Zɛnɛse 2:9 - Bible

⁹ Yâwɛɛ Ɣâla è gɛ̀ wúru-ŋa dí pɔmûŋ zûai su, nyii-ŋai dílɛlɛɛi mii mɛni ma. Vúlu-laa wurii máŋ è kɛ̀ zûai sáma da dáre wurii nyii gáa mɛni lɛ́lɛɛ da mɛni nyɔ́mɔɔ kɔ́lɔŋ mɛni mai.

Yálá laawoo hɛɓɛ (dc)

⁹ Wuluɠaai kpɔ ma nɛ̨ɛ̨, gaa ŋąąnɛ̨ɛ̨, ɛlɛɛ, mį́iɛ ɲąąnɛ̨ɛ̨, Yai-Laa ə di hin nąą ɲɛa. Ə yɛnɛ̨ɛ̨ kɛ wulu hin ɲɛa hamąi, ɛlɛɛ, da mɛ̨nį lɛlɛɛ da mɛ̨nį ɲɔ̨nwɔ̨ɔ̨ di kɔ́lɔn nwulu.

Yálá laawoo hɛɓɛ

⁹ Wuluɠaai kpɔ ma nɛ̨ɛ̨, gaa ŋąąnɛ̨ɛ̨, ɛlɛɛ, mį́iɛ ɲąąnɛ̨ɛ̨, Yai-Laa ə di hin nąą ɲɛa. Ə yɛnɛ̨ɛ̨ kɛ wulu hin ɲɛa hamąi, ɛlɛɛ, da mɛ̨nį lɛlɛɛ da mɛ̨nį ɲɔ̨nwɔ̨ɔ̨ di kɔ́lɔn nwulu.

Zɛnɛse 2:9 ပူးပေါင်းရင်းမြစ်များ

Zɛnɛse 2:17

kɛ́lɛ dáre-wurii nyii gáa mɛni lɛ́lɛɛ da mɛni nyɔ́mɔɔ kɔ́lɔŋ mɛni mai, ífe m̀á da mîi. Kpɛ́ni fêi, ŋ̀elei ƃa m̀á da mìi lai, ƃa pâi sâa títi ƃôi.”

Zɛnɛse 3:22

È nâa kɛ̀ tí, Yâwɛɛ Ɣâla è mò ǹyɛɛ, “Nalôŋ a nâa kɛ́ yɛ̂ɛ kúta, nyii a nâa mɛni lɛ́lɛɛ da mɛni nyɔ́mɔɔ kɔ́lɔŋ. Ǹyaŋ maa fé nɛ̃ɛ ní a gɛɛ é vúlu-laa wurii m̀á da kula é mii a gɛɛ é kɛ́ ɣele ma wɔlɔ-wɔlɔ da wɔlɔ-wɔlɔ.”

Zɛnɛse 3:24

È nalôŋ kpɛ̀ zûai su, é ŋâla-taa kooŋ-sãai pú Idɛŋ suai vóloi ƃelai-pere da ƃóa-sɔ̂kpɔ fóloɔɔ a gɛɛ dí vúlu-laa wurii maa-perei mɛi káa.

Zɛnɛse 3:3

Kɛ́lɛ Ɣâla è mò ǹyɛɛ, ‘ŋ̀úrii nyii gáa tɔɔni zûai sámai káfe m̀á da mìi, kpaa máŋ ká lɛ́ɣɛ ma, kà gɛ̀ tí, ka pâi saâi.’ ”

Zɛnɛse 3:5

Kpɛ́ni fêi, Ɣâla è gɔ́lɔŋ a gɛɛ tãi kà ŋ̀úrii ŋí m̀á da mii lai, káŋɛi lá a pâi ƃôi kákɛ yɛ̂ɛ ǹyaa Ɣâla, ǹyaŋ gɛ̀ ní ka pâi mɛni lɛ́lɛɛ kɔ́lɔnîi da mɛni nyɔ́mɔɔ.”

Hanwon 11:30

Tɔ̃yâ-laa a pâ a fúlu-laa, kɛ́lɛ ŋwana-lɔ̂ɔ a fúlu-laa làŋ.

Hanwon 3:18

Táre a fúlu-laa tɛ̀ɛ diai pɔ́ da kânaŋ mai. Diai da zòŋ a gbanaŋɔɔi, dílii a pâi nɛ̃ɛ̂i.

Azaya 44:25

Ŋá dɛli kpɛ́-ƃelai ƃòo, ŋá dílii su kɛ́ yùu-yuu. Ŋá táre-ƃela dítarei maa fâlɛŋ. Ŋá ǹɛ́ dîa a gɛɛ dítarei káa a ƃoo tûa.

