Zakari 9:9 - Bible

⁹ Óo lii-nɛ̃̂ɛ kúla Zãiyɔŋ-loŋ-nɛnii! Óo Zerusâlɛŋ ǹóŋ-nɛnii, láɣi ɣelêi! Gáa, íkâloŋ káa pâi ípɔ! Zã̂ai ƃálo-laa kɛ́ ƃò ǹyêei, ǹíi maa yeŋɔɔ, gɛ́ ƃò seêni wɛlɛ-sôo-loŋ mɛi.

Yálá laawoo hɛɓɛ (dc)

⁹ 'Pili yələi a kwəinɛ̨ɛ̨, Siɔn nɛ̨ɛ̨gbɛla! 'Tómą a kwəinɛ̨ɛ̨, Ɉerusalɛmə nɛ̨ɛ̨gbɛla! Ə́ wɔ tɔɔmun gaa pai ə́ pɔ, dələnmoɔ, ɛlɛɛ, gɔ́ aa nɛ̨ɛ̨ mą, hva nwun dɛ, gaa heeni hvoohvaalən mɛ̨i, hvoohvaalən non mɛ̨i.

Yálá laawoo hɛɓɛ

⁹ 'Pili yələi a kwəinɛ̨ɛ̨, Siɔn nɛ̨ɛ̨gbɛla! 'Tómą a kwəinɛ̨ɛ̨, Ɉerusalɛmə nɛ̨ɛ̨gbɛla! Ə́ wɔ tɔɔmun gaa pai ə́ pɔ, dələnmoɔ, ɛlɛɛ, gɔ́ aa nɛ̨ɛ̨ mą, hva nwun dɛ, gaa heeni hvoohvaalən mɛ̨i, hvoohvaalən non mɛ̨i.

Zakari 9:9 ပူးပေါင်းရင်းမြစ်များ

Tɔɔɓɛlaa dɔlɔɔ 1:38

Nya ƃe Zâla-laa soŋ-nuui Zadɔ, Ɣâla ŋɔlóno kɛ́-nuui Netɔŋ, Zeoaida da ǹóŋ Benaiya, da gâloŋ ŋɔkɔ-kuluƃa-ŋai kɛ̀ gɔlɛi, dí yèŋ dí Saloma kɛ́ é sée gâloŋ Deeƃé ŋɔwɛlɛ-sôoi mɛi é lí la Giƃiyɔŋ.

Mąątɛ̨nɛ̨ 149:2

Tɔɔ Eezuɛ é lii-nɛ̃ɛ kula ŋɔkpɛtɛ-nuui mɛ̂ni ma. Tɔɔ Zãiyɔŋ ǹônii dí lii-nɛ̃ɛ kula Díkâloŋ mɛni ma.

Mąątɛ̨nɛ̨ 2:6

“Ŋâa ŋákâloŋ sée Zãiyɔŋ Yeei ma nyii gáa a ŋáyee maa waai.”

Mąątɛ̨nɛ̨ 45:1

Wóo lɛ́lɛɛ-ŋa da ńii láa fɛ̂ɛ, ŋa kɛ̀ wule toôi gâloŋ ma. Berei kpɔ́ nɔ́ kɔlɔ pɔ̃yɛ-nuu a kɔlɔ-kpáu sìɣe la gbɛtɛɛ kɔlɔ pɔ̃yɛ mɛni mai, bere nɔ́ ƃé ŋ́gbîŋ kpɛtɛ̂ɛi la ŋ̀ulei ŋí too mɛ̂ni ma.

Azaya 12:6

Tɔɔ diai kélee Zãiyɔŋ Yeei mai dí láɣi ɣelêi pere a wule-wôo. Eezuɛ Ŋɔɣâla tɔnɔ maa waai kɛ̂tɛi. Gɛ̂i nɔ́ ƃa ŋɔnûai sáma.”

Azaya 30:6

Ŋ̀orɛ̂-wooi ká ŋí Ɣâla è dɛ̀ɛ é pîlaŋ Zuda lɔii kwára-pere fɛ̃ɛ-kpalaŋ su sua-ŋai dîai: “Diai díkaa a ǹɔii ŋɛ́i-gao-ŋai da tɛ̀ɛ lɔii-ŋuŋ nyɔ́mɔɔ-ŋa su. Ǹɔii ŋuŋ-ŋai ŋí lá-fɛ̂ɛi a yala-sûlu-ŋa, kali nyɔ́mɔɔ-ŋa da ŋ́gɔ-ŋgɔ kali-ŋa. Zuda láa túɛ-ƃela kpaya-kpayai dí díkɔ̃̂liŋ sɔ̃ɔ kpanaŋɔɔ-ŋa pù wɛlɛ-sôo-ŋa da soo-fáleŋ-ŋa pôlu dí lí a dia lɔii ŋuŋ da su-ƃela pɔ́ a sama-sã̂a nyíi-ŋai dífa pɔ̂ri kpɔŋ mâa da sɔlɔ ƃôi díyêei.

