Zɛnɛse 3:15 - Bible

¹⁵ Ŋa pâi kpɔara lɔ̂i káloai ka nɛnîi, ísuui da nɛnîi ŋɔsuui. Da pâi ƃɔ̂rɔnii íŋuŋ ma, yáŋ ya pâi dínyînii díkɔɔ ma.”

Yálá laawoo hɛɓɛ (dc)

¹⁵ Gáá pai yowolaa tooi yɛ́ ka nɛ̨ɛ̨nu ka lɔwai, ŋį́ doo ə́ huwu da nɛ̨ɛ̨nu huwu di lɔwai. Nɛ̨ɛ̨nu huwu kaa pai ə́ nwun nwoloi, ə́ kaa pai nɛ̨ɛ̨nu huwu ɲin ɉii dunwo ɓa.»

Yálá laawoo hɛɓɛ

¹⁵ Gáá pai yowolaa tooi yɛ́ ka nɛ̨ɛ̨nu ka lɔwai, ŋį́ doo ə́ huwu da nɛ̨ɛ̨nu huwu di lɔwai. Nɛ̨ɛ̨nu huwu kaa pai ə́ nwun nwoloi, ə́ kaa pai nɛ̨ɛ̨nu huwu ɲin ɉii dunwo ɓa.»

Zɛnɛse 3:15 ပူးပေါင်းရင်းမြစ်များ

Zɛnɛse 49:17

Daŋ a pâi kɛ̂i yɛ̂ɛ kali ƃé perêi, Yɛ̂ɛ kali líi-ŋwanaa ƃé pere ma, Nyii a soo nyîŋ gɔ́ɔ ma a gɛɛ zia-nuui é kúla bôlu é toôi.

Mąątɛ̨nɛ̨ 132:11

Í íkono tèe Deeƃé yêei a gbanaŋɔɔ, gono-teei nyii ífe pâi íyee kulâi mui: “Ŋa pâi íloŋ-surɔŋ dɔnɔ kɛ̂i a kâloŋ, nyii pâi lɛɛ̂i ípɔɔ ŋá a kâloŋ.

Azaya 53:12

Ŋa pâi gɛ̂i ƃâa kɛ́ ƃò m̀a núu-kpune sáma, m̀u-wuyɛɛ, wála-wala-laa su kɛ́tɛ kɛ́ ƃò ǹyêei, kpɛ́ni fêi, è ŋɔfúlu-laai tɛ̂ɛ gbîŋ yee ma, da zɔnyɔ̂ŋ-ƃelai dí mɔ̃́lɛ a bɔriɛɛ. È sàa núu támaa dísɔnyɔ̂ŋ-ŋai mɛni ma. È Ɣâla fɛ̀li a gɛ́ɛ é dísu mɛni lɛɛ.”

Azaya 7:14

M̀ɛni ma, Ǹuu-namui ǹyaa kpîŋ a pâi ŋɛi-kɛ-maa sîi da kɛ̂i káŋɛi. Nɛnî-kpela tɔnɔ da a pâi koo siɣêi é lóŋ-surɔ̂ŋ maa sɔlɔ ƃó. Da pâi ǹáa seêi a Imayuwɛ.

Ɉeremi 31:22

Tãi ɣɛɛlu ƃé ka pâi kɛ̂i kákɔŋ toôi lai, káai ŋí laa-laa fé káyêei? Ŋa sɛŋ da kpɛ̀tɛ nyíi gáa a nina, gɛ́ ƃò a da kpɛ́ni yɛ̂ɛ nɛnî a kɛ̀ surɔ̂ŋ mɛi kâai.”

