Zɛnɛse 6:11 - Bible

¹¹ Nya ƃe fúlu sãa kélee dí ǹɔii su kâra Ɣâla ŋɛ́i. Dí ǹɔii láa fɛ̂ɛ a ŋwana-lɔ̂ɔ.

Yálá laawoo hɛɓɛ (dc)

¹¹ Kɛlaa, Yálá ɲɛ̨i ɓa, yɛnɛ̨ɛ̨ nąą kəlee kalai kɛ a mɛ̨nį ɲɔ̨n, da nwąnąlɔɔ mɛ̨nį lɔ ɓə kɛ lɔi mɛ̨i nąą kəlee.

Yálá laawoo hɛɓɛ

¹¹ Kɛlaa, Yálá ɲɛ̨i ɓa, yɛnɛ̨ɛ̨ nąą kəlee kalai kɛ a mɛ̨nį ɲɔ̨n, da nwąnąlɔ mɛ̨nį lɔ ɓə kɛ lɔi mɛ̨i nąą kəlee.

Zɛnɛse 6:11 ပူးပေါင်းရင်းမြစ်များ

Zɛnɛse 10:9

È kɛ̀ a gbâna pili-nuu kɛ́tɛ Yâwɛɛ ŋɛ́i. Mɛni ma da mò dîyɛɛi, “Tɔɔ Yâwɛɛ é í kɛ́ a loŋso kɛ́tɛ yɛ̂ɛ Nimɔrɔ.”

Zɛnɛse 13:13

Ǹyaŋ Sodɔŋ-ƃelai dí kɛ̀ a ŋwana-lɔɔ-ƃela. Dí ƃò ŋɔnɔ a sɔnyɔ̂ŋ-ƃela Yâwɛɛ ŋɛ́i.

Zɛnɛse 6:10

Nôa è lóŋ-surɔ̂ŋ saaƃa maa sɔlɔ ƃô. Dîa ƃe kɛ̀ a Sɛ̂ŋ, Aaŋ da Zafɛ.

Zɛnɛse 7:1

Yâwɛɛ è mò Nôa ma ǹyɛɛ, “Ka ípɛrɛi mu-ƃelai kélee ka tɛ́ géleŋ su, kpɛ́ni fêi, ŋa gáa a gɛɛ íkaa a núu sãa íƃarâai sáma.

Kɔlɔnikɔ Veerɛi 34:27

Kɛ́lɛ Yâwɛɛ è mò ǹyɛɛ kpɛ́ni fêi ílii mu è siɣe í ímaa-yeŋ Ɣâla ŋ́ɛi tuɛ tãi í mɛnii ŋí mɛ̂ni la é pîlaŋ gwaai ŋí da naa-ƃela diai ǹyaŋ í ímaa-yeŋ ŋ̀ɛi-tuɛ í íseɣei fála íwɔlɔi, ŋaâ nâa íwoo mɛni.

Mąątɛ̨nɛ̨ 11:5

A su-kɔɔ̂ŋ tɛ̀ɛ dɔ̃yâ-ƃelai pɔ́ da ŋ̀wana-lɔ̂ɔ-ƃelai. Vé ŋ̀wɛ́lini a ǹúui a mɛni-su karai.

Mąątɛ̨nɛ̨ 140:11

Tɔ́ɔ diai da lɛ́ɛ mɛni pɛ̀lɛ núu da mai, dí mɛni kpɛ́tɛɛi ŋàa sèe fé kɛ̀. Tɔ́ɔ mɛni kpɔ̂lu é láa ŋɛi-maa-nɛ̃ɛ-ƃelai dîa í dísu kara.

Mąątɛ̨nɛ̨ 55:9

Óo Ǹuu-namui, ŋ́gbɔara ƃelai díkili-ŋa sîai su kara. Ŋa laa sâa da namu kâai daa-leei su.

Lɛɛ gbɔwɔ ɓa 32:7

Yâwɛɛ è mò Mose mà ǹyɛɛi, “Yeŋ ǹyéei kwára. Kpɛ́ni fêi, ínûai í díkùla Ize lɔii sui da ŋumɛ-mɛni kɛ́i.

Azaya 60:18

Núu da fé ŋɔ́nɔ pâi mɛni su kara mɛ̂ni da kɛ̂i kálɔii ma yɛ̂ɛ berei da kâa gɛ̀ lai. Núu da fé ŋɔ́nɔ pâi kálɔii su karâi. Ŋa pâi ká mɛi kâai, ŋá ká maa kɔ̃́ɔ yɛ̂ɛ siɣãŋ. Ya pâi ńaa maa tɛ̂i kpɛ́ni fêi, ŋa íŋuŋ mâ ƃò.

Ɉeremi 6:7

Ŋwana lɔ̂ɔ a kûla Zerusâlɛŋ taa leei su yɛ̂ɛ berei yá a kûla la ya ɣɛ̂li sui. Núu a mɛni nyɔ́mɔɔ da mɛni su kara mɛni maa mɛ̂ni m̀ɛni naa. Pala da kɔlɔ-fela díkaa nɔ́ m̀a.

