Zɛnɛse 39:9 - Bible

⁹ Va gbîŋ kɛ̀tɛ é tɛ́ɛ ḿâ bɛ́rɛi ŋí mu. A ǹyée ŋá-sãa kélee tɛ́ɛ ḿbɔ fɛ̂ɛ nɔ́ yá, kpɛ́ni fêi, íkaa a ŋɔnɛnîi. Ŋa pɔ̂ri ŋaŋ ŋwana-lɔ̂ɔ tarei ŋí da zɔnyɔ̂ŋ kɛ́tɛi kɛ́ɛ ŋí kɛ̂i léŋ Ɣâla ŋɛ́i?”

Yálá laawoo hɛɓɛ (dc)

⁹ Ɲəi bɛlɛ́n ɓɛ, ɲą́ą́ ɓə mɛ̨nį kəlee kaa ná, hvo tɔ́n dɔɔ li mą́ą́ mɛ̨nį ta hu, hvo kɛli lɔ yɛ́ ɓə vá lɛɠɛ yɛ́, mąąhɔlɔɓo, nɛ̨ą ɓaa a yɛ́. Ŋą́ həɠə pələ kɛ ləi, gɛ́ li mɛ̨nį ɲɔ̨n gɛi, gɛ́ nɛ̨ŋɛ̨n ɉəɠə Yálá ɓa?»

Yálá laawoo hɛɓɛ

⁹ Ɲəi bɛlɛ́n ɓɛ, ɲą́ą́ ɓə mɛ̨nį kəlee kaa ná, hvo tɔ́n dɔɔ li mą́ą́ mɛ̨nį ta hu, hvo kɛli lɔ yɛ́ ɓə vá lɛɠɛ yɛ́, mąąhɔlɔɓo, nɛ̨ą ɓaa a yɛ́. Ŋą́ həɠə pələ kɛ ləi, gɛ́ li mɛ̨nį ɲɔ̨n gɛi, gɛ́ nɛ̨ŋɛ̨n ɉəɠə Yálá ɓa?»

Zɛnɛse 39:9 ပူးပေါင်းရင်းမြစ်များ

Zɛnɛse 13:13

Ǹyaŋ Sodɔŋ-ƃelai dí kɛ̀ a ŋwana-lɔɔ-ƃela. Dí ƃò ŋɔnɔ a sɔnyɔ̂ŋ-ƃela Yâwɛɛ ŋɛ́i.

Zɛnɛse 20:3

Kɛ́lɛ Ɣâla è pà Abimelɛ pɔ́ a gbínii seêi-pere, ǹyɛɛ ma, “Gáa íkaa pâi saâi, kpɛ́ni fêi, nɛnîi í zîɣei bɔ̂ŋ káa ma.”

Zɛnɛse 20:6

Nya ƃe Ɣâla è mò ma ŋɔseei su ǹyɛɛi, “Óoei, ŋá gɔ́lɔŋ a gɛɛ í gɛ̀ a lii lɛ̂lɛ. Ńyãa ƃé gɛ̀ a gɛɛ ífe sɔnyɔ̂ŋ kɛ̀ a ńyãa. Mɛni ƃé fé ílɛɛ ní la naa a gɛɛ í lɛ́ɣɛ ma.

Zɛnɛse 20:9

Nya ƃe Abimelɛ è Eberaɣɛ̃ɛ tòli é mó ma ǹyɛɛi, “Lé ƃé í gɛ̀ ŋí a kûai? Lé mɛni nyɔ́mɔɔ ƃé ŋá gɛ̀ a yá, ǹyaa ƃa pá a zɔnyɔ̂ŋ sii ŋí kwa ŋánûai kûai? Ƃa mɛnii kɛ́ a ńyãa nyii vêi pɔ̂ri kɛ̂i.”

Zɛnɛse 24:2

Nya ƃe Eberaɣɛ̃ɛ è mò ŋɔtíi-kɛ-nuui ma, nyii kɛ̀ a ŋɔpɛ́rɛi mu-nuu pɔlɔi maa-ŋuŋ, nyii kɛ̀ gɔ̃liŋ kélee mɛi ǹyɛɛ mai, “íyee lɔ́ ŋ́wɛrɛ mu.

Zɛnɛse 39:10

Berei máŋ nɛnîi è kɛ̀ la Zosɛ pôlu a tãi támaa a gɛɛ da ǹyaa dí láai, Zosɛ fé ŋ̀óli tɔɔ ní mà.

Zɛnɛse 41:40

Ƃa pâi kɛ̂i ŋápɛrɛi mɛi. Ŋánûai kélee da pâi kɛ̂i íwoo mu. Ŋákâloŋ see-sɛŋ mɛni nɔ́ ƃé ŋa pâi kɛ̂i a ńdɛɛ la yâ.”

Zɛnɛse 42:18

Ŋ̀ele-kûui zaaƃa-ɣelei, Zosɛ è mò dîa ǹyɛɛi, “Ka nyíŋi kɛ́ a gɛɛ ká ƃálo. Kpɛ́ni fêi, ŋa yao Ɣâla ma.

