Zakari 3:4 - Bible

⁴ Ŋ̀âla-taa-kelai è mo diai dîa dí kɛ̀ tɔɔ̂ni gɔlɛi ǹyɛɛi, “Ka zeɣe lîƃii kúla nalôŋ ŋí ma.” È kɛ̀ tí è mò Zasua ma ǹyɛɛi, “Ŋa ísɔnyɔ̂ŋ kúla yâ ǹyaŋ ŋa pâi seɣe nîna tɛɛ̂i ípɔ í doo yâ.”

Yálá laawoo hɛɓɛ (dc)

⁴ Nuąi kɛ tɔɔni niila, yɛ diɛ: 'Ka nwɔ həɠə mąąliɓɛɛ tii kulɔ gwąną. Yili pulu, yɛ Ɉosue ɓa: «Yáá gaa, ŋą́ą́ ə́ wɔ nɛ̨ŋɛ̨nŋaai kulɔ yɛ́, di kaa pai hɛli həɠə tooi ə́ kwąną.»

Yálá laawoo hɛɓɛ

⁴ Nuąi kɛ tɔɔni niila, yɛ diɛ: 'Ka nwɔ həɠə mąąliɓɛɛ tii kulɔ gwąną. Yili pulu, yɛ Ɉosue ɓa: «Yáá gaa, ŋą́ą́ ə́ wɔ nɛ̨ŋɛ̨nŋaai kulɔ yɛ́, di kaa pai hɛli həɠə tooi ə́ kwąną.»

Zakari 3:4 ပူးပေါင်းရင်းမြစ်များ

Samia Veerɛi 12:13

Deeƃé ǹyɛɛ Netaŋ mai, “Ŋaâ sɔnyɔ̂ŋ kɛ́ Yâwɛɛ ŋɛ́i túɛ” Netaŋ ǹyɛɛ m̀ai, “Yâwɛɛ aâ ísu mɛni lɛɛ ísɔnyɔ̂ŋ mɛni ma. Ífe pâi saâi.

Tɔɔɓɛlaa dɔlɔɔ 22:19

Mikâya è lì tuɛ a ŋ̀óo “M̀ɛni ma Yâwɛɛ wóo mɛni: Ŋá Yâwɛɛ kàa seeni ŋɔkâloŋ see-sɛŋ ŋá ŋ̀âla-taa kela-ŋai kélee kɛ́ ƃò tɔɔni dí tínaŋɔɔ ma ǹáa-mii-yee mɛi-pere da gɔɔ-yee mɛi-pere.

Mąątɛ̨nɛ̨ 51:9

Ŋásɔnyɔ̂ŋ-ŋai su mɛ̂ni lɛɛ, í ŋá ŋwana-lɔ̂ɔ-tuai wáa ḿâ.

Azaya 43:25

Ŋ́gaa a Ɣâla. Ńyãa ƃa núu su-mɛni lɛ̀ɛ. Ŋa gɛ̀ tí, kpɛ́ni fêi, ŋ́gaa a ńyãa Ɣâla. Ŋa pâi ísu-mɛni lɛɛ̂i zɔnyɔ̂ŋ-ŋai ya gɛ́i m̀ɛni ma.

Azaya 44:22

Ŋá kásu mɛni lɛ̀ɛ kásɔnyɔ̂ŋ kélee mɛni ma yɛ̂ɛ lúu a tàa. Ka pá ḿbɔ. Ńyãa ƃa káŋuŋ ma ƃó nuui.”

Azaya 52:1

Ka káŋɛi lá ƃó, ká kámu-siɣe, kákponôi é kpanáŋ, óo Zerusâlɛŋ-ƃela. Káai a Ɣâla ŋɔtaa-lêe maa waai su-ƃelai, ka kámaa ɣíri a káseɣe lɛ́lɛɛ-ŋai. Ŋ̀ɔ̃ya-ŋai ká taa-lêei su kàrai, da fé pâi ŋɔ́nɔ tɛ̂i kátaai su.

Azaya 61:10

M̀ɛnii Yâwɛɛ è gɛ̀i Zerusâlɛŋ a m̀aa koi-nɛ̃ɛ kula. Zerusâlɛŋ a m̀aa ɣíri yɛ̂ɛ nɛnî ƃé liî surɔ̂ŋ kulâi. Ɣâla a Zerusâlɛŋ m̀aa ɣíri a ƃálo-laa da yee-tɛɛ maa lâa.