Azaya 33:22

Yâwɛɛ ƃa kúkâloŋ da kúmɛni ŋá-tee nuui. Ǹyaa ƃé a tɔ̂ŋ kpɛ̀tɛ kúmɛni ma. A pâi kúŋuŋ ma ƃôi.

Azaya 40:9

Zerusâlɛŋ, ímu-siɣe, ítɛ ǹyée tɔ̂ɔ kɛ́tɛi tôŋ su, í dùŋ lɛ́lɛɛi ƃó naa! Zãiyɔŋ, ye tóli ƃó naa a ɣelêi pere. Dùŋ lɛ́lɛɛi maa tûŋ too naa. Íwoo tɛ́ ɣelêi, ífe yào. M̀ó Zuda taa-ŋai dîa a gɛ́ɛ Díɣâlai káa pâi.

Azaya 43:11

“Ńyãa nɔ́ ƃa Yâwɛɛ. Ńyãa nɔ́ ƃa kákula yêei kɛ̀ kákpɔara-ƃelai yêei.

Azaya 43:3

Ńyãa ƃa Káɣâlai Yâwɛɛ. Ńyãa ƃa Eezuɛ Ŋɔɣâlai Maa Waai. Ńyãa ƃa kákula yêei kɛ́ Ɣalai. Ŋa pâi Ize-ŋai tɛɛ̂i a fela-fêi kápɔɔ ŋá. Ŋa pâi kámaa fálenîi a Itiopia da Seƃa-ƃelai.

Azaya 45:21

Ka lɛɣɛ a kákîe, ka kámɛni-ŋai pú gîe ma, ká pá a dia mɛni sâa ƃó kwaai ma. Diai pâi tɔɔ̂i kámɛni mai, dí díwoo ŋá lɛ́ díkîe ni dîa. Gbɛ̂ɛ ƃa m̀ɛnii ƃò kâa pâi kɛ̂i tínaa tuɛ-perei? Gbɛ̂ɛ ƃé wɔ́lɔ m̀ɛnii ŋí ƃò kâa ɣele kûu kpɛ́-kpɛ̂ɛ tɛɛ pôlu mai? Ńyãa Yâwɛɛ nyíi gáa a Ɣâla nyíi ŋɔnûai ŋuŋ ma ƃòi, fé m̀o ní kâa? Ŋ́gaa a teniŋ ƃô Ɣala. Ɣâla da kpɛ́ni fé naa é kúla ḿbôlu.

Azaya 52:7

Ka gáa, gáa a mɛni lɛ́lɛɛ a gɛɛ í lii-sêe tuŋ ƃó-nuu káa gɛ́ kùla ǹyée-ŋai su. A pâi a lii-see maa tûŋ lɛ́lɛɛ. A m̀ôi Zãiyɔŋ-ƃelai dîa ǹyɛɛi, “Káɣâlai ƃa gâloŋ.”

Azaya 57:15

“Ŋ́gaa a Ŋ̀âlai nyíi dɛ̂ɛi ɣelêi wɔ́lɔ-wɔlɔ da wɔ́lɔ-wɔlɔi, nyíi ǹáa maa waai. Ŋ́gaa ɣele ma wɔ́lɔ-wɔlɔ da wɔlɔ-wɔlɔ. Ŋ́gɛ̂i káa ŋ̀elêi su póŋ-poŋ gwaa maa waai ma. Kɛ́lɛ ŋ́gaa diai sáma dímaa yeŋɔɔi, díkɛ dílii maa fâleŋ a gɛ́ɛ ŋá dílaa-laai, da díkili-kɛ-zui su-kpanaŋ.

Azaya 62:11

a gɛɛ Yâwɛɛ a môi ŋ̀éniɛi m̀éla kélee ma-ƃela dîa ǹyɛɛi, “Ka m̀ó Zerusâlɛŋ-ƃelai dîa a gɛ́ɛ Yâwɛɛ a pâi a gɛɛ é káŋuŋ ma ƃó. A pâi a diai é díŋuŋ ma ƃoi.”

Ɉeremi 30:9

À kɛ̀ tí, gɛ̀ ní da pâi kɛ̂i tíi kɛ̂i ḿî, ńyãai ŋ́gaa a Yâwɛɛ nyíi gáa a Díɣâlai. Da pâi kɛ̂i tíi kɛ̂i Deeƃé ŋɔsuui mî nyíi ŋa pâi gɛ̂i a díkâloŋ.

Izikiɛ 21:32

Ŋɔŋ a pâi ká kérenîi. Ka pâi saâi ká kpɔ́ɔi lɔii su. Kákili fé pâi lɛɛ̂i núu da ŋá.’ ” Ńyãai a Yâwɛɛi ńyãa ƃé mò tí.

