Zooɛ 2:17 - Bible

¹⁷ Tɔɔ zâla láa-soŋ-ƃelai da Yâwɛɛ ŋɔtíi kɛ́-ƃelai dí tɔ́ɔ ŋ̀âla-teƃelei da bɛ́rɛi lá loai dí wɔ́lɔ dîyɛɛi, “Ínûai ƃálo óo Yâwɛɛ. Ífe nɛ̀ɛ naa ƃâa é kúla ípɔɔ-sɛŋ ma é kɛ́ a ɣɛ́lɛ maa sɛŋ ǹɔii ŋuŋ-ŋai su. Dí m̀ó ǹûai dîa dîyɛɛi, ‘Díɣâlai kɔ́ɔ?’ ”

Yálá laawoo hɛɓɛ (dc)

¹⁷ Gwɛəli heai da ɉaláá kulɔi di lɔwai, ɉaláá laa həli nuą di tɔɔlaa di wɔlɔ, diɛi a Yai-Laa nwɔ tínuą. Diɛ kɛ diɛ: «Yai-Laa! Yɛ nu huwui mąąwɛli kaa, hvó ə́ kwɛlin mɛlɛ too, hvó gɛ a lɔi takpɛliɠaa di wɔ yɛlɛ kulɔ ɉu hɛn, diɛ kɛ kpɛli ma: Di wɔ Yálái kaa mi?»

Yálá laawoo hɛɓɛ

¹⁷ Gwɛəli heai da ɉaláá kulɔi di lɔwai, ɉaláá laa həli nuą di tɔɔlaa di wɔlɔ, diɛi a Yai-Laa nwɔ tínuą. Diɛ kɛ diɛ: «Yai-Laa! Yɛ nu huwui mąąwɛli kaa, hvó ə́ kwɛlin mɛlɛ too, hvó gɛ a lɔi takpɛliɠaa di wɔ yɛlɛ kulɔ ɉu hɛn, diɛ kɛ kpɛli ma: Di wɔ Yálái kaa mi?»

Zooɛ 2:17 ပူးပေါင်းရင်းမြစ်များ

Tɔɔɓɛlaa dɔlɔɔ 6:3

Gâlai dí gbɛ̀tɛ Ŋ̀âla-pɛrɛ Kɛ́tɛi ŋɛ́i-tuɛi, ŋɔŋa-kɛ̂tɛ è kɛ̀ a núu kɔ́ɔ pîlanii buu saaƃa, ŋɔsu-siŋ kɛ́ ƃò a núu kɔ́ɔ pîlanii puu káo lɔ́ɔlu.

Tɔɔɓɛlaa dɔlɔɔ 9:7

gɛ̀ ní, ŋa pâi Eezuɛ-ŋai kulâi ǹɔii ma nyíi ŋá dɛ̀ɛ dípɔi. Ŋa pâi ńyee kulâi Ŋ̀âla-pɛrɛ Kɛ́tɛi ŋí mu nyíi ŋá ńyee sèe mu ńaai mɛni mai. Da pâi Eezuɛ maa mɛni sɔɔ̂i a sáŋ díkɛ ɣɛ́lɛ-maa kùla gbonôi ŋ̀éniɛi su-ƃelai kélee sáma.

Kɔlɔnikɔ Veerɛi 7:20

gɛ̀ ní ŋa pâi Eezuɛ ƃúlenii ná gula ŋálɔii ma nyíi ŋá dɛ̀ɛ bɔi, ŋá ńyee kúla Ŋ̀âla-pɛrɛ Kɛ́tɛi ŋí mu nyíi ŋá zìɣe zu ŋ́gbîŋ mɛni mai. Ŋa pâi Ŋ̀âla-pɛrɛ Kɛ́tɛi ŋí kɛ̂i a ǹûai díɣɛlɛ-maa sɛŋ nyíi da pâi lôno nyɔ́mɔɔ támaa kɛ̂i é pîlaŋ mai.