Azaya 61:3

Diai díkaa maloŋ tôo maa su Zãiyɔŋ, ŋá pâi díŋa-nɛnɛ̂i. Ŋa pâi kâloŋ ƃɔrɔ lɛ́lɛɛ seêi díŋûa luu pɔ́ɔ ŋá. Ŋa pâi wúlɔ pûi díŋûa lii-nɛ̃ɛ kɛ́ ƃò dîa dífa ŋɔ́nɔ malôŋ see ƃò. Ŋa pâi gɛ̂i nûa díkɛ dílaa ma yɛ̂ɛ núu a yokpo tòo ma. Ŋa pâi ǹii-too pôlu mɔleŋ kulâi díkponôi. Da pâi dítôlii a teniŋ ƃô wuru-ŋa nyii Yâwɛɛ ǹyaa kpîŋ è zì a gɛ́ɛ nûa díkɛ ǹáa màa tɛ̀.

Ɉeremi 52:33

M̀ɛni ma, è gɛ̀ Zɛoasiŋ è ŋɔkpini-pɛrɛ mu-seɣei kúla m̀a da Babelɔŋ kaloŋ dí kɛ̀ dílaa m̀ii kwaa tɔnɔ ma é lɛ́ɛ la zu é seri ŋɔkɛ-ɣéniɛi kɔ̃́yɛŋ ma.

Izikiɛ 36:25

Ŋa pâi yá lɛ́lɛɛ kpɛmɛnîi kâa. À kɛ̀ tí, gɛ̀ ní ka pâi kɛ̂i a ká maa-waa. Gɛ̀ ní, ŋa pâi ńyee seêi ká mu. Ŋa pâi ká maa wâai ŋa ká kúla m̀ɛni nyɔ́mɔɔ-ŋai su nyii-ŋai gɛ̀ ká maa fé waa nii. Ŋa pâi ká maa wâai ŋa ká kúla ŋ̀âla da kpɛ́ni-ŋai fɛli mɛ̂ni-ŋai su.

Izikiɛ 42:14

Tãi zâla láa-soŋ-ƃelai da kpɛ̂ɛ la a tíi kɛ́ɛ Yâwɛɛ ŋɛ́i-tuɛ, da kɛ̀ ŋ̀wɛ̂li a gɛɛ dí lí ǹûai pɔ́ naa banaŋ mâ, fɛ̂ɛ dí díseɣe maa-waa-ŋai lɛ́ɛ gwaai ŋí ma dílɛɛ pâi kulâi ǹûai pɔ́ naa. Gáa a sɛŋ dí seɣe da kpɛ́ni-ŋa tòo dîa dílɛɛ pâi lɛɣɛ̂i a ǹûai.”

Mise 7:18

Óo Yâwɛɛ, Ɣâla da kpɛ́ni kélee fé naa yɛ̂ɛ ƃía. Ƃa ínûai su-mɛni lɛ̀ɛ nyii-ŋai díkaa nîi ɣele mai. Ífa ílii ŋwànaa wɔ́lɔ-wɔlɔ da wɔlɔ-wɔlɔ, kɛ́lɛ ƃa íwɔlɔ-wɔlɔ da wɔlɔ-wɔlɔ wɛli-kɛ-maai lɛ̀ a lii lâa.

Mise 7:19

Ya pâi ŋɔ́nɔ kúmalâŋ kâai. Ya pâi ƃɔ́rɔnîi kúsɔnyɔ̂ŋ-ŋai dîa í dípili Yúo káo ma.

Zakari 3:1

Yâwɛɛ è zâla láa-soŋ-nuu kɛ́tɛi Zasua lɛ̀ ḿâ. È kɛ̀ tɔɔ̂ni Ŋ̀âla-taa-kelai kɔlɛ. Nya ƃe Sêtɔŋ è kɛ̀ tɔɔ̂ni Zasua kɔlɛ gɛ́ zɔŋ kɔ̂ri.

Zakari 3:7

a gɛɛ Ŋ̀wála-wâla kélee Yâwɛɛ ǹyɛɛi, “A kɛ̀ ƃà ŋátɔ̂ŋ-ŋai mɛi kâa í díi-ŋai kɛ́ nyii ŋá dɛ̀ɛ ípɔi, gɛ̀ ní ƃa pâi kɛ̂i nɔ́ Ŋápɛrɛi ŋuŋ túɛ da Ŋápɛrɛi ŋɔmɛni-sâa ƃó-kɛre-ŋai, ǹyaŋ ŋa pâi ífɛli-wôo-ŋai mɛnîi yɛ̂ɛ berei nɔ́ ŋa ŋ̀âla-taa-kela-ŋai wóo mɛni la díkaa ŋ́gɔlɛ mai.

