Zooɛ 2:1 - Bible

¹ Ka dúrii fɛ́ɛ Zãiyɔŋ Yeei ma, ká vɛ́ɛ a ŋ̀óo su kɛ́tɛ ŋáyee maa-waai ma! Tɔɔ ǹɔii su-ƃelai kélee dí kpɛ̃lîŋ. Yâwɛɛ ŋɔtãi a pâi, a nâa lɛ̀ɣɛ.

Yálá laawoo hɛɓɛ (dc)

¹ Dulu hvɛɛ Siɔn taa mɛ̨i, tómą nwɔ́ yee mąąhəɠɛɛ ɓa. Nɔi lonnii kəlee di kpɛlin, mąąhɔlɔɓo, Yai-Laa nwɔ hvólói aa həli; Yaai kɛ mąą kpuai.

Yálá laawoo hɛɓɛ

¹ Dulu hvɛɛ Siɔn taa mɛ̨i, tómą nwɔ́ yee mąąhəɠɛɛ ɓa. Nɔi lonnii kəlee di kpɛlin, mąąhɔlɔɓo, Yai-Laa nwɔ hvólói aa həli; Yaai kɛ mąą kpuai.

Zooɛ 2:1 ပူးပေါင်းရင်းမြစ်များ

Kɔlɔnikɔ Maa-ŋuŋ 15:28

Eezuɛ-ŋai kélee dí tɔ̀ɔ Yâwɛɛ Ŋɔkpanaŋ-woo kɛ́ɛ maa Gãlai ma dí pá la Zerusâlɛŋ díkɛ làɣi kpɔ́ a zu kɛ́tɛ, díkɛ lii-nɛ̃ɛ kùla, díkɛ sua-mĩla turu fɛ̀ɛ. Dí kɛ̀ nyɛ̃-nyɛ́ŋ ɣàle, kɔnîŋ da pêle kɛ́-sãa da kpɛ́ni-ŋa.

Mąątɛ̨nɛ̨ 119:120

Yá nɔ́ ƃé ŋa yaôi yâ. Ŋa yaôi kpɔ́ í mɛni ŋá téɛɛi ma.

Mąątɛ̨nɛ̨ 87:1

Yâwɛɛ è ŋɔtaa-leei tɔ̀ɔ ǹyée maa waai ma.

Lɛɛ gbɔwɔ ɓa 10:14

Gotó-ŋai dí Ize lɔii gwaa kélee mɛi pɛ̀lɛ. È kɛ̀ a gotó kpulu su kɛ́tɛ a nyii núu da fé niî wɔ́lɔ da káa ní kpaa máŋ nyii pâi ŋɔ́nɔ kulâi.

Azaya 13:6

Malôŋ é tóo kâa, kpɛ́ni fêi, Ŋ̀wála-wâla kélee Yâwɛɛ ŋɔmɛni kula-maai ŋ̀ele a kɛ́ lɛɣɛ̂i.

Azaya 13:9

Yâwɛɛ ŋɔmɛni ŋá-tee ɣelei a pâi. Gáa a mɛni kpɔ̂lu su-kɛ́tɛ ɣele. A pâi m̀ɛni nyɔ́mɔɔ kɛ́-ƃelai su-karâi ǹɔii ma. A pâi gɛ̂i ǹɔii ma é lɛ́ɛ a fɛ̃ɛ-kpâlaŋ.

Azaya 2:12

Ŋ̀elei tí ƃé Ŋ̀wála-wâla kélee Yâwɛɛi a pâi ŋ̀wála-wala-ƃelai kélee yée mɛi ɣâlei la, é ǹyoŋka-ƃelai da ŋ̀ɛi-tɛ-ƃelai ŋáa yéŋ.

Azaya 66:2

Ńyãa ƃé ŋ̀éniɛi ŋí kélee kpɛ̀tɛ. Gélee káa a ḿbɔɔ. Diai ŋa pâi dímɛi kâai, dia ƃa diai dímaa yeŋɔ̂ɔi, da dípôlu tɔ̀ɔ dísɔnyɔ̂ŋ mai, díkɛ yào ḿâi, da diai da ŋ́oo mɛnii.”

