Zɛnɛse 12:2 - Bible

² Ŋa pâi ísuui su kɛ̂tɛi ŋá lûwa láa yâ, ŋá ílaa tɛ́ ɣelêi a gɛɛ í kɛ́ a lûwa.

Yálá laawoo hɛɓɛ (dc)

² «Gáá pai ə́ kɛi a hį́i tamąą di nąn. Gáá pai lúwɔ́ tooi yɛ́, ŋą́ ə́ kɛnɛ̨, ə́ kaa pai kɛi a nu takpɛliɠaa di wɔ lúwɔ́ don.

Yálá laawoo hɛɓɛ

² «Gáá pai ə́ kɛi a hį́i tamąą di nąn. Gáá pai lúwɔ́ tooi yɛ́, ŋą́ ə́ kɛnɛ̨, ə́ kaa pai kɛi a nu takpɛliɠaa di wɔ lúwɔ́ don.

Zɛnɛse 12:2 ပူးပေါင်းရင်းမြစ်များ

Zɛnɛse 13:16

Ŋa pâi ísuui tâmai yɛ̂ɛ ŋãyai gáa ǹɔii mai a gɛɛ à kɛ̀ núu à pɔ̂ri ŋãyai lônoi ǹɔii ma, gɛ̀ ní da pâi ísuui lônoi.

Zɛnɛse 15:5

Nya ƃe Ɣâla è kùla la ŋ̀énii ŋá ǹyɛɛ mai, “Ŋ̀élei su káa à kɛ̀ ƃà pɔ̂ri bɛ̂mɛlɛŋ-káo-ŋai lônoi, í dílono. Bere ƃé ísuui a pâi tâmai la.”

Zɛnɛse 17:20

À kɛ̀ a Isimai, ŋá íwoo mɛ̀ni m̀ɛni ma. Gáa, ŋa pâi lûwa láai ma, é ƃûu ƃó, ŋɔsuui su é kɛ́tɛ. A pâi kɛ̂i a kâloŋ puu káo feerɛ ǹâŋ. Ǹyaŋ ŋa pâi gɛ̂i a lɔii-ŋuŋ kɛ́tɛ mɛi-nuu.

Zɛnɛse 18:18

Eberaɣɛ̃ɛ ŋɔsuui a pâi kɛ̂i a lɔii-ŋuŋ kɛ́tɛ. Ǹɔii-ŋuŋ-ŋai kélee da pâi lûwa sɔlɔ ƃôi zârai.

Zɛnɛse 18:19

Kpɛ́ni fêi, ŋá nɛ̀ a gɛɛ é ǹônii da ŋɔpɛ́rɛi mu-ƃelai kɛ́ dí ŋápɛrɛi mɛi káa bôlu ma a tɔ̃yâ-mɛni kɛ́ɛ da teniŋ-mo laa, a gɛɛ ŋá gbanaŋ-wooi ŋàa-see kɛ́ ŋá gɛ̀ Eberaɣɛ̃ɛ yêei.”

Zɛnɛse 19:29

Tãi Ɣâla è daa-ŋai su kâra la gbîniŋ tí sui, Eberaɣɛ̃ɛ maa mɛni è tôo gíli ŋá, é La kula mɛni-kpɔ̂lui su tãi è daa-ŋai su kâra la ƃɛ́i La è kɛ̀ naai.

Zɛnɛse 24:1

Eberaɣɛ̃ɛ è nâa pɔ̀lɔ kpɔ́ a ŋánaa, ǹyaŋ Yâwɛɛ è lûwa làa ma mɛni kélee su.

Zɛnɛse 24:35

Yâwɛɛ a lûwa láa ḿɛi-nuui ŋí ma a zu kɛ́tɛ, a kɛ́ a núu kɛ́tɛ. A ƃála suu tɛɛ bɔ́ da taa-tulɛ támaa. A sɛŋ-kao támaa tɛ́ɛ bɔ́ da gôo, da yée mu-sinaa támaa, é pɛ́lɛ yée mu-nɛyaa dîa, soo-fáleŋ-ŋa da wɛlɛ-sôo-ŋa.

Zɛnɛse 25:11

Eberaɣɛ̃ɛ saa pôlu ma, Ɣâla è lûwa làa ǹóŋ Aise ma. Aise è ƃûu tɔ̀ɔ “Vúlu-laa Ɣalai Nyii Ŋ́gâai Ŋ̀ɔya-loai lá.”

