Zooɛ 2:31 - Bible

³¹ Vóloi a pâi penêi a kpíni, ŋ̀áloŋ é pene a ŋãa, Yâwɛɛ ŋɔɣelei é lɛ́ɛ pâi, nyii gáa a ŋ̀ele kɛ́tɛ maa pɔlɔ-pɔlɔɔi.

Zooɛ 2:31 ပူးပေါင်းရင်းမြစ်များ

Ɉeremi 4:28

Ǹɔii a pâi wɔ̂lɔi. Ŋ̀ele-kɔlɔŋ ma a pâi kpînii. Yâwɛɛ ƃé mò tí. Ǹyaŋ vé pâi ŋ̀óo siɣêi pôlu. Yâwɛɛ a gbɛtɛ gí lî-ŋa, ǹyaŋ vé pâi ŋ̀óo siɣêi pôlu.

Izikiɛ 32:7

Tãi ŋa pâi íkulâi la naai, ŋa pâi ŋ̀ele-kɔlɔŋ mɛi pɛlɛ̂i ŋa gɛ́ bɛ́mɛlɛ̂ŋ-kao-ŋai dífa ŋɔ́nɔ fòlo. Ŋa pâi vóloi mɛi pɛlɛ̂i a ŋ̀ele-kɔlɔŋ kolei. À kɛ̀ tí, ŋáloŋ ǹyaŋ vé pâi fôloi.

Zooɛ 2:1

Ka dúrii fɛ́ɛ Zãiyɔŋ Yeei ma, ká vɛ́ɛ a ŋ̀óo su kɛ́tɛ ŋáyee maa-waai ma! Tɔɔ ǹɔii su-ƃelai kélee dí kpɛ̃lîŋ. Yâwɛɛ ŋɔtãi a pâi, a nâa lɛ̀ɣɛ.

Zooɛ 2:10

Ǹɔii a kɛ̂ kpɛ̃lînii dítuɛ, ŋ̀ele-kɔ̂lɔŋ kɛ́ tùmo-tumo, vóloi da ŋ̀áloŋ su kpíniɛɛ, bɛ́mɛlɛŋ-kao-ŋai dífa fôlo.

Zooɛ 2:11

Yâwɛɛ a ŋ̀óo tɛ̂i ɣelêi ŋɔkɔkuluƃa-ŋai túɛ. Ŋɔkɔkuluƃa-ŋai tâmaai, wála-wâla kɛ́ ƃò diai kélee yêei da ŋ̀óo mɛnii. Ŋɔɣelei káa a ɣele kɛ́tɛ, maa-pɔlɔ-pɔlɔɔ. Gbɛ̂ɛ ƃa pɔ̂ri tɔɔ̂i dúɛi?

Zooɛ 2:2

A pâi kɛ̂i a kpíni da ɣele kuyɔɔ, ǹúui pɛ́lɛɛ, gbínii su pîlaŋɔɔ! Gotó kpului-ŋai da pâi kɛ̂i a díwala-wâlaa yɛ̂ɛ núu-kpune, dí ǹyée-ŋai mɛi pɛ́lɛ yɛ̂ɛ kpíni. M̀ɛnii ŋí da fé tá kɛ́ ní ǹyaŋ da fé pâi ŋɔ́nɔ kɛ̂i wɔ́lɔ-wɔlɔ da wɔlɔ-wɔlɔ.

Zooɛ 3:1

Yâwɛɛ ǹyɛɛ, “M̀aa ɣêle-ŋai tí su, ŋa pâi Zuda da Zerusâlɛŋ dítɔɔ-sãai da tɛɛ̂i pôlu.

Zooɛ 3:15

Vóloi fé pâi toôi, ŋ̀áloŋ fé pâi fôloi ǹyaŋ ƃɛ́mɛlɛŋ-kao-ŋai dífe pâi fôloi.

Zakari 14:6

Maa ɣêlei tí kɔ́lɛ fé pâi kɛ̂i naa kpaa máŋ lúu.

Malasi 4:1

Ŋ̀wála-wâla Yâwɛɛ a môi ǹyɛɛi, “Ŋ̀ele kûui káa pâi tãi ǹyoŋka-ƃelai da zɔnyɔ̂ŋ-ƃelai da pâi kérenîi la yɛ̂ɛ kala kpâlai. Maa ɣêlei tí da pâi kérenîi, dí kpua tɔ̂nɔ kpîŋ fé pâi lɛɛ̂i.

Malasi 4:5

“Kɛ́lɛ Yâwɛɛ ŋɔmɛni-kpɔ̂lu-kula ɣêle-kuu kɛ́tɛi é lɛ́ɛ pâi pâi, ŋa pâi Ɣâla ŋɔlóno kɛ́-nuui Ilaiza tɛɛ̂i.

Maafîu 24:29

“Ǹyaŋ a maa félaa kpɔ́ ŋele-ŋai tí su-mɛni-kpɔ̂lui pôlu ma, voloi su a pâi kpínîi. Ŋ̀áloŋ fé pâi ŋɔnɔ fólôi. Bɛmɛlɛŋ-kao-ŋai da pâi kulâi ŋelei su dí too. Ŋ̀elei su-wala-wala-ŋai da pâi kpɛ̃lini.

Maafîu 27:45

É síɣe aƃai ǹɔɔlu mɛi dai ḿâ ǹɔii gwaa kélee ma è kpìni é lɛ́ɛ la zu aƃai ǹɔɔlu mɛi náaŋ é séri.

Lukə 21:25

“Ŋɛi-kɛ-maa-ŋa da pâi kɛ̂i voloi su, da ŋ̀áloŋ, da bɛmɛlɛŋ-kaoi ma. À kɛ̀ ti, yao kɛ́tɛ a pâi kɛ̂i zîi-ŋai sama dípɛlɛ e pu a yuo too tiŋ kpaya-kpayai, bɛlɛɛ nya-ɣiliŋ-ŋai dîa,

Gɛlaɠaa 2:20

Vóloi a pâi penêi a kpíni, ŋ̀áloŋ é pene a ŋãa, Kúnuu-namui ŋɔɣelei é lɛ́ɛ pâi, nyíi gáa a ɣele kɛ́tɛ maa ponoɔɔ̂i.

M̀ɛni-lɛɛi 8:12

Ŋ̀âla-taa-kelai náaŋ-ɣelei è ŋɔtúrii fɛ̂ɛ, voloi gwaa kuro ma é túa, da ŋ̀áloŋ gwaa kuro ma, da bɛmɛlɛŋ kao-ŋai díkwaa kuro ma, a gɛɛ dífoloi kwaa kuro ma é kpíni. Ŋ̀elei ŋɔtãi kpua kuro yée mu, voloi fé too ni, ǹyaŋ bere-sii tí sú, gbini ŋɔtãi kpua kuro yée mu ŋ̀áloŋ fé fólo ní.