Zĩi 1:25 - Bible

²⁵ Kɛ́lɛ, ǹúui a dɔ̃yâ-tɔŋ su kàa va kpera mai, nyíi gáa a ŋuŋ-maa-ƃo-tɔŋ, berei vé la a mɛni-nuui nyíi a niai, kɛ́lɛ, gɛ ƃo a maa-tii kɛ́-nuui, da pâi lûwa lâai ma ŋɔtûa-perei su.

Yálá laawoo hɛɓɛ (dc)

²⁵ Kɛlaa yaamun, nui a ɲɛ̨i hee dɔn gbɔ-kpɔɔ hu, yai a nu lɛɛ gbɔwɔ ɓa, hva ɲɛ̨i hee lɔ ɉu, ɉee wɛli ɓa, mąą nu a bɔ mɛ̨nį kɛi, a nwun na nɛ̨ɛ̨ hɔlɔɓo bɔ yíiɓoɔ hu.

Yálá laawoo hɛɓɛ

²⁵ Kɛlaa yaamun, nui a ɲɛ̨i hee dɔn gbɔ-kpɔɔ hu, yai a nu lɛɛ gbɔwɔ ɓa, hva ɲɛ̨i hee lɔ ɉu, ɉee wɛli ɓa, mąą nu a bɔ mɛ̨nį kɛi, a nwun na nɛ̨ɛ̨ hɔlɔɓo bɔ yíiɓoɔ hu.

Zĩi 1:25 ပူးပေါင်းရင်းမြစ်များ

Mąątɛ̨nɛ̨ 106:3

Lûwa káa diai dîa da ŋ̀óo mɛni, díkɛ tûa sãa kɛ̀ a ɣele kéleei.

Mąątɛ̨nɛ̨ 119:32

Ŋa pâi ítɔ̂ŋ-ŋai mɛi kâai, kpɛ́ni fêi, ya pâi táre támaa tɛɛ̂i ḿbɔ.

Mąątɛ̨nɛ̨ 119:45

Ŋa pâi kɛ̂i a ŋuŋ-ma ƃóɔɔ, kpɛ́ni fêi, ŋa kɔ̂i a gɛɛ ŋá ísɛŋ lɛ́ɛi mɛi káa.

Hanwon 14:15

Diai dífa mɛni ŋá kaai, da mɛni kélee sìɣe a tɔ̃yâ, kɛ́lɛ táre-nuu a zia-pere maa kpɛ̂ɛ.

Azaya 8:20

Kɛ́lɛ díwoo su-too yɛ̂ɛi, “Ka káwoli tɔ́ɔ m̀ɛnii ma Yâwɛɛ a ǹɛ̂i kâai. M̀ɛni-ŋai m̀ɔlêŋ-ŋai da zaa-ƃelai da mò kâai, dífa kákùla mɛnîi.”

Lukə 11:28

Kɛ́lɛ, è mò, ǹyɛɛi, “Ooei, kɛ́lɛ, é tɛ́ɛ nyíŋi ma, lûwa káa dîa diai da Ɣâla ŋɔwóoi mɛ̀ni, díkɛ ǹaai kɛi!”

Ɉaan 13:17

À kɛ̀ ka mɛni-ŋai ŋi kɔ̀lɔŋ, lûwa káa kâa, à kɛ̀ kà gɛ̀.

Ɉaan 8:36

Gɛ̀ ní, à kɛ̀ Nòŋ-nuui à káŋuŋ ma ƃò, ka pâi kɛ̂i a káŋuŋ ma ƃóɔ.

Gɛlaɠaa 13:43

Gbɔŋ su-ƃelai kúlaa Ŋ̀âla-fɛli kerei mui, Zûu-ŋai dámaa da Ŋ̀âla-ƃela lɛ́lɛɛ-ŋai díkpîŋ kɛ̀ a Zûu-ŋai, dí pìlaŋ Pɔ̂ɔ pôlu da Banaba. Pɔ̂ɔ-ni kɛ́ɛ lônoi dípɔi, dí dílii kula woo ƃò dîa a gɛ́ɛ dí kɛ́ nɔ́ Ɣâla ŋɔƃɛlɛ-seei su.

Gɛlaɠaa 2:42

Dí dítãi dámaa pù sɛŋ maa kɔ́riɛɛ su zia-ƃelai yée mu. Da dia-ni díkɛ̀ díkîe ma dí ɣala fɛli gîe ma díkɛ dílaa mii gîe ma.

