Zɛnɛse 17:8 - Bible

⁸ Ŋ̀ɔ̃ya lɔii ŋí íkaa mai, nyii gáa a Keena lɔii kéleei, ŋa pâi dɛ̂ɛi ípɔ, ŋá dɛ́ɛ ísuui pɔ́ nyii pâi lɛ̀ɛi ípôlui. A pâi kɛ̂i a kápɔɔ wɔlɔ-wɔlɔ da wɔlɔ-wɔlɔ. Ǹyaŋ ŋa pâi kɛ̂i a Díɣâla.”

Yálá laawoo hɛɓɛ (dc)

⁸ Yɛ́, ka ə́ huwu kaa, nɔi ŋɛ̨i ə́ kaa ɉu háákələi yɛ nwɛ̨ą, gáá dɛɛi ka pɔ, mąą lɔi ka ŋɛ̨i a Kanaan lɔi, gaa pai kɛi a ə́ huwuhu nuą di wɔɔ a yələ kəlee, ɲą́ą́n gɛ́ ɓo a di wɔ́ Yálá.»

Yálá laawoo hɛɓɛ

⁸ Yɛ́, ka ə́ huwu kaa, nɔi ŋɛ̨i ə́ kaa ɉu háákələi yɛ nwɛ̨ą, gáá dɛɛi ka pɔ, mąą lɔi ka ŋɛ̨i a Kanaan lɔi, gaa pai kɛi a ə́ huwuhu nuą di wɔɔ a yələ kəlee, ɲą́ą́n gɛ́ ɓo a di wɔ́ Yálá.»

Zɛnɛse 17:8 ပူးပေါင်းရင်းမြစ်များ

Zɛnɛse 12:7

Nya ƃe Yâwɛɛ è kùla Eberaŋ ŋɛ́i ǹyɛɛ mai, “Ŋa pâi ǹɔii ŋí tɛɛ̂i ísuui pɔ́.” Nya ƃe Eberaŋ è Ɣâla-teƃele kpɛ̀tɛ naa Yâwɛɛ mɛni ma nyii kùla ŋ̀ɛ́i.

Zɛnɛse 13:15

Ǹɔii kélee kpɔ́ ƃa gâai, ŋa pâi dɛ̂ɛi kápɔ ká ísuui kélee wɔlɔ-wɔlɔ da wɔlɔ-wɔlɔ.

Zɛnɛse 13:17

Ímu síɣe í sía ǹɔii gwaa kélee, kpɛ́ni fêi, ŋa pâi dɛ̂ɛi ípɔ.”

Zɛnɛse 23:4

“Ŋgáa a ŋɔ̃ya da sia-nuu kásama. Ka kálɔii gbua da kɔlɛ ḿâ a gɛɛ naa é kɛ́ a ŋásaa loôi, a gɛɛ ŋá ŋánɛnîi saa lóo naa.”

Zɛnɛse 26:24

Yâwɛɛ è pà bɔ́ a maa kpínii tí ǹyɛɛ mai, “Ńyãa ƃa ínâŋ Eberaɣɛ̃ɛ Ŋɔɣâlai. Ífe yào, kpɛ́ni fêi, ŋ́gaa íkɔlɛ. Ǹyaŋ ŋa pâi lûwa làai yâ, ísuui é ƃûu ƃó ńyee-mu-nuui Eberaɣɛ̃ɛ sârai.”

Zɛnɛse 28:4

Ɣâla é Eberaɣɛ̃ɛ ŋɔlûwai tɛ́ɛ ípɔ ka ísuui a gɛɛ ǹɔii Ɣâla è dɛ̀ɛ Eberaɣɛ̃ɛ pɔ́ ƃɛ́i íkaa naa a ŋɔ̃yai, é kɛ́ a ípɔɔ.”

