Zasua 2:11 - Bible

¹¹ M̀ɛ̀nii ŋí mɛniɛɛ kûɛi, kú yào kpɔ́ a ŋ̀ánaa. Berei kú kátuŋ mɛ̀ni lai, lii kpêle fé kɛ́ ní núu da kélee yêei ŋɔ́nɔ, kpɛ́ni fêi, Yâwɛɛ Káɣâlai ƃa Ŋ̀âlai gáa ŋ̀elei su da ǹɔii mɛi.

Yálá laawoo hɛɓɛ (dc)

¹¹ Kwaa bələ mɛ̨n, ɛlɛɛ hvaŋą aa kpɛɛ ku yəi. Tín aa nu kəlee hon ka tɔwɔ, mąąhɔlɔɓo Yai-Laa ŋɛ̨i gaa a ka wɔ Yálá, ya ɓə gaa a yələkɔlɔn ɉu Yálá yɛ ɓo a lɔi mɛ̨i Yálá.

Yálá laawoo hɛɓɛ

¹¹ Kwaa bələ mɛ̨n, ɛlɛɛ hvaŋą aa kpɛɛ ku yəi. Tín aa nu kəlee hon ka tɔwɔ, mąąhɔlɔɓo Yai-Laa ŋɛ̨i gaa a ka wɔ Yálá, ya ɓə gaa a yələkɔlɔn ɉu Yálá yɛ ɓo a lɔi mɛ̨i Yálá.

Zasua 2:11 ပူးပေါင်းရင်းမြစ်များ

Tɔɔɓɛlaa dɔlɔɔ 8:60

a gɛ́ɛ ŋ̀éniɛi su-ƃelai kélee dí gɔ́lɔŋ Yâwɛɛ káa a Ɣâla ǹyaŋ Ɣâla da kpɛ́ni fé naa.

Tɔɔɓɛlaa veelɛ 5:15

Da ŋɔnûai dí lène pôlu Ilasa pɔ́naa ŋɔpɛ́rɛi lá. È tɔ̀ɔ ŋɛ́i ǹyɛɛ mai, “Ŋa nâa gɔ́lɔŋ a gɛɛ Ɣâla da kpɛ́ni fé ɣele mâ é kúla Eezuɛ lɔii Ŋɔɣâlai pôlu. Kpera yɛ̂, íyee sée zama-sãai ŋí mu é kúla íyee-mu-nuui yêei.”

Nehemi 6:16

Tãi kú kpɔara-ƃelai kɛ̀ kúkɔlɛ ma lɔii ŋuŋ-ŋai su dí m̀ɛni la a gɛɛ kwa kpɛɛ ziɣãŋ tɔ̂ɔ mai, dí kɔ̃ɔŋ è sàa dîa, kpɛ́ni fêi, dí gɔ̀lɔŋ a gɛɛ Kúɣâlai è kpɔŋ mâa tɛ̀ɛ kúpɔ díi ŋí kɛ́ mɛni ma.

Ɛstɛrə 8:17

Daa-lee-ŋai kélee dí lì zu ǹɔii kpîniŋ-ŋai su dí gɔlɔi ŋí lóno naa dí ŋ̀áa lɛ́ ǹûai dîai, Zuda-ŋai kɛ̀ naai, dí lii-nɛ̃ɛ ŋánaa kùla. Dí kúu kɛ̀ dí lii-nɛ̃ɛ kula. Zîi da kpɛ́ni-ŋai kɛ̀ naai da-ŋa dí díkpîŋ kɛ̀ a Zuda-ŋai da kpɛ́ni fêi, dí kɛ̀ yaôi Zuda-ŋai dîa.

Mąątɛ̨nɛ̨ 102:15

Ǹɔii ŋuŋ-ŋai kélee da pâi kpɛ̃lînii Yâwɛɛ ŋɛ́i-tuɛ, ǹɔii ma kaloŋ-ŋai kélee dí yao gɛ́ mɛni kpaya-kpayai a gɛ̂i mɛ̂ni ma,

Mąątɛ̨nɛ̨ 22:14

Ŋáwala-walai kélee a kùla ńyêei yɛ̂ɛ yá a ƃɔ̀ a sɛŋ-folo. Ŋ́gao kélee a kula gbulɔ̂ŋ ŋá. Ńii a kérenîi ŋ́goi yɛ̂ɛ ŋɔŋ.

Mąątɛ̨nɛ̨ 58:7

Tɔ́ɔ dí ƃɔ́ yɛ̂ɛ yá. Tãi da díkerâŋ pîli lai, ǹɛɛ naa dɔ̃ai ŋá é kpíri.

Mąątɛ̨nɛ̨ 83:18

Gɛ́ dí gɔ́lɔŋ a gɛɛ yá nɔ́ ƃa Yâwɛɛ, ǹyaŋ íwala-wala-laai káa ŋ̀éniɛi gwaa kélee mɛi.

Lɛɛ gbɔwɔ ɓa 15:14

Ǹûai da mɛni, dímaa è kpɛ̃lîŋ. Yao è pà Felesia-ƃelai kɔlɔ̂i.

Lɛɛ gbɔwɔ ɓa 15:15

Idɔŋ kaloŋ-ŋai da yào. Môa-ŋai ŋuŋ-túɛ-ƃelai maa kɛ́ kpɛ̀liŋ. Keena lɔii su-ƃelai líi à tòo pôlu.

