Zĩi 3:15 - Bible

¹⁵ Dárei ŋí káa a tárei nyii vé kula ní ŋ̀elei sui. Kɛ́lɛ, gáa a ǹɔii ḿâ ƃɛ-tare. Vé kùla ní Mɔ̂leŋ yêei, gáa a Dɛ̂ƃele ŋɔtárei.

Yálá laawoo hɛɓɛ (dc)

¹⁵ Gili yili hva həɠə yələi pələ, gaa a lɔi mɛ̨i kili, a huwɔ kili, a ɓilihi kili.

Yálá laawoo hɛɓɛ

¹⁵ Gili yili hva həɠə yələi pələ, gaa a lɔi mɛ̨i kili, a huwɔ kili, a ɓilihi kili.

Zĩi 3:15 ပူးပေါင်းရင်းမြစ်များ

Samia Veerɛi 13:3

Kɛ́lɛ Amɔŋ ŋɔwɛli kɛ́-maa nuu tɔnɔ è kɛ̀ naa. Ǹáa ƃé kɛ̀ a Zonada. Deeƃé ǹeɣê Simea ǹóŋ. Zonada è kɛ̀ a núu koi táreɛɛ ma.

Samia Veerɛi 15:31

Dí mò Deeƃé ma dîyeɛi, “Aitofɛ káa a Asalɔŋ ŋɔnûai dɔnɔ nyíi-ŋai dítɔɔ̂i yâi.” Deeƃé ǹyɛɛi, “Yâwɛɛ, tɔɔ Aitofɛ ŋɔmɛni kpɛtɛɛi da ǹia-wooi nyíi kélee a pâi gɛ̂i Asalɔŋ mì é kɛ́ a ƃoo mɛni.”

Samia Veerɛi 16:23

M̀ɛni-ŋai kélee Aitofɛ a kâa mòi a kâa kɛ̀ yɛ̂ɛ a ŋ̀uŋ maa pìlaŋ a Ɣâla. Ŋumɛ ḿâa è kɛ̀ mà ŋɔlia-woo ƃô-ŋai kélee mɛni ma è gɛ̀ Deeƃé ma da Asalɔŋ.

Ɉeremi 4:22

Yâwɛɛ è mò ǹyɛɛi, “ŋánûai dífe mɛni ŋá kâai. Dífe ŋ́gɔ́loŋ. Díkaa a ǹîa-pɛlɛɛi nyíi-ŋai táre fé díyêei. Dífa mɛni ŋá kàa. Dítareɛɛi nɔ́ mɛni nyɔ́mɔ kɛ́ mɛni su. Kɛ́lɛ dífe mɛni lɛ́lɛɛ kɛ́ pere kɔ́lɔŋ.”

Lukə 16:8

Nya ƃe ǹâmui e ǹyée-mu-nuu sɔŋ nyɔ́mɔɔi láa maa tɛ̂ berei a táre kɛ́ lai; kpɛ́ni fêi, ŋ̀éniɛi ŋi su-lonii-ŋai táreɛ̂i e pîlaŋ díkaa-ƃelai dîa é tɛ́ɛ víyeŋ ǹônii-ŋai dîa.

Ɉaan 3:17

Kpɛ́ni fêi, Ɣâla e Ǹóŋ tɛ̀ɛ ǹɔii su, ve dɛɛ ni a gɛɛ e tɔ̂ŋ pu ǹɔii ma, kɛ́lɛ, a gɛɛ ǹɔii e ƃalo zarâi.

Ɉaan 8:44

Ká kùla kánâŋ Dɛ̂ƃele kponôi, ǹyaŋ ka ŋ̀wɛ̂lii a gɛɛ ká kánâŋ nîa mɛnii kɛ́. E kɛ̀ a núu-paa-nuu a maa-ŋuŋ. Ǹyaŋ ŋɔmɛni fe tɔ̃yâ pôlu. Kpɛ́ni fêi, tɔ̃yâ kélee da fe gbonôi. A lɛ́ɛ kɛ̀, a lôno nɔ ŋɔkɛ-perei su, kpɛ́ni fêi, gáa a lɛ́ɛ-nuu, gɛ ƃo ŋɔ́nɔ a lɛ́ɛ ǹâŋ.

Gɛlaɠaa 13:10

ǹyɛɛi, “Íkaa a nuu-pɛlɛ-nuu. Ya mɛni nyɔ́mɔɔ sii támaa kɛ̀. Íkaa a Dɛ̂ƃele ǹóŋ. Ífe tɔ̃yâ mɛni da wɛ́lini. Ífe pâi kperâi Ɣâla ŋɔpere sã́ai su kpînanii!

Lomaŋ 1:22

Dí m̀o dîɛ dítareɛɛ̂i kɛ́lɛ, dí kɛ̀ a díƃoɔɔ.

Korɛntə dɔlɔɔ 1:27

kɛ́lɛ, Ɣâla e ƃoo siɣe ŋ̀éniɛi ŋí su a gɛ́ɛ e tare-ƃela ŋumɛ la, e fii-kpɛɛ siɣe ŋ̀éniɛi ŋí su e wála-wala-ƃela ŋumɛ la,

Korɛntə dɔlɔɔ 2:14

Núu-kpune tua-perei a gɛ̀ va Ɣâla Ŋɔmɔ̂leŋ ŋɔsama-sãai sɔlɔ ƃo, kpɛ́ni fêi, díkaa nɔ́ ŋ̀ɛi a ƃoo-sãa, va târe dímaa-mɛni su, kpɛ́ni fêi, núu a târe dímaa-mɛni su M̀ɔlêŋ sârai.