Kɔlɔnikɔ Veerɛi 8:12

Naa kɛ́ɛ tíi, Saloma è nâa kéreŋ sala kùla Yâwɛɛ ma ŋ̀âla-teƃelei ŋá nyíi è dɔ̀ɔ Yâwɛɛ mɛni ma Ŋ̀âla-pɛrɛ Kɛ́tɛi ŋɛ́i-tuɛi.

Nehemi 9:36

Kɛ́lɛ ƃɛ́ káa, kwa sâa kɛ́ a luɛ-ŋa kúkpɔɔ lɔii ŋí su. Í ǹɔii lɛ́lɛɛi ŋí tɛ̀ɛ kúnâŋ-ni pɔ́ a gɛɛ dí ŋ̀aa-nɛ̃ɛ kùla. Nya ká ŋí kú káa sâa naa a luɛ-ŋa.

Mąątɛ̨nɛ̨ 115:2

Ǹɔii ŋuŋ-ŋai da kúmarê kɛ̂i “Káɣâlai kɔɔ,” lé mɛni ma?

Mąątɛ̨nɛ̨ 42:10

Ŋa mɔ̃lɛ̂i a ŋ̀ánaa. Kɛ́lɛ ŋ́gbɔara-ƃelai díkaa nɔ́ ɣɛ́lɛ maa kulâi ŋ́gbonôi díkɛ m̀o ḿâ dîyɛɛi, “Mí kpîŋ ƃé Íɣâlai káa naai?”

Mąątɛ̨nɛ̨ 42:11

Ŋa malôŋ see ƃôi lé mɛni ma? Ńii a kɔ kɔ̂i lé mɛni ma? Ŋa pâi ŋ́gili tɔɔ̂i Ɣâla ma ŋá ǹáa ma tɛ́ ŋɔ́nɔ. Ǹyaa ƃa ŋ́uŋ ma ƃó-nuui da Ŋáɣâlai.

Mąątɛ̨nɛ̨ 42:3

Ŋa wɔ̂lɔi yâ a fólo da kpíni. Ŋ́ɛi-ya a kɛ́ nɔ́ a ŋ́gɔnɔŋ. Ŋ́gbɔara-ƃelai da kɛ́ nɔ́ ḿarê kɛ̂i dîɛ ḿâi, “Mí kpîŋ ƃé Íɣâlai káa naai?”

Mąątɛ̨nɛ̨ 42:4

Ŋa ŋ́gili ŋá sìa é pîlaŋ ŋ̀ele-ŋai dîa ŋá kâa kɛ̀ ḿarâai téniŋ tɔɔ̂i la kúkɛ lɔ̀ Ɣâla ŋɔpɛ́rɛi mui, ńii a tòo pôlu a ŋ̀ánaa. Berei da kâa kɛ̀ Ɣâla láa ma tɛ̂i la ɣelêi perei, maa koi-nɛ̃ɛ wooi tíŋ káa niî ŋ́ôlii.

Mąątɛ̨nɛ̨ 74:10

Óo Ɣâla, tãi ɣɛɛlu ƃé kúkpɔara-ƃelai da pâi kɛ̂i ɣɛ́lɛ-maa kulâi la kúkponoi? Da pâi wɔ́lɔ kɛ̂i nɔ́ woo yɔ̂ŋ pilîi yâ wɔ́lɔ-wɔlɔ da wɔ́lɔ-wɔlɔ?

Mąątɛ̨nɛ̨ 79:10

Lé mɛni ƃé ǹɔii-ŋûŋ-ŋai da kúmarê kɛ̂i la dîyɛɛ “Káɣâlai kɔɔ?” Tɔɔ kú íkaa í ǹɔii-ŋûŋ-ŋai kula maa kɛ́ nyii-ŋai ínûai ŋãa pûi.

Mąątɛ̨nɛ̨ 79:4

Kúkɔlɛ ma lɔii-ŋuŋ-ŋai su-ƃelai da kúlarânii, díkɛ ɣɛ́lɛ maa kûla kúkponôi.

Mąątɛ̨nɛ̨ 89:41

Nûa da kɛ́ nɔ́ tɛɛ̂i naa díkɛ ǹaa sãa ŋùma, naa kɔlɛ ma-ƃelai díkɛ ɣɛ̀lɛ daa-leei ma.