Zɛnɛse 35:27

Nya ƃe Zeeka è pà ǹâŋ pɔ́ naa Mamera, ƃɛ́i da nàa tòli máŋ a Kiria Aba (nyíi da dòli máŋ a Iburɔŋ), ƃɛ́i Eberaɣɛ̃ɛ da Aise dí kɛ̀ naa a ŋɔ̃́ya-ŋai.

Zɛnɛse 36:7

Kpɛ́ni fêi, díkɔ̃liŋ è kɛ̀ a gɛ́tɛ a sɛŋ dífa pɔ̂ri seêi lɔii kpua tɔnɔ su. Ǹɔii kpuai tí fé kɛ́ ní a gɛ́tɛ dímɛni ma, kpɛ́ni fêi, taa-tulɛ támaa è kɛ̀ díyêei.

Zɛnɛse 37:1

Zeeka è sèe Keena lɔii su nyii ǹâŋ è kɛ̀ zu a ŋɔ̃yai.

Zɛnɛse 48:4

È mò mâ ǹyɛɛi, ‘Gáa, ŋa pâi íkɛ̂i í ƃûu ƃó. Ŋa pâi ísuui kɛ̂i a núu-kpulu su kɛ́tɛ. Ǹyaŋ ŋa pâi ǹɔii ŋí tɛɛ̂i ísuui pɔ́ é kɛ́ a dípɔɔ wɔlɔ-wɔlɔ da wɔlɔ-wɔlɔ.’ ”

Samia Veerɛi 23:5

“Bere ƃé Ɣâla a pâi lûwa lâai la ńônii díwɔ̂ lonii dîa. A wɔ́lɔ kpanaŋ-woo kɛ́ ńyêei nyíi pâi kɛ̂i naa wɔ́lɔ-wɔlɔ da wɔ́lɔ-wɔlɔ. Gbanaŋ-wooi ŋí maa fa wɔ́lɔ fâleŋ. A pâi wɔ́lɔ kɛ̂i nɔ́ ḿɛi kâai ǹyaŋ ŋa pâi ƃûu ƃôi.

Kɔlɔnikɔ Maa-ŋuŋ 16:18

È mò ǹyɛɛi, “Ŋa pâi Keena lɔii tɛɛ̂i kápɔ,” “A pâi kɛ̂i a kákpɔɔi pɔɔ.”

Mąątɛ̨nɛ̨ 103:17

Diai da ƃaa kɛ́-maa tɛ̂ɛ Yâwɛɛ pɔ́i, a pâi dí wɛ̂lii, gɛ́ mɛni lɛ́lɛɛ kɛ́ dîɛ, dílônii da díwɔ̂ lòniii, wɔ́lɔ-wɔlɔ da wɔlɔ-wɔlɔ,

Mąątɛ̨nɛ̨ 105:11

È mò ǹyɛɛi, “Ŋa pâi Keena lɔii tɛɛ̂i kápɔ. A pâi kɛ̂i a kákpɔɔ̂i pɔɔ.”

Mąątɛ̨nɛ̨ 105:9

Gbanaŋ-wooi ŋí ƃé è gɛ̀ Eberaɣɛ̃ɛ yêei, Gono-teei nyii è gɛ̀ Aise yêei.

Lɛɛ gbɔwɔ ɓa 13:11

“Yâwɛɛ a pâi pâi a káa Keena-ŋai dílɔii su nyii è góno tèe la a foo-woo káyêei da kánâŋ-pɔlɔ-ŋai. À ǹɔii tɛ̀ɛ kápɔ,

Lɛɛ gbɔwɔ ɓa 21:6

gɛ̀ ní fɛ̂ɛ ŋɔmɛi-nuui é pá la Ɣâla pɔ́. Fɛ̂ɛ é pá la bɛ́rɛi láƃelei é dɔɔ gbôŋ-soŋ-wurii kɔlɛ é ŋ̀óli ƃɔ́ a seme. Gɛ̀ ní a pɔ̂ri nâa tíi kɛ̂i ŋɔmɛi-nuui mî é lɛ́ɛ la zu ŋɔkɛ-ɣéniɛi é kpɛɛ.

