Zɛnɛse 1:1 - Bible

¹ Gɔ́ɔ pîlanii Ɣâla è ŋ̀elei kpɛ̂tɛ da ǹɔii.

Yálá laawoo hɛɓɛ (dc)

¹ Yálá ə gbɛa tɔlɔɔ yələkɔlɔn da lɔi di pɛli.

Yálá laawoo hɛɓɛ

¹ Yálá ə gbɛa tɔlɔɔ yələkɔlɔn da lɔi di pɛli.

Zɛnɛse 1:1 ပူးပေါင်းရင်းမြစ်များ

Tɔɔɓɛlaa veelɛ 19:15

È Yâwɛɛ fɛ̀li, “Óo Yâwɛɛ, Eezuɛ Ŋɔɣâlai, íkâloŋ see-sɛŋ káa gôoŋ-sãai mɛi-pere. Ƃía tɔnɔ nɔ́ ƃé íkaa a Ɣâla, ǹyaŋ ƃía tɔnɔ ƃé íkaa ǹɔii-ŋûŋ-ŋai mɛi ŋ̀éniɛi kélee su. Í ǹɔii kpɛ̂tɛ da ŋ̀elei.

Kɔlɔnikɔ Maa-ŋuŋ 16:26

Ŋ̀âlai nyíi gáa lɔii-ŋuŋ da kpɛ́ni sui gáa a ɣâla-pɔkɔɔŋ. Kɛ́lɛ Yâwɛɛ ƃé ŋ̀elei kpɛ̀tɛ.

Kɔlɔnikɔ Veerɛi 2:11

Taya kaloŋ Elaŋ è Saloma wóo su tòo a kɔlɔ ǹyɛɛ mài, “Yâwɛɛ è ŋɔnûai wɛ́lini. Ǹyaa ƃe gɛ̀ é íkɛ a kâloŋ dímɛi.”

Nehemi 9:6

Ƃía tɔnɔ kpéŋ nɔ́ ƃé íkaa a Yâwɛɛ. Í ŋ̀elei kpɛ̂tɛ da zu sãa kélee. Í ǹɔii kpɛ̂tɛ da vúlu sãai kélee dí káa mai. Í yúo kpɛ̀tɛ da zu sãa kélee. Í fúlu laa tɛ̀ɛ dí kélee dípɔ. Ŋ̀elei su wala-wala laai kélee da tôo íkɔɔ mu dí í fɛ́li.

Zôo 26:13

Ɣâla è ŋ̀ele-kɔlɔŋ ma fɛ̂ɛ a nɛwo nàa é pono é yúo su kali kɛ́tɛi páa a ǹyée.

Zôo 38:4

À kɛ̀ ya mɛni ŋá kàa kpɔ́ a ǹɛ́lɛɛ kɛ́ɛ ŋí, mí ƃé íkɛ̀ naa tãi ŋá kɛ̀ ŋ̀éniɛi ŋí kɔ́ɔ pîlanii lai?

Zôo 9:8

Ɣâla ǹya tɔ̂nɔ ƃé ŋ̀ele-kɔlɔŋ kpɛ̂tɛ é ǹáa ǹâai, é ƃɔ́rɔŋ ǹyúo-zele kalii ma a gɔ́ɔ.

Mąątɛ̨nɛ̨ 102:25

Yá ƃé ǹɔii kpɛ̂tɛ tãi su kôyaa tɛɛ pôlu ma, í ŋ̀elei kpɛtɛ a yá kpîŋ íyee.

Mąątɛ̨nɛ̨ 104:24

Óo Yâwɛɛ, í sãa támaa kpɛ̀tɛ. Í gélee kpɛ̀tɛ a táre-pere. Ǹɔii láa fɛ̂ɛi a íkpɛtɛ-sãai.

Mąątɛ̨nɛ̨ 104:30

Í díkpɛ̀tɛ, í ílɛ̂wo pù díkponôi, ǹyaŋ í pà fúlu-laa nina ǹɔii su.

