Zasua 1:5 - Bible

⁵ Núu da kélee yée fé pâi pɔrîi yâ ífulu-laai su. Ŋa pâi kɛ̂i íkɔlɛ yɛ̂ɛ berei nɔ́ ŋá kɛ̀ la Mose kɔlɛi. Ḿve pâi teêi ípôlu kpaa máŋ ŋá ḿbôlu tɔɔ yâ.

Yálá laawoo hɛɓɛ (dc)

⁵ Ə́ yíi hvóló kəlee hu, nui lɔpee ta hvo pai tɔɔi ə́ la. Bələi lɔ tii ŋį́ kɛ la Moisə pɔ, bələ lɔ ɓə gáá kɛi la ə́ pɔ. Vá gíli kulɔ ə́ hu, vá ə́ lɛɛ laa.

Yálá laawoo hɛɓɛ

⁵ Ə́ yíi hvóló kəlee hu, nui lɔpee ta hvo pai tɔɔi ə́ la. Bələi lɔ tii ŋį́ kɛ la Moisə pɔ, bələ lɔ ɓə gáá kɛi la ə́ pɔ. Vá gíli kulɔ ə́ hu, vá ə́ lɛɛ laa.

Zasua 1:5 ပူးပေါင်းရင်းမြစ်များ

Zɛnɛse 39:2

Yâwɛɛ è kɛ̀ Zosɛ pôlu. È maa mɛni kélee su sãa. Zosɛ è kɛ̀ ŋɔmɛi-nuui ŋɔpɛ́rɛi mu, nyii kɛ̀ a Ize-nuui.

Tɔɔɓɛlaa dɔlɔɔ 1:37

yɛ̂ɛ berei Yâwɛɛ è kɛ̀ la ŋánuu-namui gâloŋ kɔlɛi, bere nɔ́ ƃé é kɛ́ la Saloma kɔlɛ é ŋɔkâloŋ-laai su kɛ́tɛ é tɛ́ɛ ŋánuu-namui gâloŋ Deeƃé ŋ̀ɔi ma.”

Tɔɔɓɛlaa dɔlɔɔ 11:38

À kɛ̀ yà m̀ɛnii kélee kɛ̀ nyíi ŋa pâi môi yâi, í sía ŋ́gɔɔ-pɔɔi, í mɛni-ŋai kɛ́ ǹɛ̂lɛɛi ŋɛ́i, í ŋátɔ̂ŋ-ŋai kélee mɛi káa yɛ̂ɛ berei ńyee mu-nuui Deeƃé è gɛ̀ lai, ŋa pâi kɛ̂i íkɔlɛ. Ŋa pâi gɛ̂i gâloŋ-laai é tûa ísuui yêei yɛ̂ɛ berei ŋá gɛ̀ la a Deeƃé, ŋá Eezuɛ tɛɛ ípɔ.

Tɔɔɓɛlaa dɔlɔɔ 6:13

Ŋa pâi kɛ̂i Eezuɛ-ŋai sáma, ǹyaŋ fé pâi mbôlu fêi ŋánûai Eezuɛ mì.”

Tɔɔɓɛlaa dɔlɔɔ 8:57

Yâwɛɛ Kúɣâlai é kɛ́ kúkɔlɛ ma yɛ̂ɛ berei è wɔ́lɔ kɛ̀ la kúnâŋ pɔlɔ-ŋai kɔlɛ mai. É gɛ́ vé tèe kûa kpaa é ǹyée kúla kúmu.

Kɔlɔnikɔ Maa-ŋuŋ 28:20

Ǹaa kɛ́ɛ tíi, Deeƃé è mò ǹóŋ Saloma m̀a ǹyɛɛi, “Kɛ́ a ítɔɔ̂i kpanaŋɔɔ, íkili kuláa a ǹɛ́lɛɛ í díi ŋí kɛ́. Ífe yao, kpaa máŋ ílii é kɔ́ kɔ̀, kpɛ́ni fêi, Íɣâlai Yâwɛɛ, kpaa máŋ Ŋáɣâlai káa íkɔlɛ. Vé pâi ǹɛɛ̂i naa í fɛ́ɣɛ, kpaa máŋ é bôlu tɔɔ yâ é lɛ́ɛ la zu díi-ŋai díkaa Yâwɛɛ ŋɔpɛ́rɛi mai é kpɛ́ɛ.

Mąątɛ̨nɛ̨ 46:11

Ŋ̀wála-wâla kélee Yâwɛɛi káa kúkɔlɛ ma. Zeeka Ŋɔɣâlai ƃa kúŋuŋ ma ƃó-nuui.

