Zooɛ 2:12 - Bible

¹² Yâwɛɛ ǹyɛɛ, “Loníi ma kpîŋ, ka lene pôlu ká pá ḿbɔ a kálii kélee, ká kɛ́ sûŋ sìɣe, ká kɛ́ malôŋ sèe ƃò.

Yálá laawoo hɛɓɛ (dc)

¹² Yii hu kɛa! Yai-Laa woo li: Ka pənə ka pa bɔ́ ka kwəi tɔ̨nɔ̨ mɛ̨i. Ka hín nɔ, ka wɔlɔ, ka ka woolaa.

Yálá laawoo hɛɓɛ

¹² Yii hu kɛa! Yai-Laa woo li: Ka pənə ka pa bɔ́ ka kwəi tɔ̨nɔ̨ mɛ̨i. Ka hín nɔ, ka wɔlɔ, ka ka woolaa.

Zooɛ 2:12 ပူးပေါင်းရင်းမြစ်များ

Samia Veerɛi 24:10

Kɛ́lɛ m̀ɛnii ŋí kɛ́ɛ naa pôlu ma Deeƃé líi è ƃèla ma. È mò Yâwɛɛ ma ǹyɛɛi, “Ŋaâ sɔnyɔ̂ŋ kɛ́tɛ kɛ́ a yá. Kɛ́lɛ Yâwɛɛ, ŋa íkperâi fêi a gɛ́ɛ í ńzu mɛni lɛɛ, kpɛ́ni fêi, ŋa ƃoo tûa kɛ́.”

Kɔlɔnikɔ Veerɛi 30:6

Nya ƃe kela-ŋa dí li a gɔlɔ-ŋai Eezuɛ da Zuda lɔii gwaa kélee ma yɛ̂ɛ berei gâloŋ è mò lai. Gɔlɔi ŋí è kùla gâloŋ da ǹaa tii kɛ́ lɔɔi-ƃelai yêei. Ǹono woo ƃé kɛ̀: “Eezuɛ-ƃela, ka lene pôlu ká Yâwɛɛ fɛli nyíi gáa a Eberaɣɛ̃ɛ, Aise da Zeeka Díɣâlai, a gɛ́ɛ ǹyaa máŋ é lene pôlu kaai kâa lɛɛi ká pɔ naa. Kaai káfe lɛ̀ɛ ni Asiria kaloŋ-ŋai yêei mui.

Kɔlɔnikɔ Veerɛi 6:27

gɛ̀ ní ye lɛɛ Ɣâla-taa í díwoo mɛni í dísɔnyɔ̂ŋ-ŋai su mɛni lɛɛ, diai díkaa a Eezuɛ-ŋai. Ye dɔ̃ya-perei lɛ́ dîa í gɛ́ tuna é pú dí lɔi su nyíi ya wɔ́lɔ dɛɛ dípɔ a díkɔ̃liŋ.

Ɛstɛrə 4:16

“Lí í Zuda-ŋai kélee ŋáa tɛ́ díkîe ma Susa taa-leei su ka dîa-ni ká sûŋ siɣe ḿɛni ma. Ka sûŋ siɣe a fólo saaƃa. Kwa ńyee mu-ƃelai kwa pâi gɛ̂i tí máŋ. Zûŋ ŋá ɣále tãi ŋa pâi liî gâloŋ pɔ́ naa berei máŋ vé tí la dɔ̂ŋ lá-woo mai. À kɛ̀ ŋa pâi saâi m̀ɛnii ŋí su, gɛ̀ ní é kɛ́ tí.”

Lɛɛ gbɔwɔ ɓa 33:5

Kpɛ́ni fêi, Yâwɛɛ è mò Mose ma a gɛɛ é mó dîa a gɛɛ díkaa a wolii kpɔ̂lɔ-ƃela. Ǹyaŋ a kɛ̀ da dîa-ni da lì a tãi kpua, a pâi dísu karâi. È mò dîa a gɛɛ í dímaa ɣîri sãai kúla dîa, gɛ̀ ní a pâi mɛnii kɔ̂lɔnii a pâi gɛ̂i a diai.

Azaya 22:12

Maa ɣêlei tí Ǹuu-namui Ŋ̀wála-wâla kélee Yâwɛɛ kátòli a gɛɛ ká káŋuŋ kálaŋ ma, ká maloŋ too-maa-seɣe too kâa, ká maloŋ-see ƃó, ká gbeɣêi tóo kásɔnyɔ̂ŋ-ŋai mɛni ma.