Azaya 66:5

Káai ka yâo Yâwɛɛ ma, kákɛ ŋ̀óo mɛnii, ka káwoli tɔ́ɔ m̀ɛnii mâ a m̀ôi. Ǹyɛɛi, “Kákpɔɔi-ƃelai da kákpɔara dîɛ ka dia ni káfa mɛni kpɛtɛɛ da kɛ̀ gîe ma, kpɛ́ni fêi, kákaa a teniŋ ƃô-ƃela. Ká ƃɛlɛ fé kákpɔɔi-kpɔɔi ƃelai da-ni koi. Da ɣɛ́lɛ maa kulâi kákponôi ńaai mɛni ma dîyɛɛi, ‘Tɔɔ Yâwɛɛ é ŋɔwála-wâla kɛ́tɛi lɛ́ é díŋuŋ ma ƃó kú ǹaa káa díkɛ koi-nɛ̃̂ɛ kùla.’ Kɛ́lɛ dia ƃé m̀baa kula-maai tí a pâi sɛ̂lɛnii dîa.

Ɉeremi 16:10

“Tãi ya pâi m̀ɛnii ŋí ƃôi la dîai, da pâi m̀ôi dîyɛɛi, ‘Lé mɛni ƃé kú gɛ̀ ǹyaa Yâwɛɛ a m̀ɛni kpɔ̂lu sãŋ kɛ́ɛ ŋí lâai la kûai? Lé mɛni nyɔ́mɔɔ ƃé kwa gɛ́i? Sɔnyɔ̂ŋ kɛ́ɛ léŋ ƃé kwa gɛ́ a Kúɣâlai Yâwɛɛ?’

Ɉeremi 16:7

Núu da fé pâi mii-sɛŋ da tɛɛ̂i zaa-wɔ̂lɔ kɛ́-ƃelai pɔ́ é dí ŋáa-nɛnɛ zaa-mɛnii ḿâ, kpaa máŋ é yá tɛ́ɛ dípɔ dínâŋ da dílee saa mɛni ma.

Ɉeremi 4:5

Lolo too-ƃela, ka lolo tóo Zuda da Zerusâlɛŋ gwaa kélee ma. Láɣi kpɔ́ a íwoo su ponoɔɔ. Mó Zuda da Zerusâlɛŋ-ƃelai dîa dí pú dí lî daa-lêe-ŋai su nyíi-ŋai dí maa tínaŋɔ̂ɔi a siɣãŋ.

Ɉeremi 5:22

Ńyãa ƃa Yâwɛɛ, lé mɛni ƃé káfa ƃaa-kɛ-ma tɛ̂ɛ la ḿbɔi? Lé mɛni ƃé káfa kpɛ̃̂liŋ la ŋ́ɛi túɛi? Ŋá ŋaya kɛ̀ a yúo ŋɔgɔ̃yɛŋ-pere, gáa a gɔyɛŋ-pere kpanaŋɔɔ nyíi va pɔ̂ri maa tíyeniî. Ǹyuoi a pɔ̂ri túmo-tumoi, kɛ́lɛ, va pɔ̂ri naɣînii m̀ɛi. Ǹyái ŋɔzikɛ-zikɛi a pɔ̂ri toôi, kɛ́lɛ, va pɔ̂ri tɛɛ̂i gɔyɛŋ-perei mɛi.

Izikiɛ 12:23

M̀o dîa m̀ɛnii ńyãai Ŋ̀wála-wâla kélee Yâwɛɛi ŋ̀a mòi diai. Ŋa pâi zaŋ-wooi ŋí kperâi. Dífe ŋɔ́nɔ pâi da ƃoi Eezuɛ lɔii-ŋí su. M̀o dîa a gɛɛ tãi aâ seri a gɛɛ m̀ɛni-ŋai ŋí ŋa-see é kɛ.

Izikiɛ 21:12

Núu kpune ǹóŋ, ye wɔ́lɔ a ɣele perei. Kpɛ́ni fei mòa-sɔkpɔi ŋí káa ŋánûai mɛ̂ni ma. Gáa Eezuɛ-ŋai láa-tuɛ ƃelai mɛ̂ni ma. Gáa pâi dí paai. É pɛlɛ ŋá ǹûai kélee dîa. Íkeŋe-la lokwa a maloŋ-too maa pere.