Samia Veerɛi 11:27

Ǹíi ŋá yeŋɔɔi, Deeƃé è ŋ̀orɛ̂ tɛ̀ɛ é pá é gɛ́ a ŋɔnɛnî. Da ǹyaa dí lônii-sinaa maa sɔlɔ ƃò. Kɛ́lɛ Deeƃé tûa sɔŋ ŋí fé kɛ́ ní a Yâwɛɛ líi láa mɛni.

Samia Veerɛi 12:13

Deeƃé ǹyɛɛ Netaŋ mai, “Ŋaâ sɔnyɔ̂ŋ kɛ́ Yâwɛɛ ŋɛ́i túɛ” Netaŋ ǹyɛɛ m̀ai, “Yâwɛɛ aâ ísu mɛni lɛɛ ísɔnyɔ̂ŋ mɛni ma. Ífe pâi saâi.

Nehemi 5:15

Diai kɛ̀ ǹɔii kpîniŋ ŋí mɛi ńduɛi, dímaa mɛni kélee è kɛ̀ ǹûai ŋí ŋûa a kpîri wuyɛ́ɛ-ŋa. Dí m̀o dîa a gɛɛ díkɛ káne buu náaŋ tɛ̀ɛ dípɔ a ɣele kélee díŋwã̂ai da dímii sãai mɛni ma. Ǹɔii mɛi-ƃelai ŋí díyee mu-ƃelai máŋ dí fũa-fũa támaa tɔ̀ɔ Zuda-ƃelai dîa. Kɛ́lɛ fé gɛ́ ní tí, kpɛ́ni fêi ƃaa kɛ́ maa káa ńyêei Ɣâla mɛni ma.

Nehemi 6:11

Ŋá ŋ̀óo su tòo ńyɛɛ mai, “Fé a ǹúui nyii a pû gɛ́ ǹooi. Ya gâai ŋà ńôo Ŋ̀âla-pɛrɛ Kɛ́tɛi mu núu da fá pɔ̂ri ḿbaâi? Fé liî naa.”

Zôo 31:23

Ŋá kɛ̀ yaôi Ɣâla ma nya ƃe gɛ̀ ḿve m̀ɛni nyɔ́mɔɔ-ŋai ŋí da kɛ́ ní.

Mąątɛ̨nɛ̨ 51:4

Ŋá sɔnyɔ̂ŋ kɛ́ a yá, yá tɔnɔ nɔ́ ƃé ŋá sɔnyɔ̂ŋ kɛ́ a yá. Ŋá m̀ɛnii kɛ̂ nyii ya dòli a ŋwana-lɔ̂ɔ-tuai. M̀ɛni ma íŋa mɛnii ŋá tèe a zã́a. Ísɔŋ fé yá ŋá mɛnii ŋá téɛɛi mɛni ma.

Lɛɛ gbɔwɔ ɓa 20:14

“Ífe wulu-wulu kɛ̀.

Hanwon 6:29

Bere nɔ́ ƃé gáa la a ǹúui a pêle kɛ̀ a ŋɔkɔlɛ-ma-nuui ŋɔnɛnîi. Ǹúui kélee a lɛ̂ɣɛ mai, a pâi tɔŋ-kpɛ-maa sɔlɔ ƃôi.

Hanwon 6:32

Núui a wulu-wulu kɛ̀ a núu da kpɛ́ni ŋɔnɛnîi, gáa a ƃoo nûu. Ǹúui a gɛ̀ tíi, a gbîŋ ŋuŋ-la pìli.

Ikilisiati 7:26

Ŋá mɛni tɔ̂nɔ kàa ŋ̀wânaai é tɛ́ɛ saa ma. Nya ƃa surɔ̂ŋ wɛli-nɛni. Surɔ̂ŋ wɛli-nɛnii ŋɔwɛli kɛ́-maai káa yɛ̂ɛ ƃáre. Núu a tòo ŋ̀á a kpîniŋ la yɛ̂ɛ deɣaŋ. Kɛ́lɛ diai da Ɣâla wóo mɛnii, dífe pâi kɔ́i a ŋɔƃárei. Zɔnyɔ̂ŋ-ƃelai nɔ́ ƃé pâi kɔ̂i la.

Ɉeremi 28:16

M̀ɛni ma, Yâwɛɛ ǹyɛɛ, ‘Ǹaa fé pâi tûai ŋ́gɛ íkùla ǹɔii ŋí ma. Ya pâi saâi góraŋ ŋí su. Kpɛ́ni fêi ya sɛŋ lɛ́ ǹûai dîa nyíi a gɛ́ da tɔɔ Yâwɛɛ ma.’ ”

Ɉeremi 50:7

Núu nyíi nɔ́ a díkâai a pɛ̂lɛ dîa. Díkpɔara-ƃelai da mò dîyɛɛi, ‘Kwa sɔnyɔ̂ŋ kɛ́ a Yâwɛɛ. M̀ɛni ma, m̀ɛnii kwa gɛ̂i a diai, zãâi. Dínâŋ pɔlɔ-ŋai diî kɛ̀ a dílaa a Yâwɛɛ, dia máŋ diî pɔ̀ri kɛ̂i a teniŋ ƃô-ƃela ḿɛni ma.’