Izikiɛ 28:16

Tãi íkɛ̀ pɔni tɔɔ̂i lai, ípɛ̀lɛ ŋwana-lɔɔ tùa da sɔnyɔ̂ŋ kɛ́ɛ ma. M̀ɛni ma, ŋá gɛ̀ í kúla ŋá yée maa-waai ma. Nya ƃe ŋ̀âla-taa kooŋ-sɛŋ nyii kɛ̀ ímɛi kâai è í kpɛ̀ é í kúla gɔni fóloɔɔi mɛi í kɛ̀ tɔɔ̂ni m̀ɛi.

Izikiɛ 8:17

Yâwɛɛ è ŋɔ́nɔ mò ḿâ ǹyɛɛi, “Núu kpune ǹóŋ, yâ m̀ɛnii nyiŋi kâai da gɛi? Zuda ƃelai lii fé nîi laa ni a mɛni nyɔmɔ-ŋai da gɛi ƃɛi. Díkaa nâa pâi a ŋɛi-tɛ mɛni támaa ǹɔii mela kélee ma a gɛɛ dí gɛ ǹíi é ŋwana dîa. Da ƃaa kula mâ. Díkɛ ǹaraŋ a pere-sii kélee.

Habakukə 1:2

Óo Yâwɛɛ, ŋa ímarê kɛ́ kpɔŋ mâa mɛni ma a tãi su kôyaa, lé mɛni ƃé ífe íwoli tɔɔ̂i la ḿâi? Kpaa máŋ ŋa wɔ̂lɔi, kpɛ́ni fêi, da ŋwana-lɔɔ kɛ́ a ńyãa, ǹyaŋ ífe ḿâloi?

Habakukə 2:17

Ŋ̀wana-lɔ̂ɔ tuai í gɛ̀ Lɛƃanɔŋ lɔii sui, a pâi pâi pôlu ípɔ. Zua-ŋai kélee í ƃàai, da pâi pâi dí ímaa yáo. Nyíŋi a pâi kɛ̂i kpɛ́ni fêi ƃa núu támaa páa, ǹyaŋ kpɛ́ni fêi ƃa mɛni nyɔ́mɔɔ támaa kɛ́ a ǹûai dítaa-lêe-ŋai su, da dílɔii-ŋûŋ ŋai su.

Habakukə 2:8

Ƃa lɔii-ŋûŋ támaa su-sãa siɣe. Diai lɛ̂ɛ pôlui, da pâi í wɔ̂i siɣêi a wála-wâla kpɛ́ni fêi, ƃa mɛni nyɔ́mɔɔ támaa kɛ́, ƃa núu támaa páa ǹɔii su da diai díkaa daa kpaya-kpaya-ŋai sui.

Lukə 1:6

Dífeerɛ dí kɛ̀ a dísɔŋ lɛ́lɛɛ Ɣâla ŋɛi. Dí kɛ̀ Kúnuu-namui ŋɔtɔ̂ŋ da ŋɔlia-woo kpanaŋ-ŋai kélee mɛi kâai, pɔara mɛni ma fé zu.

Lomaŋ 2:13

Diai da dɔ̂ŋ mɛni kɛ́lɛ dífa sia a ŋ̀óoi dífe a tɔ̃yâ-ƃela Ɣâla ŋɛi, kɛ́lɛ, Ɣâla a pâi dɔ̂ŋ mɛi káa-ƃelai tólîi a tɔ̃yâ-ƃela.

Lomaŋ 3:19

Kú gɔ́lɔŋ a gɛ́ɛ m̀ɛnii kélee bɔ̃yɛɛ̂i dɔ̂ŋ sui gáa nɔ́ diai mɛni ma díkaa dɔ̂ŋ mui. Dɔ̂ŋ a m̀ɛni-ŋai ŋí ƃò gɛ́ɛ é núu kpera káfalo kɛ̂i, a gɛ́ɛ é ǹɛɛ naa Ɣâla é ǹɛ́ a gɛ́ɛ ŋ̀éniɛi su-ƃelai da sɔnyɔ̂ŋ kɛ́.

Dutɛrɔnome 31:29

Ŋá gɔ́lɔŋ ŋà sàa ka pâi kɛ̂i a ká ŋwana lɔ̂ɔ a ŋá ŋánaa ká nia mɛni-ŋai dîa ŋa m̀ôi kâai. Ka gɛ̀ tí mɛni-kpɔ̂lu ŋaa a pâi lâai kâa kpɛ́ni fêi kásɔnyɔ̂ŋ mɛni a pâi ŋwânai Yâwɛɛ ma.”

Nwun mąąɓo 2:19

Kɛ́lɛ dílaa túɛ-nuui a kàa sàa, da lène pôlu ŋɔ́nɔ dísɔnyɔ̂ŋ pɔlɔi su dí sɔnyɔ̂ŋ támaa kɛ́ é tɛ́ɛ dínûa pɔlɔ-ŋa dîa. Da kâa kɛ̀ nɔ́ ɣâla da kpɛ́ni-ŋa fɛlîi dífa têe dísɔnyɔ̂ŋ-ŋai dîa.