Zĩi 1:22 - Bible

²² Kɛ́lɛ, ka kɛ́ a ŋ̀óoi ŋɔtíi-kɛ-ƃela. Káfe kɛ̀ nɔ́ a mɛ̀ni-ƃêla, kákɛ kákpîŋ pɛ̀lɛ.

Yálá laawoo hɛɓɛ (dc)

²² Kɛlaa, 'ká kɛ a Yálá laa woo pɔ yíiɓo nuą, ɛlɛɛ, 'ká hvo kɛ a nuąi da di wəli tɔɔ, diɛ di kpɔwɔ ɓowo.

Yálá laawoo hɛɓɛ

²² Kɛlaa, 'ká kɛ a Yálá laa woo pɔ yíiɓo nuą, ɛlɛɛ, 'ká hvo kɛ a nuąi da di wəli tɔɔ, diɛ di kpɔwɔ ɓowo.

Zĩi 1:22 ပူးပေါင်းရင်းမြစ်များ

Azaya 44:20

Díƃoo pere káa léŋ tí. Da dílaa-laai pûi sɛŋ da kponôi nyii da gèreŋ a ŋɔŋ. Da díkpîŋ pɛ̀lɛ a díƃoo-tûai nyii va pɔ̂ri díŋuŋ maa ƃôi. Dífe gɔ́lɔŋ zãâi ŋí dífe a ɣâla?

Ɉeremi 11:6

Ǹaa kɛ́ɛ tíi, Yâwɛɛ è mò ǹyɛɛ, “Ŋ̀óo-ŋai ŋí ƃó Zuda taa-lee-ŋai kélee su, é pɛ́lɛ Zerusâlɛŋ taa-leei gwaa kélee ma. Ka gbanaŋ-woo-kɛ́ɛ ŋí maa wooi mɛ́ni, ká ŋàa sèe kɛ́.

Abdiasə 1:3

Íyôŋkai a ípɛlɛ kpɛ́ni fêi, ítaa-lêei káa kɔni yêe ma, ípɛrɛi kɛ́ ƃò ǹyée tɔɔ-ŋai su. M̀ɛni ma ƃa mò yɛ̂ɛ, ‘Gbɛ̂ɛ ƃa pɔ̂ri ŋ́gulâi ƃɛ́ é ḿbîlaŋ?’

Maafîu 12:50

Kpɛ́ni fêi, ǹúui a Ńâŋ nîa-mɛnii kɛ̀ nyii gáa Ɣâla-taai, maa-nuui ƃa ńêɣe, kpaa ńzaaƃɔlɔ kpaa ńee.”

Maafîu 28:20

M̀ɛni-ŋai kélee ŋá mò kâai, ka ǹɛ̂ dîa dí dímɛi káa. Ka gáa, ŋ́gaa kápôlu a tãi kélee é tóo la ŋ̀éniɛi kpɛ̀ɛ ŋá ma.”

Lukə 11:28

Kɛ́lɛ, è mò, ǹyɛɛi, “Ooei, kɛ́lɛ, é tɛ́ɛ nyíŋi ma, lûwa káa dîa diai da Ɣâla ŋɔwóoi mɛ̀ni, díkɛ ǹaai kɛi!”

Ɉaan 13:17

À kɛ̀ ka mɛni-ŋai ŋi kɔ̀lɔŋ, lûwa káa kâa, à kɛ̀ kà gɛ̀.

Lomaŋ 2:13

Diai da dɔ̂ŋ mɛni kɛ́lɛ dífa sia a ŋ̀óoi dífe a tɔ̃yâ-ƃela Ɣâla ŋɛi, kɛ́lɛ, Ɣâla a pâi dɔ̂ŋ mɛi káa-ƃelai tólîi a tɔ̃yâ-ƃela.

Korɛntə dɔlɔɔ 15:33

Káfe nɛ̀ɛ naa núu é kápɛlɛ: “Kánuu nyɔ́mɔɔ-ŋa kà kɛ̀ kákîe-ni pôlu kátûa-pere-lɛ̂lɛi su a kâra.”