Azaya 13:7

M̀ɛni ma, núu-kpune kélee kɔlɔ a pâi kpɛɛ̂i dîa, dílii é tóo pôlu a ŋ̀ánaa.

Azaya 19:1

Ŋ̀orɛ̂-wooi ká ŋí bîlaŋɔɔi Ize lɔii mai. Yâwɛɛ a pâi Ize lɔii su. Gáa ŋ̀ele-kɔlɔŋ su vãai su gɛ́ pà a maa félaa. Ize-ƃelai díkpɛtɛ ɣâla-ŋai kélee da pâi toôi gɔ́ɔ mu díkɛ kpɛ̃liŋ. Ǹyaŋ Ize-ƃelai líi a pâi toôi pôlu a ŋ̀ánaa.

Izikiɛ 21:15

A pâi gɛi dí yao dí támaa ɣele dítoo dí siɣaŋ lá ƃelei. Ŋáƃoa-sɔkpɔ tɛ̂ɛi gɛ fólo. Gɛ pere kɛ̂ɛi yɛ̂ɛ ŋ̀ele-gbâna ŋɔmãla-mãla, m̀aa waa núu paa mɛ̂ni ma.

Nahumə 2:10

Ninivɛ a lɛɛ a vólo! Ǹûai díkɛ fòa, díkɔɔ ma kɛ́ kpɛ̃̀liŋ, dílii kɛ́ sɛ̀lɛŋ, díŋɛi yoloɔɔ.

Dutɛrɔnome 1:28

Mí ƃé kwa pɔ̂ri liî naai? Kúkpɔɔi-ƃelai da gɛ́ kúlii a too pôlu, dí kɛ́ mò dîɛ ǹûai yée-laa-mu seɣɛɛi, díwala-walaa, dítaa lêe-ŋai kpaya-kpayai dímaa tínaŋɔɔ a siɣãŋ dɛ́ɛ ŋ̀ele-kɔ̂lɔŋ su. Anaa-ŋai dílônii díkaa naa.’

Dutɛrɔnome 20:8

“Dí mò dîa máŋ dîyɛi, ‘Núu da káa kásama nyii ǹíi fé kpele ní? Tɔɔ maa-nuui é lí pôlu va lâa gɛ́ la ŋɔyao lii é píli núu da kpɛ́ni líi su máŋ.’

Dutɛrɔnome 4:39

Ka gɔ́lɔŋ sâa a gɛɛ Yâwɛɛ káa a Ɣâla ŋ̀elei su, ǹɔii ma da ǹɔii mu-pere. Ɣâla da fé naa da ǹyaa dípɔ̂riɛɛ.

Zasua 14:8

Kɛ́lɛ diai kwa dîa-ni kú lii, dí pà pôlu Eezuɛ-ŋai pɔ́ a lii-too pôlu koraŋ ƃò. É máŋ kɛ́ tí, ŋá ńii kélee tɛ̀ɛ Ɣâla Yâwɛɛ pɔ́.

Zasua 2:24

Dí mò Zasua ma dîyɛɛi, “Tɔ̃yâ ma Yâwɛɛ a ǹɔii kélee tɛ́ɛ kúpɔ, ǹyaŋ ǹɔii su-ƃelai kélee da nâa yaôi kûa.”

Zasua 5:1

Amɔra kaloŋ-ŋai kɛ̀ Zɔdiŋ Ya-leei pôlu vóloi liî-pere da Keena kaloŋ-ŋai kɛ̀ Mɛditɛrenia Yuoi kpono ma pere kɛ́ɛ da mɛni a gɛ́ɛ Yâwɛɛ a Zɔdiŋ Ya-leei kpála Eezuɛ-ŋai pere da tɛɛ naai, dí yao kpɔ́ a ŋ̀ánaa. Dílii fé ŋɔ́nɔ wɔ́lɔ kpele ní Eezuɛ-ŋai dîa.

Zasua 7:5

Eea-ƃelai dí pɛ̀lɛ Eezuɛ-ŋai kpɛ́ɛ ma é síɣe dísiɣãŋ lá dí yéŋ ǹyéei kwára botoi su. Dí núu buu-saaƃa káo lɔ́ɔlu mɛi da pàa. Ǹyaŋ Eezuɛ-ŋai líi è tòo pôlu a ŋ̀ánaa.

Zasua 9:24

Dí mò Zasua ma dîyɛɛi, “Kú gɛ̀ ti, kpɛ́ni fêi, kú mɛ̀ni a gɛ́ɛ Káɣâlai Yâwɛɛ è mò ǹyée mu-nuui Mose ma a gɛ́ɛ é ǹɔii kélee tɛ́ɛ ípɔ í zu-ƃelai kélee páa. Mɛni ma kú kɛ̀ yaôi kúfulu-laai su láŋ mɛni ma.

M̀ɛni-lɛɛi 6:16

Díkɛ ǹyée-ŋai tòli da gɔni-ŋai, díyɛɛi, “Ka too kûa ká kúloo kú siɣe ǹúui ŋɛ́i gáa see ni gâloŋ-see-sɛŋ ŋái, da M̀ála-loŋ ŋɔlii-ŋwanai.