Lɛɛ gbɔwɔ ɓa 29:45

Ŋa pâi kɛ̂i Eezuɛ-ŋai sáma. Ŋá kɛ́ a Díɣâla.

Lɛɛ gbɔwɔ ɓa 32:13

Íkili ŋá sía í bîlaŋ ítii kɛ́-ƃelai Eberaɣɛ̃ɛ, Aise da Zeeka-ni dîa nyii-ŋai í íkono tèe díyêei í mó dîa yɛ̂ɛi, ‘Ŋa pâi kásuui tâmai yɛ̂ɛ bɛ̂mɛlɛŋ-kao-ŋai díkaa ŋ̀elei sui, ŋá ǹɔii-ŋai ŋí tɛ́ɛ kásuui pɔ́ nyii ŋá ŋ́gono tèe la káyêei, nyii pâi kɛ̂i a dípɔɔ wɔlɔ-wɔlɔ da wɔlɔ-wɔlɔi.’ ”

Lɛɛ gbɔwɔ ɓa 40:15

Í wúlɔ pú díŋûa yɛ̂ɛ berei í bù la dínâŋ ŋûa a gɛɛ dí sâla-laa soŋ-tii kɛ́ mî. Ŋ̀úlɔ púɔɔ díŋûa a pâi dísuui kɛ̂i a sâla laa soŋ-tii kɛ́-ƃela wɔlɔ-wɔlɔ da wɔlɔ-wɔlɔ.”

Lɛɛ gbɔwɔ ɓa 6:4

Ŋá ŋákpanaŋ-wooi kɛ̀ máŋ díyêei a gɛɛ ŋá Keena lɔii tɛ́ɛ dípɔ nyii dí kɛ̀ zu a ŋɔ̃ya-ŋai.

Lɛɛ gbɔwɔ ɓa 6:7

Ŋa pâi kásiyêi a ŋánûa, ŋá kɛ́ a Káɣâla. Ka pâi gɔlɔnîi a gɛɛ ŋ́gaa a Yâwɛɛ Káɣâlai nyii kákùla m̀ɛni-kpɔlui su nyii Ize-ŋai dí ǹaa kâai.

Ɉeremi 25:5

Ǹyaŋ Ɣâla ŋɔlóno kɛ́-ƃelai tí dí mò kâa a gɛɛ ká kpera kátûa-pere nyɔ̂ŋ-ŋai dîa. Ka kpera mɛni nyɔ́mɔɔ kɛ̂i a gɛɛ ká lɛ́ɛ ǹɔii su nyíi Yâwɛɛ è wɔ́lɔ dɛ̀ɛ kánûa-pɔlɔ-ŋai pɔ́ a gɛɛ é kɛ́ a dípɔɔ wɔ́lɔ-wɔlɔi.

Ɉeremi 31:1

Yâwɛɛ è mò ǹyɛɛ, “Tãi káa pâi, maa tãi tí ƃé ŋa pâi kɛ̂i la a Eezuɛ-ƃelai kélee kpɔ́ Díɣâla. Dia máŋ da pâi kɛ̂i a ŋánûa.

Izikiɛ 11:20

À kɛ̀ tí, da pâi ŋa tɔ̂ŋ-ŋai mɛi kaai a ténîŋ ƃó pere. Gɛ ni, da pâi kɛ̂i a ŋánûa, ǹyaŋ ŋ́gɛ ƃo a Díɣâla.

Izikiɛ 33:24

“Núu-kpune ǹóŋ, diai díkaa daa pîleŋ ŋá Eezuɛ lɔii sui, díkaa nɔ́ m̀ôi dîyɛɛ, ‘Berei máŋ Eberaɣɛ̃ɛ è kɛ̀ la a núu tɔnɔi, ǹyaa ƃé dí ǹɔii ŋí kélee tɛ̀ɛ bɔ́. Kɛ́lɛ kútâmaai. M̀ɛni ma, ǹɔii káa a kú pɔ́ɔ a tɔ̃yâ.’