Mąątɛ̨nɛ̨ 89:51

Óo Yâwɛɛ, íkpɔara-ƃelai da ɣɛ́lɛ maa kulâi ŋ́gbonôi. Da yola kulâi ŋ́gbonôi ńyãai a gâloŋ nyii í zìɣe zui.

Lɛɛ gbɔwɔ ɓa 34:9

È mò ǹyɛɛi, “À kɛ̀ ílii lâai kpɔ́ m̀aa mɛni ma a ǹɛ́lɛɛ, gɛ̀ ní Óo Yâwɛɛ ŋa ímarê kɛ̂i a gɛɛ kwa kâa-ni kú lí. Ǹûai ŋí ŋuŋ su kpanaŋɔ̂ɔi. Kɛ́lɛ kúsɔnyɔ̂ŋ su-mɛni lɛɛ í kúsiɣe a ínûa.”

Azaya 22:12

Maa ɣêlei tí Ǹuu-namui Ŋ̀wála-wâla kélee Yâwɛɛ kátòli a gɛɛ ká káŋuŋ kálaŋ ma, ká maloŋ too-maa-seɣe too kâa, ká maloŋ-see ƃó, ká gbeɣêi tóo kásɔnyɔ̂ŋ-ŋai mɛni ma.

Azaya 37:20

M̀ɛni ma, Yâwɛɛ Kúɣâlai, kúkula Asiria-ŋai yêei a gɛ́ɛ ǹɔii-ŋûŋ-ŋai díkaa ŋ̀éniɛi sui, dí gɔ́lɔŋ a gɛ́ɛ yá tɔnɔ nɔ́ ƃé íkaa a Kúɣâlai, Óo Yâwɛɛ.”

Izikiɛ 20:9

Kɛ́lɛ ḿvé gɛ ni tí. Kpɛ́ni fêi ḿve kɛ́ ni ŋ̀wɛ́li a gɛɛ ŋá ǹáa kara ǹɔii ŋuŋ ŋai ŋ̀ɛi nyii ŋai díkɛ dísamai. Ǹûai ŋí ŋɛ́i ƃe ŋá ŋgono tee naa a gɛɛ ŋa pâi dí kulâi Ize lɔii su.

Izikiɛ 8:16

È ŋɔ́nɔ lì a ńyãa Yâwɛɛ Ŋɔpɛ́rɛ Kɛ́tɛi ŋɔsiɣãŋ su pere siɣãŋ su bɛrɛi láƃerei. Kpakolo buu feerɛ káo lɔ́ɔlu díkɛ gbôŋ da ŋ̀âla-teƃelei díloai dípôlu féɣɛɛ Yâwɛɛ ŋɔpɛ́rɛi ma, díŋɛi liɛɛ voloi kulâi pere. Díkɛ naa díkɛ díŋuŋ mâ pîlaŋ díkɛ voloi-nɛnɛ̂ŋ ma foloi fɛli a díɣâlai.

Osia 14:2

Ka lí a kpera-fêi-woo Yâwɛɛ pɔ́, kâa, “Kúsɔnyɔ̂ŋ-ŋai kélee su mɛni lɛɛ, í íyee sée kúmɛni lɛ́lɛɛ-ŋai mu. Kwa pâi ílaa maa tɛ̂i yɛ̂ɛ berei kú kúkono tèe lai.

Zooɛ 1:13

Sâla-laa soŋ-ƃela, káai ká sâla kùla ŋ̀âla teƃelei mai, ka ƃɔrɔ sâa too kâa ká wɔ́lɔ. Ka lí Ŋ̀âla-pɛrɛ Kɛ́tɛi mu ká gbínii síɣe naa maloŋ tôo ma pere su, kpɛ́ni fêi, m̀ii sɛŋ da gbele sâla-sãai kélee da kpɛɛ Káɣâlai ŋɔpɛ́rɛi mu.

