Zɛnɛse 24:3 - Bible

³ Ŋa pâi íkɛ̂i í ífoo a Yâwɛɛ, nyii gáa a ŋ̀élei da ǹɔii kpɛtɛ Ɣâlai ŋɛ́i-tuɛ, a gɛɛ ífe pâi ńoŋ ŋɔnɛnîi kulâi Keena nɛyãai sáma, nyii-ŋai ŋ́gaa dísamai.

Yálá laawoo hɛɓɛ (dc)

³ 'Ə́ kwɛla a Yai-Laa laa, yai a yələkɔlɔn da lɔi di pɛli Yálá, yɛ́ mą́ą́: Hvó pai Kanaan lɔi hu nɛ̨ɛ̨nu ta həɠəi, hvó dɛɛ nón bɔ a nɛ̨ą.

Yálá laawoo hɛɓɛ

³ 'Ə́ kwɛla a Yai-Laa laa, yai a yələkɔlɔn da lɔi di pɛli Yálá, yɛ́ mą́ą́: Hvó pai Kanaan lɔi hu nɛ̨ɛ̨nu ta həɠəi, hvó dɛɛ nón bɔ a nɛ̨ą.

Zɛnɛse 24:3 ပူးပေါင်းရင်းမြစ်များ

Zɛnɛse 14:19

Nya ƃe è lûwa làa Eberaŋ ma ǹyɛɛi, “Ɣâla nyii Màa Tɛɛ̂i a Gɛ́tɛi, nyii ŋ̀elei kpɛ̀tɛ da ǹɔii ŋɔlûwai é kɛ́ Eberaŋ ma!

Zɛnɛse 14:22

Kɛ́lɛ Eberaŋ è mò ma ǹyɛɛi, “Ŋa ḿvoo Yâwɛɛ yêei nyii Màa Tɛɛ̂i a Gɛ́tɛi, nyii ŋ̀elei kpɛ̀tɛ da ǹɔii,

Zɛnɛse 21:23

Mɛni ma, ífoo ńyêei ƃɛ́ a Ɣâla a gɛɛ ífe pâi wôya kɛ̂i a ńyãa da ńônii kpaa máŋ ŋásuui da, kɛ́lɛ berei ŋa tûa la a yá a ǹɛ́lɛɛi, ƃa pâi tûai a ńyãa a ǹɛ́lɛɛ da ǹɔii íkaa zu a ŋɔ̃yai.”

Zɛnɛse 24:7

Yâwɛɛ, nyii gáa ŋ̀elei su nyii ŋ́gûla ńâŋ ŋɔpɛ́rɛi mu é ŋ́gula ńzɔlɔ ƃó lɔii sui è lòno ḿbɔ é vóo a gɛɛ a pâi ǹɔii ŋí tɛɛ̂i ŋásuui pɔ́i, ǹyaa ƃe pâi ŋɔkélai tɛɛ̂i ítuɛ, ǹyaŋ ƃa pâi nɛnî kulâi naa ńoŋ mɛni ma.

Zɛnɛse 27:46

Nya ƃe Lubɛka è mò Aise ma ǹyɛɛi, “Ŋáfulu-laai maa lii-sɛlɛŋ káa mâ Ita-nɛyãai mɛni ma. À kɛ̀ Zeeka à Ita-nɛyâai ŋí dɔnɔ kùla a nɛnî ǹɔii ŋí su, gɛ̀ ní lé fúlu-laa lɛ́lɛɛ ƃé pâi kɛ̂i ńyêei?”

Zɛnɛse 28:1

Nya ƃe Aise è Zeeka tòli é lûwa lá ma é mó ma ǹyɛɛi, “Ífe Keena nɛyâai da kùla a nɛnî.