Levetekɔ 14:34

“Ka pà Keena lɔii su nyii ŋa pâi dɛɛ̂i kápɔi, ŋa gɛ̀ pûŋ a pɛ̀lɛ bɛ́rɛ-ŋai da kaŋ mâ ka m̀ui,

Levetekɔ 16:34

Dɔ̂ŋ ŋí káa dímɛni ma. Fɛ̂ɛ dím̀ɛi káa wɔlɔ-wɔlɔ da wɔlɔ-wɔlɔ. Fɛ̂ɛ dí zâlai ŋí kúla kóraŋ ma tɔnɔɔ Eezuɛ-ŋai kélee dísɔnyɔ̂ŋ, su mɛni lɛ̀ɛ mɛni ma.” Eelɔŋ è m̀ɛnii kélee kɛ̀ yɛ̂ɛ berei Yâwɛɛ è m̀o la Mose mai.

Levetekɔ 26:12

Ŋa pâi kɛ̂i kásama ŋ́gɛ ƃò a Káɣâla, káa máŋ ká kɛ́ ƃò a ŋánûa.

Zakari 8:8

Ǹyaŋ ŋa pâi pâi a dia dí sée Zerusâlɛŋ. Da pâi kɛ̂i a ŋánûa ǹyaŋ ŋ́gɛ ƃò a Díɣâla laa-laa su da tɔ̃yâ-laa su.

Lonon mo 10:29

Mose è mò m̀ɔ̂lɔ Zɛturo nyii kɛ̀ a Midiaŋ-nuui ǹóŋ Oba mà ǹyɛɛi, “Kwa kɛ́ nâa liî ƃɛ́i ma Yâwɛɛ è mò a gɛɛ a pâi nàa tɛɛ̂i kúpɔi. Pá kwaa lí. Kwa pâi mɛni lɛ́lɛɛ kɛ̂i yɛ̂. Kpɛni fêi, Yâwɛɛ a kono-tee lɛ́lɛɛ kɛ́ Eezuɛ-ŋai yêei.”

Lonon mo 25:13

Ǹyaa da ŋɔsuui su-ƃelai da pâi kɛ̂i a sâla-laa soŋ-ƃela wɔ́lɔ-wɔlɔ da wɔlɔ-wɔlɔ. Kpɛni fêi, vé fáa ní ma a gɛɛ ǹûai dí ɣâla da kpɛ́ni tɔ́ɔ ńduɛ. È Eezuɛ-ŋai dísɔnyɔ̂ŋ su-mɛni-lɛɛ maa-sala kula.”

Lonon mo 27:12

Nya ƃe Yâwɛɛ è mò Mose mà ǹyɛɛi, “Tɛ́ Abariŋ Yeei ma í ǹɔii káa ŋá dɛ̀ɛ Eezuɛ-ŋai pɔ́i.

Gɛlaɠaa 7:5

Ɣâla fé ǹɔii ŋí gbua da kpîŋ tɛ̀ɛ ní bɔ́ a gɛ́ɛ é sée naa, kɛ́lɛ, è góno tèe ǹyêei a gɛ́ɛ a pâi dɛɛ̂i bɔ́ a gɔ̃liŋ da ŋɔsuui. Eberaɣɛ̃ɛ fé niî kɛ̀ loŋ da maa sɔlɔ ní.

Dutɛrɔnome 14:2

Kpáni fêi, kákaa a maa wâa-ƃela Yâwɛɛ ŋɛ́i-tuɛ. Aâ kásiɣe zu núu-kpune kélee sáma ŋ̀éniɛi su a gɛɛ ká kɛ a gbîŋ ŋɔnûa.

Dutɛrɔnome 26:18

Nyaa máŋ a môi sâa a gɛɛ kákaa a ŋɔnûa, ká kɛ́ ƃò ǹyêei yɛ̂ɛ laai-kɛ-sɛŋ mɛni kpanaŋɔɔ yɛ̂ɛ berei è góno-tee la kánâŋ-ni yêei. Fɛ̂ɛ ka ŋɔtɔ̂ŋ-ŋai mɛi káa.