Mąątɛ̨nɛ̨ 115:15

Tɔɔ Yâwɛɛ é lûwa láa kâa. Ǹyaa ƃé ŋ̀elei kpɛ̂tɛ da ǹɔii.

Mąątɛ̨nɛ̨ 121:2

Ŋá kpɔŋ mâi a pâi kulâi Yâwɛɛ yêei, nyii ŋ̀elei kpɛ̂tɛ da ǹɔii.

Mąątɛ̨nɛ̨ 124:8

Kúkpɔŋ mâi a kûla Yâwɛɛ yêei, nyii ŋ̀elei kpɛ̂tɛ da ǹɔii.

Mąątɛ̨nɛ̨ 134:3

Tɔɔ Yâwɛɛ nyii ŋ̀elei da ǹɔii kpɛ̂tɛi, é lɛ́ɛ Zãiyɔŋ é lûwa láa kâa!

Mąątɛ̨nɛ̨ 136:5

Ka sɛɣɛi-fei tɛɛ ǹúui pɔ́ ŋ̀elei kpɛ̂tɛ a ŋɔtárei. Ŋɔwɔ́lɔ-wɔlɔ wɛli kɛ́-maai kɔ́yɛŋ fé ma.

Mąątɛ̨nɛ̨ 146:6

nyii ŋ̀elei, ǹɔii, da yúo kpɛ̀tɛi, da zãai nyii-ŋai gáa dí sui. A ŋɔkono-teei kélee ŋ̀aa sèe kɛ̀.

Mąątɛ̨nɛ̨ 33:6

Yâwɛɛ è ŋ̀ele-kɔlɔŋ-ŋai kpɛ̂tɛ a ŋ̀óo, da dísu sãa kélee, vóloi, ŋ̀áloŋ da bɛ́mɛlɛŋ kao-ŋai.

Mąątɛ̨nɛ̨ 33:9

È ŋ̀éniɛi kpɛ̀tɛ a ŋ̀óo. È lòno, ǹyaŋ m̀ɛni-ŋai kélee è m̀oi, ŋ̀aa-see è kɛ̀.

Mąątɛ̨nɛ̨ 8:3

Ŋa ŋ̀elei su kàa, ŋa zãai kàa í díkpɛ̀tɛ í dípu naai. Í bɛ̂mɛlɛŋ-kao kɛ́tɛi kpɛ̀tɛ da bɛlɛ-pɛlɛɛi í dísee ŋ̀ele-kɔlɔŋ su.

Mąątɛ̨nɛ̨ 8:4

Lé ƃa núu-kpune ǹyaa íkpaaŋɔ̂ɔi m̀ɛni mai? Núu-kpune nyii víi kpɛɛ̂i, íkpaaŋɔ̂ɔi m̀ɛni ma lé mɛni ma?

Mąątɛ̨nɛ̨ 90:2

Í lɛ́ɛ pâi ǹyée kpaya-kpayai kpɛtɛ̂i, kpaa máŋ ǹɔii da ŋ̀éniɛi, íkaa nɔ́ a Ɣâla wɔ́lɔ-wɔlɔ da wɔ́lɔ-wɔlɔ. Yá nɔ́ ƃa Ŋ̀ɔlɔ-wɔlɔ da wɔ́lɔ-wɔlɔ Ɣalai.

Mąątɛ̨nɛ̨ 96:5

Ǹɔii-ŋuŋ da kpɛ́ni su ɣala-ŋai díkaa nɔ́ a núu kpɛtɛ ɣâla-ŋa, kɛ́lɛ Yâwɛɛ ƃé ŋ̀elei kpɛ̂tɛ.

Lɛɛ gbɔwɔ ɓa 20:11

Kpɛ́ni fêi, fólo lɔ́ɔlu mɛi da yée mu ƃé Yâwɛɛ è ŋ̀elei kpɛ̀tɛ la da ǹɔii da ǹyái da zɛŋ kélee gáa dísui é víi tɔ́ɔ a mɛi feerɛ ɣelei. Mɛni ƃé Yâwɛɛ è lûwa làa la Vii-tɔɔ-ɣelei mâ é maa wáa.

