Zôo 22:27 - Bible

²⁷ Ya Ɣâla fɛ̀li, a pâi íwoo mɛnîi, ǹyaŋ ya pâi íkono têei ŋa-see kɛ̂i nyii í gɛ̀ mìi.

Yálá laawoo hɛɓɛ (dc)

²⁷ Yá kɛi vɛli, a ə́ woo mu hon, yii lɔ mąąnɛ̨ɛ̨ ə́ gɛ, ya ɓaa ə́ ə́ woo pɔ mɛ̨nį kɛ.

Yálá laawoo hɛɓɛ

²⁷ Yá kɛi vɛli, a ə́ woo mu hon, yii lɔ mąąnɛ̨ɛ̨ ə́ gɛ, ya ɓaa ə́ ə́ woo pɔ mɛ̨nį kɛ.

Zôo 22:27 ပူးပေါင်းရင်းမြစ်များ

Tɔɔɓɛlaa veelɛ 13:4

Zɛoazi è Yâwɛɛ fɛ̀li kpɔŋ-maa mɛni ma, ǹyaŋ Yâwɛɛ è berei kâa Gâloŋ Azae è kɛ̀ Eezuɛ-ŋai sonîi la a nyɔ́mɔɔi. È Zɛoazi ŋɔfɛli-wooi mɛ̀ni é zu tòo

Kɔlɔnikɔ Maa-ŋuŋ 4:10

Zabɛsi ŋí è wɔ̀lɔ Eezuɛ Ɣalai ma a ɣele tɔnɔ da ǹyɛɛi, “Óo ye lûwa láa ḿâ í ŋálɔii-kpiniŋ su kɛ́tɛ. Ǹɛɛ naa íyee é kɛ́ ḿɛi í ŋ́gula mɛni kpɔ̂lu su a gɛ́ɛ ḿve sɛŋ sôli maa sɔlɔ ƃô.” Nya ƃe Ɣâla è ǹyée sèe ŋɔfɛli-wooi mu.

Kɔlɔnikɔ Veerɛi 33:13

Nya ƃe è Ɣâla fɛli, Ɣâla é m̀aloŋ kàa é ŋ̀woli tɔɔ ŋɔkpera-fêi ma. Gɛ́ɛ tí, è pa la pôlu Zerusâlɛŋ é zèe ŋɔkaloŋ-laai su. Manasɛ è nâa gɔ́lɔŋ a gɛ́ɛ Yâwɛɛ ƃe Gâa a Ɣâla.

Zôo 11:13

Kɛ́lɛ Zôo, à kɛ̀ ya ípôlu tɔ̀ɔ ísɔnyɔ̂ŋ ma, í íyee tɛ́ ɣelêi í Ɣâla fɛli,

Zôo 27:10

Dîi pɔ̀ri Ŋ̀wála-wâla kélee Ɣalai ŋɔlii sêei kɔ̂rii. Dîi pɔ̀ri kɛ̂i Ɣâla fɛlîi a ɣele kélee.

Zôo 33:26

À kɛ̀ gɔlɔ-fela-nuui a Ɣâla fɛ̀li, Ɣâla a pâi ŋ̀wóli tɔɔ̂i ma. Gɛ̀ ní a pâi Ɣâla fɛlîi a liî-nɛ̃ɛ-pere. Kpɛ́ni fêi Ɣâla a gula saa yêei.

Zôo 34:28

Da tua nyɔ̂ŋ kɛ̀ a gôlo-ƃelai. Da díkɛ̀ díkɛ wɔ̀lɔ Ɣâla ma a gɛɛ é kpɔ́ŋ dîa. Ǹyaŋ a díwɔlɔ-woo mɛni é kpɔ́ŋ dîa.

Zôo 8:6

À kɛ̀ íkaa a teniŋ ƃô nuu maa waa, gɛ̀ ní a pâi ímɛi kâai, é ísãâi da pɔɔ tôo tɛɛ.

Mąątɛ̨nɛ̨ 116:1

Ŋá Yâwɛɛ wɛ́lini, kpɛ́ni fêi, a ŋ̀óli tɔ̀ɔ ŋ́oo ma, gɛ́ ŋáfɛli-wooi mɛ̀ni.

Mąątɛ̨nɛ̨ 116:14

Zãâi ŋa ŋ́gono tèe la ǹyêei, ŋa pâi dɛɛ̂i bɔ́ ŋɔnûai ŋɛ́i-tuɛ.

Mąątɛ̨nɛ̨ 56:12

Óo Ɣâla, zɛŋ nyii ŋá ŋ́gono tèe lai, ŋa pâi dɛɛ̂i ípɔ. Ŋa pâi ŋásɛɣɛ-fei sama-sɛŋ tɛɛ̂i ípɔ.

Mąątɛ̨nɛ̨ 61:5

Í ŋákono tee-woo-ŋai kɔ́lɔŋ, óo Ɣâla. Diai da ífɛ̀lii, ya díkɔ̃liŋ tɛɛ ḿbɔ.

Mąątɛ̨nɛ̨ 91:15

Da ńdòli, ŋa pâi díwoo su toôi. Ŋa pâi kɛ̂i díkɔlɛ dímɛni kpɔ̂lui kélee su. Ŋa pâi díŋuŋ ma ƃôi ŋá ƃaa kɛ́-maa tɛ́ɛ dípɔ.

Ikilisiati 5:4

Ka kono-tee kɛ̀, ka ŋ̀aa-see kɛ́ a maa félaa. Ɣâla fé wɛ́li ní a ǹúui a kono-tee kpala kɛi. Ka kákono tèe, ka ŋ̀aa-see kɛ́.

Azaya 58:9

Kà ḿvɛli, ŋa pâi káwoo su-toôi. Kà ńdòli, ŋa pâi fâai. “Ŋa pâi gɛ̂i tí, à kɛ̀ kà kpèra kákîe-ni lúanîi mɛni pɛlɛ-pɛlɛɛ kélee su, ká kápôlu tɔɔ wóo nyɔ́mɔɔ sii kélee ƃóɔɔ ma, ká kpéra káyee-gbua lɛ̂i nûa dîa.

Ɉeremi 29:12

À kɛ̀ tí, gɛ̀ ní ka pâi ńdôlii. Ka pâi pâi ḿbɔ ká ḿvɛli, ǹyaŋ ŋa pâi káwoo mɛnîi.

Zôna 2:9

Kɛ́lɛ ńyãai sɛɣɛ-fêi-woo káa ńai, ŋa pâi sâla kulâi mà. M̀ɛnii ŋá maa-kono-tee kɛ̀i, ŋa pâi gɛ̂i. Ŋuŋ-ma-ƃô a kûla Yâwɛɛ yêei.”

Dutɛrɔnome 23:21

“Ka kákono tèe Káɣâlai Yâwɛɛ yêei ka m̀aa mɛnii kɛ́ a maa félaa, kpɛ́ni fêi, a pâi wɛ́li tí-ti ƃôi la káyêei. A kɛ̀ ka wàla gɛ́ tí, gɛ̀ ní ka sɔnyɔ̂ŋ kɛ́.