Lɛɛ gbɔwɔ ɓa 3:12

Ɣâla ǹyɛɛ mai, “Ŋa pâi kɛ̂i íkɔlɛ. Ŋ̀ɛi-kɛ-maai ká ŋí nyii pâi ǹɛ̂i a gɛɛ ŋa ítɛɛ̂i. Ƃà kùla a ǹûai Ize, ƃà pà a dia, ka ḿvɛli ǹyéei ŋí ma.”

Azaya 42:16

“Ŋa pâi tɔɔ̂i ŋánûa ŋɛ́i púɔɔ-ŋai túɛ, ŋá tɛ́ɛ a dia a berei dífe tá tɛ̀ɛ ní lai. Ŋa pâi díkpinii kɛ̂i a kwaa ponoɔɔ. Ŋa pâi bere kilɛ-kilɛ-ŋai su sãâi. Ŋákono teei ká ŋí, ǹyaŋ fé pâi wɔ́lɔ m̀aa fálenîi.

Ɉeremi 1:8

Ífe yào dîa, kpɛ́ni fêi, ŋa pâi kɛ̂i ípôlu ŋ́gɛ ímɛi kâa. Ńyãai ŋ́gaa a Yâwɛɛ, ńyãa ƃé mò tí.”

Danîa 11:16

M̀ɛnii da pâi wɛ̂lii dí gɛ́i da pâi gɛ̂i. Núu da fé pâi pɔrîi tɔɔ̂i díŋɛi. Gâloŋ a pâi Gono-tee Lɔii siɣêi é sée m̀ɛi. Ǹaa a pâi kɛ̂i ŋɔwála-wala-laai mu.

Maafîu 28:20

M̀ɛni-ŋai kélee ŋá mò kâai, ka ǹɛ̂ dîa dí dímɛi káa. Ka gáa, ŋ́gaa kápôlu a tãi kélee é tóo la ŋ̀éniɛi kpɛ̀ɛ ŋá ma.”

Lomaŋ 8:31

Lé ŋaŋ ƃe kwa pâi m̀ôi e pîlaŋ nyíŋi ma? À kɛ̀ Ɣâla káa kúmɛni ma, gɛ̀ ní gbɛ̂ɛ ƃe dɔɔ̂i kûa?

Lomaŋ 8:37

Kpao, nyíi-ŋai kélee su kútɛɛ̂i yee-tɛɛ maa-ƃela dîa kúwɛli-kɛ-maa-nuui sârai.

Dutɛrɔnome 20:1

“Ka kɛ̀ kɔ̂i kákpɔara-ƃelai pɔ́ ka soo-ŋa kàa da kɔ́ kɔ́-keleŋ-ŋa é pɛ́lɛ kɔ-kuluƃa-ŋa dîa, nyii-ŋai díwala-wâlai tɛɛ̂i káwɔ̂i mai, káfe yào dîa, kpɛ́ni fêi, Káɣâlai Yâwɛɛ ká kùla ǹuɛ-laai su Izei, a pâi kɛ̂i kákɔlɛ.

Dutɛrɔnome 20:4

kpɛ́ni fêi, Káɣâlai Yâwɛɛ a pâi tɔɔ̂i kámɛni ma é gɛ́ ká kákpɔara-ƃelai yée mɛi ɣále.’

Dutɛrɔnome 31:23

Yâwɛɛ è mò Nuŋ ǹóŋ Zasua ma ǹyɛɛi, “Ílii kpéle íkɛ yɛ̂ɛ kpakolo. Yá ƃé pâi liî a Eezuɛ-ŋai gono-tee lɔii su. Ŋa pâi kɛ̂i íkɔlɛ.”

Dutɛrɔnome 4:31

Káɣâlai Yâwɛɛ káa a maloŋ kâa Ɣala. Vé pâi ǹyée kulâi ká mu kpaa máŋ é kásu kara, kpaa máŋ é nia gono-teei ma è gɛ̀ kánâŋ-ni díwɔ̂ naŋ-ni yêei é tela vooi.

Dutɛrɔnome 7:24

A pâi díkâloŋ-ŋai tɛɛ̂i kápɔ, ǹyaŋ ka pâi dísu-karai. Núu da fé pâi pɔ̂rii kɔ̂i kápɔ. Ka pâi díkelee dísu-karai.