Izikiɛ 30:3

Ŋ̀elei nyii Yâwɛɛ a pâi tíi kɛ̂i lai a nâa lɛɣɛ. Gáa a mɛni ŋáa téɛɛ da mɛni kpɔ̂lu ǹɔii-ŋûŋ-ŋai mɛ̂ni ma.

Izikiɛ 33:3

À kɛ̀ a kɔ́ kàa pâi, a dúrii fɛ̀ɛ a gɛɛ é mó ǹûai dîa kɔ́ a pâi,

Izikiɛ 33:6

Kɛ́lɛ à kɛ̀ gwaa mâ mɛi káa nuui è kɔ́ kàa pâi vé dúrui fɛ́ɛ ní a gɛɛ é mó ǹûai dîa kɔ́ a pâi, gɔ́i a pâi dí ta-ni paâi dísɔnyɔ̂ŋ su. Kɛ́lɛ dí maa mɛ̂ni a pâi lɛɛ̂i gwaa mâ mɛi-kaa nuui mâ.

Izikiɛ 7:10

Mɛni-kpɔ̂lu maa fólo káa pâi. A nâa seri ƃɛ. Ŋwana-lɔɔ mɛni a nâa kɛ́ ƃûu ƃoi. Su mɛni kɛtɛ a nâa seri gɔ̃yɛŋ ma.

Izikiɛ 7:12

Tãi a pâi. A nâa seri. Diai sãâ yâi, dífe lii-nɛ̃ɛ kùla, kpaa máŋ diai sãâ kɔlɛ̂i dífe malôŋ see ƃò. Kpɛ́ni fêi lii-ŋwâna káa pâi ǹûai kélee dîa.

Danîa 6:26

Ŋa dɛɛ̂i ŋákâloŋ lɔii-kpiniŋ su gwaa kélee a gɛɛ núu kélee é yao Danîa Ŋɔɣâlai ma é ŋumɛ-mâa tɛ́ɛ bɔ́. Ǹyaa ƃa Gɛ-ɣele-ma Ɣalai. Gáa naa wɔ́lɔ-wɔlɔ da wɔ́lɔ-wɔlɔ. Núu da fa pɔ̂ri ŋɔkâloŋ-laai su karâi. Ŋɔkɛ-mɛi-laai kóyaŋ fé ma.

Danîa 9:16

Ítɔ̃yâ-laai su, ílii ŋá yéŋ í Zerusâlɛŋ nyii gáa a ítaa-lee kɛ́tɛi, su-mɛni lɛɛ. Ítaa-leei ká ŋí íyee maa waai ma. Kúsɔnyɔ̂ŋ da kúnâŋ-ni díwɔ̂i a gɛ́ ƃaa kula maa a sɛ̂lɛŋ daa-leei ŋí ma. Gɔlɛ ma-ƃelai kélee da kɛ́ nɔ́ ɣɛlɛ-maa kulâi gbonôi.

Danîa 9:20

Ŋá kɛ̀ Ɣâla fɛlîi, ŋ́gɛ ŋásɔnyɔ̂ŋ ƃò da ŋánûai Eezuɛ-ŋai díwɔ̂i, ŋ́gɛ Ŋ̀âla-pɛrɛ Kɛ́tɛi maa kpera fei kɛ̀.

Osia 5:8

Dúrii fɛ́ɛ Gibea taa-leei su. Dúrui fɛ́ɛ Lama taa-leei su. Dúrii wóo kúla Bɛtavɛ̃ŋ taa-leei su. Óo Bɛŋsima ŋɔnûai, ka lí kɔ́ ma.

Osia 8:1

Yâwɛɛ ǹyɛɛ, “Ka dúrii fɛ̂ɛ. Ŋ́gbɔara-ƃelai díkaa ŋá pɛrɛi mɛi yɛ̂ɛ kuɛ-ŋa, kpɛ́ni fêi, da ŋákpanaŋ-wooi kàra da tɔɔ ŋátɔ̂ŋ ma.

Zooɛ 1:15

Ŋ̀elei malôŋɔɔi kpɛ́ni fêi, Yâwɛɛ ŋɔɣelei a lɛ̀ɣɛ, Ŋ̀wála-wâla kélee Ɣalai a pâi pâi a su-kâra.

