Zɛnɛse 38:24 - Bible

²⁴ Ɣáloŋ saaƃa tɛ́ɛ pôlu mà, Zuda è mɛ̀ni dîyɛɛ ma, “Íloŋ ŋɔnɛnîi Tama a wulu-wulu kɛ́. Ǹyaŋ goo káa mà.” Nya ƃe Zuda è mò ǹyɛɛi, “Ka pá la ká géreŋ.”

Yálá laawoo hɛɓɛ (dc)

²⁴ Ɲąnįn ɉaaɓa tɛɛ pulu, nu ta ə pa, yɛ Ɉuda ɓa: «Ə́ lon nɛ̨ą Tamarə aa gbɔwɔ kɛ a wɛli kɛ mun, aa lɛɛ ɉu aa koo həɠə.» Ɉuda yɛ diɛ: «Ka ɉon ka li la, ka nɛɛ a vulú, ka gələn.»

Yálá laawoo hɛɓɛ

²⁴ Ɲąnįn ɉaaɓa tɛɛ pulu, nu ta ə pa, yɛ Ɉuda ɓa: «Ə́ lon nɛ̨ą Tamarə aa gbɔwɔ kɛ a wɛli kɛ mun, aa lɛɛ ɉu aa koo həɠə.» Ɉuda yɛ diɛ: «Ka ɉon ka li la, ka nɛɛ a vulú, ka gələn.»

Zɛnɛse 38:24 ပူးပေါင်းရင်းမြစ်များ

Zɛnɛse 20:3

Kɛ́lɛ Ɣâla è pà Abimelɛ pɔ́ a gbínii seêi-pere, ǹyɛɛ ma, “Gáa íkaa pâi saâi, kpɛ́ni fêi, nɛnîi í zîɣei bɔ̂ŋ káa ma.”

Zɛnɛse 20:7

Mɛni ma, nalôŋ ŋɔnɛnîi tɛ́ɛ pôlu bɔ́, kpɛ́ni fêi, gáa a ŋálono-kɛ-nuu. A pâi ḿvɛlìi ímɛni ma ífulu-laai su é kôya. Kɛ́lɛ ƃà wàla ŋɔnɛnîi tɛ́ɛ bɔ́ pôlu, gɛ̀ ní é kɛ́ íkili ŋá a gɛɛ ka ínûai ka pâi saa títi ƃôi.”

Zɛnɛse 20:9

Nya ƃe Abimelɛ è Eberaɣɛ̃ɛ tòli é mó ma ǹyɛɛi, “Lé ƃé í gɛ̀ ŋí a kûai? Lé mɛni nyɔ́mɔɔ ƃé ŋá gɛ̀ a yá, ǹyaa ƃa pá a zɔnyɔ̂ŋ sii ŋí kwa ŋánûai kûai? Ƃa mɛnii kɛ́ a ńyãa nyii vêi pɔ̂ri kɛ̂i.”

Zɛnɛse 34:31

Kɛ́lɛ dí mò mà dîyɛɛi, “Kúfa pɔ̂ri fâai ma a gɛɛ dí tûa a kúsâaƃɔlɔ yɛ̂ɛ wulu-wulu kɛ́-nɛni.”

Zɛnɛse 38:23

Zuda è ŋ̀óo su tòo ǹyɛɛ mai, “Tɔɔ zãâi dí lɛ́ɛ nɛnîi yêei dífa lâ ɣɛ́lɛ la kûa. Gáa ŋa ítɛ̀ɛ a m̀oli-loŋ, ǹyaŋ ífe nɛnîi káa ní.”

Samia Veerɛi 12:5

Nya ƃe Deeƃé líi è ŋwàna kpɔ́ ǹyɛɛ Netaŋ mai, “Ǹúui mɛni sîi tí kɛ̂i, à wàla saa gɛ̀ ní Yâwɛɛ fé ɣéniɛ nɛ̃ɛ ḿî.

