Zasua 9:1 - Bible

¹ Gâloŋ-ŋai kélee kɛ̀ vóloi liî-pere Zɔdiŋ Ya-leei pôlu pere nyíi-ŋai kɛ̀ ǹyée pɛlɛ-pɛlɛɛi da ǹyée kpaya-kpaya lɔii sui dí m̀ɛnii kélee m̀ɛni Eezuɛ-ŋai dí gɛ̀i. Gâloŋ-ŋai kɛ̀ Mɛditɛrenia Yuoi ma-pere da Lɛƃanɔŋ lɔii sui dia máŋ dí m̀ɛni. Gâloŋ-ŋai ŋí ƃa Ita-ŋai, Amora-ŋai, Keena-ŋai, Periza-ŋai, Iva-ŋai da Zɛbusa-ŋai díkâloŋ-ŋai.

Yálá laawoo hɛɓɛ (dc)

¹ Nąąlɔwai, tɔɔɓɛlaa kpɔ kɛ Ɉurdɛn yá pulu pələ ɲee lɔi hu, da nɛ̨ŋɛ̨ lɔi hu, di mɛ̨nįɠaa tii bələ mɛ̨n, gəlee ə mą kɛ, nuąi kpɔ kɛ gboloyá kwɛlɛ, Liban lɔi lííla, diɛ ɓaa: Hɛtə nuą, Amɔrə nuą, Kanaan nuą, Perizi nuą, Hivi nuą, da Ɉebusə nuą,

Yálá laawoo hɛɓɛ

¹ Nąąlɔwai, tɔɔɓɛlaa kpɔ kɛ Ɉurdɛn yá pulu pələ ɲee lɔi hu, da nɛ̨ŋɛ̨ lɔi hu, di mɛ̨nįɠaa tii bələ mɛ̨n, gəlee ə mą kɛ, nuąi kpɔ kɛ gboloyá kwɛlɛ, Liban lɔi lííla, diɛ ɓaa: Hɛtə nuą, Amɔrə nuą, Kanaan nuą, Perizi nuą, Hivi nuą, da Ɉebusə nuą,

Zasua 9:1 ပူးပေါင်းရင်းမြစ်များ

Samia Veerɛi 24:7

dí sèri Taya taa lee-ŋa maa tínaŋɔɔ a galai dîa dí tɛ́ɛ naa dí lí Iva-ŋai dítaa lêe-ŋai kélee su dí tóo Keena-ŋai díwɔ̂ taa lêe-ŋai kélee su. Dí lì Zuda lɔii kwára-pere dí seri Bɛɛsiba.

Lɛɛ gbɔwɔ ɓa 23:23

Ŋákelai a pâi tɔ̂ɔi kátuɛ é pá a káa Amɔra-ŋai dílɔii, Ita-ŋai, Pɛriza ŋai, Keena-ŋai, Iva-ŋai da Zɛbusa ŋai dílɔii su, ŋá dísu kara.

Lɛɛ gbɔwɔ ɓa 23:31

Ŋa pâi kálɔii ŋɔkoyaŋ-perei lɛ̂i é síɣe Ǹyúo Kpɔ̂lui ma é lí Felesia-ŋai dílɔii mâ pere. É kúla vɛ̃ɛ-kpâlaŋ mâ é seri Yufeletii Ya-leei mâ. Ŋa pâi wála-wala tɛɛ̂i kápɔ ǹɔii-namelai mɛi a gɛɛ ká díkpɛ dí kúla káŋɛi.

Lɛɛ gbɔwɔ ɓa 3:17

Ǹyaŋ ŋa gbɛtɛ ŋ́gili ŋá a gɛɛ ŋá díkula Ize lɔii su ƃɛ́i díkaa mɛni-sôli kâai naai, ŋá pá a dia Keena-ŋai, Ita-ŋai, Amɔra-ŋai, Pɛriza-ŋai, Iva-ŋai da Zɛbusa-ŋai dílɔii su nyii gáa a lɔii lɛ́lɛɛi.

Lɛɛ gbɔwɔ ɓa 34:11

M̀ɛnii ŋa pâi môi yâ sâai, gɛ́. Ŋa pâi Amɔra-ŋai, Keena-ŋai, Ita-ŋai, Pɛriza-ŋai da Iva-ŋai é pɛ́lɛ Zɛbusa-ŋai dîa kpɛ̂i káŋɛi-tuɛ a tãi ká kɛ lɛɣɛ̂i la a diai.