Azaya 58:4

Kà kɛ̀ sûŋ su, ka kɛ̂ laa-sâa kɛ̂i, kákɛ namu kɔ̀, kákɛ ká kîe-ni tùa a ƃɔtâai. Ka gâai ka kɛ̀ sûŋ siɣêi, kákɛ tùa a bere sîi ŋí, a pɔ̂ri gɛ̂i ńii é láa káyêei, ŋá káfɛli-woo-ŋai su too?

Ɉeremi 3:22

Ka tínaŋ ká pá Yâwɛɛ pɔ́ káai káfe teniŋ ƃô-nii, a pâi ká ƃâloi é kákɛ a teniŋ ƃô-ƃela. Ká mó kâai, “Oei, Yâwɛɛ, kwa pâi ípɔ, kpɛ́ni fêi, yá ƃé íkaa a Kúɣâlai.

Ɉeremi 36:7

Ɣele da, da pâi Yâwɛɛ fɛlîi, dí dípôlu tɔɔ dímɛni nyɔ́mɔ-ŋai dîa. Kpɛ́ni fêi Yâwɛɛ a bíli ƃôi a gɛɛ é ǹíi ŋwána ǹûai ŋí dîa a ŋ̀ánaa.”

Ɉeremi 4:1

Yâwɛɛ è mò ǹyɛɛi, “Eezuɛ-ƃela, à kɛ̀ ka pâi ŋ̀wɛ̂lii ká tínaŋ, gɛ̀ ní ka tínaŋ pôlu ḿbɔ naa pere. À kɛ̀ kà kɛ̀ a káteniŋ ƃôɔɔ, ká káɣâla pɔɔkɔŋ-ŋai pí lî nyíi-ŋai díƃɛlɛ fé ŋ́goi,

Ɉeremi 4:2

gɛ̀ ní à kɛ̀ ka káfòo a tɔ̃yâ da teniŋ ƃô pere a ǹáa, gɛ̀ ní ŋ̀éniɛi gwaa kélee a pâi ḿarê kɛ̂i a gɛɛ ŋá lûwa too dîa. À kɛ̀ tí, da pâi ńaa maa tɛ̂i.”

Izikiɛ 33:11

Mó Eezuɛ-ƃelai dîa Ńyãai a Ŋ̀wála-wâla kélee Yâwɛɛi ńyɛ̃ɛ m̀ɛnii ŋí ƃé ŋá mò kâa, ‘Tɔ̃yâ ma tãi nɔ́ ŋ́gaa la ɣele mai, ńii fa nɛ̃ɛ sɔnyɔ̂ŋ nuu ŋɔsɔnyɔ̂ŋ mɛ̂ni ma. M̀ɛnii a níi nɛ̃ɛi ƃa sɔnyɔ̂ŋ-nuu é ǹíi maa fáleŋ é lɛ́ɛ ɣele ma. Eezuɛ-ƃela, ka kpera sɔnyɔ̂ŋ kɛ̂i. Lé mɛni ƃé ka pâi saâi lai?’

Danîa 9:3

Nya ƃe ŋá luu sia ḿâ ŋá maloŋ tôo-maa seɣe too ḿâ ŋá suŋ-siɣe ŋá tínaŋ Ǹuu-namui Ɣâla pɔ́ naa pere ŋá vɛli a gbanaŋɔɔ.

Osia 12:6

“M̀ɛni ma, Íɣâlai ŋɔwála-wala-laai su, pá pôlu bɔ́, íwɛli-kɛ-maa da tɔ̃yâ-laa soŋ a gbanaŋɔɔ í Íɣâlai maa kpɛ́ŋ a tãi kélee.”

Osia 12:7

Bɔni-tɔɔ-nuui nyii sɛŋ-kɔ̂ɔŋ-sɛŋ nyɔ́mɔɔ káa ǹyêei, è wɛ́lini a m̀arâai filiɛɛ.

Osia 14:1

Óo Eezuɛ-ƃela, ka pá pôlu Káɣâlai Yâwɛɛ pɔ́, kpɛ́ni fêi, kásɔnyɔ̂ŋ a gɛ́ ka too.

Osia 6:1

Ǹûai dí mò dîyɛɛi, “Ka pá kú lene pôlu Yâwɛɛ pɔ́ naa. Kpɛ́ni fêi, a sɛŋ sóli kûa ǹyaŋ a pâi kúƃâloi. A pala tée kûa, a pâi ŋ̀á ɣirîi.