Zooɛ 2:11

Yâwɛɛ a ŋ̀óo tɛ̂i ɣelêi ŋɔkɔkuluƃa-ŋai túɛ. Ŋɔkɔkuluƃa-ŋai tâmaai, wála-wâla kɛ́ ƃò diai kélee yêei da ŋ̀óo mɛnii. Ŋɔɣelei káa a ɣele kɛ́tɛ, maa-pɔlɔ-pɔlɔɔ. Gbɛ̂ɛ ƃa pɔ̂ri tɔɔ̂i dúɛi?

Zooɛ 2:15

Ka dúrii fɛ́ɛ Zãiyɔŋ Yeei ma, ká ǹûai ŋáa tɛ́ ma dí sûŋ siɣe.

Zooɛ 2:31

Vóloi a pâi penêi a kpíni, ŋ̀áloŋ é pene a ŋãa, Yâwɛɛ ŋɔɣelei é lɛ́ɛ pâi, nyii gáa a ŋ̀ele kɛ́tɛ maa pɔlɔ-pɔlɔɔi.

Zooɛ 3:14

Núu wála támaa káa mɛni ŋãa-tee ya-ƃolo-ƃoloŋ su. Yâwɛɛ ŋɔɣelei a lɛ̀ɣɛ mɛni ŋá-tee mɛni ma ǹyá-ƃolo-ƃoloŋ su.

Zooɛ 3:17

“Ka pâi ŋ́gɔlɔnii naa a Yâwɛɛ Káɣâlai, nyii gáa Zãiyɔŋ Yeei mai, ŋáyee maa-waai. Zerusâlɛŋ a pâi kɛ̂i a maa-waa. Ŋɔ̃́ya da kélee yée fé ŋɔ́nɔ pâi tɛɛ̂i naa.

Amɔsə 3:6

Da pɔ̂ri kɔ́-turu fɛ̂ɛi taâi, daa-ƃelai dífa yâo? Kpalo a ƃêla kpɛ́ni taa ma, à kɛ̀ Ɣâla Yâwɛɛ fé m̀éla ní?

Amɔsə 5:18

Kpalo ƃêlai kâa káai Ɣâla Yâwɛɛ ŋɔɣelei wɛ̂lii! Ka ŋ̀elei ŋí wɛ̂lii lé-mɛni ma? Gáa a kpíni, vé a kwaa-ponoɔ.

Amɔsə 8:2

È mò ǹyɛɛi, “Emɔ, lé ƃé ƃa gâai?” Ǹyɛ̃ɛ mà, “Wúru-ƃa kpɔlu kpɔlɔ tɔnɔ.” Nya ƃe Ɣâla Yâwɛɛ è mò ḿâ, ǹyɛɛ, “Ŋánûai Eezuɛ-ŋai dítãi kpɛɛ ŋá a seri. Fé pâi ŋɔ́nɔ dísu-mɛni lɛɛ̂i.

Abdiasə 1:15

“Tã a lɛɣɛ tã ńyãai a kánuu-namui, ŋa pâi ǹɔii-ŋûŋ-ŋai dimɛni ŋáa têei lai. Idɔŋ, berei í tùa lai, bere ƃé da pâi tûai la a yá: íkpɔɔi tua-perei a pâi pûi íŋûa.”

Sofoni 1:14

Yâwɛɛ ŋɔɣele kɛ́tɛi a lɛɣɛ, ǹyaŋ a pâi a maa-felaa! Yâwɛɛ ŋɔpa-ɣelei a pâi kɛ̂i a mɛni kpɔ̂lu-ɣele. A pâi kɛ̂i a mɛni kpɔ̂lu-ɣele nyii pâi gɛ̂i ŋ̀wála-wâla-nuui a pâi wɔ̂lɔi naa.

Sofoni 1:16

A pâi kɛ̂i a kɔ́-kɔ tûru fɛ́ɛ ɣêle, kɔ́-kɔ-ƃela díkɛ làɣi tãi da kɔ́ pɛ̀lɛ la daa-lêe-ŋai dîa nyii-ŋai dímaa tínaŋɔ̂ɔi a siɣãŋ-ŋai yeŋkêŋ kôyaa-ŋa díkɛ ƃò naai.