Lɛɛ gbɔwɔ ɓa 31:18

Yâwɛɛ kpɛɛ a lónoɔɔ Mose pɔ́ Sana Yeei mai, è gili-too-ŋa kɔni-ƃela feerɛi tɛ̀ɛ bɔ́, nyii-ŋai ǹyaa Ɣâla è mɛi-ŋai pɔ̃yɛ dîa a ǹyée-gbuai.

Hanwon 16:4

Ɣâla Yâwɛɛ ŋɔmɛni-kpɛtɛɛi kélee ŋuŋ káa ma. Ŋwana-lɔ̂ɔ-nuu káa naa mɛni ŋá-tee mɛni ma.

Hanwon 3:19

Ɣâla Yâwɛɛ è ǹɔii kpɛ̂tɛ a táre. È ŋ̀elei kpɛ̂tɛ a ŋɔmɛni ŋá-kaai.

Ikilisiati 12:1

Núu-tɔɔ-ŋa, káfe ǹɛɛ naa ɣéniɛ su-sãai maa lii-nɛ̃ɛi é gɛ́ ká nia kákpɛtɛ-nuui ma. Ka gɛ́ tí, tãi ka pâi lii la kápɔlɔ yêe lai, ka pâi môi kâai, “Kúfe kúɣeniɛi ŋãa-nɛ̃ɛ kula ní.”

Azaya 37:16

“Oó Ŋ̀wála-wâla kélee Yâwɛɛ, Eezuɛ Ŋɔɣâlai, yái íkâloŋ sèe-sɛŋ káa seêni ŋ̀âla-taa goôŋ sãai mɛi, yá tɔnɔ nɔ́ ƃé íkaa a Ɣâla, íkɛ ƃò ŋ̀éniɛi su kaloŋ-ŋai kélee mɛi. Yá ƃé ŋ̀elei da ǹɔii kpɛ̂tɛ.

Azaya 40:21

Ífe niî gɔ́lɔŋ ní? Dífe niî m̀o ní yâ a tãi su kôyaa? Dífe niî m̀o ní yâ berei ŋ̀éniɛi kɔ́ɔ è pìlaŋ lai?

Azaya 40:26

Íŋɛi tɛ́ ŋ̀elei su í ǹaa káa. Gbɛ̂ɛ ƃé bɛ́mɛlɛ̂ŋ-koa-ŋai kpɛ̂tɛi? Ǹyaa ƃa ǹúui nyii a tɔ̂ɔ díŋɛi túɛ yɛ̂ɛ kɔkuluƃai. È berei kɔ́lɔŋ dítâmaai lai ǹyaŋ è díkelee dílaa kɔ́lɔŋ tɛi-tɛi. Ŋɔwála-wala laai sú kɛ̂tɛi. M̀ɛni ma dɔnɔ kpîŋ fé niî láŋ ní.

Azaya 40:28

Ífe niî gɔ́lɔŋ ní? Ífe niî m̀ɛni ní a gɛ́ɛ Yâwɛɛ ƃa ŋ̀wɔ́lɔ-wɔlɔ Ɣalai? Ǹyaa ƃé ŋ̀éniɛi kpɛ̀tɛ. Víi fa kpɛ̂ɛ kpaa máŋ é fôa. Núu da fa târe ŋɔkili-ŋa sîai su.

Azaya 42:5

Ɣâla Yâwɛɛ ƃé ŋ̀elei kpɛ̀tɛ da ǹɔii. È fúlu-sãa kélee kpɛ̀tɛ ǹɔii ma, é núu-kpune kpɛtɛ é ǹyaa Ɣâla ǹɛwo da ŋɔmɔ̂leŋ pú gbonôi. A m̀ôi ŋɔtíi kɛ́ nuui ma ǹyɛɛi,

Azaya 44:24

Yâwɛɛ a m̀ôi ǹyɛɛi, “Ńyãa ƃa káŋuŋ ma ƃó nuui Yâwɛɛ. Ńyãa ƃé kákpɛ̀tɛ. Ńyãa ƃa Yâwɛɛ. Ńyãa ƃé sɛŋ kélee kpɛ̀tɛ. Ŋá ŋ̀ele-kɔ̂lɔŋ fulomo ńyãa tɔnɔ. Ŋá ǹɔii kɛ̀ a zu kɛ́tɛ. Gbɛ̂ɛ ƃé kpɔŋ mâa tɛ̀ɛ ḿbɔi?

