Zɛnɛse 6:6 - Bible

⁶ Nya ƃe malôŋ è tòo Yâwɛɛ ma a gɛɛ è núu-kpune kpɛ̀tɛ ǹɔii ma nyii ǹíi sòli a ŋánaai.

Yálá laawoo hɛɓɛ (dc)

⁶ Yili ə Yai-Laa lii too pulu kpɔ kɛnɛ̨, nu pɛlii ŋɛ̨i ə mo lɔi mɛ̨i mąą mɛ̨nį ɓa, ə viikpɛɛ.

Yálá laawoo hɛɓɛ

⁶ Yili ə Yai-Laa lii too pulu kpɔ kɛnɛ̨, nu pɛlii ŋɛ̨i ə mo lɔi mɛ̨i mąą mɛ̨nį ɓa, ə viikpɛɛ.

Zɛnɛse 6:6 ပူးပေါင်းရင်းမြစ်များ

Zɛnɛse 6:7

Nya ƃe Yâwɛɛ è mò ǹyɛɛi, “Ŋa pâi núu-kpune su karâi nyii ŋá gbɛ́tɛ ǹɔii ŋí mai, fɛnɛ-sãa, ɣála-sãa da koôŋ-sãa kélee. Kpɛ́ni fêi, malôŋ toɔɔi ḿâ a gɛɛ ŋá díkpɛ̀tɛ.”

Samia Veerɛi 24:16

Ŋ̀âla-taa kelai kɛ́ɛ a ǹyée sã́a Zerusâlɛŋ mɛi-pere a gɛ́ɛ é naa su-karai, Yâwɛɛ è ǹíi pène ǹyɛɛ m̀ai, “É lɛ́ɛ nâa tí. Nyíŋi gula kɛ̂ɛ ƃoɔɔ̂i. Íyee síɣe pôlu.” Ŋâla-taa-kelai ŋí è kɛ̀ Zɛbusa naloŋ Arana ŋɔsí-sãa táŋ kwaai ma.

Kɔlɔnikɔ Maa-ŋuŋ 21:15

Nya ƃe Yâwɛɛ è ŋɔkélai tɛ̀ɛ a gɛ́ɛ é Zerusâlɛŋ su kara. Kɛ́lɛ ŋ̀âla-taa kelai kɛ́ɛ kɛ̀ m̀ɛnii ŋí kɛ̂i, Yâwɛɛ è naa kàa ǹíi é tóo pôlu. È m̀o ŋ̀âla-taa kelai ma ǹyɛɛi, “É naa lɛɛ tí. Nyíti aâ táma!” Ŋ̀âla-taa kelai è kɛ̀ tɔ̂ɔni Arauna ŋɔmii-sɛŋ tânii kɔlɛ ma. Arauna è kɛ̀ a Zɛbu-nuu.

Mąątɛ̨nɛ̨ 106:45

Vé wɔ́lɔ nia ní gono têei ma è gɛ̀i, kpɛ́ni fêi, ŋɔwɛli kɛ́-maai su kɛ̂tɛi dímɛni ma.

Mąątɛ̨nɛ̨ 110:4

Yâwɛɛ a góno tée, ǹyaŋ vé pâi ŋ̀óo siɣêi pôlu. “Ya pâi kɛ̂i a sâla láa-soŋ-nuu yɛ̂ɛ zâla láa soŋ nuu kɛ́tɛi Mɛkisɛdɛ wɔ́lɔ-wɔlɔ da wɔlɔ-wɔlɔ.”

Mąątɛ̨nɛ̨ 119:158

Tãi ŋa ǹúu-pɛlɛ-ƃelai tí kàa lai, díƃɛlɛ a kpɛ̂ɛ ŋ́goi, kpɛ́ni fêi, dífa díyee sèe ítɔ̂ŋ-ŋai mu.

Mąątɛ̨nɛ̨ 78:40

Díkɛɛ vɛ̃ɛ-kpâlaŋ sui, dí tɔ̀ɔ Ɣâla ma a tãi támaa. Dí gɛ̀ ǹíi é tóo pôlu a tãi támaa!

Mąątɛ̨nɛ̨ 81:13

Ŋa ŋ̀wɛ̂lii ká káwoli tɔ́ɔ ḿâ. Ŋa ŋ̀wɛ̂ii ká sia ŋ́gɔɔ pɔ̂ɔi.

