Zakari 2:9 - Bible

⁹ “Yâwɛɛ ǹyaa kpîŋ a pâi kɔ̂i kápɔ, ǹyaŋ ka pâi kɛ̂i ǹûai mu diai dí kɛ̀ kámu a luɛ-ŋai.” M̀ɛnii ŋí à gbàa kɛ́, ǹúui kélee da pâi gɔ́lɔnîi a gɛɛ Ŋ̀wála-wâla kélee Yâwɛɛ ƃé ńdɛ̀ɛ.

Yálá laawoo hɛɓɛ (dc)

⁹ Ɛlɛɛ, ɲą́ą́n Gáá pai kɛi laa, ŋą́ ɓo a nwɔ̨n, gɛ́ daa mąąkpɛ. Yai-Laa woo li; ɛlɛɛ gɛ́ kɛ a Ɉerusalɛmə nįį.›»

Yálá laawoo hɛɓɛ

⁹ Ɛlɛɛ, ɲą́ą́n Gáá pai kɛi laa, ŋą́ ɓo a nwɔ̨n, gɛ́ daa mąąkpɛ. Yai-Laa woo li; ɛlɛɛ gɛ́ kɛ a Ɉerusalɛmə nįį.›»

Zakari 2:9 ပူးပေါင်းရင်းမြစ်များ

Azaya 10:32

Sâa foloi ŋí mu, gɔ-kûluƃa-ŋai díkaa Nɔ̂ɔ taa-leei su. Da díkpîŋ kpɛtɛ̂i a gɛɛ dí kɔ́ pɛ́lɛ Zãiyɔŋ Yeei ma nyíi gáa a Zerusâlɛŋ Yeei.

Azaya 11:15

Yâwɛɛ a pâi gɛ̂i Ǹyúo-kpɔ̂lu é kpála Ize. A pâi gɛ̂i fãa su kpanaŋɔɔ é Yufeletii Ya-leei su-tée-têe a ya-ɣɛli pɛlɛɛ lɔ́ɔlu mɛi-feerɛ nyii núu a pɔ̂ri díyenîi gɔ́ɔ ŋai.

Azaya 12:6

Tɔɔ diai kélee Zãiyɔŋ Yeei mai dí láɣi ɣelêi pere a wule-wôo. Eezuɛ Ŋɔɣâla tɔnɔ maa waai kɛ̂tɛi. Gɛ̂i nɔ́ ƃa ŋɔnûai sáma.”

Azaya 13:2

Ƃenâ tɛ́ ɣelêi ǹyéei tôŋ su nyii kala fa kpɛ̂tɛ mai a ŋɛi-kɛ-maa gɔ́ kɔ́-ƃelai mɛ̂ni ma! M̀ó dîa ɣelêi pere a gɛɛ dí ǹyoŋka taa-leei ŋɔsiɣãŋ-ŋai lá sóŋ.

Azaya 14:2

Lɔii-ŋuŋ támaa su-ƃela da pâi kpɔŋ mâa tɛɛ̂i Eezuɛ-ŋai pɔ́ a gɛɛ dí pá pôlu díkaa lɔii su nyii Yâwɛɛ è dɛ̀ɛ dípɔi. Diai wɔ́lɔ Eezuɛ-ŋai sôŋ a luɛ-ŋai, Eezuɛ-ŋai dia máŋ da pâi dílônii sonîi a luɛ-ŋa.

Azaya 19:16

Yâwɛɛ a pâi Ize-ƃelai kula maa kɛ̂i. Maa tãi tí a sèri, a pâi gɛ̂i ǹɔii gwaa kélee é kpɛ̃lîŋ. À kɛ̀ tí, Ize-ƃelai da pâi yaôi a ŋ̀ánaa díkɛ kpɛ̃liŋ yɛ̂ɛ nɛyâa.

Azaya 26:1

Ɣele da a pâi pâi nûa da pâi kɛ̂i ŋ̀ulei ŋí toôi Zuda lɔii su: Kútaa-lêei wála-wâlai! Ɣâla ǹyaa kpîŋ ƃa ŋɔsiɣãŋ maa kɔ̃̂ɔ.