Osia 1:7

Kɛ́lɛ ŋa pâi Zuda ŋɔnûai malôŋ kâai. Ŋa pâi díkula-yêei kɛ̂i Ńyãai a Yâwɛɛ Díɣâlai. Fé pâi díkula yêei kɛ̂i a kerâŋ, ƃóa-sɔ̂kpɔ, kɔ́kɔ-soo-ŋa, kpaa máŋ a soo-kɔ kɔ́-ƃela.”

Mise 4:8

Ǹyaŋ yá Zerusâlɛŋ, ƃɛ́i Ɣâla káa naa yɛ̂ɛ ƃála mɛi káa-nuu gɛ́ ŋɔƃála-ŋai mɛi kâai, ŋa pâi ŋɔ́nɔ íkɛ̂i a ŋátaa-lêei yɛ̂ɛ berei íkɛ̀ lai.

Mise 5:2

Yâwɛɛ è mò ǹyɛɛi, “Óo Bɛpeleɣɛ̃ɛ Ɛfata, yáai Ifiraŋ lɔii-kpiniŋ sui, íkaa a daa kuro-tei dɔnɔ Zuda taa-ŋai sáma, kɛ́lɛ ǹaa ƃé ǹúu-ŋuŋ túɛ-nuui a pâi kulâi naa Eezuɛ mɛni ma nyii ŋɔnûa pɔlɔ-ŋai dísuu kɔ́ɔ a wɔ́lɔ pìlaŋ kpɔ́ a tãi su kôyai.”

Zakari 2:10

Yâwɛɛ è mò ǹyɛɛ, “Ka wule tóo a lii-nɛ̃̂ɛ káai a Zerusâlɛŋ-ƃelai! Ŋa pâi a gɛɛ kwa kâa-ni kú kɛ́ kwaa tɔ̂nɔ ma!”

Maafîu 1:21

Ǹyaŋ a pâi lóŋ-surɔŋ maa sɔlɔ ƃôi, nyii ya pâi ǹáa seêi a Zîsɛ, kpɛ́ni fêi, a pâi ŋɔnûai ƃâloi dísɔnyɔ̂ŋ yêei.”

Maafîu 11:29

Ka ŋákpîrii sìɣe ka ḿaa-mɛni maa kɔ́ri, kpɛ́ni fêi, ḿaa yeŋɔɔ̂i, ńii maa yeŋɔɔ. Gɛ̀ ní, ka pâi fii-tɔɔ sɔlɔ ƃôi kámɔ̂leŋ su.

Maafîu 2:2

“Zûu-ŋai díkâloŋ nyii dímaa sɔlɔ ƃó ƃɛ́ a ninai ǹyaa kɔ̀ɔ? Kpɛ́ni fêi, ku ŋɔpɛmɛlɛ̂ŋ-kaoi kâa kúlɔii-su vóloi-ƃelai-pere. Nya ƃe kú pà a gɛɛ kúƃaa-kɛ-maa tɛ́ɛ ƃɔ́.”

Markə 11:7

Nya ƃe dí lì a ŋ̀wɛlɛ-sôo-loŋ Zîsɛ pɔ́, dí díseɣe-ŋai pɛ́lɛ m̀ɛi, Zîsɛ é sée bôlu.

Lukə 24:27

Nya ƃe, é síɣe Mose ma da Ɣâla ŋɔlóno-kɛ-ƃelai kélee, mɛnii Ŋ̀âla-kɔlɔi su e pîlaŋ gbîŋ mai, e zu-kulai lɛ̀ dîa.

Ɉaan 1:49

Natɛnia e zu tòo, e m̀o ma, “Kaamɔ̂ɔ, íkaa a Ɣâla Ǹóŋ! Íkaa Eezuɛ Ŋɔkâloŋ!”

Ɉaan 19:15

Dí làɣi, dîyɛɛi, “Ka lí la, ka lí la, ka gbamo saa-wuru ma!” Pâle e mò dîa, ǹyɛɛi, “Ŋá kákâloŋ kpamo saa-wuru ma?” Zâla láa soŋ-ƃela kpaya-kpayai dîyɛɛ ma, “Kâloŋ da kpɛni fe kúyêei fɛ̂ɛ Gâloŋ Siizɛ.”

Nwun mąąɓo 10:4

Zaii ǹônii-sinaai díkɛ̀ buu saaƃa. Wɛlɛ-soo buu saaƃa è kɛ̀ díyêei nyii-ŋai da kâa kɛ̀ dísiâi. Díkɛ̀ taa lêe buu saaƃa láa túɛ Gilia lɔii kpiniŋ su. Dí daa lee-ŋai ŋí láa sèe a Zaii ŋɔtaai. Ǹyaŋ dílaa ká tí é tóo sâa ma.