Korɛntə dɔlɔɔ 3:19

Kpɛ́ni fêi, ŋ̀éniɛi ŋí su-tarei káa a ƃoo Ɣâla ŋɛi. Kpɛ́ni fêi, bɔ̃yɛɛ̂i, “Ɣâla a dáre-ƃelai sôŋ díwôya-perei ma,”

Korɛntə dɔlɔɔ 3:3

Kpɛ́ni fêi, kákaa nîi kákpîŋ-tua-pere-nyɔŋ su. Kpɛ́ni fêi, tãi tólo káa la kásama da laa-saai, káfe kákpîŋ tua-pere-nyɔŋ pôlu, kakɛ tua a nuu-kpune tua-pere?

Korɛntə veelɛ 1:12

Kpɛ́ni fêi, kúyoŋka téɛɛ ká ŋí, kúkili-ŋa-siai m̀aa sêre-faai ƃa a gɛ́ɛ kwa tûa lɛ́lɛɛ kɛ́ ŋ̀éniɛi su a Ɣâla ŋɔmaa-waa-laai da ŋɔtɔ̃yâ laa-lai. Kútûa lɛ́lɛɛi dámaa káa kápɔ-pere. Kúfe gɛ̀ ní a ǹɔii ŋí su-tarei, kɛ́lɛ, ku gɛ a Ɣâla ŋɔƃɛlɛ-sêei.

Korɛntə veelɛ 11:3

Kɛ́lɛ, ŋ́gaa yaôi a gɛ́ɛ yɛ̂ɛ berei nɔ́ gàlii è Iî pɛ̀lɛ la a ŋɔwôyai, bere ƃe kákili-ŋa-siai a pâi kakulâi la Kôrai ŋɔsã́a-laai da ŋɔtɔ̃yâ laa-lai maa-wɛli-kɛ-maai ma.

Filipə 3:19

Díkpɛɛ ŋá ƃa su-kara. Díɣâlai ƃa díkoi, da dínîa kɛ̀ díŋumɛ-mɛni su. Díkili káa ǹɔii-su-sãai dîa.

Tɛsalonikə veelɛ 2:9

Ŋ̀wana-lɔ̂ɔ-nuui pá-mɛni, nyíi gáa Sêtɔŋ ŋɔtûa-perei sui, a pâi kɛ̂i a wála-wala kélee da wôya-ŋɛi-kɛ-maa-ŋa é pɛ́lɛ wôya-mɛni kpaya-kpaya dîa.

Timote dɔlɔɔ 4:1

Mɔ̂leŋ a mò a zu ponoɔ a gɛ́ɛ tãi da káa pâi núu da-ni da pâi díyee kulâi naa-lai su dí díwoli tɔ́ɔ nuu-pɛlɛ-mɔleŋ-ŋa dîa da nyînaŋ nyɔ́mɔɔ-ŋa dísɛŋ-lɛɛ,

Zĩi 1:17

Sama-sɛŋ lɛ́lɛɛ kélee da sama-sɛŋ maa waa kélee da kûla kúmɛi-pere, nyíi-ŋai da pâ kúpɔ dí kúla Ɣâla yêei, nyíi gáa a gwaa-ponoɔ-ŋai kélee Dínâŋ. Maa fa fâleŋ. Ŋɔkwaa-ponoɔi ninîŋ fé ma.

Zĩi 1:5

À kɛ̀ táre à wàla kɛ́ káyêei, ka Ɣâla marê kɛ́, nyíi a sɛŋ tɛ̂ɛ núu kélee pɔ́ kpɛ́ni-kpɛni va maa-lôno kɛ̀ mài, gɛ̀ ní a pâi dɛɛ̂i kápɔ.

Zĩi 3:17

Kɛ́lɛ, dárei nyíi a kûla ŋ̀elei sui, mɛnii gáa ma a maa-ŋuŋ, ǹyaa ƃa maa-waa-laa, lii-sêe kɛ́ ƃo zu, sɔŋ-lɛlɛ kɛ́ ƃo zu, woo-mɛni kɛ́ ƃo zu, ǹáa fɛ́ɛ a maloŋ kâa da tii-lɛlɛ, woo-kɛ-ńâ-feerɛ fé zu, kiri-mɛni fé zu.

Zûu 1:19

Ǹûai ŋí ƃa ŋa kɔlɛ kɛ̀. Díkaa a ŋ̀éniɛi ŋí su-ƃela, Mɔ̂leŋ fé díyêei.

M̀ɛni-lɛɛi 12:9

Dí ǹyao-maa-sua kɛ́tɛi tòo ǹɔii ma, nyíi gáa a gali pɔlɔi nyíi da dòli a Dɛ̂ƃele da Sêtɔŋ. Gáa a ǹɔii kélee pɛlɛ-nuu. Dí dòo ǹɔii mâ da ŋɔkéla-ŋai kélee.

M̀ɛni-lɛɛi 2:24

Kɛ́lɛ, kákpeli-ŋai káai kákaa Tayatirai, káai káfe zɛŋ-lɛɛi ŋí soŋ ní a gbanaŋɔɔ̂i, káai káfe m̀ɛnii maa kɔ̂ri ní da dòli a Sêtɔŋ ŋɔmɛni-su-ziŋɔɔ̂i, ŋá m̀ó kâa, fé pâi tĩa wiɛ seêi ka-ŋûa.

M̀ɛni-lɛɛi 9:11

Ǹóa kɛ́tɛi nyíi gbóŋ koyaŋ fé mài ŋɔkélai káa dímɛi a díkâloŋ. Ǹáa ƃa Abadɔŋ Ibulu-wooi su. Kɛ́lɛ, à kɛ̀ a Gurii-wooi su, ǹáa ƃa Apoyɔŋ.