Zakari 3:9

Gɔnii ŋaâ ǹáa Zasua ŋɛ́i nyii pɔ́ɔ lɔ́ɔlu mɛi feerɛ káa mai, ŋa pâi sɛŋ da pɔ̃yɛ̂i ma a ǹɛ́lɛɛ, ǹyaŋ fólo tɔnɔ yée mu ŋa pâi ǹɔii ŋí ŋɔsɔnyɔ̂ŋ kulâi ma.

Maafîu 22:11

“Kɛ́lɛ, tãi gâloŋ è lɔ̀ la a gɛɛ é ŋɔ̃yâ-ŋai káai, è nalôŋ tɔnɔ kàa nyii ǹɛnî-kula-kuui su-seɣe da fé kɛ́ ní mai.

Lukə 1:19

Nya ƃe Ŋ̀âla-taa-kelai e zu tòo, ǹyɛɛi, “Ńyãa ƃa Geeƃɔlɔ nyii a tɔ̂ɔ Ɣâla ŋɛi. Dí ńdɛ̀ɛ a gɛɛ ŋa lono ípɔ a gɛɛ ŋá pá a Duŋ Lɛ́lɛɛi ŋí ípɔ.

Lukə 15:22

Kɛ́lɛ, ǹâŋ e mò ǹyée-mu-ƃelai dîa, ǹyɛɛi, ‘Ka pá a ǹyokpoi ǹɛ́lɛɛi a maa felaa, ka doo gɔŋ ma; ka gbono too ǹyée ma, ka kɔlɔ lɔ gɔ́ɔ ŋá;

Ɉaan 1:29

Bôlu ma-ɣelei Zɔ̂ŋ e Zîsɛ kàa, gɛ pa bɔ-pere. E mò, ǹyɛɛi, “Ka Ɣâla Ŋɔƃála-loŋ káa, nyii a ǹɔii ŋɔsɔnyɔ̂ŋ sìɣei!

Lomaŋ 3:22

Ɣâla a núu sìɣe a tɔ̃yâ nuu ŋɔlaa-lai mɛni ma Zîsɛ Kôrai sârai. Va su-ɣɛɛ kɛ̀.

Lomaŋ 6:23

Sɔnyɔ̂ŋ fela-fei ƃa saa. Kɛ́lɛ, Ɣâla ŋɔƃɛlɛ-sêe sama-sɛŋ ƃa ŋ̀wɔ́lɔ-wɔlɔ fulu-laai Kúnuu-namui Zîsɛ Kôrai kponôi.

Korɛntə dɔlɔɔ 6:11

Ǹyaŋ bere ƃe kata-ni ká kɛ̀ la. Kɛ́lɛ, dí kámaa waa, dí kálɛ, dí kákɛ a tɔ̃yâ-ƃela Kúnuu-namui Zîsɛ Kôrai láai su da Kúɣâlai Ŋɔmɔ̂leŋ.

Korɛntə veelɛ 5:21

Kpɛ́ni fêi, Kôrai nyíi ve kɛ́ ni a sɔnyɔ̂ŋ kɔ́lɔŋɔɔ̂i, Ɣâla e sɔnyɔ̂ŋ pu mà kúmɛni ma a gɛ́ɛ ku kɛ́ a ǹyaa Ɣâla ŋɔtɔ̃yâ-ƃela Kôrai kponôi.

Kolosə 3:10

ka kátûa-pere nina-ŋai siɣe nyíi gbɛtɛɛ̂i a nina, yɛ̂ɛ zɛŋ kélee kpɛtɛ-Ɣalai tua-pere káa lai, a gɛ́ɛ ka gɔ́lɔŋ a ǹɛ́lɛɛ.

Hebreu 8:12

Kpɛ́ni fêi, malôŋ a pâi toôi mâ díŋwana-lɔ̂ɔi mɛni ma, ŋá nia dísɔnyɔ̂ŋ ma.”

M̀ɛni-lɛɛi 5:11

Ŋá nàa kàa, ŋa ɣâla-taa-kela támaa wóo mɛni dítinaŋɔɔ gâloŋ-see-sɛŋ kɔlɛ ma da vúlu-sãai é pɛlɛ ǹúu-pɔlɔ-ŋai dîa. Díkelee dí kɛ̀ a wála puu támaa seêi wála puu támaa da wála támaa seêi wála támaa.

M̀ɛni-lɛɛi 7:14

Ŋá mò mà, nyɛɛi, “Ńâŋ, í gɔlɔŋ.” Nya ƃe è mò mà, nyɛɛi, “Diai dí kùla mɛni-kpɔ̂lu kɛ́tɛi sui, dia ká ŋí. Da díyokpo-ŋai wáa da díkole M̀ála-loŋ ŋãai su.