Danîa 9:26

Da pâi ǹúu láa túɛ-nuui ŋí paâi a góraŋ-ŋai ŋí kpɛɛ ŋá tãi ǹaa é lɛ́ɛ a vólo. Lɔii-ŋuŋ da kpɛ́ni su-ƃela láa túɛ nuu da ŋɔkɔ-kuluƃa-ŋai da pâi Zerusâlɛŋ su karâi da Ŋ̀âla-pɛrɛ Kɛ́tɛi. Kɔ́ a pâi kɛ̂i nɔ́ kɔ̂i naa yɛ̂ɛ ya fɛ̂ɛ yɛ̂ɛ berei Ɣâla è gbɛ̀tɛ lai.

Amɔsə 9:3

A nɛ̃ɛ ma kpîŋ dí díloo Kamɛɛ Yeei tôŋ su, ŋa pâi serîi naa ŋá díkula naa. Da dílòo máŋ yúo kpóŋ ma, ŋa pâi môi yúo-zere kalii ma é lí naa é dí nyíŋ.

Mise 5:3

Yâwɛɛ a pâi Eezuɛ-ŋai lɛɛ̂i luɛ-laa su é lɛ́ɛ la zu ǹɛnîi é ǹóŋ-surɔŋ maa sɔlɔ ƃó. Gɛ̀ ní ǹîa-ni nyii ŋai luɛ-laa sui, da pâi lenêi pôlu dí sée Eezuɛ lɔii su.

Maafîu 1:23

“Ka gáa, nɛnî-kpela tɔnɔ a pâi koo siɣêi é lóŋ-surɔŋ maa sɔlɔ ƃó, nyii da pâi dôlii a Imayuwɛ” (nyii su-kulai ƃa, Ɣâla káa kúkɔlɛ).

Maafîu 1:25

kɛ́lɛ, vé kɛ́ ní a m̀aa-mɛni kɔ́lɔŋɔɔ é lɛ́ɛ la zu é ŋɔlóŋ-surɔŋ maa-ŋuŋ sɔlɔ ƃó. È ǹáa sèe a Zîsɛ.

Maafîu 12:34

Kákaa a kali nyɔ́mɔɔ koi-lonii! Ka pɔ̂ri lônoi leŋ a ǹɛ́lɛɛ? Kpɛ́ni fêi, mɛnii gáa núu líi sui, ǹyaa ƃe a mò.

Maafîu 13:38

Ǹyaŋ gbâlaŋ ƃa ŋ̀éniɛi. Zí-sɛŋ lɛ́lɛɛ-ŋai ƃa Ɣâla ŋɔkâloŋ-laai su-lonii. Gala-ŋai ƃa ŋ̀wana-lɔ̂ɔ-nuui ǹônii.

Maafîu 23:33

Káai a kali-ŋai, kákaa a kali nyɔ́mɔɔ koi lônii, ka pâi kula-pere kɛ̂i leŋ Dɛ̂ƃele-taa tɔ̂ŋ-kpɛ́-maai su?

Maafîu 3:7

Kɛ́lɛ, tãi è Faresii-ŋai da Sâdusii-ŋai dámaa kàa la díkɛ pa batâi mɛni mai, è mò dîa, ǹyɛɛi, “Káai a kali nyɔ́mɔɔ koi-lonii! Gbɛ̂ɛ ƃe kálîa-woo ƃò a gɛɛ ká pú ǹii-ŋwanai nyíi gáa pâi yêei?

Markə 16:18

Dà kali da sôŋ kpaa máŋ dí núu paa-sɛŋ da kpèle, vé pâi mɛni da kɛ̂i a dia. Dà díyee pɛ̀lɛ kɔlɔ-fela-ƃela dîa, m̀aa-ƃelai da pâi ƃâloi.”

Lukə 1:76

Kɛ́lɛ, ya máŋ, lôloŋ, da pâi ítolîi a Ǹúui Gɛ́tɛi ŋɔlóno-kɛ-nuu, kpɛ́ni fêi, ya pâi liî Kúnuu-namui ŋɛi tuɛ, í ŋɔpere-ŋai kpɛtɛ,

Lukə 10:19

Ka gáa, ŋa wala-wala-laa tɛɛ kápɔ a gɛɛ ka sia kali mɛi da zɛŋkpɛ̂-ŋa, bɛlɛɛ kákpɔara-nuu ŋɔwala-walai ma; ǹyaŋ sɛŋ da fe pâi káŋwanâi.