Azaya 45:18

Yâwɛɛ ƃé ŋ̀ele-kɔ̂lɔŋ-ŋai kpɛ̀tɛ. Ǹyaa nɔ́ ƃa ɣâla! Ǹyaa ƃé ǹɔii pù gîe ma, é gbɛ̀tɛ. È gbɛ̀tɛ a gbanaŋɔɔ. Gáa naa wɔ́lɔ-wɔlɔ da wɔlɔ-wɔlɔ. Vé gbɛ̀tɛ ní kpɛ́ni-kpɛni. È gbɛ̀tɛ a núu-kpune kɛ̂i. Ǹyaa ƃé m̀o ǹyɛɛi, “Ńyãa ƃa Yâwɛɛ. Ɣâla da kpɛ́ni fé naa é kúla ḿbôlu.

Azaya 51:13

Ya nia íkpɛtɛ nuui Yâwɛɛ ma íkɛ̀-ɣéniɛi su. Ǹyaa ƃé ŋ̀elei kpɛ̂tɛ, é ǹɔii zônoŋ su kɔni-ŋai lâa ǹâai. Lé ƃé yao káa nɔ́ la kákɔlɔi kákpɔara-ƃelai mɛ̂ni ma nyíi-ŋai díkpîŋ kpɛtɛɛi a gɛ́ɛ dí kásu-karai? Dílii ŋwânai fé pâi sɛŋ da kɛ̂i a kâa.

Azaya 51:16

Ŋá ŋ́oo pù ká lá, ŋá káloo ńyee pôlu. Ńyãa ƃé ŋ̀ele-kɔ̂lɔŋ fulomo ŋá ǹɔii zonoŋ su kɔni-ŋai láa ǹâai. Ŋá m̀o Zãiyɔŋ-ƃelai dîa, ‘Káa ƃa ŋánûai.’ ”

Azaya 65:17

Yâwɛɛ è m̀o ǹyɛɛi, “Ŋ́gaa nâa lɔii nîna da ɣele-kɔ̂lɔŋ nina-ŋa kpɛtɛ̂i. Ŋa pâi niâi kpɔ́ m̀ɛni-ŋai nyii-ŋai wɔ́lɔ kɛ̂i dîa.

Ɉeremi 10:12

Kɛ́lɛ, Ɣâla ƃé ǹɔii kpɛ̂tɛ a ŋɔwála-wala laai. É ŋ̀éniɛi kpɛ̀tɛ a ŋɔtárei. È ŋ̀ele-kɔlɔŋ fùlomo a ŋɔmɛni ŋá káai.

Ɉeremi 32:17

“Yá, Ŋ̀wála-wâla kélee Yâwɛɛ, yá ƃé ǹɔii da ŋ̀elei kpɛ̂tɛ a íwala-wala-laa kɛ́tɛi! Mɛni da fé naa nyíi gbanaŋɔ̂ɔi ímaa mɛni ma.

Ɉeremi 51:15

Yâwɛɛ è ǹɔii kpɛ̂tɛ a ŋɔwála-wala-laai, ŋɔtárei ƃé è ŋ̀éniɛi kpɛtɛ la, é ŋ̀ele-kɔlɔŋ fúlomo.

Zakari 12:1

Yâwɛɛ ŋɔwóoi nyíi bîlaŋɔɔi Eezuɛ mai: Yâwɛɛ nyíi ǹyée sã̀a é ŋ̀elei kpɛtɛ da ǹɔii é tela núu-kpune ŋɔmɔ̂leŋ kpɛtɛ gbonôi, è mò ǹyɛɛi,

Maafîu 11:25

Maa-tãi tí su Zîsɛ è zu tòo, ǹyɛɛi, “Ŋa ísɛɣɛ̂i fêi, Ńâŋ, ŋelei da ǹɔii dínuu-namu, a gɛɛ ya mɛni-ŋai ŋí lóo dáre-ƃelai dîa da zɛŋ-kɔlɔŋ-ƃelai, ya ǹɛ́ ǹîa-pɛlɛɛi dîa.

