Zɛnɛse 1:27 - Bible

²⁷ Nya ƃe Ɣâla è núu-kpune kpɛ̀tɛ a gbîŋ ƃóloŋ maa, surɔ̂ŋ da nɛnî.

Yálá laawoo hɛɓɛ (dc)

²⁷ Yálá ə nu pɛli Yálá kpinįi mąą nįnįn ɉu, ə hulɔnu da nɛ̨ɛ̨nu di pɛli.

Yálá laawoo hɛɓɛ

²⁷ Yálá ə nu pɛli Yálá kpinįi mąą nįnįn ɉu, ə hulɔnu da nɛ̨ɛ̨nu di pɛli.

Zɛnɛse 1:27 ပူးပေါင်းရင်းမြစ်များ

Zɛnɛse 2:18

Nya ƃe Yâwɛɛ Ɣâla è mò ǹyɛɛ, “Vé lɛ́lɛ ní a gɛɛ nalôŋ é kɛ́ ƃɛ́ ǹyaa tɔnɔ. Ŋa pâi ŋɔkpɔŋ-maa-nuu lɛ́lɛɛ kɛ̂i ma é kɛ́ gɔlɛ.”

Zɛnɛse 2:7

Nya ƃe Yâwɛɛ Ɣâla è pɔ̂rɔ sìɣe ǹɔii ma é núu-kpune kpɛtɛ la, é vúlu-laa lɛwoi pú zũai. Nya ƃe núu-kpune è kɛ̀ a vúlu.

Zɛnɛse 9:6

Ǹúui kélee a m̀arâŋ ŋãa pûi, da pâi ŋɔ̂i pûi. Kpɛ́ni fêi, ŋá núu-kpune kpɛ̀tɛ a ŋ́gbîŋ ƃóloŋ-maa.

Mąątɛ̨nɛ̨ 139:14

Ŋà ílaa maa tɛ̂i kpɛ́ni fêi í ŋ́gbɛ̀tɛ a mĩli-mĩli pere. M̀ɛnii ya gɛ̀i, gáa a núu tɛ̂i mɛni mĩli-mĩliɛɛ. Ŋá m̀ɛnii ŋí kélee kpɔ́ kɔ́lɔŋ a ǹɛ́lɛɛ.

Ikilisiati 7:29

M̀ɛnii ŋí ŋâa gɔ́lɔŋ kpɔ́ a gbîŋ. Ɣâla è núu-kpune kpɛ̀tɛ a naa fii-kpɛɛ, kɛ́lɛ núu-kpune a gbîŋ kɛ́-pere kpânaŋ.

Azaya 43:7

Díkaa a ŋánûa. Ŋá díkpɛ̀tɛ a gɛ́ɛ díkɛ laa maa tɛ̂ tɛ̀ɛ ḿbɔ.”

Ɉeremi 29:6

Ka nɛyâa da sinâa kula, kálônii-sinaa da lonii-nɛyaa maa sɔlɔ ƃó. Ka ǹɛɛ naa kálônii-nɛyãai dí sirɛ káa, ká lônii sinaai dí nɛyâa káa, dia máŋ dí nîa-pɛlɛɛ-ŋa maa sɔlɔ ƃó. Ka nîa-pɛlɛɛ támaa maa sɔlɔ ƃó Babelɔŋ lɔii su. Káfe kɛ̀ nɔ́ a ká kpulu-loŋ.

Malasi 2:15

Ɣâla fé kákɛ ní a kpono tɔ̂nɔ mɔ̂leŋ sârai? È nyíŋi kɛ̀ lé mɛni ma? È nyíŋi kɛ̀ a gɛɛ ká nîa-pɛlɛɛ sɔlɔ ƃó dí kɛ́ a Ɣâla ŋɔnûa. M̀ɛni ma ka ká-kpîŋ mɛi káa a gɛɛ ká ta fé ŋɔkono-têei kara ŋɔnɛnîi yêei.

Maafîu 19:4

Nya ƃe è díwoo su tòo, ǹyɛɛi, “Káfe ǹono ní a gɛɛ Zɛŋ-kélee-kpɛtɛ-Ɣalai è núu kpɛ̀tɛ a surɔ̂ŋ da nɛnî é siɣe ŋ̀éniɛi kɔ́ɔ pîlanii ma.

Markə 10:6

Kɛ́lɛ, maa-ŋuŋ su, Ɣâla è ǹɔii kpɛ̀tɛ, é núu kpɛtɛ, a surɔ̂ŋ da nɛnî.

Ifisiɛŋ 2:10

Kpɛ́ni fêi, kúkaa a Ɣâla ŋɔkpɛtɛ-sãa. È kúkpɛ̀tɛ Kôrai kponôi tíi lɛ́lɛɛ-ŋa kɛ́ mɛni ma, nyíi-ŋai Ɣâla e díkpɛ̀tɛ gíli ŋá nàa tuɛ a gɛ́ɛ ku díkɛi.

Ifisiɛŋ 4:24

Ka dua-pere ninâi siɣe, nyíi Ɣâla e gbɛ̀tɛ a molôŋ maa tɔ̃yâ laa-la sãa su da maa-waa-laai.

Dutɛrɔnome 4:32

“Íkili-ŋa sía é pîlaŋ wɔlɔ-wɔlɔi tí su mà, tãi dí fé nîi kɛ̀ ímaa sɔlɔ ƃó ní lai é tóo tãi ma Ɣâla è núu-kpune kpɛ̀tɛ la ŋ̀éniɛi sui. Mɛni kɛ́tɛ kɛ́ɛ ŋí ta a wɔ́lɔ kɛ́ a bɔlɔ? Núu da a tá wɔ́lɔ nyíŋi da mɛni?

Kolosə 1:15

Gáa a Ŋ̀âlai nyíi kúfa gâai bɔɔkɔ̂ŋ, gáa a ǹúui maa-ŋuŋ ŋ̀éniɛi su kpɛtɛ-sãai kélee tuɛ;

Kolosə 1:26

nyíi kɛ̀ a loo-mɛni ŋ̀éniɛi-su-ƃelai dia a tãi su kôya, kɛ́lɛ, a nâa lɛ́ Ŋ̀âla-ƃelai diai.

Kolosə 3:10

ka kátûa-pere nina-ŋai siɣe nyíi gbɛtɛɛ̂i a nina, yɛ̂ɛ zɛŋ kélee kpɛtɛ-Ɣalai tua-pere káa lai, a gɛ́ɛ ka gɔ́lɔŋ a ǹɛ́lɛɛ.

Nwun mąąɓo 21:22

À kɛ̀ dínâŋ-ni kpaa máŋ dísaaƃɔlɔ-ni da dílii ŋ̀wana kâa, dí m̀ó kûa, kwa pâi môi dîa kûɛi, ‘Ká kpera kâa, ka ǹɛɛ naa dí lɛ́ɛ díyêei, kpɛ́ni fêi, gɔ́i kpɛ́ɛi kúfe nɛyâa sɔlɔ ƃó ní dímɛni ma. Voo wôoi kú gɛ̀ Ɣâla ŋɛ́i túɛ é pîlaŋ Bɛŋsima nuu suui mai, vé pâi kásoniî, kpɛ́ni fêi, káa fé kálônii-nɛyãai tɛɛ ní dípɔ a nɛyâa.’ ”