Zɛnɛse 26:3

Kɛ́ nɔ́ a ŋɔ̃ya ǹɔii ŋí su. Ŋa pâi kɛ̂i íkɔlɛ, ŋá lûwa láa yâ. Kpɛ́ni fêi, ŋa pâi ǹɔii-ŋai ŋí kélee tɛɛ̂i ípɔ ka ísuui. Ŋa pâi gbanaŋ-wooi ŋàa-see kɛ̂i nyii ŋá gɛ̀ ínâŋ Eberaɣɛ̃ɛ yêei.

Zɛnɛse 26:4

Ŋa pâi ísuui tâmai yɛ̂ɛ bɛ̂mɛlɛŋ-kaoi gáa ŋ̀elei sui. Ŋa pâi ǹɔii-ŋai ŋí kélee tɛɛ̂i ísuui pɔ́. Ǹɔii-ŋuŋ-ŋai kélee da pâi lûwa sɔlɔ ƃôi ísuui sârai.

Zɛnɛse 27:29

Nûa dí tíi kɛ́ yɛ̂. Lɔii-ŋuŋ-ŋa dí pɛ́lɛ íkɔɔ mu. Kɛ́ a ílêɣe-ni da ílîa-ni mɛi-nuu. Ílee ǹônii dí pɛ́lɛ íkɔɔ mu. Náɣaŋ é kɛ́ diai dîa da ínàɣaŋ. Lûwa é kɛ́ diai kélee dîa da lûwa làa yâi.”

Zɛnɛse 28:14

Ǹyaŋ ísuui a pâi tâmai yɛ̂ɛ ǹɔii mâ ŋãyai. Ǹyaŋ ísuui a pâi serîi vóloi liî-pere da vóloi kulâi-pere, ǹɔii ŋûa-pere da ǹɔii kwára-pere. Ka ísuui kásârai, lûwa a pâi kɛ̂i ǹɔii su-ƃelai kélee dîa.

Zɛnɛse 35:11

Ɣâla è mò ǹyɛɛi, “Ńyãa ƃa Ŋ̀wála-wâla kélee Ɣalai. Ƃûu ƃó. Ísuui su a pâi kɛ̂tɛi. Da-ni da pâi kɛ̂i a kâloŋ-ŋa.

Zɛnɛse 46:3

Ńyɛɛ Zeeka mai, “Ŋ́gaa a Ɣâla nyii gáa a ínâŋ Ŋɔɣâlai. Ífe yào íli mɛni ma Ize. Kpɛ́ni fêi, ŋa pâi ísuu su kɛ̂tɛi naa.

Samia Veerɛi 7:9

Ŋ́gaa íkɔlɛ ƃɛ́i kélee ya lì naai. Ŋá íkpɔara-ƃelai kélee pù íkɔɔ mu. Ŋa pâi gɛ̂i ílaa mu é wuyɛ yɛ̂ɛ dîai dílaa mu-wuyɛ̂ɛi ŋ̀éniɛi sui.

Tɔɔɓɛlaa dɔlɔɔ 1:47

É kúla nyíti pôlu gâloŋ ŋɔtíi kɛ́-ƃela kpaya-kpayai dí pà a gɛ́ɛ dí yee-see-mu kɛ́ a kúnuu-namui Gâloŋ Deeƃé. Da m̀ôi dîyɛɛi, ‘Ɣâla é Saloma kɛ́ ǹáa é kúla é tɛ́ɛ yâ, é ŋɔkâloŋ-laai su kɛ́tɛ é tɛ́ɛ íwɔ̂i ma.’ Gâloŋ è ŋuŋ ma pìlaŋ ŋɔgbìŋ ŋá.

Zôo 35:8

Í ƃarâŋ-ŋai ƃé da mɔ̃lɛ ísɔnyɔ̂ŋ-ŋai su. Ǹyaŋ m̀ɛni lɛ́lɛɛi ya gɛ̀i ƃé a kpɔŋ mâ tɛ̀ɛ íƃarâŋ nuu-kpune-ŋai pɔ́.

Mąątɛ̨nɛ̨ 107:38

A gɛ̀ nûa dí nîa-pɛlɛɛ maa sɔlɔ ƃó a dámaa, é lûwa láa dítaa tulɛ-ŋai dîa.

Lɛɛ gbɔwɔ ɓa 1:7

Kɛ́lɛ Eezuɛ-ŋai dí ƃûu ƃò dí táma dí ǹɔii láa fɛ́ɛ, wála-wala kɛ́ ƃò díyêei.