Lukə 22:53

Ɣele-ƃɔ́ɔ kélee kwa kâa-ni ku kɛ̀ Ŋ̀âla-pɛrɛ Kɛ́tɛi mu, káfe káyee pɛlɛ ni mâ. Kɛ́lɛ, ka-aƃai ká ŋi da gbínii ŋɔwala-walai.”

Lukə 24:27

Nya ƃe, é síɣe Mose ma da Ɣâla ŋɔlóno-kɛ-ƃelai kélee, mɛnii Ŋ̀âla-kɔlɔi su e pîlaŋ gbîŋ mai, e zu-kulai lɛ̀ dîa.

Ɉaan 8:44

Ká kùla kánâŋ Dɛ̂ƃele kponôi, ǹyaŋ ka ŋ̀wɛ̂lii a gɛɛ ká kánâŋ nîa mɛnii kɛ́. E kɛ̀ a núu-paa-nuu a maa-ŋuŋ. Ǹyaŋ ŋɔmɛni fe tɔ̃yâ pôlu. Kpɛ́ni fêi, tɔ̃yâ kélee da fe gbonôi. A lɛ́ɛ kɛ̀, a lôno nɔ ŋɔkɛ-perei su, kpɛ́ni fêi, gáa a lɛ́ɛ-nuu, gɛ ƃo ŋɔ́nɔ a lɛ́ɛ ǹâŋ.

Gɛlaɠaa 13:10

ǹyɛɛi, “Íkaa a nuu-pɛlɛ-nuu. Ya mɛni nyɔ́mɔɔ sii támaa kɛ̀. Íkaa a Dɛ̂ƃele ǹóŋ. Ífe tɔ̃yâ mɛni da wɛ́lini. Ífe pâi kperâi Ɣâla ŋɔpere sã́ai su kpînanii!

Lomaŋ 16:20

gɛ̀ ní, nii-see-Ɣalai a pâi Sêtɔŋ lɔ̂i kákɔɔ mu a maa félaa. Kúnuu-namui Zîsɛ Kôrai ŋɔƃɛlɛ-sêei é kɛ́ kâa.

Lomaŋ 3:13

Díkɔ̂ŋ-ńa káa yɛ̂ɛ ƃolôŋ lá ƃóɔɔ. Díwoo káa a núu pɛ̀lɛ woo-ŋa tee-tee, gɛ́ ƃò a núu maa yao woo-ŋa, gɛ́ ƃò yɛ̂ɛ kali ŋwana.

Galatə 4:4

Kɛ́lɛ, tãi kpîŋ páai, Ɣâla e Ǹóŋ tɛ̀ɛ, nyíi nɛnî e zɔlɔ ƃôi. E pà dɔ̂ŋ yée mu. E pà a gɛ́ɛ e diai maa tée dí kɛ̀ dɔ̂ŋ mui,

Ifisiɛŋ 4:8

Mɛni ma m̀ôɔi, “Tãi e tɛ̀ la ŋ̀elei sui, e kɔ-soŋ támaa ŋuŋ ma ƃo, e sama-sɛŋ tɛɛ núu-kpune pɔ.”

Kolosə 2:15

E nuu-mɛi-ƃelai da ŋwála-wala-ƃelai ŋá yèŋ e díŋumɛ kpɔŋ su. Ɣâla e díyee mɛi ɣâle zaa-wurii sârai.

Hebreu 2:18

Pɔ̂ri káa mì a gɛɛ é kpɔ́ŋ diai dîa su-kɔɔŋ a pâ dípɔ̂i, kpɛ́ni fêi, ǹyaa kpîŋ a mɛni-soli támaa káa, su-kɔɔŋ a pá bɔ.