Korɛntə dɔlɔɔ 3:18

Núu da fe gbîŋ pɛ̀lɛ. À kɛ̀ núu da káa kásama gáa gíli ŋá a gɛ́ɛ dáreɛ̂i ŋ̀éniɛi ŋí su, tɔɔ maa-nuui é kɛ́ a ƃoo-nuu a gɛ́ɛ é táre.

Korɛntə dɔlɔɔ 6:9

Káfe gɔ́lɔŋ a gɛ́ɛ diai dífe a tɔ̃yâ-ƃelai Ŋ̀âla-taa kaloŋ-laai fe pâi kɛ̂i a dípɔɔ? Káfe kákpîŋ pɛ̀lɛ; goyaŋ-wulu-wulu kɛ-ƃela, kpaa máŋ ɣâla-pɔɔkɔŋ fɛli-ƃela, kpaa máŋ wulu-wulu kɛ-ƃela, kpaa máŋ zinâai da díkîe-ni kɛ̀ a nɛyaai,

Galatə 6:3

Kpɛ́ni fêi, à kɛ̀ núu da a gíli ŋá sìa a gɛ́ɛ gáa a núu kɛ́tɛ, ǹyaŋ núu kɛ́tɛ fei, gáa gbîŋ pɛlɛ̂i.

Galatə 6:7

Káfe kákpîŋ pɛ̀lɛ; núu fa ɣɛ́lɛ-maa kùla Ɣâla kponôi, kpɛ́ni fêi, zɛŋ núu a zìi, ǹyaa ƃe a gùla.

Filipə 4:8

Gbɛɛ ŋái, ŋánûa, mɛnii nyíi kélee gáa a tɔ̃yâi, zɛŋ nyíi kélee ƃaa kɛ́-maa káa mai, tenîŋ mo-mɛni kélee, zɛŋ nyíi kélee maa waâi, zɛŋ nyíi kélee ǹɛ́lɛɛ̂i, zɛŋ nyíi kélee laa-maa-tɛ káa mai, mɛni lɛ́lɛɛ kélee à kɛ̀ naa, da zɛŋ nyíi kélee maa nɛɛ̂i dí ǹáa maa tɛ́i, ka kákili ŋá sia e pîlaŋ mɛni-ŋai ŋí dîa.

Kolosə 3:17

Mɛni kélee ka gɛ̀ a káwoôi kpaa a kátûa-perei, ka gélee kɛ́ Kúnuu-namui Zîsɛ láai su, ka sɛɣɛi-fei tɛɛ Nàŋ-nuui Ɣâla pɔ zarâi.

Timote veelɛ 3:13

Ŋwana-lɔ̂ɔ-ƃela da wôya-ƃela da pâi kɛ̂i nɔ́ a núu nyɔ́mɔɔ-ŋa a tãi kélee, núu-pɛlɛ-ƃela díyaŋ, núu kɛ́ dípɛlɛ.

Taitɔ 3:3

Kpɛ́ni fêi, kûa kpîŋ kú kɛ̀ a ƃoo-ƃela a tãi da. Kúfe kɛ́ ní a woo-mɛni-ƃela. Kú pɔ̀ara berei mâ. Kú kɛ̀ a mɛni nyɔ́mɔɔ-sii támaa wɛ́liɛɛ ŋɔluɛ-ŋa da ǹîa-kɛ. Kúkɛ̀ kúɣele-ŋai tɛɛ̂i lii-ŋwâna su da tólo. Nûa dí kúkpɔara, kúkɛ kúkîe-ni kpɔara.

Zĩi 1:26

À kɛ̀ núu da káa kásama a gbîŋ kàa a Ɣâla-nuu, va ǹɛ́ŋ tɔɔ ǹóno-woo-perêi, kɛ́lɛ, gɛ gbɔɔ̂i pɛ̀lɛ, maa-nuui Ŋɔɣâla-mɛnii káa nɔ́ kpɛ́ni-kpɛni.