Dutɛrɔnome 29:13

é nɛ́ a gɛɛ ká káa a ŋɔnûa ǹyaŋ gɛ́ ƃò a Káɣâla yɛ̂ɛ berei è góno-tee la kánâŋ Eberaɣɛ̃ɛ, Aise da Zeeka-ni yêei.

Dutɛrɔnome 32:49

“Lí Môa lɔii Zɛleko téniŋ ma tɛ́ Nebo yeei ma. Íŋɛi sía Keena lɔii mɛi. Ǹɔii tí ƃé ŋa pâi dɛɛ̂i Eezuɛ-ŋai pɔ́ a dípɔɔ.

Dutɛrɔnome 32:8

Tãi Ŋ̀wála-wâla kélee Ɣalai è ǹɔii-dílɔii-ŋai tɛ̀ɛ la dí pɔ́i, È ŋ̀áa kɔ̀lɛ ǹûai dîa ǹɔii su é goyaŋ-pere-ŋai láa díloai, é Ɣâla-taa kela-ŋa see dímɛi díkɛ dímɛi kâa.

Dutɛrɔnome 34:4

Yâwɛɛ è mò Mose mà ǹyɛɛi, “Ǹɔii ká ŋí ŋá ḿvòo la gɛɛ ŋá dɛɛ Eberaɣɛ̃ɛ, Aise da Zeeka-ni pɔ́, ńyɛ̃ɛ dîai, ‘Ŋa pâi ǹɔii ŋí tɛɛ̂i kálônii pɔ́. Ŋa ǹaa lɛ̂i nɔ́ yâ, kɛ́lɛ ífe pâi serîi naa.’ ”

Dutɛrɔnome 4:37

È kákùla Ize lɔii su é pá a káa ǹyaa kpîŋ ŋ̀ɛ́i a ŋɔwála-wala-laai. Kpɛ́ni fêi, è kánâŋ-ni díwɔ̂ naŋ-ni wɛ́li ní.

Dutɛrɔnome 9:5

Kátenîŋ-ƃô laai da kátûa sɔŋ-lɛ́lɛɛi mɛni fé Yâwɛɛ a ǹɔii ŋí tɛ̂ɛi la kápɔ. A díkpɛ̂i káŋɛi-tuɛ dítûa-pere yɔŋ mɛ́ni ma. A tela gɛ̂i tí a gɛɛ é ŋɔkono-teei ŋaa-see kɛ́ nyii è gɛ̀ kánâŋ-ni, Eberaɣɛ̃ɛ, Aise da Zeeka díyêei.

Hebreu 9:15

Mɛni ma, gáa a gbanaŋ-woo-kɛɛ ninai tɛɛ-nuu, a gɛɛ diai a dítôlii, dí ŋwɔlɔ-wɔlɔ pɔɔ-sɛŋ sɔlɔ ƃó nyíi Ɣâla è góno tèe la díyêei. Kpɛ́ni fêi, saa-mɛni a pá nyíi a díkula dísɔnyɔ̂ŋ-ŋai su nyíi kɛ̀ gbanaŋ-woo-kɛɛi maa-ŋuŋ mui.

Zasua 1:2

“Ŋátii kɛ́ nuui Mose a nâa saa. M̀ɛni ma, ímu síɣe ka Eezuɛ-ŋai ká lí Zɔdiŋ Ya-leei pôlu, ǹɔii ma nyíi ŋa pâi dɛɛ̂i kápɔi.

M̀ɛni-lɛɛi 21:7

Ǹúui a yee-tɛɛ-maa kɛ̂i, a pâi nyíŋi sɔlɔ ƃôi, ǹyaŋ ŋa pâi kɛ̂i a Ŋɔɣâla, ǹyaŋ gɛ̀ ƃò a ńoŋ.