔi ŋí pɔ̃yɛɛ.

Mąątɛ̨nɛ̨ 7:6

Óo Yâwɛɛ, ímu-siɣe, í ŋ́gbɔara-ƃelai kula maa kɛ́ a lii ŋwâna pere. Óo Ŋáɣâlai, ímu-siɣe í kpɔ́ŋ ḿâ. Gɛ́ tɔ̃yâ mɛni é kɛ́.

Mąątɛ̨nɛ̨ 96:13

Yâwɛɛ ŋɛ́i-tuɛ kpɛ́ni fêi gáa pâi. Gáa pâi a gɛɛ é ǹɔii ŋɔmɛnii ŋá tée. A pâi ǹɔii ŋɔmɛnii ŋá têei a teniŋ ƃô-pere, é ǹûai dímɛnii ŋá tée a tɔ̃yâ-laa.

Mąątɛ̨nɛ̨ 98:9

Ka gɛ́ tí, kpɛ́ni fêi, a pâi a gɛɛ gɛ́ ƃò ǹɔii mɛi. A pâi ǹûai mɛi kâai a tɔ̃yâ da teniŋ ƃô pere.

Azaya 2:4

Ǹuu-namui a pâi mɛni su kpɛtɛ̂i núu támaa loai. A pâi mɛni su kpɛtɛ̂i ǹɔii-ŋuŋ wála-wala-ŋai sáma. Da pâi díkɔ-kɔ ƃoa-sɔkpɔ-ŋai ɣalêi a kwaa sí kali. Da pâi díkpala-ŋai ɣalêi a mɔlɔŋ tée ƃoa-ŋa. Lɔii-ŋuŋ da fé ŋɔ́nɔ pâi kɔ́ pɛlɛ̂i m̀arâŋ lɔii-ŋuŋ ma. Dífe pâi ŋɔ́nɔ kɔ́-kɔ pere ma kɔ̂rii.

Azaya 22:1

M̀ɛnii ŋí ƃé ŋá ǹaa kàa ǹyeei loai zĩ̂a su. Lé ƃé kɛ̂i? Ka liî mí? Gáa léŋ kákelee ká kaa tɛ̂i kápɛrɛ-ŋai tôŋ su ká kɛ́ lii-nɛ̃ɛ kulai?

Azaya 3:13

Yâwɛɛ a tɛ́ ŋɔkâloŋ see-sɛŋ ŋá. A pá dímɛnii ŋá têei.

Izikiɛ 30:3

Ŋ̀elei nyii Yâwɛɛ a pâi tíi kɛ̂i lai a nâa lɛɣɛ. Gáa a mɛni ŋáa téɛɛ da mɛni kpɔ̂lu ǹɔii-ŋûŋ-ŋai mɛ̂ni ma.

Izikiɛ 39:11

Yâwɛɛ è mò ǹyɛɛ, “Ŋa pâi Zia-ƃelai dítiŋ-tiŋ nyii gáa Ǹyúo-saai ŋɔfóloi kulâi pere lɛ̂i Gɔ̂ɔ ma a boma loôi Eezuɛ lɔii su a maa tãi tí. Ǹyaŋ, sia-nuu da fé ŋɔ́nɔ pâi tɛɛ̂i naa, kpɛ́ni fêi ǹaa ƃé da pâi Gɔ̂ɔ da ŋɔkɔ-kuluƃa-ŋai kélee loôi naa. Da pâi kɛ̂i ǹaa mà ‘Gɔ̂ɔ ŋɔkɔ-kuluƃa-ŋai dítiŋ-tiŋ su.’

Zooɛ 3:14

Núu wála támaa káa mɛni ŋãa-tee ya-ƃolo-ƃoloŋ su. Yâwɛɛ ŋɔɣelei a lɛ̀ɣɛ mɛni ŋá-tee mɛni ma ǹyá-ƃolo-ƃoloŋ su.

Zooɛ 3:2

Ŋa pâi ǹɔii-ŋûŋ-ŋai kélee ŋáa tɛ̂i ma ŋa pá a dîa Zeosafa potoi su, naa ƃé ŋa pâi dímɛnii ŋáa têei naa ŋánûai mɛni ma da Eezuɛ nyii gáa a ŋápɔɔ-sɛŋ kpɛ́ni fêi, da ŋánûai táa-tâa ǹɔii-ŋûŋ-ŋai su, da ŋálɔii ŋáa kɔ́lɛ.

Mise 4:3

Ǹuu-namui a pâi mɛni su kpɛtɛ̂i núu támaa loai. A pâi mɛni su kpɛtɛ̂i ǹɔii-ŋuŋ wála-wala-ŋai sáma nyii-ŋai dínaa kôyai kpaa máŋ dínaa kpuâai díkîe-ni dîai. Da pâi díkɔ-kɔ ƃoa-sɔkpɔ-ŋai ɣalêi a kwaa sí kali. Da pâi díkpala-ŋai ɣalêi a mɔlɔŋ tée ƃoa-ŋa. Lɔii-ŋuŋ da fé ŋɔ́nɔ pâi kɔ́ pɛlɛ̂i m̀arâŋ lɔii-ŋuŋ ma. Dífe pâi ŋɔ́nɔ kɔ́-kɔ pere ma kɔ̂rii.

Zakari 14:4

Maa ɣêlei tí, a pâi tɔɔ̂i Ŋ̀úlɔ-wuru Yeei tôŋ su nyii gáa Zerusâlɛŋ vóloi-kulâi-perei. Gɛ̀ ní Ŋ̀úlɔ-wuru Yeei su a pâi ƃêlai feerɛ é síɣe vóloi-kulâi-pere é lí ǹiî-pere. Nàa a pâi kɛ̂i a tiŋ-tiŋ ŋá. M̀ɛni ma ǹyée-ƃela feerɛi ŋí dɔnɔ a pâi liî ǹɔii-ŋûa-pere, gbéli é li ǹɔii kwára-pere.

M̀ɛni-lɛɛi 19:11

È kɛ̀ tí, ŋá Ɣâla-taa káa ǹá ƃóɔ. Ka gáa, soo kole è kɛ̀ naa! Ǹúui kɛ̀ see ni bôlui ǹáa ƃa Sã́a-laa da Tɔ̃yâ-laa. A mɛni ŋá tèe gɛ́ kɔ́ kpɛ̀ tɔ̃yâ-laa su.