Zĩi 4:11

Ŋánûa, káfe kákîe-ni láa nyɔ́mɔɔ ƃo. Ǹúui a m̀arâŋ-nuu láa nyɔ́mɔɔ ƃò, kpaa máŋ é ŋɔmɛnii ŋá téei, gɛ̀ ní a lóno nyɔ́mɔɔ kɛ́ a pîlaŋ dɔ̂ŋ ma, a dɔ̂ŋ ŋɔmɛnii ŋá tée. Kɛ́lɛ, à kɛ̀ yà dɔ̂ŋ ŋɔmɛnii ŋá tèe, gɛ̀ ní ífe a dɔ̂ŋ ŋɔtûa-kɛ-nuu, kɛ́lɛ, íkaa a mɛni-ŋa-tee-nuu.

Zĩi 4:17

Ǹúui m̀ɛnii kɔ́lɔŋ ǹɛ́lɛɛ̂i a gɛɛ é gɛ́i, à wàla gɛ̀, gɛ̀ ní gáa a sɔnyɔ̂ŋ maa-nuui tí mɛni ma.

Piɛrə veelɛ 2:13

Da pâi mɛni-soli kâai dímɛni nyɔ́mɔɔ-kɛɛi mɛni ma. Da gàa a lii-nɛ̃ɛ-mɛni a gɛɛ díkaa ƃoo-pele kɛ̂i máŋ a fólo ŋá. Díkaa yɛ̂ɛ pɔɔ liƃiɛ-ŋa da pala, dílii kɛ́ nɛ̃ɛ a kápɛlɛɛ tãi ka dîa-ni ka kɛ̂ kúu kɛ̂i lai.

Zɔ̂ŋ Maa-ŋuŋ 1:8

À kɛ̀ kwa mò a gɛɛ sɔnyɔ̂ŋ fé kûa, gɛ̀ ní kwa kúkpîŋ pɛlɛ̂i, dɔ̃yâi fé kúkponôi.

Zɔ̂ŋ Maa-ŋuŋ 2:3

Nyíŋi a nɛ̀ a tɔ̃yâ a gɛɛ kú gɔ́lɔŋ, à kɛ̀ kwa ŋɔtɔ̂ŋ ŋai mɛi kâa.

Zɔ̂ŋ Maa-ŋuŋ 3:7

Nîa-pɛlɛɛ, káfe nɛ̀ɛ naa núu da é ká pɛ̀lɛ. Ǹúui a mɛni-sãa kɛ̀i, zã́âi yɛ̂ɛ berei ǹyaa Kôrai zã́âi lai.

Zɔ̂ŋ Zaaƃai 1:11

Ŋáwɛli-kɛ-maa-nuui, ífe mɛni nyɔ́mɔɔ pɔ́ɔ kɔ̀ɔŋ, kɛ́lɛ, mɛni lɛ́lɛɛ pɔ́ɔ kɔɔ̂ŋ. Ǹúui a mɛni lɛ́lɛɛ kɛ̀i, gáa a Ɣâla pɔ́ɔ. Ǹúui a mɛni nyɔ́mɔɔ kɛ̀i, vé niî Ɣâla káa ní.

M̀ɛni-lɛɛi 12:9

Dí ǹyao-maa-sua kɛ́tɛi tòo ǹɔii ma, nyíi gáa a gali pɔlɔi nyíi da dòli a Dɛ̂ƃele da Sêtɔŋ. Gáa a ǹɔii kélee pɛlɛ-nuu. Dí dòo ǹɔii mâ da ŋɔkéla-ŋai kélee.

M̀ɛni-lɛɛi 22:7

Zîsɛ è mò ǹyɛɛi, “Gáa, ŋa pâi a maa félaa.” Lûwa káa ǹúui ḿâ a ŋ̀óo-ŋai díkaa gɔlɔi ŋí sui dímɛni-lɛɛi lâai kɛ̀i.