Lonon mo 13:29

Amɛlɛkai-ŋai díkaa vɛ̃ɛ-kpâlaŋ su ǹɔii kwára-pere, Ita-ŋai, Zɛbusai-ŋai da Amɔrai-ŋai díkɛ ƃò ǹyee kwaai ma-pere. Keena-ŋai díkaa máŋ Mɛditɛrenia Yuoi da Zɔdiŋ Ya-leei ma pere.”

Lonon mo 34:6

“Ǹɔii koyâŋ ma pere nyii pâi kɛ̂i voloi lii-perei a pâi siai a Mɛditɛrenia Yuoi kóo.

Dutɛrɔnome 1:7

Ka kámu siɣe ká lí. Ka lí Amora-ŋai dílɔii ma ǹyéei su, kákɔlɛ ma-ƃelai kélee pɔ́ naa nyii-ŋai díkaa Arabai, ǹyée lɔii da diŋ-tiŋ lɔii-ŋai su, vɛ̃ɛ-kpâlaŋ su, Mɛditɛrenia Yuoi kɔlɛ, Keena-ŋai dílɔii su, Lɛƃanɔŋ-ŋai dílɔii su, é tóo Yufeletii ya-lee kɛ́tɛi ma.

Dutɛrɔnome 3:25

Tɔɔ ŋá lí ŋá ǹɔii lɛ́lɛɛi káa Zɔdiŋ Ya-leei pôlu, ǹyée lɔii lɛ́lɛɛ-ŋai da Lɛƃanɔŋ.’

Dutɛrɔnome 4:49

È siɣe naa é lí vóloi kulâi-pere Zɔdiŋ Ya-leei mâ, é tɛ́ɛ nâa é lí seɣai-pere é lɛ́ɛ la zu é seri Ǹyúo Saai mâ, Piga yeei kwára-pere.

Dutɛrɔnome 7:1

“Yâwɛɛ é lɛ́ɛ pâi liî a káa gono-tee lɔii ma a pâi ǹɔii-ŋuŋ kpaya-kpaya wála-wala lɔ́ɔlu mɛi feerɛ su-ƃelai ŋí kpɛ̂i káperêi: Ita-ŋai, Gigasa-ŋai, Amora-ŋai, Keena-ŋai, Pɛriza-ŋai, Iva-ŋa da Zɛbusa-ŋai.

Zasua 1:15

é lɛ̀ɛ la zu Yâwɛɛ é ǹɔii tɛ́ɛ kánûai pɔ́ yɛ̂ɛ berei è wɔ́lɔ dɛ̀ɛ la kápɔi. Gɛ̀ ní ká lene pôlu kálɔii ma nyíi Mose Yâwɛɛ ŋɔtíi kɛ́-nuui è dɛ̀ɛ kápɔi.”

Zasua 1:4

É síɣe vɛ̃ɛ-kpâlaŋ su é lí Lɛƃanɔŋ lɔii su é seri ŋɔ́nɔ ǹya-lêe kɛ́tɛi ma nyíi da dòli a Yufeletii Ya-leei, ǹɔii kélee gáa Ita lɔii su é seri Mɛditɛrenia Yuoi ma vóloi lîi-perei, a pâi kɛ̂i a kálɔii-kpîniŋ.

Zasua 10:23

Ǹyaŋ dí gɛ̀ tí. Dí gâloŋ lɔ́ɔlui kùla gɔni wôloi su dí pá a dia bɔ́. Gâloŋ-ŋai ƃé kɛ̀ a Zerusâlɛŋ kaloŋ, Iburɔŋ kaloŋ, Zamu kaloŋ, Laki kaloŋ da Ɛgulɔŋ kaloŋ.

Zasua 11:17

Dí tɛ̀ɛ naa dí Ala Yeei ma siɣe nyíi ǹɛɣɛ̂i Idɔŋ taa-lee kɔlɛ mai, é lɛ́ɛ la zu dí lí Beega nyíi gáa Lɛƃanɔŋ Potoi su Ɛmɔŋ Yeei kwára perei. Zasua è ǹaa kaloŋ-ŋai kélee sòŋ é dípaa.

Zasua 13:5

Geba-ŋai dílɔii, Lɛƃanɔŋ-ŋai dílɔii kélee, gɛ́ lî vóloi kulâi-pere, é siɣe Beega é lí Ɛmɔŋ Yeei kwára é seri Ama taa-leei ma.