Azaya 33:1

Kpalo-ƃêlai kâa, káai kákaa a kúkpɔara-ƃelai. Kaâ kákɔlɛ ma-ƃelai kélee su-kara, kákɛ ƃò ɣele ma. Kɛ́lɛ káwala-walai kpɛɛ-ŋa ɣelei a pâi. Kákpɔara-ƃelai da pâi kákîrii, dí kápaa.

Azaya 33:21

Ǹaa ƃé Yâwɛɛ ŋɔwála-wala laai a pâi kɛ̂i a dínaŋɔɔ naa kûa yɛ̂ɛ ya-lêe. Ǹyaŋ wála-wala-laa da fé pâi kɛ̂i ŋwana-lɔ̂ɔ nuu da yêei ǹyá-lêei ŋí tíyeŋ mɛ̂ni ma.

Azaya 33:23

Kúkpɔara-ƃelai dímɛni kpɛtɛ́ɛi kélee a pâi lɛɛ̂i nɔ́ kpɛ́ni-kpɛni. Kwa pâi dítɔɔ-sãai kélee kulâi díyêei. Dɔ̀ɔ-sãai ŋí a pâi kɛ̂i a zu-kɛ́tɛ nyíi kwa pâi kpîŋ da tɛɛ̂i diai pɔ́ díkɔɔ púɔɔi.

Azaya 4:5

À kɛ̀ tí, Yâwɛɛ a pâi Zãiyɔŋ Yeei da ǹûai kélee díkaa naai dí mɛi pɛlɛ̂i a ɣele-kɔ̂lɔŋ kole a fólo ŋá. É gɛ́ ŋɔŋ leŋ da luri kɛ́ ƃò naa dí mɛi a gbínii. Ɣâla ŋɔfólo-laai a pâi kɛ̂i ḿɛi gɛ́ daa-lêei gwaa kélee maa kɔ̃ɔ.

Azaya 48:16

“M̀ɛni ma, ka lɛɣɛ a ńyãa ká káwoli tɔ́ɔ m̀ɛnii ma ŋa pâi m̀ôi kâai. Fé m̀ɛni-ŋai ŋí da ƃó ní kâa loo perei a gɔ́ɔ pîlanii. M̀ɛni-ŋai kélee ŋa m̀ôi gáa a tɔ̃yâ.” Ǹuu-namui Yâwɛɛ a ŋɔmɔ̂leŋ pú ŋ́gbonôi a ńdɛɛ.

Azaya 60:18

Núu da fé ŋɔ́nɔ pâi mɛni su kara mɛ̂ni da kɛ̂i kálɔii ma yɛ̂ɛ berei da kâa gɛ̀ lai. Núu da fé ŋɔ́nɔ pâi kálɔii su karâi. Ŋa pâi ká mɛi kâai, ŋá ká maa kɔ̃́ɔ yɛ̂ɛ siɣãŋ. Ya pâi ńaa maa tɛ̂i kpɛ́ni fêi, ŋa íŋuŋ mâ ƃò.

Azaya 60:19

“Vóloi fé ŋɔ́nɔ pâi kɛ̂i a íkwaa ponoɔɔi a ɣele-ƃɔ́ɔ, kpaa máŋ ŋáloŋ é kɛ́ a íkwaa ponoɔɔ a kpíni. Ńyãa Yâwɛɛ ƃé pâi kɛ̂i a íwɔlɔ-wɔlɔ kwaa ponoɔɔi. Ŋáfolo-laai ŋɔkwaa ponoɔɔi a pâi kɛ̂i fôloi yá.