Zɛnɛse 28:8

Tãi Isɔɔ è gàa la a gɛɛ Keena nɛyâai dífe ǹâŋ Aise líi láa níi,

Zɛnɛse 34:9

Kwaa kú nɛyâa kula kúkîe-ni loai. Ka kálônii-nɛyãai tɛ́ɛ kúpɔ, kúaŋ kú kúlônii-nɛyãai tɛ́ɛ kápɔ.

Zɛnɛse 38:2

Naa ƃe Zuda è Keena nɛni tɔnɔ kàa naa nyii ǹâŋ láa è kɛ̀ a Suai. È gùla a nɛnî.

Zɛnɛse 47:31

Zeeka ǹyɛɛ mai, “Ífoo ńyêei.” Nya ƃe è vòo ǹyêei. Zeeka è pɛ̀lɛ ŋ̀úme ŋá ŋɔgbìŋ ŋuŋ tûɛ é Ɣâla sɛɣɛi fé.

Zɛnɛse 50:25

Zosɛ è Zeeka ǹônii marê kɛ̀ a gɛɛ dí díkono tée ǹyêei. È mò dîa ǹyɛɛi, “Ka kákono tée a gɛɛ Ɣâla à káŋuŋ ma ƃò, ka pâi ŋ́gao kulâi ƃɛ́ ká lí la.”

Zɛnɛse 6:2

Ɣâla ǹônii-sinaai dí núu-kpune ǹônii-nɛyãai kàa dílɛlɛɛ. Nya ƃe diai kélee dí díwɛ̂lii, dí díkùla a dínɛyâa.

Zɛnɛse 6:4

Núu yée-laa mu siɣɛɛ wála-wala-ŋa dí kɛ̀ ǹɔii su a maa tãi tí. Naa pôlu ma tãi Ɣâla ǹônii da núu-kpune ǹônii-nɛyãai dí díkîe-ni kùla lai, dí nîa-pɛlɛɛ maa sɔlɔ ƃô. Ǹûai ŋí ƃé kɛ̀ a ŋwala-wala-ƃelai wɔlɔ-wɔlɔi tí su, nyii-ŋai dí láa è sîa ǹɔii gwaa kélee mai.

Tɔɔɓɛlaa veelɛ 19:15

È Yâwɛɛ fɛ̀li, “Óo Yâwɛɛ, Eezuɛ Ŋɔɣâlai, íkâloŋ see-sɛŋ káa gôoŋ-sãai mɛi-pere. Ƃía tɔnɔ nɔ́ ƃé íkaa a Ɣâla, ǹyaŋ ƃía tɔnɔ ƃé íkaa ǹɔii-ŋûŋ-ŋai mɛi ŋ̀éniɛi kélee su. Í ǹɔii kpɛ̂tɛ da ŋ̀elei.

Kɔlɔnikɔ Veerɛi 2:12

Elaŋ è ŋɔ́nɔ mò Saloma ma ǹyɛɛi, “Laa-ma-tɛ é tɛ́ɛ Eezuɛ Ŋɔɣâlai Yâwɛɛ pɔ́. Ǹyaa ƃé ǹɔii kpɛ̀tɛ da ŋ̀elei! A Gâloŋ Deeƃé ǹóŋ kɛ́ a táre nuu. A táre tɛ́ɛ bɔ́ a gɛ́ɛ gɛ́ mɛni ŋá kàa, nyíi pâi Ŋ̀âla-pɛrɛ Kɛ́tɛi tɔɔ̂i Yâwɛɛ mɛni ma é tela kâloŋ-pɛrɛ tɔɔ gbîŋ mɛni mai.

Ɛsdrasə 5:11

“Nya ƃe dí kúwoo su tòo dîyɛɛi, ‘Kúkaa a ŋ̀elei da ǹɔii kpɛtɛ Ɣâlai yée mu-ƃela. Kúkaa Ŋ̀ala-pɛrɛ kɛ́tɛi ŋí tɔɔ̂i pôlu nyíi Eezuɛ kaloŋ wála-walai è wɔ́lɔ dɔ̀ɔi. È dɔ̀ɔ é siɣãŋ-ŋa tínaŋ ma é mu-sãa kélee pú mù. M̀ɛni-ŋai ŋí kɛ́ɛ mii a tɛɛ a kóraŋ támaa.

