Zĩi 4:3 - Bible

³ Ka sɛŋ maa-mare-kɛ̂ɛ kɛ̀ káfa zɔlɔ ƃo, kpɛ́ni fêi, káfa maa-mare-kɛɛ kɛ̀ pere-sii sãa su. Ka gɛ̀ a gɛɛ ká tíi kɛ́ la kátûa-pere-nyɔŋ maa-sɛŋ-wɛliɛi mɛni ma.

Yálá laawoo hɛɓɛ (dc)

³ Ká vɛli, ká hva ɉɔlɔɓo, mąąhɔlɔɓo, ka vɛli lɔ ká liiɓa mɛ̨nį ɲɛ̨i kulɔ mɛ̨nį ɓa.

Yálá laawoo hɛɓɛ

³ Ká vɛli, ká hva ɉɔlɔɓo, mąąhɔlɔɓo, ka vɛli lɔ ká liiɓa mɛ̨nį ɲɛ̨i kulɔ mɛ̨nį ɓa.

Zĩi 4:3 ပူးပေါင်းရင်းမြစ်များ

Tɔɔɓɛlaa dɔlɔɔ 3:11

Nya ƃe Ɣâla è mò m̀a ǹyɛɛi, “Tãi nɔ́ ya m̀ɛnii ŋí mare-kɛ̂ɛ kɛ́i, ífe ílɛ̂wo su kôya mɛni mare kɛ̂ɛ kɛ́ níi, ífe tela tɔɔ-sãa mare kɛ̂ɛ kɛ́ ní íkpîŋ mɛni ma, kpaa máŋ íkpɔara-ƃelai su-kara mɛni, kɛ́lɛ ya mɛni ŋá káa maa târe mare-kɛɛ kɛ́ íkpîŋ mɛni ma a gɛ́ɛ í pɔri mɛni ŋá têei a zãai,

Zôo 35:12

Da wɔ̂lɔ Ɣâla ma, kɛ́lɛ va díwoo su tòo, kpɛ́ni fêi, díkɛ̂tɛi díkpîŋ ŋɛ́i, díkɛ ƃò a sɔnyɔ̂ŋ-ƃela.

Mąątɛ̨nɛ̨ 18:41

Dí wɔ̀lɔ kpɔŋ mâa mɛni ma, kɛ́lɛ núu da fé kɛ́ ní naa é díŋuŋ ma ƃó. Dí Yâwɛɛ tòli, kɛ́lɛ vé díwoo su tòo ní.

Hanwon 1:28

m̀aa tãi tí ƃé ka pâi táre maa mare-kɛɛ kɛ̂i la, kɛ́lɛ fé pâi káwoo su toôi. Ka pâi ŋ́gɔ̂rii kwaa kélee mà, kɛ́lɛ káfe pâi ŋ́gâai.

Hanwon 15:8

Ŋwana-lɔ̂ɔ-nuu ŋɔsâla-sãai ƃɛlɛ kpɛɛ̂i Ɣâla Yâwɛɛ koi, kɛ́lɛ tɔ̃yâ-nuu ŋɔɣâla-fɛli-wooi a ǹíi làa.

Hanwon 21:13

Ƃa íwoli láa tɛ̀ kôlo-nuu wɔlɔ-woo ma, yáŋ ƃà wɔ̀lɔ, núu da fé pâi íwɔlɔ-woo mɛnîi.

Hanwon 21:27

Ŋwana-lɔ̂ɔ-nuu ŋɔsâla-sɛŋ ƃɛlɛ fé Ɣâla Yâwɛɛ koi, ŋuŋ kpîŋ-kpiŋ ƃa à kɛ a zâlai kpîŋ kùla a kíri-pere.

Ɉeremi 11:11

M̀ɛni ma, ŋa pâi pâi a mɛni nyɔ́mɔɔ dîa nyíi dífe pâi pɔrîi kulâi zu. A nɛ̃ɛ ma díwɔlɔ ḿâ, ḿve pâi ŋ́oli tɔɔ̂i dîa.