Gɛlaɠaa 26:22

E siɣe tãi ti ma e seri sâa ma Ɣâla a kpɔŋ mâ. Mɛni ma ŋ́gaa tɔ̂ɔni ƃɛ núu kpaya-kpaya ŋɛi da nia-pɛlɛɛ ŋ́gɛ mɛni-ŋai m̀aa sêre-faa kɛ́, nyíi-ŋai Ɣâla ŋɔlóno kɛ́-ƃelai da Mose-ni dí wɔ́lɔ mò a gɛ́ɛ da pâi kɛ̂i. Fe mɛni da kpɛni ƃo ni é kúla díwoo-ŋai ŋí pôlu.

Lomaŋ 11:22

Ya pɔ̂ri Ɣâla ŋɔsɔŋ lɛ̂lɛi kâai da ŋɔlii-kpanaŋ: ǹíi kpanaŋɔɔ̂i diai dîa da tooi, kɛ́lɛ, Ɣâla ŋɔsɔŋ-lɛ̂lɛi káa yâ à kɛ̀ yà lɛ̀ɛ nɔ́ ŋɔsɔŋ-lɛ̂lɛi su; à wàla kɛ́ ti da pâi íteêi ya máŋ.

Lomaŋ 2:13

Diai da dɔ̂ŋ mɛni kɛ́lɛ dífa sia a ŋ̀óoi dífe a tɔ̃yâ-ƃela Ɣâla ŋɛi, kɛ́lɛ, Ɣâla a pâi dɔ̂ŋ mɛi káa-ƃelai tólîi a tɔ̃yâ-ƃela.

Lomaŋ 7:12

Mɛni ma dɔ̂ŋ maa waâi. Mɛnii dɔ̂ŋ a m̀ôi maa waâi, dɔ̃yâ, ǹɛ́lɛɛ.

Lomaŋ 8:15

Kpɛ́ni fêi, káfe luɛ-laa maa-pere sɔlɔ ƃo ni, a gɛ́ɛ ka too ŋɔ́nɔ pôlu yao su. Kɛ́lɛ, ka loŋ-laa maa-pere sɔlɔ ƃó, nyíi a gɛ̀ ku m̀ó, kûɛ, “Aƃa! Kúnâŋ!”

Lomaŋ 8:2

Kpɛ́ni fêi, vulu-laa-Mɔleŋ ŋɔtɔ̂ŋ, nyíi a fulu-laa tɛ̀ɛ Zîsɛ Kôrai sârai, a ŋ́uŋ ma ƃo sɔnyɔ̂ŋ ŋɔtɔ̂ŋ yêei da saa.

Korɛntə dɔlɔɔ 15:58

Mɛni ma, ŋáwɛli-kɛ-maa-ƃelai, ka fɔlɔ-fɔlɔ, káfe síɣe kátɔɔ̂i. Ka Kúnuu-namui ŋɔtíi kɛ́ nɔ́ a tãi kélee. Ka gɔ́lɔŋ a gɛ́ɛ kátii fe kpɛni-kpɛni Kúnuu-namui kponôi.

Korɛntə veelɛ 13:5

Ka kákpîŋ maa kpɛɛ ká gáa à kɛ̀ kálaa-lai káa niî káyêei. Ka kákpîŋ su kɔɔ̂ŋ. Káfe gɔ́lɔŋ Zîsɛ Kôrai káa kákponôi? Tɔ̃yâ ma, ǹyaŋ fɛ̂ɛ nɔ́ ka fɛɣɛ su-kɔɔŋ su.

Galatə 2:4

Dífe nyíŋi kɛ́ ni, berei máŋ diai díkpîŋ kɛ̀ a káƃarâa woya-pere sui dí pà la loo-pere su a gɛ́ɛ dí kúŋuŋ ma-ƃoi káa nyíi gáa kúyêei Zîsɛ Kôrai kponôi a gɛ́ɛ dí li a kúa luɛ-laa sui,

Galatə 5:1

Ŋuŋ-ma-ƃo-mɛni ma, Kôrai e kúŋuŋ ma ƃò; mɛni ma ka tɔɔ a gbanaŋɔɔ, káfè kɛ̀ ŋɔ́nɔ luɛ-laa ŋɔkpîri wiɛɛi mu.

Galatə 6:2

Ka kákîe-ni díkpîri wiɛɛ-ŋai síɣe, a gɛ́ɛ ká Kôrai ŋɔtɔ̂ŋ ŋ̀aa-see kɛ́.