Zooɛ 1:13

Sâla-laa soŋ-ƃela, káai ká sâla kùla ŋ̀âla teƃelei mai, ka ƃɔrɔ sâa too kâa ká wɔ́lɔ. Ka lí Ŋ̀âla-pɛrɛ Kɛ́tɛi mu ká gbínii síɣe naa maloŋ tôo ma pere su, kpɛ́ni fêi, m̀ii sɛŋ da gbele sâla-sãai kélee da kpɛɛ Káɣâlai ŋɔpɛ́rɛi mu.

Zakari 7:3

a gɛɛ dí zâla láa-soŋ-ƃelai marê kɛ́ Yâwɛɛ Ŋɔpɛ́rɛi mu da ŋɔlóno kɛ́-ƃelai a bere sîi ŋí, “Ǹɛ̂lɛɛi ŋá malôŋ see ƃé, ŋá suŋ siɣe ŋ̀áloŋ ǹɔ́ɔlui su yɛ̂ɛ berei ŋá wɔ́lɔ gɛ̀ la kóraŋ támaa yée mui?”

Zakari 7:5

“M̀ó ǹûai kélee dîa díkaa ǹɔii mai da zâla láa-soŋ-ƃelai. Tãi ká kɛ̀ sûŋ siɣêi la ŋ̀áloŋ ǹɔ́ɔlui da mɛi feerɛi su, ká kɛ́ malôŋ sèe ƃò góraŋ buu lɔ́ɔlu mɛi feerɛ ŋí yée mui, ká kɛ̀ gɛ̂i ḿɛni ma?

Malasi 1:9

Káai a zâla-laa soŋ-ƃelai, ka Ɣâla marê kɛ́ a gɛɛ é mɛni lɛ́lɛɛ kɛ́ kûɛ. Vé pâi káɣâla fɛlii-wooi su toôi ǹyaŋ a pâi kulâi kásɔŋ su.

Gɛlaɠaa 26:20

Kɛ́lɛ, maa-ŋuŋ, ŋá mò Dimɛika-ƃelai dîa da Zerusâlɛŋ-ƃelai da Zuda-ƃelai kélee e pɛlɛ Zɛ̃tai-ŋai dîa a gɛ́ɛ dí dílii pene dí pa Ɣâla pɔ, dí tíi kɛ́ a ǹɛ́lɛɛ yɛ̂ɛ lii-pene-ƃela.

Nwun mąąɓo 2:4

Gélai kɛ́ɛ a nyíŋí ƃò dîai, Eezuɛ-ŋai kélee dípɛ̀lɛ wɔ́lɔɔ ma.

Nwun mąąɓo 20:26

Eezuɛ-ŋai kélee dí ŋɔ́nɔ lène pôlu Bɛtɛ taai su. Dí sèe naa ǹɔii ma Yâwɛɛ ŋɛ́i túɛ, díkɛ wɔ̀lɔ. Dífe mii-sãa da mii ní a maa ɣêlei tí. Dí kéreŋ sala da lawoi-laa sala kùla Yâwɛɛ ma.

Samuɛlə dɔlɔɔ 7:3

Samia è mò Eezuɛ-ƃelai dîa ǹyɛɛi, “À kɛ̀ ká ŋ̀wɛ̂lii ká tínaŋ Ǹuu-namui pɔ́-naa pere, gɛ̀ ní ka ǹɛ́ ma. Ká ŋ̀âla da kpɛ́ni-ŋai kélee kúla kásama da ŋ̀âla nɛnii Atarɔ pɔɔkɔ̂ŋ. Ka tínaŋ Ǹuu-namui pɔ́-naa pere a kálii kélee ká vɛli. Gɛ̀ ní a pâi káŋuŋ ma ƃôi Felesia-ŋai yêei.”

Samuɛlə dɔlɔɔ 7:6

Díkelee dí díŋaa tɛ̀ ma Mêepa Samia kɛ́ ƃò a dílaa-tuɛ nuu. Dí yá kùla ziŋ-yai su dí bú Ǹuu-namui ŋɛ́i-tuɛ a sama-sɛŋ Ǹuu-namui mɛni ma. Maa ɣelei tí núu tɔnɔ da fé mii-sɛŋ da mii ní. Nya ƃe dí mò dîɛi, “Kwa sɔnyɔ̂ŋ kɛ́ a Ǹuu-namui.”