Hebreu 5:7

Tãi Zîsɛ è kɛ̀ la ŋɔnúu-kpune-kɔlɔi sui, ǹúui pɔ̂ri è kɛ̀ mì a gɛɛ é gúla saa yêei, Zîsɛ è vɛ̀li é gbera fé a ŋ̀óo su kɛ́tɛ a ŋ́ɛi-ya, ǹyaŋ ŋ̀óo è sîŋ sòŋ, kpɛ́ni fêi, yao-maa è kɛ̀ ǹyêei Ɣâla mɛni ma.

Zɔ̂ŋ Maa-ŋuŋ 3:10

Nyíŋi su ƃe kwa pɔ̂ri Ɣâla ǹônii kɔ́lɔnîi naa da Dɛ̂ƃele ǹônii. Ǹúui kélee va mɛni-sãa kɛ̀i, vé a Ɣâla pɔ́ɔ, kpaa máŋ ǹúui vé m̀arâŋ-nuu wɛ́li níi.

Zɔ̂ŋ Maa-ŋuŋ 3:8

Ǹúui a sɔnyɔ̂ŋ kɛ̀i, gáa a Dɛ̂ƃele pɔ́ɔ, kpɛ́ni fêi, Dɛ̂ƃele è sɔnyɔ̂ŋ kɛ̀ é kúla gɔ́ɔ pîlanii. Sâpoi Ɣâla Ǹóŋ è pà lai, nya ƃa a gɛɛ é Dɛ̂ƃele ŋɔtíi su kara.

Zɔ̂ŋ Maa-ŋuŋ 5:5

Gbɛ̂ɛ ƃe ǹyée tɛɛ̂i ǹɔii ma é kúla ǹúui pôlu ǹaâi la a gɛɛ Zîsɛ káa a Ɣâla Ǹóŋ?

M̀ɛni-lɛɛi 12:17

Nya ƃe ǹyao-maa-suai líi è ŋwàna ǹɛnîi ma, é lí a gɛɛ é kɔ́ pɛ́lɛ ǹônii kpéli-ŋai dîa nyíi-ŋai Ɣâla ŋɔtɔ̂ŋ-ŋai mɛi kâa dí Zîsɛ maa-sêre-faa kɛi.

M̀ɛni-lɛɛi 13:7

Dí nɛ̀ɛ maa máŋ é kɔ́ pɛ́lɛ Ŋ̀âla-ƃelai dîa é díyee mɛi ɣale. Dí wala-wala tɛ̀ɛ bɔ nuu-suu kélee mɛi, da sii kélee, sii-woo kélee, da lɔii-ŋuŋ kélee.

M̀ɛni-lɛɛi 2:10

Ífe yao mɛni-solii ḿâ ya pá gaâi. Gáa, Dɛ̂ƃele a pá nâa káta-ni pilîi kpini-pɛrɛ mu a gɛɛ su-kɔɔŋ é pa kápɔ, ǹyaŋ ká pâi mɛni-kpɔlu kâai a ɣele-kûu puu. Kɛ́ a núu sãa é lɛ́ɛ la zu í sáa, ǹyaŋ ŋa pâi fúlu-laa-ƃɔrɔ tɛɛ̂i ípɔ.

M̀ɛni-lɛɛi 20:10

Dɛ̂ƃele, nyíi dípɛ̀lɛi, da pâi bilîi ŋɔŋ kɛ́tɛi su da sɔɔfɔi nyíi gáa yɛ̂ɛ poai, ƃɛi zuai da Ŋ̀âla-maa-wôya lono-kɛ-nuui dí kɛ̀ naai, ǹyaŋ nàa ƃe da pâi kɛ̂i naa, díkɛ maa-pêne sɔlɔ ƃô a fólo da kpíni wɔlɔ-wɔlɔ da wɔlɔ-wɔlɔ.