Levetekɔ 20:10

“À kɛ̀ núu da kélee a lɔ-pɔ̂rɔŋ kɛ̀ a m̀arâŋ nuu ŋɔnɛnî fɛ̂ɛ dí maa nuui tí páa da nɛnii nyii è ǹɔ-pɔrɔŋ kɛ̀ lai.

Levetekɔ 6:2

À kɛ̀ núu da a Yâwɛɛ ŋɔtɔ̂ŋ-ŋai da kàra a kíri tua kɛ́ɛ a m̀arâŋ Eezuɛ-nuu kɔ̃liŋ da siɣeɛɛ nyii è ǹɛɛ ǹyêei kpaa máŋ é ŋúma, kpaa máŋ é m̀arâŋ-nuu kɔ̃liŋ kúla ǹyêei a wôya pere,

Lonon mo 32:23

Kɛ́lɛ à kɛ̀ káfe pâi gɛ̂i tí, gɛ̀ ní ka sɔnyɔ̂ŋ kɛ́ a Yâwɛɛ. Gɛ̀ ní tɔ̃yâ ma ka pâi tɔ̂ŋ-kpɛ-maa sɔlɔ ƃôi kásɔnyɔ̂ŋ mɛni ma.

Lukə 12:48

Kɛ́lɛ, ǹúui ve gɔlɔŋ, kɛ́lɛ, e mɛni nyɔ́mɔɔ kɛ̀ nyii da pɔ̂ri ǹókwâi mɛni mai, da pâi ǹókwâi a guro-te. Ǹúui da dámaa tɛɛ bɔi, fɛ̂ɛ e dámaa tɛɛ pôlu; ǹúui a sãâ támaa mɛi kâai, ŋûa-kpiri ƃa é dámaa mɛi káa.

Korɛntə dɔlɔɔ 4:2

Bere-sii ŋí su, fɛ̂ɛ sɛŋ mɛi-ƃela dí kɛ́ a dísã́a.

Taitɔ 2:10

kpaa máŋ, dífe kɛ̀ a wôya-sɛŋ siɣe-ƃela. Kɛ́lɛ, fɛ̂ɛ dí díkpîŋ lɛ́ pere-sii kélee su a gɛɛ díkaa a tɔ̃yâ-ƃela sãa-ŋa, a gɛɛ dí Kúƃalo-nuui Ɣâla ŋɔsɛŋ-lɛɛi maa ɣíri mɛni-sii kélee su.

Hebreu 13:4

Tɔɔ nɛnî-kula-mɛni é kɛ́ a ƃaa-kɛ-maa pere-sii kélee su. Nɛnî-kula-pɛrɛi mu fé kàra. Kpɛ́ni fêi, Ɣâla a pâi goyaŋ-wulu-wulu kɛ́-ƃelai da ŋwulu-wulu kɛ́-ƃelai dímɛnii ŋá têei.

Zɔ̂ŋ Maa-ŋuŋ 3:9

Ǹúui kélee gáa a Ɣâla ǹóŋ, va sɔnyɔ̂ŋ kɛ̀, kpɛ́ni fêi, Ɣâla káa gbonôi. Va pɔ̂ri sɔnyɔ̂ŋ kɛ̀i, kpɛ́ni fêi, gáa a Ɣâla ǹóŋ.

M̀ɛni-lɛɛi 21:8

Kɛ́lɛ, à kɛ̀ a ǹyao-ƃelai, da diai laa-la fé díyêei, diai díliƃiɛ̂i, à kɛ̀ a ǹúu-paa-ƃelai, da ŋwulu-wulu kɛ́-ƃelai, da ŋwulu-ƃelai, da ŋâla-pɔɔkɔ̂ŋ fɛli-ƃelai, da nɛ̃ɛ-ƃelai kélee, díwɔ̂i a pâi kɛ̂i a ŋɔŋ kɛ́tɛi su, nyíi sɔɔfɔ káa zui, nyíi gáa yɛ̂ɛ pôa kɛ́tɛi, ǹyaŋ zaai veerɛ-ɣelei ká ŋí.”

M̀ɛni-lɛɛi 22:15

Diai da mɛni maa faleŋ, tɛli-kpɛ́-ƃela, wulu-wulu kɛ́-ƃela, núu-paa-ƃela, ɣâla-pɔɔkɔ̂ŋ fɛli-ƃela, da diai kélee dí wôya-mɛni wɛ́li ni, díkɛ maa kɔ̂rii díkaa daa-leei ŋɔsiɣaŋ pôlu pere.