Samia Veerɛi 12:7

Netaŋ ǹyɛɛ m̀ai, “Yá ƃa ǹalôŋ kpîŋ. Yâwɛɛ Eezuɛ Ɣalai ǹyɛɛi, ‘Ŋá íkula Sɔ̂ɔ yêei ŋá íkula ŋá íkɛ̀ Eezuɛ mɛi a kâloŋ,

Ikilisiati 7:26

Ŋá mɛni tɔ̂nɔ kàa ŋ̀wânaai é tɛ́ɛ saa ma. Nya ƃa surɔ̂ŋ wɛli-nɛni. Surɔ̂ŋ wɛli-nɛnii ŋɔwɛli kɛ́-maai káa yɛ̂ɛ ƃáre. Núu a tòo ŋ̀á a kpîniŋ la yɛ̂ɛ deɣaŋ. Kɛ́lɛ diai da Ɣâla wóo mɛnii, dífe pâi kɔ́i a ŋɔƃárei. Zɔnyɔ̂ŋ-ƃelai nɔ́ ƃé pâi kɔ̂i la.

Ɉeremi 2:20

Ŋ̀wála-wâla kélee Yâwɛɛi è mò ǹyɛɛi, “Tãi su kôyaa yée mu, ká káyee kùla ŋá wála-wala laai mu, ká tɔ́ɔ kákpîŋ yee ma. Ká mò kâai, ‘Ḿve pâi vɛliî,’ kɛ́lɛ tãi ká kɛ̂ ká ɣâla da kpɛ́ni-ŋai fɛliî lai, ka kɛ̂ lɔ-pɔ̂rɔŋ kɛ̂i ǹyée-ŋai ma da ŋ̀úru-ŋai mu, káɣâla mɛni kɛ́ɛ maa-pere su.

Ɉeremi 3:1

Yâwɛɛ è mò ǹyɛɛi, “À kɛ̀ núu da a ŋɔnɛnîi lɛ̀ɛ, m̀aa nɛ̂nii tí é surɔ̂ŋ da kpɛ́ni kúla, va ŋɔ́nɔ pɔ̀ri kulâi ŋɔsurɔ̂ŋ ninai yêei da ŋɔsurɔ̂ŋ duɛ-tuɛi dí ŋɔ́nɔ tûa. Da gɛ̀ tí, m̀aa tûa-laai tí a ǹɔii maa tĩ̂a kara ŋ́ɛi. Kɛ́lɛ, Eezuɛ, yaâ wɛ́li támaa sóŋ, íkɛ ŋɔ́nɔ ŋ̀wɛli a gɛɛ í ŋɔ́nɔ pá pôlu ḿbɔ naa.

Ɉeremi 3:6

Tãi Zosaya è wɔ́lɔ kɛ́ la a kâloŋ, Yâwɛɛ è mò ḿâ ǹyɛɛi, “Ya zɛŋ kâai Eezuɛ nyíi vé téniŋ ƃô níi káa gɛ̂i? A kula ḿbôlu gɛ́ lì ǹyée tɔɔ-ŋai tôŋ-su ŋ̀úru-ŋai mu gɛ́ lɔ-pɔ̂rɔŋ kɛ̀ naa ŋɔɣâla da kpɛ́ni-ŋa fɛliɛi su.

Ɉeremi 3:8

Tãi ŋá ǹaa kàa lai, ŋá ŋ̀ulu-wulu kɛ́ Eezuɛi lɛ̂ɛ ŋá táa-laa kɔlɔ tɛɛ bɔ́, ŋá dɛɛ pôlu, kpɛ́ni fêi, è wulu-wulu kɛ̀. Kɛ́lɛ ŋɔkáyɔɔi Zuda nyíi vé teniŋ ƃô-nii, vé yao ní a gɛɛ ŋa pâi gula maa kɛ̂i. Ǹyaa máŋ è bôlu tɔ̀ɔ ḿâ, gɛ́ wulu-wulu kɛ̀, é pɛ́lɛ ɣâla da kpɛ́ni-ŋa fɛlîi.

Izikiɛ 16:15

“Kɛ́lɛ í ímáŋ ílɛlɛ-laai mâ íkɛ wulu-wulu kɛ, kpɛ́ni fêi ímaa-tûŋ è taa-taa kwaa kélee m̀â.

Izikiɛ 16:25

Ya ílɛlɛ-laai su kara, íkɛ wulu-wulu kɛ̀ kwaa kélee m̀a a diai da kɛ tɛɛi berei ma gwaa kélee mâ a ɣele kéleei.

Izikiɛ 16:26

Ká ŋɔ́nɔ fâa m̀a a gɛɛ ka Ize sinaai nyii-ŋai nɛnî fa tɛ̀ɛ diai ka dîa ni ká wulu kɛ́. Ká ŋulu-wului ŋí kɛ a gɛɛ ŋá ǹíi ŋwana.