Ɉeremi 27:7

Ǹɔii-ŋuŋ-ŋai kélee da pâi tíi kɛ̂i Nɛbukinaza da ǹônii díwɔ̂ lònii dîɛ. À kɛ̀ tí, tãi a pâi pâi a gɛɛ núu da é Babelɔŋ yée mɛi ɣále. À kɛ̀ tí, lɔii-ŋuŋ támaa da kâloŋ kpaya-kpaya támaa da pâi Babelɔŋ kɛ̂i a díyee ŋá-ƃela.

Ɉeremi 28:9

Kɛ́lɛ à kɛ̀ Ɣâla ŋɔlóno kɛ́-nuu da a sâa mò a gɛɛ kwa pâi kɛ̂i lii-see su, à kɛ̀ ŋ̀óo a kɛ̀ a tɔ̃yâ, gɛ̀ ní da pâi maa ɣâla-woo ƃó ǹúui tí siɣêi a Yâwɛɛ ŋɔlóno kɛ́ núu kpîŋ.”

Ɉeremi 8:19

Ka káwoli tɔ́ɔ! Ŋa ŋánûai wɔ́lɔ-woo mɛnîi ǹɔii gwaa kélee. Ǹûai da mare kɛ̂ɛ kɛ̂i dîyɛɛi, “Yâwɛɛ fé ŋɔ́nɔ Zãiyɔŋ? Zãiyɔŋ ŋɔkâloŋ fé ŋɔ́nɔ naa?” Yâwɛɛ è mò ǹyɛɛi, “Lé mɛni ƃé da ńii ŋwânai la a díɣâla pɔɔkɔŋ-ŋai é pɛ́lɛ díɣâla da kpɛ́ni-ŋai diai?”

Izikiɛ 39:10

Dífe pâi liî ǹɔɔi su a gɛɛ dí kɔi síɣe kpaa máŋ dí li ǹɔɔi su dí kɔi tée. Kpɛ́ni fêi da pâi kɛ̂i gɔkɔ-sãai kérenîi a kɔi. Da pâi toôi ǹûai dîa nyii-ŋai tòo dîai. Ǹûai wɔ́lɔ Eezuɛ-ŋai kɔ̃liŋ siɣei, Eezuɛ-ŋai dia máŋ da pâi díkɔ̃liŋ siɣêi.” Ŋ̀wála-wâla kélee Yaaɛi ƃé mò tí.

Zooɛ 2:27

Ka pâi gɔ̂lɔnii a gɛɛ ŋ́gaa Eezuɛ lɔii sáma, ŋ́gɛ ƃò a Yâwɛɛ nyii gáa a Káɣâlai, ǹyaŋ ɣâla da kpɛ́ni kélee fé naa é kúla ḿbôlu. Ŋánûai dífe pâi ŋɔ́nɔ wɔ́lɔ ŋumɛ sɔlɔ ƃôi.

Habakukə 2:17

Ŋ̀wana-lɔ̂ɔ tuai í gɛ̀ Lɛƃanɔŋ lɔii sui, a pâi pâi pôlu ípɔ. Zua-ŋai kélee í ƃàai, da pâi pâi dí ímaa yáo. Nyíŋi a pâi kɛ̂i kpɛ́ni fêi ƃa núu támaa páa, ǹyaŋ kpɛ́ni fêi ƃa mɛni nyɔ́mɔɔ támaa kɛ́ a ǹûai dítaa-lêe-ŋai su, da dílɔii-ŋûŋ ŋai su.

Habakukə 2:8

Ƃa lɔii-ŋûŋ támaa su-sãa siɣe. Diai lɛ̂ɛ pôlui, da pâi í wɔ̂i siɣêi a wála-wâla kpɛ́ni fêi, ƃa mɛni nyɔ́mɔɔ támaa kɛ́, ƃa núu támaa páa ǹɔii su da diai díkaa daa kpaya-kpaya-ŋai sui.