Zooɛ 1:9

Zâla láa-soŋ-ƃelai da wɔ̂lɔi, kpɛ́ni fêi, m̀ii-sɛŋ da gbele-sɛŋ sala-sãai da kpɛɛ Yâwɛɛ ŋɔpɛ́rɛi mu.

Amɔsə 7:2

Tãi dí kpɛ̀ɛ la a galai miiɛ Ǹɔii mai, ŋá mò, ńyɛ̂ɛi, “Óo Kúnuu-namui Ɣâla, zu-mɛni lɛɛ, ŋa íkperâi fêi! Ilɔii malôŋ káa. Gáa a lɔii kuro-te fíi kpɛɛ.”

Amɔsə 7:5

Nya ƃe ŋá mò, “Óo Kúnuu-namui Ɣâla Yâwɛɛ, ŋa íkperâ fêi a gɛɛ í kpéra mà. Ilɔii malôŋ káa. Gáa a lɔii kuro-te fíi kpɛɛ.”

Mise 7:10

Gɛ̀ ní kúkpɔara-ƃelai da pâi nyíŋi kâai ƃâa é kúla dîa, kúkpɔara-ƃelai ŋí kɛ̀ ɣɛ̂lɛi kûai dîyɛɛi, “Yâwɛɛ kɔ́ɔ nyii gáa a Káɣâlai?” Kwa pâi díyee mɛi ɣâlei kâai díkɛ dí tàŋ-taŋ yɛ̂ɛ pere-lêe ma pàra.

Malasi 1:9

Káai a zâla-laa soŋ-ƃelai, ka Ɣâla marê kɛ́ a gɛɛ é mɛni lɛ́lɛɛ kɛ́ kûɛ. Vé pâi káɣâla fɛlii-wooi su toôi ǹyaŋ a pâi kulâi kásɔŋ su.

Lonon mo 25:6

Eezuɛ-ŋai dí kɛ̀ wɔlɔ̂i Yâwɛɛ ma ŋɔsua kɔlɔ seɣe pɛrɛ maa waai la. Gɛɛ tíi, Eezuɛ-nuu tɔnɔ è pà a Midiɛŋ-nɛni tɔnɔ ŋɔƃûui la ŋɔnûai sáma.

Maafîu 23:35

a gɛɛ dɔ̃yâ-ƃelai kélee paa-mɛni é lɛ́ɛ kâa ǹɔii ma ƃɛ é síɣe Ebɛɛ paa-mɛni ma, nyii kɛ̀ a tɔ̃yâ-nuu, é tóo Zɛkɛraya, nyii kɛ̀ a Barakai ǹóŋ, paa-mɛni ma, nyii ká bàa Ŋ̀âla-pɛrɛ Kɛ́tɛi da Ŋ̀âla-teƃelei loai.

Maafîu 27:43

Ǹáâi a Ɣâla, tɔ̀ɔ nâa é m̀álo, à kɛ̀ à ŋ̀wɛli. Kpɛ́ni fêi, è mò ǹyɛɛ, ‘Ŋ́gaa a Ɣâla Ǹóŋ.’ ”

Dutɛrɔnome 28:37

Ǹɔii-ŋuŋ ka pâi liî zui, zu-ƃela da kákàa, a pâi kɛ̂i a gulaa a dia. Ka pâi kɛ̂i nɔ́ yɛ̂ɛ pêle kɛ́-sãa díŋɛi. Da pâi ɣɛlɛ-maa támaa kulâi kákponôi.

Dutɛrɔnome 32:27

Kɛ́lɛ, mvé ŋ̀wɛ̂lii a gɛɛ díkpɔara-ƃelai dí yoŋka téei diɛ dia ƃe ŋánûai yée mɛi ɣàle, a mɛ nɛ̃ɛ kɛ̀ ńyãa kpîŋ ƃé ŋánûai yée mɛi ɣàle.’

Zasua 7:9

À kɛ̀ tí, Keena-ŋai da ǹûai kélee ǹɔii sui da pâi mɛnîi. Gɛ̀ ní da pâi tînanii kûa dí kúpaa. À kɛ̀ tí, gɛ̀ ní ílaa kɛ́tɛi ŋí fé pâi karâi?”