Izikiɛ 16:28

“Ká tinâŋ káli ka Asiria-ŋai kákɛ wulu-wulu kɛ̀. Kɛ́lɛ kálii fé laa ní.

Izikiɛ 16:41

Da pâi kápɛrɛ-ŋai kereni. Da pâi kákula maa kɛi nɛnî kpɔŋ ŋ̀ɛ́i. Ŋa pâi gɛi ká kpera wulu-wulu kɛ̂i, káfa ŋɔ́nɔ sama-sɛŋ tɛɛ wulu-wulu kɛ mɛni m̀a.

Izikiɛ 23:19

Kɛ́lɛ è kɛ̀ nɔ́ wulu-wulu kɛ̂i nɔ́ gɛ́ gíli-ŋa sìa é pîlaŋ gbela tãi ma, a tãi è wɔ́lɔ kɛ̀ wulu-wulu kɛ̂i la Ize-lɔii sui.

Izikiɛ 23:44

Kpɛ́ni fêi da lí bɔ́ naa yɛ̂ɛ berei surɔ̂ŋ a lɔ̂ la wulu-wulu kɛ́ nɛni ŋɔpɛ́rɛ mui. Dí lì Óola da Óoliƃa-ni pɔ́ naa nyii-ŋai díkaa a wulu-wulu kɛ́ nɛyãai.

Izikiɛ 23:5

Berei máŋ Óola è kɛ̀ la a ŋánɛnîi, da Asiria-ƃelai díkɛ̀ wulu-wulu kɛ̂i.

Osia 2:5

Dílee è wulu-wulu kɛ̀. È dímaa kôo sìɣe ŋumɛ tûa kɛ́ɛ su. È mò ǹyɛɛ, ‘Ŋa pâi liî ŋáwɛli-ŋai pɔ́ nyii-ŋai da kpólo yà ḿî, seɣe, wúlɔ da kpele-sɛŋ.’

Osia 3:3

Nya ƃe ŋá mò ma ǹyɛ̃ɛi, “Fɛ̂ɛ í pá íkɛ ŋápɛrɛi mu a ɣele kûu támaa íkpera wulu-wulu kɛ́ɛ ma. Tãi tí yée mu kwa yá kúfe pâi nyîi gîe ma. Ǹyaŋ kpakolo da kpɛ́ni fé pâi ímaa mɛni kɔ́lɔnîi.

Osia 4:15

“Óo Eezuɛ-ƃela, berei máŋ kákaa la a wulu-wulu kɛ́-ƃelai, Zuda-ƃelai dífe kápɔɔ kɔɔŋ. Káfe lì Geega, kpaa máŋ Bɛtâvɛ̃ŋ Ɣâla fɛlîi, káfe kákono tèe Yâwɛɛ láai su.

Levetekɔ 20:10

“À kɛ̀ núu da kélee a lɔ-pɔ̂rɔŋ kɛ̀ a m̀arâŋ nuu ŋɔnɛnî fɛ̂ɛ dí maa nuui tí páa da nɛnii nyii è ǹɔ-pɔrɔŋ kɛ̀ lai.

Levetekɔ 21:9

À kɛ̀ zâla láa soŋ-nuui da ǹóŋ nɛnî a gbîŋ kɛ̀ a wulu-wulu kpɛ̂ nɛnî, gɛ̀ ni a ƃâa kula ǹâŋ ma. Fɛ̂ɛ dí géreŋ a ŋɔŋ é sáa.

Lomaŋ 14:22

Naa-laai gáa íyeêi é kɛ́ káloai ka Ɣâla. Ǹúui nyíi mɛni lɛ́lɛɛ kɔlɔŋ kpɔ́ a ǹɛ́lɛɛi, ǹíi nɛɛ̂i.

Dutɛrɔnome 24:16

“Káfe núu da pàa ǹóŋ sɔŋ mɛni ma. Káfe lolôŋ da pàa ŋɔkaa-ƃelai sɔŋ mɛni ma. Tɔɔ núu kélee é sáa gbîŋ sɔŋ su.

Nwun mąąɓo 19:2

Kɛ́lɛ ǹɛnîi ŋí fé kɛ́ ní a deniŋ ƃóɔɔ dítûa-laai su. È ǹíi ŋ̀wana é kùla ŋɔsurɔ̂ŋ pɔ́-naa é lí ǹâŋ ŋɔpɛ́rɛi lá Bɛpeleɣɛ̃ɛ. È gɛ̀ naa a ɣáloŋ náaŋ.