Sofoni 1:7

Ímɛi sáa Ɣâla Yâwɛɛ ŋɛ́i túɛ! Yâwɛɛ ŋɔmɛni ŋátee ɣelei a seri. Yâwɛɛ aâ gbîŋ kpɛ̀tɛ a gɛ̀ɛ é ŋɔnûai kúla a sâla. Ǹyaŋ aâ nûa tóli a gɛɛ dípa.

Sofoni 3:11

Maa ɣêlei tí dífe pâi íŋumɛ̂i ímɛni nyɔ́mɔɔ-ŋai ƃa gɛ́ a ńyãai m̀ɛni ma, kpɛ́ni fêi, ŋa pâi ǹyoŋka ƃela kpɛ́ni-kpɛni-ŋai kulâi kásama, ǹyaŋ yoŋka-nuu fé ŋɔ́nɔ pâi kɛ̂i ŋáyee maa waai ma.

Zakari 14:1

Ká gáa, Yâwɛɛ ŋɔɣelei káa pâi tãi da pâi kásãâi ŋáa kɔlɛ̂i la káŋɛi dí gùla káyêei.

Zakari 8:3

Ŋa pâi penêi pôlu Zãiyɔŋ ŋá sée Zerusâlɛŋ, ǹyaŋ da pâi Zerusâlɛŋ tôlii a tɔ̃yâ taa-lee dí ŋáyeei tóli a yée maa waa.

Malasi 4:1

Ŋ̀wála-wâla Yâwɛɛ a môi ǹyɛɛi, “Ŋ̀ele kûui káa pâi tãi ǹyoŋka-ƃelai da zɔnyɔ̂ŋ-ƃelai da pâi kérenîi la yɛ̂ɛ kala kpâlai. Maa ɣêlei tí da pâi kérenîi, dí kpua tɔ̂nɔ kpîŋ fé pâi lɛɛ̂i.

Lonon mo 10:2

“Káne-turu feerɛ ɣále a kpɔ́kpɔ Eezuɛ-ŋai tóli-mɛni ma díkîe ma da díƃûu-ŋai kolôŋ-mɛni.

Lonon mo 10:3

Tãi Eezuɛ-ŋai da dúru feerɛi ŋí veerɛ wóo mɛ̀ni lai, fɛ̂ɛ díkelee dí díŋa tɛ́ díkîe ma íŋɛi-tuɛ Zua kɔlɔ seɣe pɛrɛ maa waai lá.

Korɛntə dɔlɔɔ 14:8

À kɛ̀ potɛnɛ-fɛɛ-woo à kɛ̀ a nyɔ́mɔɔ, gbɛ̂ɛ ƃa gbîŋ kpɛ̀tɛ kɔ mɛni ma?

Filipə 2:12

Mɛni ma ŋáwɛli-kɛ-maa-ƃelai, yɛ̂ɛ berei ka wɔ́lɔ wóo mɛni kɛ̀ lai, ka nâa kákpîŋ ƃalo-laa kɔri a yao-maa da maa kpɛ̃liŋ. Vè kɛ̀ nɔ́ a ŋ́ɛi, kɛ́lɛ, fɛ̂ɛ nɔ́ ká gɛ́ máŋ ŋ́ɛi pôlu.

Tɛsalonikə dɔlɔɔ 5:2

Kpɛ́ni fêi, kákelee ká gɔ́lɔŋ a ǹɛ́lɛɛ a gɛ́ɛ Kúnuu-namui ŋɔɣelei a pâi pâi nɔ́ a kpini yɛ̂ɛ ŋúma-nuu.

Zĩi 5:8

Káa máŋ ka kálii kpéle. Ka kálii maa sóŋ, kpɛ́ni fêi, Kúnuu-namui pá-tãi a lɛ̂ɣɛ.

Piɛrə dɔlɔɔ 4:7

Sɛŋ kélee kpɛɛ ŋá a lɛ̂ɣɛ. M̀ɛni ma táre é kɛ́ káyêei kákili ŋá é pono Ɣâla fɛli mɛni ma.

M̀ɛni-lɛɛi 6:17

Kpɛ́ni fêi, dílii-ŋwâna-ɣele kɛ́tɛi a pá, ǹyaŋ gbɛ̂ɛ ƃa pɔ̂ri tɔɔ̂i nàa tuɛi?”