Zôo 23:10 - Bible

¹⁰ É máŋ kɛ́ tí, Ɣâla è ƃɛ́i kɔ́lɔŋ a pɔ̂ri ŋ́gâai naai. À kɛ̀ a ńdûa-pere maa kpɛ̂ɛ, a pâi gɔ́lɔnii a gɛɛ ŋa fôlo kpɔ́ yɛ̂ɛ kɔni wôlo su ya-ɣɛli-loŋ.

Yálá laawoo hɛɓɛ (dc)

¹⁰ Ya pa, ə dɛ́ɛ́ pələ kɔ́lɔn. A ɉúkɔɔn, ŋą́ kulɔ ɉu a mąąhɛɠɛɛ yɛ hɛni.

Yálá laawoo hɛɓɛ

¹⁰ Ya pa, ə dɛ́ɛ́ pələ kɔ́lɔn. A ɉúkɔɔn, ŋą́ kulɔ ɉu a mąąhɛɠɛɛ yɛ hɛni.

Zôo 23:10 ပူးပေါင်းရင်းမြစ်များ

Zɛnɛse 18:19

Kpɛ́ni fêi, ŋá nɛ̀ a gɛɛ é ǹônii da ŋɔpɛ́rɛi mu-ƃelai kɛ́ dí ŋápɛrɛi mɛi káa bôlu ma a tɔ̃yâ-mɛni kɛ́ɛ da teniŋ-mo laa, a gɛɛ ŋá gbanaŋ-wooi ŋàa-see kɛ́ ŋá gɛ̀ Eberaɣɛ̃ɛ yêei.”

Samia Veerɛi 22:22

Ŋá sìa a Yâwɛɛ ŋɔtɔ̂ŋ wóo, fé ta kùla ní Ŋáɣâlai pôlu.

Tɔɔɓɛlaa veelɛ 20:3

“Yâwɛɛ, ífe nia a gɛɛ ńâai a ƃía, ŋ́gɛ tíi kɛ̀ yɛ̂. Ŋa wɔ́lɔ woo-mɛni kɛ́ yɛ̂ a ńii kélee. Ŋa wɔ́lɔ mɛnii kɛ̂ nyii ƃa nɛ̀ a gɛɛ ǹɛ̂lɛɛi.” Nyíŋi pôlu ma, è wɔ̀lɔ kpɔ́ a ŋánaa.

Zôo 10:7

Í gɔ́lɔŋ kpɔ́ ḿve niî mɛni nyɔ́mɔɔ da kɛ́ ní, kɛ́lɛ núu da fé naa é ŋ́gula íyêei.

Zôo 23:7

Maa tãi tí a sèri, ŋa pâi ŋá mɛnii ŋá lɛ̂i mà kpɛ́ni fêi ŋ́gaa a teniŋ ƃô-nuu. Ǹyaŋ Ɣâla nyii gáa a ŋá mɛni-sâa ƃó-nuui, a pâi môi ḿâ a gɛɛ ŋá mɛnii lɛ̂lɛɛi. Ŋ́zɔŋ fé m̀ɛnii su.

Zôo 31:4

Ɣâla è berei kɔ́lɔŋ ŋákɛ̀-ɣeniɛi káa lai. Ɣâla a m̀ɛni-ŋai kélee kàa ŋa gɛ̂i.

Zôo 31:6

Tɔɔ Ɣâla é ŋámɛnii ŋá tée a teniŋ ƃô-pere, é gɔ́lɔŋ a gɛɛ ńzɔŋ fé m̀ɛnii ŋí su.

Zôo 33:9

‘Ḿaa wâai ḿve niî mɛni nyɔ́mɔɔ da kɛ́ ní. Ḿve niî mɛni nyɔ́mɔɔ sii kélee da kɛ́ ní ŋákɛ̀-ɣeniɛi su.

Zôo 6:29

Kpera ínîa lono kɛ̂i mɛi. Kpera dûa sii ŋí ma, kɛ́ a gɔ́lɔŋɔɔ a gɛɛ fé mɛni nyɔ́mɔɔ da kɛ́ ní.

Zôo 7:18

Ya nàa kàa a ɣele wâla kélee, íkɛ m̀aa kpɛɛ a ŋ̀ánaai.

Mąątɛ̨nɛ̨ 1:6

Yâwɛɛ ƃa dɔ̃yâ-ƃelai téniŋ tɔ̀ɔ gɛ́ dímaa kɔ̃ɔ. Kɛ́lɛ a ŋ̀wana-lɔ̂ɔ-ƃelai su-kara.

Mąątɛ̨nɛ̨ 11:5

A su-kɔɔ̂ŋ tɛ̀ɛ dɔ̃yâ-ƃelai pɔ́ da ŋ̀wana-lɔ̂ɔ-ƃelai. Vé ŋ̀wɛ́lini a ǹúui a mɛni-su karai.

Mąątɛ̨nɛ̨ 17:3

Í m̀ɛnii kélee kɔ́lɔŋ gáa ńii sui. Yà pà ḿbɔ a kpíni, yà ḿaa kpɛ̂ɛ, ífe pâi mɛni nyɔ́mɔɔ kélee da kâai ŋ́gbonôi. Wóo nyɔ́mɔɔ kélee da fa kûla ńa,

Mąątɛ̨nɛ̨ 66:10

Yá, óo Ɣâla, ya kú-sukɔɔ̂ŋ, ya kúmaa kpɛ̀ɛ, ya kúmaa wáa yɛ̂ɛ da káne liƃi wâa ma.