Mąątɛ̨nɛ̨ 95:10

Dí tɔ̀ɔ ḿâ a kóraŋ buu náaŋ. Nya ƃe ŋá m̀o ńyɛɛ, ‘Díkaa a ŋánûa, kɛ́lɛ dífe ḿbôlu. Dífe siâi a ŋátɔ̂ŋ-ŋai wóo.’

Lɛɛ gbɔwɔ ɓa 32:14

Nya ƃe Yâwɛɛ è ǹíi maa fàleŋ. Vé ŋɔ́nɔ m̀ɛnii kɛ́ ní a ǹûai nyii è kɛ̀ ŋ̀wɛ̂lii a gɛɛ é gɛ́ a diai.

Azaya 48:18

“Kâi ŋátɔ̂ŋ-ŋai mɛi kâa, lii-sêe êei kɛ̂i káyêei yɛ̂ɛ ya-lêe, káteniŋ ƃô-laai kɛ́ ƃò káyêei yɛ̂ɛ yúo à kɛ̀ toôi.

Azaya 63:10

Kɛ́lɛ, da wɔ́lɔ dípôlu tɔ̀ɔ nɔ́ m̀a, díkɛ́ gɛ̀ Ŋɔmɔ̃̂leŋ Maa Waai líi kɛ́ tòo pôlu. Nya ƃe Yâwɛɛ è kɛ̀ a díkpɔara-nûu, é kɔ́ dípɔ.

Ɉeremi 18:7

À kɛ̀ ŋà mò ńyɛ̃ɛ ŋa pâi lɔii-ŋuŋ da ƃúlenîi, ŋá kâloŋ-laa da su kara,

Ɉeremi 26:19

Tãi m̀ɛnii ŋí è kɛ̀ lai, Ɛsekaya da ǹûai dífe Maka paa ni. Ka gɔ́lɔŋ a gɛɛ Ɛsekaya a kâa yào Yâwɛɛ ma, gɛ́ kɔ̀ a gɛɛ é Yâwɛɛ nîa mɛni kɛ́. M̀ɛni ma, Yâwɛɛ è ǹíi maa sôŋ vé mɛni kpɔ̂lu láa ní Zuda ma yɛ̂ɛ berei è mò la a maa-ŋuŋ. À kɛ̀ kwa kpéŋ ɣàle Zɛlemaya ma, gɛ̀ ní kwa pâi mɛni kpɔ̂lu lâai kúa kpîŋ kûa!”

Izikiɛ 33:11

Mó Eezuɛ-ƃelai dîa Ńyãai a Ŋ̀wála-wâla kélee Yâwɛɛi ńyɛ̃ɛ m̀ɛnii ŋí ƃé ŋá mò kâa, ‘Tɔ̃yâ ma tãi nɔ́ ŋ́gaa la ɣele mai, ńii fa nɛ̃ɛ sɔnyɔ̂ŋ nuu ŋɔsɔnyɔ̂ŋ mɛ̂ni ma. M̀ɛnii a níi nɛ̃ɛi ƃa sɔnyɔ̂ŋ-nuu é ǹíi maa fáleŋ é lɛ́ɛ ɣele ma. Eezuɛ-ƃela, ka kpera sɔnyɔ̂ŋ kɛ̂i. Lé mɛni ƃé ka pâi saâi lai?’

Osia 11:8

“Óo Eezuɛ, ŋa pâi ńyee kulâi léŋ ímu? Óo Eezuɛ ŋa pâi teêi yâ lé-mɛni ma? Ŋá pɔ̂ri tuâi a yá yɛ̂ɛ berei ŋá gɛ̀ la a Adama kpaa máŋ yɛ̂ɛ da Zeboŋ taa-lee-ŋai? Fa pɔ̂ri nyíŋi kɛ̂i. Ŋáwɛli kɛ́-maai káa nɔ́ kámɛni ma.

Zooɛ 2:13

Ka kálii su waa, kɛ́lɛ ká seɣe-ŋai fêi.” Ka tínaŋ Yâwɛɛ, ká Ɣâla pɔ́ naa pere, kpɛ́ni fêi, zɔŋ lɛ̂lɛɛi gɛ́ núu malôŋ kàa. Va ǹíi ŋwàna a maa félaa ǹyaŋ ŋɔwɛli kɛ́-maai káa nɔ́ naa wɔ́lɔ-wɔlɔ, gɛ́ sɔnyɔ̂ŋ su mɛni lɛ̀ɛ.