Azaya 47:10

“Í mɛni nyɔ́mɔɔ támaa kɛ̀. Íkɛ̀ gâai yɛ̂ɛ ǹyaa ƃé íkɛ̀ a íŋuŋ ma ƃóɔɔ m̀ɛni nyɔ́mɔɔ-ŋai ŋí kɛ́ɛi su. Íkɛ̀ gâai yɛ̂ɛ núu da kélee fé íkâai. Íkpîŋ tarei da ímɛni ŋá káai dí íkɛ̀ ípili mɛnîi. Í m̀o íkpîŋ ma yɛ̂ɛi, ‘Ŋ́gaa a ɣâla, ɣâla da fé naa yɛ̂ɛ ńyãa.’

Izikiɛ 31:16

Ǹyaŋ tãi ŋa pâi doôi la saa-taai, ǹɔii-ŋûŋ-ŋai kélee kpɔ́ da pâi tûmoi a m̀aa tîŋ tí. Ŋ̀úru-ŋai díkaa Idɛŋ suai sûi da ŋ̀úru lɛ́lɛɛ-ŋai da ŋ̀úru-ŋai nyii-ŋai díkaa Lɛƃanɔŋ da kâa yá támaa sɔlɔ ƃôi, nyii-ŋai da lí saa táai díkelee dílii a pâi nɛ̃ɛ̂i a doo tîŋ.

Izikiɛ 31:18

“Ŋ̀úruii ŋí káa a Ize kaloŋ da ŋɔnûai kélee kɔɔŋ maa. Gbɛ̂ɛ ƃé ŋɔfólo laai kɛ̂tɛi yɛ̂ɛ ǹyaa ŋ̀úru-ŋai sáma Idɛŋ suai su? Ŋa pâi m̀aa yenîi saa táa da ŋ̀úru-ŋai díkaa Idɛŋ suai sûi. Ka pâi kɛ̂i diai sáma dífe Ɣâla kɔ́lɔŋ nyii-ŋai dí dípàa gɔ́i sûi. Ńyãai a Ŋ̀wála-wâla kélee Yâwɛɛi ƃé mò tí.”

Izikiɛ 47:12

Kɛ́lɛ wúru támaa-ŋa da pâi kɛ̂i ǹyá ƃêlai veerɛ ma nyii-ŋai pâi kɛ̂i a mii-sãai. Ŋ̀úru-ŋai ŋí láa fé pâi pûi, kpaa máŋ dí kpera ƃâi. Da pâi kɛ̂i ƃâi a ɣáloŋ kélee, kpɛ́ni fêi yá a pâi kɛ̂i ɣilînii gɛ́ kùla Ŋ̀âla-pɛrɛ Kɛ́tɛi mu gɛ́ díkɔɔ mu yɔ̀ɔ. Ŋ̀úru-ŋai ŋí ƃá a pâi kɛ̂i a mii-sɛŋ. Dílaa kɛ́ ƃò a sále núu ƃálo mɛ̂ni ma.”

Ɉaan 6:48

Ńyãa ƃa vúlu-laa-kpoloi.

Korɛntə dɔlɔɔ 8:1

Mii-sãai da dɛ̀ɛ ɣâla-pɔɔkɔŋ-ŋa pɔi, ŋa pá nâa lônoi e pîlaŋ la dîa. Kú gɔ́lɔŋ a gɛ́ɛ “táre káa kúkelee kúyêei.” “Táre” a núu kɛ̀ a yoŋka-nuu, kɛ́lɛ, wɛli-kɛ-maa a núu su kpanaŋ.

Dutɛrɔnome 6:25

A pâi kɛ̂i a tɔ̃yâ mɛni kúmɛni à kɛ̀ kwa dɔ̂ŋ-ŋai mɛi kàa yɛ̂ɛ berei Kúɣâlai Yâwɛɛ è mò la kûai.’

M̀ɛni-lɛɛi 2:7

Ǹúui wóli káa ma a gɛɛ é mɛni mɛnii, tɔ̀ɔ é m̀ɛnii mɛ̂ni Mɔ̂leŋ a m̀ôi Kôrai-toli-kpɔŋ-ŋai diai. Ǹúui a yee-tɛɛ-maa kɛ̂i, ŋa pâi nɛɛ̂i naa é vúlu-laa-wooi ƃá mii nyíi gáa Ɣâla ŋɔsuâi sui.’

M̀ɛni-lɛɛi 22:14

Lûwa káa diai dîa da díyokpo-ŋai wâa, a gɛɛ é kɛ́ a sɛŋ dí vulu-laa-wurii m̀á da sɔlɔ ƃó a gɛɛ dí tɛɛ ziɣãŋ lá-ƃerei dí tɛ́ daa-leei sui.

M̀ɛni-lɛɛi 22:2

Ǹya-leei ŋí è kɛ̀ laa daa-leei su-pere-leei sama. Ǹya-leei ŋí ŋɔsîŋ-wolii veerɛ ma máŋ vulu-laa-wurii è kɛ̀ tɔɔ ni naa, m̀á kɛ́ ƃô a zii puu kao feerɛ, gɛ ƃa a ɣáloŋ kélee. Ŋ̀urii láa è kɛ̀ ǹɔii-ŋûŋ-ŋai ƃalo-mɛni ma.