Markə 13:19

kpɛ́ni fêi, maa ɣele-ŋai tí, mɛni kpɔ̂lu a pâi pâi, nyíi dɛɛ̂i m̀arâai kélee ma é síɣe tãi ma Ɣâla è ŋ̀éniɛi kɔ́ɔ pìlaŋ la é seri sâa ma da fé pâi ŋɔ́nɔ wɔ́lɔ kɛ̂i.

Gɛlaɠaa 14:15

“Nûa, ka nyíŋi kɛ̂i lé mɛni ma? Kúa máŋ kúkaa a nuu-kpune-ŋa yɛ̂ɛ káa, kú ƃò kásama. Kúkaa ƃɛ́ a gɛ́ɛ kú Duŋ Lɛ́lɛɛi ƃó kâa a gɛ́ɛ ká kápôlu tɔɔ mɛni folo-ŋai ŋí dîa ka pá Gɛ-ɣele-ma Ɣalai pɔ́. Ǹyaa ƃé ŋ̀elei kpɛ̀tɛ da ǹɔii, ǹyái da zãai kélee dísui.

Gɛlaɠaa 17:24

Ɣâla è ŋ̀éniɛi kpɛ̀tɛ da zu-sãa kélee. Gáa a ŋ̀elei da ǹɔii Dínuu-namu. Va kɛ̂ pɛ́rɛ da nyíi mu nyíi nûa da dɔ̀ɔ a díyêei.

Gɛlaɠaa 4:24

Nya ƃe díkelee Ɣâla fɛ̀li gîe ma dîyɛɛi, “M̀ɛi-nuui, yá ƃé ŋ̀elei kpɛ̀tɛ, ǹɔii, ǹyái da dísu sãa kélee.

Lomaŋ 11:36

Kpɛ́ni fêi, sɛŋ kélee a kûla ǹyêei, ǹyaŋ sɛŋ kélee kɛ́ kpɛ̀tɛ zarâi, sɛŋ kélee kɛ́ ƃo ŋɔ́nɔ a bɔ́ɔ. Ǹyaŋ folo-laa káa mà wɔlɔ-wɔlɔ da wɔlɔ-wɔlɔ. É kɛ́ ti.

Korɛntə dɔlɔɔ 8:6

é máŋ kɛ́ ti, à kɛ̀ a kúa Ɣâla tɔnɔ nɔ́ ƃe gáa naa, Nàŋ-nuui nyíi sɛŋ kélee è kùla ǹyêei da nyíi kúkaa ɣele ma mɛni mai. Nuu-namu tɔnɔ nɔ́ ƃe gáa naa, Zîsɛ Kôrai, nyíi sɛŋ kélee káa ɣele ma zarâi da nyíi kúkaa ɣele ma zarâi.

Ifisiɛŋ 3:9

Ɣâla e m̀ɛlɛ-seei ŋí tɛ̀ɛ ḿbɔ a gɛ́ɛ ŋa gɛ núu kélee dí noo-mɛnii káa nyíi zɛŋ kélee kpɛtɛ-Ɣalai e nòo a tãi su kôyai,

Hebreu 1:10

Ǹyaŋ, “Yái a Kúnuu-namui, yá ƃe ǹɔii kpɛ́tɛ a maa-ŋuŋ. Ŋ̀ele-kɔlɔŋ káa a íyee ŋɔtíi.

Hebreu 1:2

Kɛ́lɛ, ŋ̀ele kpɛɛ-ŋa-ŋai ŋí su Ɣâla a lóno kúpɔ Ǹóŋ sârai. È nɛ̀ a gɛɛ é kɛ́ a sɛŋ kélee-namu nyíi. È ŋ̀éniɛi kpɛ̀tɛ zarâi.

