Zɛnɛse 10:2 - Bible

² Zafɛ ǹônii-sinaai ƃa. Gomɛ, Magɔɔ, Madai, Zavaŋ, Tuba, Misɛ da Tira.

Yálá laawoo hɛɓɛ (dc)

² Ɉafɛtə lonnii laa ka: Gomɛrə, Magɔgə, Madai, Yavan, Tubalə, Mɛsɛkə da Tirasə.

Yálá laawoo hɛɓɛ

² Ɉafɛtə lonnii laa ka: Gomɛrə, Magɔgə, Madai, Yavan, Tubalə, Mɛsɛkə da Tirasə.

Zɛnɛse 10:2 ပူးပေါင်းရင်းမြစ်များ

Zɛnɛse 10:1

Nôa ǹônii láa ƃe kɛ̀ a, Sɛ̂ŋ, Aaŋ da Zafɛ dísuui pîlaŋ-pere ká ŋí. Ǹûai ŋí dí lônii-sinaa maa sɔlɔ ƃô ǹya-fɛɛi pôlu ma.

Zɛnɛse 10:21

Zafɛ ǹîa-surɔ̂ŋ Sɛ̂ŋ nyii kɛ̀ a Ibulu-ŋai kélee dínâŋ, ǹyaa máŋ è nîa-pɛlɛɛ maa sɔlɔ ƃô.

Zɛnɛse 9:27

Tɔɔ Ɣâla é Zafɛ ŋɔsuui ƃûu ƃó! Tɔɔ é kɛ́ Sɛ̂ŋ ŋɔsua kɔlɔ seɣe pɛrɛi mu! Keena é kɛ́ a ŋɔluɛ.”

Tɔɔɓɛlaa veelɛ 17:6

Dí naa yée-mɛi ɣâle a Gâloŋ Osia ŋɔkâloŋ-laa koraŋ ǹɔ́ɔlu mɛi náaŋ. Asiria kaloŋ è Eezuɛ-ŋai sòŋ a kɔ-soŋ-ŋa é lí a dia Asiria lɔii su. È da-ni kɛ̀ dí sée Ala taai su a ŋɔwála-wâla-laai. È gbéli-ŋai kɛ̀ dí sée Abo Ya-leei kɔlɛ Gozaŋ lɔii kpiniŋ su. È gɛ̀ ǹûai kpéli-ŋai dí sée daa-ŋai su ƃɛ́i Midia-ŋai dí kɛ̀ naai.

Mąątɛ̨nɛ̨ 120:5

Núu kɛ́ɛ ká sama nyɔ̂mɔi nɔ́ yɛ̂ɛ núu a kɛ̀ Misɛ, kpaa máŋ yɛ̂ɛ núu a kɛ̀ Kedɛ.

Azaya 66:19

Ǹyaŋ da pâi gɔ́lɔnîi a gɛɛ ńyãa ƃa díkula maa kɛ̂. “Kɛ́lɛ, ŋa pâi díta-ni tɛɛ̂i lɔii-ŋuŋ su kôyaa ŋa su nyii-ŋai dífe tá ḿaa-tûŋ mɛni níi, kpaa máŋ dí ŋáwala-wâla laa kɛ́tɛi káai. Ǹɔii-ŋûŋ ŋai kpîŋ ƃa: Sipîŋ, Lebia, da Ladia ƃɛ́i tɔ̃a-pili-ƃela lɛ́lɛɛ-ŋa dí káa naai, ŋá díta-ni tɛɛ Tuba da Gurii. Ǹûai ŋa pâi dítɛɛ̂i, da pâi ŋákɛtɛ-laai maa tûŋ toôi ǹɔii-ŋûŋ-ŋai ŋí su.

Izikiɛ 27:19

Dí pà a kɔli da kúŋ-sãa dí ká pɔni-sãai maa fáleŋ la.

Izikiɛ 27:7

Dí ísia seɣei kpɛ̂tɛ a seɣe nɛnɛ-fɛfɛ paláa, nyii dí gbɛ̀tɛ Ize-lɔii su a gɛɛ nûa da íkàa dí íkɔlɔŋ a maa félaa ya kɛ̀ kwaa kôyaa ma. Dí ímɛi pɛlɛ-sɛŋ kpɛ̀tɛ a seɣe lɛ́lɛɛ. Dí gbɛ̀tɛ a seɣe kpɔ̂lu-mu tɛɣiɛɛ da bûluŋ kɛ́ɛ nyii kùla dîŋ su Saipɔlɔ-lɔii sui.

Izikiɛ 32:26

“Mɛsɛi da Tuba díkaa naa díkɔ-kuluƃa-ŋai kɛ́ ƃò saa táa. Díkaa a diai dífe ŋ́gɔlɔŋ nyii-ŋai dí dípàa kɔ́ su. Tãi díkɛ̀ la ɣele mai, dí mɛni kpɔ̂lu ŋánaa làa díƃarâi dîa.

Izikiɛ 38:15

Ka ínuu-kpulu kɛ́tɛi ká kùla ípɔi taai yá-ŋua-pere póŋ-poŋ, da soo-sia-ƃela támaa, díkɛ ƃò a kɔkuluƃa kpulu kɛ́tɛ wála-walaa nyii-ŋai kùla lɔii-ŋuŋ támaa sui.

Izikiɛ 38:2

“Núu-kpune ǹóŋ, ǹia-woo kpanaŋɔɔi ŋí ƃó Gɔ̂ɔ ma nyii gáa a kâloŋ Misɛɛ da Tuba-ƃelai mɛi nyii-ŋai díkaa Maagɔɔ lɔii sui.

Izikiɛ 38:6

Gɔkuluƃa-ŋai nyii-ŋai kùla Gomɛ da Bɛɛ-togama nyii gáa yá-ŋua-perei ǹaa-ƃela díkaa ípôlu. Díkaa a ǹûai nyii-ŋai kùla lɔii-ŋuŋ támaa su.

Izikiɛ 39:1

Nya ƃe Ŋ̀wála-wâla kélee Yâwɛɛ è mò ḿâ ǹyɛɛi, “Núu-kpune ǹóŋ, ye ɣâla-woo ƃó Gɔ̂ɔ ma. M̀ó mà yɛ̂ɛ Ńyãai a Ŋ̀wála-wâla kélee Yâwɛɛi ńyɛ̂ɛi, ‘Gɔ́lɔŋ a gɛɛ ńdɔɔ̂i ya Gɔ̂ɔ yái íkaa a Misɛɛ da Tuba díkâloŋ kɛ́tɛi.

M̀ɛni-lɛɛi 20:8

Ǹyaŋ a pâi kulâi a gɛɛ é ǹɔii-ŋûŋ-ŋai pɛlɛ, nyíi-ŋai díkaa ǹɔii-ƃela náaŋ mai. Zu-kulâi ƃa Gɔ̂ɔ da Magɔ̂ɔ, a gɛɛ é díŋa tɛ́ díkîe-ni dîa kɔ́-kɔ mɛni ma. Dítamaâi yɛ̂ɛ yúoi-ŋɛya.