Zôo 12:10 - Bible

¹⁰ Sɛŋ nyii kélee gáa ɣele mai ŋɔfúlu-laai káa Ɣâla yêei, vúlu-laai nyii a gɛ̀ núu kɛ́ ƃò ɣele mai.

Yálá laawoo hɛɓɛ (dc)

¹⁰ Ya ɓə hɛn gəlee nɔ̨ɔ̨ kaa ɲəi, ə mą kɛ nu kanŋaa nɔw ɓə.

Yálá laawoo hɛɓɛ

¹⁰ Ya ɓə hɛn gəlee nɔ̨ɔ̨ kaa ɲəi, ə mą kɛ nu kanŋaa nɔw ɓə.

Zôo 12:10 ပူးပေါင်းရင်းမြစ်များ

Zɛnɛse 2:7

Nya ƃe Yâwɛɛ Ɣâla è pɔ̂rɔ sìɣe ǹɔii ma é núu-kpune kpɛtɛ la, é vúlu-laa lɛwoi pú zũai. Nya ƃe núu-kpune è kɛ̀ a vúlu.

Zɛnɛse 6:17

Kpɛ́ni fêi, ŋa pâi ya-fɛɛ kɛ́tɛ tɛɛ̂i ǹɔii su a gɛɛ ŋá ŋ̀éniɛi ŋí su fúlu sãa kélee su kara. Ǹyaŋ zɛŋ kélee gáa ǹɔii mai a pâi saâi.

Zôo 27:3

Tãi nɔ́ Ɣâla aâ ńɛ̂wo loŋ lɛɛ ńyêei, fúlu-laa loŋ kɛ́ ƃò niî ńyêei,

Zôo 27:8

Kili-kɛ-zu kɛ́ɛ léŋ ƃé gáa ǹúui nyii ve Ɣâla mɛni kɔ́lɔŋ yêei à kɛ̀ Ɣâla a ŋɔfúlu-laai sîɣe?

Zôo 33:4

Ŋ̀wála-wâla kélee Ɣalai è ŋ́gbɛ̀tɛ, é fúlu-laa pú ŋ́gbônoi.

Mąątɛ̨nɛ̨ 104:29

Yà íŋɛi lòo dîa, dílii a tôo pôlu dí yao. Ya dílɛ̂wo kùla díkponôi, da sâa, dí lene pôlu bɔ̂rɔi pɔ́.

Mąątɛ̨nɛ̨ 104:30

Í díkpɛ̀tɛ, í ílɛ̂wo pù díkponôi, ǹyaŋ í pà fúlu-laa nina ǹɔii su.

Ikilisiati 9:1

Ŋá ŋ́gili ŋá sìa a zu kôyaa ŋá gɔ́lɔŋ a gɛɛ Ɣâla nɔ́ ƃa pɔ̂ri tɔ̃yâ nuu da táre nuu téniŋ tɔɔ̂i. Díta fé berei kɔ́lɔŋ wɛli kɛ́-maa da kpɔara kpɛtɛ-pere káa lai. Díta fé tela tínaa tuɛ-pere mɛni kɔ́lɔŋ.

Azaya 42:5

Ɣâla Yâwɛɛ ƃé ŋ̀elei kpɛ̀tɛ da ǹɔii. È fúlu-sãa kélee kpɛ̀tɛ ǹɔii ma, é núu-kpune kpɛtɛ é ǹyaa Ɣâla ǹɛwo da ŋɔmɔ̂leŋ pú gbonôi. A m̀ôi ŋɔtíi kɛ́ nuui ma ǹyɛɛi,

Azaya 57:16

Ŋa fúlu-laa tɛ̀ɛ ŋánûai pɔ́. Fé pâi ŋɔ́nɔ da sɔŋ siɣêi kpaa máŋ ŋá ńii ŋwána dîa wɔ́lɔ-wɔlɔ da wɔ́lɔ-wɔlɔ. Ńyãa ƃé vúlu-laa lɛwoi tɛ̂ɛ dípɔ.

Danîa 5:23

Ya tɔɔ Ŋ̀elei su Ɣalai ma. Í mò a gɛɛ gbele sɛŋ-folo-ŋai ínâŋ è díkùla Ŋ̀âla-pɛrɛ Kɛ́tɛi mu Zerusâlɛŋ é pá a diai, dí pá a dia ípɔ a gɛɛ yá, ǹɔii-lônii kpaya-kpayai, ínɛnîi da ínɛnî pɛlɛ-pɛlɛɛi ka dîa-ni ká ŋwã̂ai kpele zu. Ya ɣâla pɔɔkɔɔŋ-ŋa fɛlîi nyii-ŋai díkpɛtɛ̂i a káne, gôo, ƃara kɔli, wuru da kɔnii. Ŋ̀âla-ŋai ŋí dífa kwaa kâa, dímɛni mɛ̂ni kpaa máŋ dí mɛni da kɔ́lɔŋ. Kɛ́lɛ ífe yao-ni Ɣâla ma nyii a pɔ̂ri gɛ̂i ílɛɛ ɣele ma, kpaa máŋ ísaai, gɛ́ ƃò m̀ɛnii kélee mɛi ya gɛ̀i.

Lonon mo 16:22

Mose da Eelɔŋ dí díŋuŋ pìlaŋ ǹɔii ma díyɛɛ mai, “Óo Ɣâla, ƃíai íkaa a fúlu-laa kpɛtɛ Ɣâlai, ƃa pâi ílii ŋwanâi ǹúui kélee ma núu tɔnɔ ŋɔsɔnyɔ̂ŋ mɛni ma?”

Ɉaan 3:6

Nyii maa sɔlɔ ƃoɔi a núu-kpunei gáa a núu-kpune. Nyii maa sɔlɔ ƃoɔi a M̀ɔlêŋ gáa a mɔ̂leŋ.

Gɛlaɠaa 17:25

Vé wɛ̂lii a sɛŋ da núu da kélee yêei. Ǹyaa kpîŋ ƃa fúlu-laa da sɛŋ tɛ̀ɛ núu kélee pɔ́.

Gɛlaɠaa 17:28

Núu da è m̀o ǹyɛɛi, ‘Gbonôi ƃé kúkaa naa, kúkɛ sia-sia, kúfulu-laai kɛ́ ƃo kúyêei.’ Gáa yɛ̂ɛ berei mɛni-pɔlɔ ƃó-ƃela da-ŋa m̀o lai dîyɛɛi, ‘Kúa máŋ kúkaa ǹônii.’