Mąątɛ̨nɛ̨ 7:9

Íkaa a teniŋ ƃô Ɣala. Yá ƃé núu-kpune líi su kɔ́lɔŋ da ŋɔkili ŋa sîai. M̀ɛni ŋ̀wana-lɔ̂ɔ-ƃelai su-kara, í diai ŋɛ́i malôŋ káa da íwoo mɛnii.

Hanwon 17:3

Da káne da gôo kɔ̀ɔŋ ŋɔŋ su, kɛ́lɛ Ɣâla Yâwɛɛ ƃa núu líi su kɔ̀ɔŋ.

Ɉeremi 12:3

Óo Yâwɛɛ, í ŋ́gɔ́lɔŋ. Ya ŋ́gâa íkɛ ŋákili-ŋa-siâi bîlaŋɔɔi yâi su kɔ̀ɔŋ. Ye díɣala yɛ̂ɛ ƃála ƃé da liî la bàa mɛ̂ni ma. Dí pûi kɛ́ díkpîŋ yee ma dípaa mɛni ma.

Zakari 13:9

Ŋa pâi ǹɛɛ-pôlu-ƃelai ŋí waâi yɛ̂ɛ berei núu a káne wàa la a ŋɔŋ, ŋá dímaa kpɛ́ɛ yɛ̂ɛ berei núu a gôo maa kpɛ̂ɛ la a ŋɔŋ. Ǹyaŋ da pâi ńdôlii, ǹyaŋ ŋa pâi díwoo su toôi. Ŋa pâi môi a gɛɛ díkaa a ŋánûa. Ǹyaŋ da pâi môi dîyɛɛ, ‘Yâwɛɛ ƃa Kúɣâlai.’ ”

Ɉaan 21:17

E mò ŋɔ́nɔ ma a zaaƃa-ɣelei, ǹyɛɛi, “Samaŋ, Zɔ̂ŋ ǹóŋ, í ŋ́wɛli ni?” Pitɛ malôŋ e tòo ma, kpɛ́ni fêi, e m̀arê kɛ̀ a zaaƃa-ɣelei, ǹyɛɛ ma, “Í ŋ́wɛli ni?” Nya ƃe e mò ma, ǹyɛɛi, “Ŋánuu-namui, í mɛni kélee kɔ́lɔŋ; í gɔ́lɔŋ a gɛɛ ŋá íwɛli ni.” Zîsɛ e mò ma, nyɛɛi, “Ŋáƃala-ŋai ŋá kɔ́ŋ.

Korɛntə dɔlɔɔ 3:15

À kɛ̀ núu da ŋɔtíi à kèreŋ, maa-nuui ŋɔpɛ́rɛ-tɔɔ-sãai da pâi lánîi, berei máŋ ǹyaa kpîŋ a pâi ƃálôi lai, kɛ́lɛ, a pâi kɛ̂i nɔ́ yɛ̂ɛ núu a tɛɛ ŋɔŋ su.

Dutɛrɔnome 8:2

Berei Káɣâlai Yâwɛɛ è káteniŋ tɔ̀ɔ la vɛ̃ɛ-kpâlaŋ su a góraŋ buu náaŋ maa mɛni kíli é lɛ́ɛ káŋa. È gɛ̀ ká kɛ́ a maa yeŋ-ƃela é su-kɔɔŋ tɛɛ kápɔ a gɛɛ é kálii su kɔ́lɔŋ à kɛ̀ ka pâi ŋɔtɔ̂ŋ-ŋai mɛi kâai.

Timote veelɛ 2:19

Kɛ́lɛ, Ɣâla ŋɔmɛni kɔ́ɔ pîlaŋɔɔi káa tɔ̂ɔni a gbanaŋɔɔ ŋ̀óo-ŋai ŋí pɔ̃yɛɛ ma: “Kúnuu-namui e dîai kɔ́lɔŋ díkaa a bɔ́ɔi.” “Tɔɔ dîai kélee da Kúnuu-namui láa tòlii dí disu kula ŋwana-lɔɔ ma.”

Hebreu 11:17

Laa-la sârai, tãi Ɣâla è Eberaɣɛ̃ɛ su kɔ̀ɔŋ, a gɛ́ɛ é Aise kùla a sâla. Ǹúui nyíi gono-teei sɔlɔ ƃôi, è gbîŋ kpɛ̀tɛ a gɛ́ɛ é gbîŋ lóŋ kúla a sâla,

Zĩi 1:12

Lûwa káa ǹúui ma a ǹíi kpèle su-kɔɔŋ yêei, kpɛ́ni fêi, à tɔ̀ɔ zu-kɔɔŋ tí su, gɛ̀ ní a pâi fulu-laa ŋɔkâloŋ-ƃɔrɔi sɔlɔ ƃôi, nyíi Ɣâla a góno tée la diai yêei dí ŋ̀wɛli ni.

Piɛrə dɔlɔɔ 1:7

a gɛɛ kálaa-lai ŋɔsu-kɔɔŋ é kɛ́ laa-maa-tɛ su, da ƃaa-kɛ-ma, é pɛ́lɛ folo-laa ma a Zîsɛ Kôrai pá tãi. Ǹaa-lai nyíi mɛni kpanaŋɔɔ̂i é tɛ́ɛ gôo ma nyíi a karai, berei máŋ da gɔ̀ɔŋ la a ŋɔŋ.