Timote veelɛ 4:17

Kɛ́lɛ, Kúnuu-namui e tɔ̀ɔ ŋ́gɔlɛ e wála-wala tɛɛ ḿbɔ a gɛ́ɛ ŋa ŋɔwóoi ƃó kpɔ́ a ǹáa fɛ́ɛ, a gɛ́ɛ Zɛ̃tai-ŋai kélee dí m̀ɛni. Mɛni ma Kúnuu-namui e ŋ́gùla ǹyala-sului lá.

Hebreu 13:5

Sɛŋ-kao-wɛli fé kɛ̀ káa káfulu-laai su. Zɛŋ nyíi gáa káyêei, kálii é láa mɛni ma. Kpɛ́ni fêi, Ɣâla è mò, nyɛɛi, “Fé pâi wɔ́lɔ têei yâ, kpaa máŋ fé pâi ńyee kulâi ímu.”

Zasua 1:17

Kwa pâi íwoo mɛnîi yɛ̂ɛ berei kú Mose wóo mɛ̀ni lai. Tɔɔ Yâwɛɛ Íɣâlai é kɛ́ íkɔlɛ yɛ̂ɛ berei máŋ è kɛ̀ la Mose pôlui.

Zasua 1:9

Fé m̀ó ní yâ? Tɔɔ a gbanaŋɔɔ, í ílii kpéle, ífe yao, ílii fé tòo pôlu, kpɛ́ni fêi, ńyãa Yâwɛɛ Íɣâlai, ŋa pâi kɛ̂i ípôlu ƃɛ́i kélee ƃa lî naai.”

Zasua 10:8

Zasua-ni dí lɛ́ɛ pâi liî, Yâwɛɛ è m̀o ma ǹyɛɛ, “Ífe yao Amɔra-ŋai dîa, kpɛ́ni fêi, ŋa díkelee dítɛɛ ípɔ. Dítɔnɔ kpîŋ fé pâi pɔrîi tɔɔ̂i íŋɛ́i.”

Zasua 21:44

Yâwɛɛ è gɛ̀ Eezuɛ-ŋai díkɛ ƃò lii-sêe su Keena lɔii gwaa kélee yɛ̂ɛ berei è góno tèe la dínâŋ-ni yêei. È gɛ̀ díkpɔara-ƃelai da fé wɔ́lɔ díyee mɛi ɣále ní.

Zasua 3:7

Nya ƃe Yâwɛɛ è mò Zasua ma ǹyɛɛi, “Sâa ŋa pâi ímaa tɛ̂i Eezuɛ-ŋai kélee sáma a gɛ́ɛ dí gɔ́lɔŋ a gɛ́ɛ berei ŋá kɛ̀ la Mose pôlui, bere nɔ́ ƃé ŋa pâi kɛ̂i la í pôlu.

Zasua 6:27

Ǹyaŋ Yâwɛɛ è kɛ̀ Zasua kɔlɛ. Zasua maa tûŋ è tàa-taa ǹɔii tí gwaa kélee.

Nwun mąąɓo 2:18

Yâwɛɛ a kâa Eezuɛ-ŋai láa túɛ-nuu lɛ̀, a tɔ̀ɔ m̀aa nuui pôlu a gɛ́ɛ é díŋuŋ ma ƃó díkpɔara-ƃelai yêei. A kâa tɔ̀ɔ ǹúu láa túɛ-ƃelai ŋí pôlu é lɛ́ɛ la zu díwɔ̂ tãi é kpɛ́ɛ. Yâwɛɛ a kâa kɛ̀ dímalôŋ kâai, kpɛ́ni fêi, da kâa kɛ̀ wɔ̂lɔi m̀a dímɛni sôlii su.

Nwun mąąɓo 6:16

Yâwɛɛ è ŋ̀óo su tòo ǹyɛɛ, “Ya pâi pɔrîi Eezuɛ-ŋai ŋuŋ ma ƃôi, kpɛ́ni fêi, ŋa pâi kɛ̂i ípôlu. Ya pâi Mediɛŋ-ŋai yée mɛi ɣâlei a fii kpɛɛ-pere yɛ̂ɛ surɔŋ tɔnɔ kpéŋ ƃé íkaa ǹókwai.”

Samuɛlə dɔlɔɔ 10:7

M̀ɛni-ŋai ŋí da kɛ̀ a yá, ye m̀ɛnii kélee kɛ́ nyíi pâi kɛ̂i a ǹɛ́lɛɛ ímɛni mai. Ɣâla a pâi kpɔŋ ḿâa tɛɛ̂i ípɔ.