Nehemi 13:25

Ŋá ńii ŋwàna dîa ŋá dí náaɣaŋ. Ŋá da-ŋa lòkwa, ŋá díŋuŋ nîa wêeŋ. Ŋá gɛ̀ dí dífoo a Ɣâla láa a gɛɛ dífe pâi wɔ́lɔ ŋɔ́nɔ sîi da kpɛ́ni ŋa dílônii-nɛyãai da kulâi a dínɛyâa kpaa máŋ dílônii-nɛyãai da é sîi da kpɛ́ni kúla a surɔ̂ŋ.

Nehemi 9:6

Ƃía tɔnɔ kpéŋ nɔ́ ƃé íkaa a Yâwɛɛ. Í ŋ̀elei kpɛ̂tɛ da zu sãa kélee. Í ǹɔii kpɛ̂tɛ da vúlu sãai kélee dí káa mai. Í yúo kpɛ̀tɛ da zu sãa kélee. Í fúlu laa tɛ̀ɛ dí kélee dípɔ. Ŋ̀elei su wala-wala laai kélee da tôo íkɔɔ mu dí í fɛ́li.

Mąątɛ̨nɛ̨ 115:15

Tɔɔ Yâwɛɛ é lûwa láa kâa. Ǹyaa ƃé ŋ̀elei kpɛ̂tɛ da ǹɔii.

Mąątɛ̨nɛ̨ 136:26

Ka sɛɣɛ-fei tɛɛ ŋ̀elei su Ɣalai pɔ́. Ŋɔwɔ́lɔ-wɔlɔ wɛli kɛ́-maai kɔ́yɛŋ fé ma.

Lɛɛ gbɔwɔ ɓa 20:7

“Ífe Yâwɛɛ Íɣâla láa toli kpɛ́ni-kpɛni. Kpɛ́ni fêi, ǹúui a ǹáa toli kpɛ́ni-kpɛni, ŋa pâi tɔ̂ŋ kpɛ̂i ma.

Lɛɛ gbɔwɔ ɓa 22:11

gɛ̀ ní fɛ̂ɛ ǹúu feerɛi tí dí dífoo Yâwɛɛ ŋɛ́i-tuɛ a gɛɛ daa-tulɛ-namui é gáa à kɛ̀ maa nuui fé gɔ̃liŋ síɣe ní. À kɛ̀ vé ziɣe ni, gɛ̀ ní fɛ̂ɛ nɔ daa-tulɛ-namui é ǹyée sée ŋ̀óo mu, m̀arâŋ-nuui fé ŋɔtaa-tulɛ da tɛ̀ɛ.

Lɛɛ gbɔwɔ ɓa 23:13

“Ka káwoli tɔ́ɔ mɛni-ŋai kélee dîa ŋa m̀ó kâai. Káfe ɣâla da kpɛ́ni fɛ̀li. Káfe máŋ kpîŋ dílaa tòli.

Lɛɛ gbɔwɔ ɓa 34:16

Káfe dílônii-nɛyãai da kùla a nɛyâa kálônii-sinaai mɛni ma. Kà gɛ̀ tí, tãi da kɛ̀ díɣâla-ŋai fɛlîi la pere sîi nyɔ́mɔɔ-ŋa sui, da pâi kálônii-sinaai líi penêi dí nia mâ da dîa-ni díkɛ díɣâla-ŋai fɛ̀li.

Azaya 45:23

M̀ɛnii ŋa mòi, ǹyaa nɔ́ ƃa kɛ̂. M̀aa fa fâleŋ. Ŋ́oo da fa tòo kpɛ́ni-kpɛni. Fúlu-sãa kélee da pâi pîlanii díŋume ŋá ŋ́ɛi túɛ, dí díkono tée a gɛɛ da pâi ƃaa kɛ́-maa tɛɛ̂i ḿbɔ.