Zasua 15:12

nyíi kɛ̀ máŋ a vóloi liî-pere goyaŋ perei. Zuda ŋɔsuui su-ƃelai dílɔii ká ŋí yɛ̂ɛ berei dísuui è kɛ̀ lai.

Zasua 22:4

Káɣâlai Yâwɛɛ a lii-sêe tɛ̀ɛ káƃarâa Eezuɛ-ŋai pɔ́ yɛ̂ɛ berei è góno tèe lai. M̀ɛni ma ka lí pôlu kápɔ-taai ká sée ǹɔii ma Yâwɛɛ ŋɔyée mu nuui Mose è dɛ̀ɛ kápɔ Zɔdiŋ Ya-leei pôlui.

Zasua 22:7

Mose ƃé lɔii tɛ̂ɛ Manasɛ ŋɔsuui su nuu-kpului dɔnɔ pɔ́ Basãŋ lɔii kpiniŋ su Zɔdiŋ Ya-leei kɔlɛ vóloi kulâi-pere. Kɛ́lɛ Zasua ƃé lɔii tɛ̂ɛ Manasɛ ŋɔsuui su-ƃelai gbéli-ŋai pɔ́ Zɔdiŋ Ya-leei pôlu vóloi liî-pere. Zasua kɛ́ɛ a ŋ̀óo tée la dîa a gɛ́ɛ dí lí dípɔ-taai, è lûwa tòo dîa.

Zasua 23:4

Ǹɔii ŋá gùla lɔii-ŋuŋ-ŋa yée mɛi ɣáleɛɛ sarâi da nyíi-ŋai fé nîi dí kula yêei kɛ́ níi, ŋá dí ŋáa kɔ̀lɛ ká núu-suu-ŋai dîa a díkɔ̃liŋ, é síɣe vóloi kulâi-pere Zɔdiŋ Ya-leei ma é tóo Mɛditɛrenia Yuoi ma nyíi gáa vóloi liî-perei.

Zasua 24:11

Ká Zɔdiŋ Ya-leei tîyeŋ ká pá Zɛleko. Zɛleko-ƃelai, Amora-ŋai, Pɛriza-ŋai, Keena-ŋai, Ita-ŋai, Gɛga-ŋai, Iva-ŋai da Zɛbusa-ŋai dí kɔ́ pɛ̀lɛ kâa. Kɛ́lɛ, ŋá gɛ̀ káyee é tɛ́ɛ dîa.

Zasua 3:10

Ǹyɛɛ dîai, ‘É síɣe sâa ma ka pâi gɔ́lɔniî a gɛ́ɛ gɛ-ɣele-ma Ɣalai káa kásama, ǹyaŋ vé pâi fɛɣɛ̂i Keena-ŋai, Ita-ŋai, Iva-ŋai, Pɛriza-ŋai, Giga-ŋai Amɔra-ŋai da Zɛbusa-ŋai kpɛ̂i kátuɛ.

Zasua 3:17

Zâla láa soŋ-ƃelai Yâwɛɛ ŋɔkono-tee gãlai è kɛ̀ díyêei, dí kɛ̀ tɔɔni ǹyái sâmai ǹɔii kpâlai ma Eezuɛ-ŋai díkɛ̀ tɛ̀ɛ. Dí lɛ̀ɛ tɔɔni naa Eezuɛ-ŋai kélee dí ǹyái tíyeŋ.

Zasua 5:1

Amɔra kaloŋ-ŋai kɛ̀ Zɔdiŋ Ya-leei pôlu vóloi liî-pere da Keena kaloŋ-ŋai kɛ̀ Mɛditɛrenia Yuoi kpono ma pere kɛ́ɛ da mɛni a gɛ́ɛ Yâwɛɛ a Zɔdiŋ Ya-leei kpála Eezuɛ-ŋai pere da tɛɛ naai, dí yao kpɔ́ a ŋ̀ánaa. Dílii fé ŋɔ́nɔ wɔ́lɔ kpele ní Eezuɛ-ŋai dîa.

Zasua 6:27

Ǹyaŋ Yâwɛɛ è kɛ̀ Zasua kɔlɛ. Zasua maa tûŋ è tàa-taa ǹɔii tí gwaa kélee.

Zasua 9:7

Kɛ́lɛ Eezuɛ kpakolo-ŋai dí m̀o Iva-ŋai dîa dîyɛɛi, “Gáa yɛ̂ɛ kákaa kúkɔlɛ ma, Gɛ̀ ní, lé mɛni ƃe fɛ̂ɛ nɔ́ kúkono têe kɛ́ la kúkîe-ni yêei?”