Lɛɛ gbɔwɔ ɓa 32:10

Tɔɔ ŋá dísu kara a ŋálii-ŋwanai. Kɛ́lɛ, ŋa pâi ka ínûai ká kɛ̂i a lɔii-ŋuŋ su kɛ́tɛ.”

Azaya 51:2

Ka kákili ŋá sía é pîlaŋ kákaa-ƃela pɔlɔ-ŋai Eberaɣɛ̃ɛ, da Seera ni dîa nyii-ŋai ká kùla díkponôi. Tãi ŋá Eberaɣɛ̃ɛ tòli lai, lóŋ fé kɛ́ ní ǹyêei, kɛ́lɛ ŋá lûwa tòo m̀a, zuu é kɛ́ ma. Ŋá gɛ̀ ŋɔsuui su é kɛ́tɛ.

Izikiɛ 34:26

“Ŋa pâi lûwa tôoi dîa dí kɛ́ ƃò ŋáyee maa-waai kɔlɛ. Tãi da pâi kɛ̂i la naai, ŋa pâi gɛ̂i tuna é pú nyíi pâi kɛ̂i a lûwa dímɛni mai.

Mise 7:20

Ya pâi ílaa-laai da íwɔlɔ-wɔlɔ da wɔlɔ-wɔlɔ wɛli-kɛ-maai lɛ̂i ínûai dîa yɛɛ berei íwɔlɔ íkono tèe la kúnûa pɔlɔ ŋai, Eberaɣɛ̃ɛ da Zeeka yêei.

Zakari 8:13

Óo Zuda da Eezuɛ-ƃelai! Yɛ̂ɛ berei dí kálaa sìɣe a foo-wôo ǹɔii-ŋûŋ-ŋai sámai, ŋa pâi káƃâloi ká kɛ́ a lûwa ǹûai mɛni ma. Káfe yào, kɛ́lɛ káyee su é kpanaŋ.”

Lonon mo 14:12

Ŋa pâi dísu karâi a kɔlɔ-fela sii da, kɛ́lɛ ŋa pâi íkɛ̂i a núu-suu su kɛ́tɛ nyii pâi kɛ̂i a ŋwála-wala é tɛ́ɛ diai.”

Lonon mo 22:12

Kɛ́lɛ Ɣâla è mò Bâlaŋ mà ǹyɛɛi, “Ka ǹûai ŋí káfe lì. Ífe Eezuɛ-ŋai fòo. Kpɛni fêi, ŋá lûwa làa dîa.”

Lonon mo 23:20

Ɣâla a ŋ́gɛ a gɛɛ ŋa ŋɔlûwai tóo, Mɛni mà fa pɔ̂ri ŋɔlûwa-wooi maa falenîi.

Lomaŋ 4:11

È kpɛtɛ laa ŋɛi-kɛ-maa sɔlɔ ƃô yɛ̂ɛ sere-faa a gɛ́ɛ é dɔ̃yâ-laai lɛ́, nyíi kɛ̀ ǹyêei laa-la sârai, gɛ́ɛ dífe niî gbɛtɛ níi. M̀aa sapoi ƃé kɛ̀ a gɛ́ɛ Eberaɣɛ̃ɛ é kɛ́ a diai laa-la káa díyêei dífe kpɛtɛ níi dínâŋ, nyíi-ŋai Ɣâla è dísiɣe a tɔ̃yâ-ƃelai.

Galatə 3:14

a gɛ́ɛ ǹûai è kɛ̀ Eberaɣɛ̃ɛ ma é kɛ́ Zɛ̃tai-ŋai dîa Zîsɛ Kôrai sârai a gɛ́ɛ ku M̀ɔlêŋ ŋɔkono-teei sɔlɔ ƃó laa-la sârai.

Galatə 3:7

Mɛni ma ka gàa a gɛ́ɛ diai laa-la káa díyêei dia ƃa Eberaɣɛ̃ɛ ǹônii.

Dutɛrɔnome 26:5

A mò máŋ ǹyɛɛi, ‘Ńâŋ è kɛ̀ a Araŋ-nuu. È kɛ̀ a sia-sîa kɛ́-nuu. È wɔ́lɔ lì a ŋɔnûai Ize lɔii su, dí wɔ́lɔ kɛ̀ nɔ́ a núu-kpûlu lòŋ dí sée naa. Ŋɔsuui su è kɛ̀tɛ, zu-ƃela wála-wala, dítamaa.