Azaya 48:1

Káai a Eezuɛ-ŋai kùla Zuda ŋɔsuui sui, ka káwoli tɔ́ɔ ḿâ. Ká káfòo a Yâwɛɛ láa a gɛ́ɛ Eezuɛ Ŋɔɣâlai ǹyaa tɔnɔ nɔ́ ƃé ka pâi kɛ̂i vɛlîi. Kɛ́lɛ ka lɛ́ɛ kɛ̂i.

Azaya 65:16

Ǹúui nyii gáa ǹɔii su gɛ́ lûwa fɛlii, a pâi deniŋ ƃô Ɣalai marê kɛ̂i a gɛɛ é lûwa too m̀a. Ǹúui nyii pâi vôoi, a pâi vôoi a deniŋ ƃô Ɣalai láa. Da pâi niâi m̀ɛni kpɔ̂lu pɔlɔ-ŋai da tɛɛi dîa. Gɛ̀ ní ńyãa Yâwɛɛ ŋa pâi ŋ́ɛi loôi m̀ɛni kpɔ̂lu pɔlɔ-ŋai dîa máŋ.”

Ɉeremi 10:11

M̀ó dîa yɛ̂ɛi, “Ŋ̀âla pɔɔkɔŋ-ŋai nyíi-ŋai dífe ŋ̀elei da ǹɔii kpɛtɛ níi, Ɣâla a pâi dí su karâi díkula ŋ̀éniɛi su.”

Ɉeremi 12:16

Tãi tɔnɔ da dí wɔ́lɔ Bêe ɣâlai fɛli-pere lɛ̀ ŋánûai dîa díkɛ dífòo a ǹáa. Kɛ́lɛ à kɛ̀ da ŋánûai díɣâla fɛli-perei maa kɔ̂ri a ǹɛ́lɛɛ, díkɛ dífòo a ńaa dîyɛɛi, ‘À kɛ̀ nɔ́ Yâwɛɛ káa ɣele ma a tɔ̃yâ,’ gɛ̀ ní, ŋa pâi díkɛ̂i kɛ̂i m̀a ŋánûai sáma.

Ɉeremi 29:6

Ka nɛyâa da sinâa kula, kálônii-sinaa da lonii-nɛyaa maa sɔlɔ ƃó. Ka ǹɛɛ naa kálônii-nɛyãai dí sirɛ káa, ká lônii sinaai dí nɛyâa káa, dia máŋ dí nîa-pɛlɛɛ-ŋa maa sɔlɔ ƃó. Ka nîa-pɛlɛɛ támaa maa sɔlɔ ƃó Babelɔŋ lɔii su. Káfe kɛ̀ nɔ́ a ká kpulu-loŋ.

Ɉeremi 4:2

gɛ̀ ní à kɛ̀ ka káfòo a tɔ̃yâ da teniŋ ƃô pere a ǹáa, gɛ̀ ní ŋ̀éniɛi gwaa kélee a pâi ḿarê kɛ̂i a gɛɛ ŋá lûwa too dîa. À kɛ̀ tí, da pâi ńaa maa tɛ̂i.”

Levetekɔ 19:12

Káfe káfoo a ńaa a lɛ́ɛ a gɛɛ ká ƃâa kula mâ. Ńyãa ƃa Yâwɛɛ.

Sofoni 1:5

Ŋa pâi ǹûai kélee su karâi nyii-ŋai da pɛ̂lɛ díŋume ŋá dípɛrɛ-ŋai kɔŋ-ma díkɛ ŋ̀elei su sãai fɛ̂lii. Diai da pɛ̂lɛ díŋume ŋá díkɛ dífòo a ńaai, ǹyaŋ díkɛ ŋɔ́nɔ dífòo a ǹúu-kpɛtɛ ɣâlai Milekɔŋ laai.