Kolosə 1:23

Nyíŋi a pɔ̂ri kɛ̂i à kɛ̀ kà lɛ̀ɛ nɔ́ naa-lai su, kálii kɛ́ ƃo tɔnɔɔ ka fɔlɔ-fɔlɔ, káfa kákili kùla Duŋ Lɛ́lɛɛi ŋɔkili-kɛ-zui su nyíi ká mɛ̀nii. Duŋ Lɛ́lɛɛi ŋí e ƃo ŋeniɛi su gwaa kélee, nyíi ńyãa Pɔ̂ɔ ŋá kɛ̀ a maa-tii-kɛ-nuui.

Timote dɔlɔɔ 2:15

E máŋ kɛ́ ti, à kɛ̀ nɛnî à kɛ̀ nɔ́ laa-la su, wɛli-kɛ-maa, da maa-waa-laa é pɛ́lɛ ƃaa kɛ́-maa ma, gɛ̀ ní a pâi ƃálôi tãi a kɛ̂ lóŋ maa sɔlɔ ƃôi lai.

Timote dɔlɔɔ 4:16

Íkpîŋ mɛi káa da ísɛŋ lɛɛi; nyíti é kɛ́ a íkɛ-mɛni, kpɛ́ni fêi, yà gɛ̀ ti, gɛ̀ ní ya pâi íkpîŋ ƃálôi da íwoo mɛni-ƃela.

Hebreu 12:15

Ka gáa a gɛɛ núu da kélee fé fɛ̀ɣɛ a Ɣâla ŋɔƃɛlɛ-sêei sɔlɔ ƃóɔɔ. Ka gáa a gɛɛ “wúru ŋwánaa” kélee da fé pɔmuŋ kásama nyíi a mɛni nyɔ́mɔɔ kùlai, ǹyaŋ maa-wurii tí a núu támaa kàra.

Zĩi 2:12

Ka lóno ká m̀aa tûa kɛ́ yɛ̂ɛ ǹûai da pâi dímaa-mɛni ŋá têei ŋuŋ-ma-ƃo ŋɔtɔ̂ŋ mui.

Piɛrə dɔlɔɔ 2:16

Ka káfulu-laai kɛ́ yɛ̂ɛ ŋuŋ ma-ƃo-ƃela. Kɛ́lɛ, káfe káŋuŋ-ma-ƃoi kɛ̀ a káfâlo mɛni nyɔ́mɔɔ kɛ́ mɛni ma. Kɛ́lɛ, ka káfulu-laai kɛ̂ yɛ̂ɛ Ɣâla yée-mu-ƃela.

Zɔ̂ŋ Maa-ŋuŋ 2:24

Mɛnii ká mɛ̀ni gɔ́ɔ pîlanii, tɔɔ é kɛ́ kákponôi. À kɛ̀ mɛnii ká mɛ̀ni gɔ́ɔ pîlanii à kɛ̀ kákponôi, gɛ̀ ní, káa kpîŋ ka pâi kɛ̂i Nòŋ-nuui kponôi da Nàŋ-nuui.

M̀ɛni-lɛɛi 14:13

Nya ƃe ŋá wóo mɛni é kúla Ɣâla-taa, nyɛɛi, “Nyíŋi pɔ̃yɛ. Lûwa káa zaa-ƃelai dîa nyíi-ŋai da saa Kúnuu-namui kponôi é síɣe sâa ma é lí tuɛ-perei.” M̀ɔlêŋ a mò, nyɛɛ, “Lûwa káa dîa a tɔ̃yâ a gɛɛ dí dífii tɔɔ dímɔ̃lɛi yêei, kpɛ́ni fêi dí dítûa-perei lɛ̀ɛ dípôlu!”

M̀ɛni-lɛɛi 22:14

Lûwa káa diai dîa da díyokpo-ŋai wâa, a gɛɛ é kɛ́ a sɛŋ dí vulu-laa-wurii m̀á da sɔlɔ ƃó a gɛɛ dí tɛɛ ziɣãŋ lá-ƃerei dí tɛ́ daa-leei sui.

Samuɛlə dɔlɔɔ 12:14

À kɛ̀ ka kákâloŋ ni ka ŋ̀wɛ̂lii ká kɛ́ a Ǹuu-namui pôlu-ƃela, fɛ̂ɛ nɔ́ kákɛ vɛli, kákɛ m̀ɛnii kélee kɛ̀ a m̀o kâai. Káfe kɛ̀ a káwôlii kpɔ́lɔɔ!