Zôna 3:10

Tãi Ɣâla è mɛnii kâa la ǹûai da gɛ̂i, berei dí dípôlu tɔ̀ɔ la dítûa-pere nyɔ̂ŋ-ŋai dîai, è ǹíi ma fâleŋ m̀ɛni nyɔ́mɔɔi mɛni ma è kɛ̀ pâi gɛ̂i a diai. Ve ŋɔ́nɔ mɛni nyɔ́mɔɔ kɛ́ ní a dia.

Malasi 3:6

“Ńyãa ƃa Yâwɛɛ, fá ḿaa fâleŋ. M̀ɛni ma káai a Zeeka Ŋɔkaayɔɔ-ŋai, káŋuŋ la fé niî kpɛɛ ní a pilíɛɛ.

Lonon mo 23:19

Ɣâla fa lɛ́ɛ kɛ̀ yɛ̂ɛ berei núu kpune a gɛ̀ lai. Va ǹíi maa fâleŋ yɛ̂ɛ berei núu-kpune a gɛ̀ lai. A ŋɔkono-tee-wooi ŋ̀á-see kɛ̀. Mɛnii a mòi, a ŋ̀á-see kɛ̀.

Lomaŋ 11:29

Kpɛ́ni fêi, Ɣâla fa ŋɔsama-sãai da ŋɔtólii siɣe pôlu.

Ifisiɛŋ 4:30

Káfe Ɣâla Ŋɔmɔ̂leŋ Maa Waai líi sòli, nyíi kálɛ-mɛnii su kpanaŋ ŋuŋ-ma-ƃo-ɣelei mɛni mai.

Dutɛrɔnome 32:29

Dîi kɛ̀ a dítareɛɛ, dîi m̀ɛnii ŋí ŋá kàa, dîi pâi gɔlɔnîi m̀ɛnii pâi kɛ̂i a diai.

Dutɛrɔnome 32:36

Yâwɛɛ a pâi ŋɔnûai dímɛnii ŋá têei é dímalôŋ káa a gàa a gɛɛ pɔ̂ri mâa fé ŋɔ́nɔ díyêei. A pâi dímalôŋ kâai. Dí tɔnɔ kpîŋ da fé pâi lɛɛ̂i a nɛ̃ɛ ma dí kɛ́ a luɛ-ŋa kpaa máŋ díŋuŋ ma ƃoɔɔ.

Dutɛrɔnome 5:29

À kɛ̀ bere ƃé dílii su káa la dí kɛ́ ŋátɔ̂ŋ-ŋai mɛi kâa ŋâi pà gɛ̂i díƃûu ƃó lûwa kɛ́ ƃò díkɛ mɛni ma.

Hebreu 3:10

Mɛni ma ńii è ŋwàna ŋ̀éniɛi tí su-ƃelai dîa, ŋá m̀ó, ńyɛɛi, ‘Da siɣe pere ma a tãi kélee dílii su-pere. Dífe niî ńdûa-perei kɔ́lɔŋ ní.’

Hebreu 3:17

Ǹyaŋ gbɛɛ-ni ƃe è kɛ̀ a ǹíi ŋwánaa dîa kóraŋ buu náaŋ yée mui? Diai da sɔnyɔ̂ŋ kɛ̂i dia fêi, nyíi-ŋai sàa vɛ̃ɛ-kpâlaŋ sui?

Zĩi 1:17

Sama-sɛŋ lɛ́lɛɛ kélee da sama-sɛŋ maa waa kélee da kûla kúmɛi-pere, nyíi-ŋai da pâ kúpɔ dí kúla Ɣâla yêei, nyíi gáa a gwaa-ponoɔ-ŋai kélee Dínâŋ. Maa fa fâleŋ. Ŋɔkwaa-ponoɔi ninîŋ fé ma.

Samuɛlə dɔlɔɔ 15:11

“Sɔ̂ɔ aâ ŋóo píli. Malôŋ toɔɔ̂i ḿâ a gɛ́ɛ ŋá gɛ̀ a kâloŋ.” Samia è líi è tòo pôlu é pɛ́lɛ wɔ̂lɔi ma é lɛ́ɛ la zu ɣele é ƃɔ́.

Samuɛlə dɔlɔɔ 15:29

Ǹaa pôlu ma, ŋ̀ɔ́lɔ-wɔlɔ Ɣâlai gáa Eezuɛi vé a núu-kpune. Va lɛ́ɛ kɛ̀ kpaa máŋ é ǹíi maa fáleŋ.”

Samuɛlə dɔlɔɔ 15:35

Berei máŋ Sɔ̂ɔ malôŋ è Samia sòŋ lai, vé ŋɔ́nɔ Sɔ̂ɔ káa ní naa pôlu ma.