Lonon mo 5:21

gɛ̀ ní Yâwɛɛ a pâi íkɛ̂i a mɛni kɔɔŋ-maa ínûai sáma wulu-wulu kɛ́ mɛni ma é íkɛ íkoo kɛ́ kàra íkpono kɛ́ fɛ̀ɛ-fɛɛ.

Korɛntə dɔlɔɔ 7:39

Nɛnî káa nɔ́ ŋɔsurɔ̂ŋ mɛni ma tãi nɔ́ gáa la ɣele mai. À kɛ̀ ŋɔsurɔ̂ŋ à sàa, gɛ̀ ní ŋuŋ ma ƃóɔi a gɛ́ɛ surɔ̂ŋ nyíi kélee a ŋ̀wɛ̂lii e gula, à kɛ̀ nɔ́ maa-surɔŋ káa a Kôrai-nuu.

Dutɛrɔnome 10:20

Ka ƃaa kɛ́-maa tɛ́ɛ Yâwɛɛ pɔ́, ká tíi kɛ́ mì. Ka maa mɛni siɣe a gbanaŋɔɔ. Ǹyaa nɔ́ ƃé ká káfoo ǹáai su.

Dutɛrɔnome 6:13

Ka ƃaa-kɛ-maa tɛ́ɛ bɔ́, ká tíi kɛ́ mì. Ǹyaa nɔ́ ƃé ka káfoo a ǹáa.

Hebreu 6:16

Núu a vòo dɛɛ-maa ma, ǹyaŋ dí laa-saai kélee su foo-woo ƃa tɔ̃yâ ƃò.

Zasua 2:12

M̀ɛni ma, ka kákono tée ńyêei Yâwɛɛ láai su a gɛ́ɛ berei ŋá kásòŋ la a ǹɛ́lɛɛi, káa máŋ ka pâi ńzoniî tí a ǹɛ́lɛɛ kwa ŋápɛrɛi mu-ƃelai. Ka ŋɛi kɛ́-maa sɛŋ-lɛɛ ńyêei.

Nwun mąąɓo 14:3

Dí ŋ̀óo su tòo dîyɛɛ m̀ai, “Nɛyâa támaa káa kúsuui su, dámaa kɛ́ ƃò Eezuɛ lɔii su. Felesia-ŋai dífa Kúɣalai fɛ̂li. Ƃa wɛ̂lii í dílônii-nɛyãai da kùla lé mɛni ma?” Kɛ́lɛ Saŋsiŋ è ǹâŋ wóo su tòo ǹyɛɛ m̀ai, “Ǹyaa ƃé ǹɛ̂lɛɛi a ńîa. Lí í gɔ́ri ḿî.”

Samuɛlə dɔlɔɔ 20:17

Zonetaŋ è ŋɔ́nɔ gɛ̀ Deeƃé é góno tée ǹyêei, kpɛ́ni fêi, Zonetaŋ è kɛ̀ a Deeƃé wɛ́liɛɛ yɛ̂ɛ berei è gbîŋ wɛ́lini lai. M̀ɛni ma, è kɛ̀ ŋ̀wɛ̂lii a gɛ́ɛ díkɛ dílawoi-laai kɛ̂i a teniŋ ƃô pere da ǹyaa.

Samuɛlə dɔlɔɔ 30:15

Deeƃé ǹyɛɛ m̀ai, “Ya pɔri berei kulâi a ńyãa a gɛ́ɛ ŋá seri too-ma kɛ́-ƃelai ŋí pɔ́-naa?” Ǹyɛɛ m̀ai, “Í fóo mî Ɣâla ŋɛ́i a gɛ́ɛ ífe pâi ḿbaâi, kpaa máŋ í ńdɛɛ ŋánuu-namui pɔ́-naa, gɛ̀ ní ŋa pâi liî a yá naa.”