Sofoni 2:9

Nya ƃe Ŋ̀wála-wâla kélee Ɣalai, Eezuɛ-ŋai Díɣâlai è vòo ǹyɛɛi, “Tɔ̃yâ kpîŋ ma, tãi nɔ́ ŋ́gaa la ɣele mai, Môa a pâi kɛ̂i yɛ̂ɛ Sodɔŋ, Amɔŋ-ŋai da pâi kɛ̂i yɛ̂ɛi Gomora, ŋalêŋ kpɔlɔ a pâi kɛ̂i naa da fɛ̃ɛ-kpâlaŋ tee-tee yɛ̂ɛ ƃɛ́i da mii-kpolo kula naai. Ŋánûai nyii-ŋai lɛ̂ɛ a dífului, da pâi ǹaa yée mɛi ɣâlei, dí dísãâi kúla díyêei, dí sée dílɔii ma.”

Sofoni 3:15

Yâwɛɛ a kátɔŋ-kpɛ́ maai síɣe pôlu, a kakpɔara-ƃelai kélee su kara. Eezuɛ ŋɔkâloŋ Yâwɛɛ káa ká kɔlɛ ma. Káfe ŋɔ́nɔ yòo.

Zakari 2:11

Maa tãi tí su lɔii-ŋûŋ támaa da pâi pâi Yâwɛɛ pɔ́ dí kɛ́ a ŋɔnûa. A pâi kɛ̂i kúsama, ǹyaŋ ka pâi gɔ́lɔnîi a gɛɛ ǹyaa ƃé ńdɛ̀ɛ kápɔ-naa.

Zakari 2:8

Núu da kélee a kálòkwa, a zɛŋ lókwa nyii m̀ɛni kpanaŋɔ̂ɔi ḿâi.” M̀ɛni ma, Ŋ̀wála-wâla kélee Yâwɛɛ a ńdɛɛ a gɛɛ ŋá ŋ̀orɛ̂-wooi ŋí ƃó ǹɔii-ŋûŋ-ŋai dîa diai da ŋúma kɛ́ ŋɔnûai dîai:

Zakari 4:9

Zɛrubabɛɛ yée ƃé bɛ́rɛi ŋí kɔ́ɔ pìlaŋ. Ǹyaŋ ǹyée nɔ́ ƃé pâi gbɛɛ̂i. À kɛ̀ tí ƃa pâi gɔ́lɔnîi a gɛɛ Yâwɛɛ ƃé ńdɛ̀ɛ kápɔ naa.

Zakari 6:15

Diai díkaa kwaa kôya mai, da pâi pâi dí kpɔŋ-mâa kɛ́ Ŋ̀âla-pɛrɛi tɔɔ mɛ̂ni ma. Ǹyaŋ ka pâi gɔ́lɔnîi a gɛɛ Ŋ̀wála kélee Yâwɛɛ ƃé ńdɛ̀ɛ kápɔ naa. A pâi kɛ̂i à kɛ̀ kà m̀ɛnii kɛ̀ Yâwɛɛ Káɣâlai a mò kâai.

Zakari 9:15

Ŋ̀wála-wâla kélee Yâwɛɛ a pâi dímaa kɔ̃ɔ̂i, ǹyaŋ da pâi díkpɔara-ƃelai paâi. Ǹyaŋ da pâi ǹûai ŋãa kpelêi yɛ̂ɛ ŋwã̂ai, dílaa é fɛ́ɛ yɛ̂ɛ kawúlu, dímaa é yɔɔ yɛ̂ɛ berei ŋ̀âla-teƃelei zônoŋ su-ŋai díkaa lai.

Ɉaan 13:19

Ŋa nyiŋi ƃôi kâa nâa, é lɛ́ɛ pâi kɛ̂i, a gɛɛ tãi à kɛ̀ lai, ká láa la a gɛɛ ńyãa ƃa ǹyaa.

Ɉaan 16:4

Kɛ́lɛ, ŋa nyiŋi ƃó kâa a gɛɛ dítãi à pà, é tóo kákili ŋá a gɛɛ ŋá nyiŋi ƃò kâa. “Fe mɛni-ŋai ŋi ƃo ni kâa a maa-ŋuŋ. Kpɛ́ni fêi, ŋá kɛ̀ kákɔlɛ.