Ɉeremi 11:14

M̀ɛni ma, ífe ɣâla-fɛli ǹûai ŋí mɛ̂ni ma. Kpaa íwɔ́lɔ, í dímaa pɛlɛ a gɔ́ɔ kɛ́. Kpɛ́ni fêi, ḿve pâi ŋ́oli tɔɔ̂i dîa a tãi da pâi kɛ̂i la mɛni kpɔ̂lu sui.”

Ɉeremi 14:12

A nɛ̃ɛ ma kpîŋ dísûŋ siɣe, ḿve pâi ŋ́oli tɔɔ̂i díwɔlɔ-woo ma. A nɛ̃ɛ ma kpîŋ díkereŋ-sala da mii-sɛŋ sala kula, ḿve pâi ńyee seêi dímu. Kɛ́lɛ, ŋa pâi dípaâi a kɔ́, puru su kɛ́tɛ da kɔlɔ-fela nyɔ́mɔɔ.”

Mise 3:4

Káai a ǹúu-tuɛ-ƃelai tãi a pâi pâi, ká pâi wɔ̂lɔi Yâwɛɛ ma, kɛ́lɛ vé pâi káwoo su toôi. A pâi ŋ̀ɛ́i loôi kâa kpɛ́ni fêi, ká mɛni nyɔ́mɔɔ kɛ̀.

Zakari 7:13

Tãi ŋá dítòli lai, dífe díwoli tɔɔ ní. M̀ɛni ma tãi dí ńdòli lai, fé ŋ́oli tɔ̀ɔ ní.

Maafîu 20:22

Kɛ́lɛ, Zîsɛ è ŋ̀óo su tòo, ǹyɛɛ mai, “Káfe mɛnii kɔ́lɔŋ ká maa mare-kɛɛ kɛ̀i. Ka pɔ̂ri kákpelêi gbele-kɔɛi su nyii ŋa kɛ́ pâi ŋ́gbelêi zui?” Dí mò ma, dîyɛɛi, “Kwa pɔ̂ri.”

Markə 10:38

Kɛ́lɛ, Zîsɛ è m̀o dîa, “Káfe m̀ɛnii kɔ́lɔŋ ka vɛlîi. Ka pɔ̂ri kákpelêi a gbele-kɔɛi ŋa ŋ́gbele lai? Ka pɔ̂ri káyee seêi batâi sii mu da ŋábatâi kɛ̀ lai?”

Lukə 11:10

Kpɛ́ni fêi, ǹúui kélee a fɛli kɛ̂i, a zɔlɔ ƃô. Ǹúui nyii a sɛŋ kɔrîi, a gàa. Ǹúui a gbôŋ tûai, ǹá a pâi ƃôi mì.

Lukə 15:13

Ɣele-kuu támaa fé tɛɛ ni, ǹeɣe-nuui e ŋɔsãâi kélee ŋá tɛ́ gîe ma, e sia kôya siɣe, e li kpɔ́ lɔii da kpɛni su. Nàa ƃe e ŋɔsɛŋ-kaoi kélee su kàra naa a ƃoo-pere.

Lukə 15:30

Kɛ́lɛ, tãi nɔ íloŋ ŋi e pà la, a kúla íkɔ̃liŋ-ŋai miî wulu-wulu-nɛyaa pôlui, ya niŋa-naɣa kɛ́tɛ̂i páa ma!’

Zĩi 4:1

Le ƃe pà a ǹaa-sâai da namu-kɔ̂ɔi kásamâi? Vé a kátûa-pere-nyɔŋ maa-sɛŋ-wɛliɛi nyíi gáa namu kɔ̂i kákponôi?

Zɔ̂ŋ Maa-ŋuŋ 3:22

ǹyaŋ zɛŋ kélee kwa vɛli mài, kwa zɔlɔ ƃô ǹyêei, kpɛ́ni fêi, kwa ŋɔtɔ̂ŋ-ŋai mɛi kâa, kúkɛ ǹíi-láa-mɛni kɛ̀.

Zɔ̂ŋ Maa-ŋuŋ 5:14

Nii-kpelêi kúyêei m̀ɛni mai ǹyaa ká ŋí a gɛɛ kwa sɛŋ kélee da fɛ̀li mà yɛ̂ɛ berei ǹîa-mɛnii káa lai, a kúwoo mɛni.