Hebreu 11:3

Laa-la sârai ƃe kwa târe la zu a gɛɛ Ɣâla è ŋ̀éniɛi kpɛ̀tɛ a ŋ̀óo, ǹyaŋ zãâi kwa díkâai é díkpɛ̀tɛ a zãâi kúfa díkàai.

Hebreu 3:4

Kpɛ́ni fêi, pɛ́rɛ kélee da dɔ̀ɔi núu ƃa dɔ̀ɔ, kɛ́lɛ, zɛŋ kélee kpɛtɛ-nuui ƃa Ɣâla.

Piɛrə veelɛ 3:5

Dí díŋɛi nàɣiŋ dɔ̃yâi ŋí mɛi, a gɛɛ tãi su kôyaa Ɣâla ŋɔwóoi è gɛ̀ ŋ̀elei é kɛ́ naa, è ǹɔii kpɛtɛ a yá é kúla yá su.

Zɔ̂ŋ Maa-ŋuŋ 1:1

È pîlaŋ vúlu-laa-wooi ma, nyíi kɛ̀ naa é kúla gɔ́ɔ pîlanii, nyíi kwa mɛni, kwa gáa a kúŋɛi-gao, kwa m̀aa kpɛ́ɛ, kwa lɛɣɛ m̀a a kúyee.

M̀ɛni-lɛɛi 10:6

È vòo ǹúui ma gáa nɔ naa wɔlɔ-wɔlɔ da wɔlɔ-wɔlɔi, nyíi Ɣâla-taa kpɛ̀tɛ da zu-sɛŋ kélee, nyíi ǹɔii kpɛ̀tɛ da zu-sɛŋ kélee, da nyíi ǹyúoi kpɛ̀tɛ da zu-sɛŋ kélee, a gɛɛ maa-tinaŋ fé ŋɔ́nɔ kɛ́ naa.

M̀ɛni-lɛɛi 14:7

È mò a ŋ̀óo su kɛ́tɛ, nyɛɛi, “Ka yao Ɣâla ma ka fólo-laa tɛɛ bɔ̀, kpɛ́ni fêi, ŋɔmɛni-ŋa-tée-tãi a pá. Ka ǹúui fɛ́li nyíi Ɣâla-taa kpɛ̂tɛ da ǹɔii, da ǹyúoi, é pɛ́lɛ ǹyá-pɛlɛ-ŋai diai.”

M̀ɛni-lɛɛi 21:6

Nya ƃe è mò ḿâ, nyɛɛi, “Díŋa-see a kɛ́! Ŋ́gaa a Afa da Omiga, zu-kulâi ƃa gɔ́ɔ-pîlanii da gberâi. Diai kpele-wɛli káa diai, ŋa pâi vúlu-laa ya-loŋ da tɛɛ̂i dípɔ kpɛ́ni-kpɛni.

M̀ɛni-lɛɛi 22:13

Ŋ́gaa a Afa da Omiga, zu-kulâi ƃa maa-ŋuŋ da gbɛɛ ŋái, gɔ́ɔ-pîlanii da gberâi.”

M̀ɛni-lɛɛi 3:14

“Ŋ̀óo-ŋai ŋí pɔ̃yɛ Kôrai-toli-kpɔŋ gáa Leodisiɛi ŋɔkélai pɔ naa: ‘É kɛ́ tí, nyíi gáa a dɔ̃yâ-sere-faa kɛ-nuu sã́ai, nyíi gáa a Ɣâla ŋɔsɛŋ-kpɛtɛɛi kɔ́ɔ-pîlanii ŋɔwóo-ŋai ká ni.

M̀ɛni-lɛɛi 4:11

“Ímaa nɛɛ̂i, Kúnuu-namui da Kúɣâlai, a gɛɛ í folo-laa, ƃaa-kɛ-maa, da wala-wala sɔlɔ ƃo, kpɛni fêi, í sɛŋ kélee kpɛ̀tɛ, ǹyaŋ í díkpɛ̀tɛ, dí ƃo ɣele ma a ínîa-mɛnii.”