Zakari 10:4 - Bible

⁴ Bɛ́rɛi zônoŋ-su-kɔni a pâi kulâi dísama, kêre-pîlaŋ-wuru da kɔ́kɔ́-keraŋ, núu-mɛi-ƃela kélee da pâi kulâi dísama.

Yálá laawoo hɛɓɛ (dc)

⁴ Ɉuda huwu hu ɓə bɛlɛ́ hvilɛn gwɛni kaa pai kulɔi laa, da ɉəɠə pɛlɛ́ hvilɛn nwulu, da gɔ-kɔ kilɛn. Nąą ɓə nɔi ɲąąwooɓonuą kəlee kaa pai kulɔi laa.

Yálá laawoo hɛɓɛ

⁴ Ɉuda huwu hu ɓə bɛlɛ́ hvilɛn gwɛni kaa pai kulɔi laa, da ɉəɠə pɛlɛ́ hvilɛn nwulu, da gɔ-kɔ kilɛn. Nąą ɓə nɔi ɲąąwooɓonuą kəlee kaa pai kulɔi laa.

Zakari 10:4 ပူးပေါင်းရင်းမြစ်များ

Zɛnɛse 49:24

Kɛ́lɛ ŋɔkerâŋ fé pâi ɣálei. Ǹyée su fé pâi saâi. Zeeka ŋɔwála-wala kélee Ɣalai ŋɔwála-wala sârai, Nyii gáa a m̀ála mɛi-kaa-nuui da Eezuɛ Maa-kɔ̃ɔ-nuui.

Ɛsdrasə 9:8

Tãi kpuai ŋí yée mu, Kúɣâlai Yâwɛɛ, ya kúmalôŋ káa ya ǹɛɛ naa kwa kula luɛ-laa su, kwa pá gwaa ma waai ŋí ma ŋuma-ƃo kɛ́ ƃò kúyêei. Ya kú kúla luɛ-laa su ya gɛ́ kúkɛ ƃò fúlu lâa nina su.

Mąątɛ̨nɛ̨ 118:22

Gɔnii nyii bɛ́rɛ tɔɔ-ƃelai dí díŋɛi nàɣiŋ mɛi, a nâa kɛ́ a bɛ́rɛi sonoŋ su-kɔnii gbîŋ-kpiŋ.

Azaya 19:13

Zoaŋ da Mɛfi láa túɛ-ƃelai dítarei ŋáa fé ŋɔ́nɔ pɔri ní. Dia ƃa ǹɔii ǹônii, kɛ́lɛ da ǹûai kíli ŋá pú.

Azaya 28:16

M̀ɛni ma, ńyãa Ǹuu-namui Yâwɛɛ ŋa m̀ôi ńyɛ̂ɛi, ‘Ka gáa, ŋa pâi Zãiyɔŋ tɔɔ̂i kpɔ́ núu da fa pɔ̂ri ziɣêi dɔɔ̂i. Ŋa pâi zônoŋ su kɔnii kɛ̂i a kɔni sɔ̃ɔ kpanaŋɔɔ. Ŋa pâi ŋ̀óo ŋuŋ ŋí pɔ̃yɛ̂i maa kɔnii ma, “Laa-laa kpanaŋɔɔ ƃa lii-kpêle.”

Azaya 49:2

È ŋ́gbɛ̀tɛ, é ḿaa kɔ̃ɔ é gɛ́ ŋ́oo ŋá liɛɛ yɛ̂ɛ ƃóa-sɔ̂kpɔ. È ḿɛi pɛ̂lɛ a ǹyée é ḿaa kɔ̃ɔ. È ŋ́gɛ̀ yɛ̂ɛ tɔ̃a ŋá-seneɛɛ, ŋ́gbɛtɛɛ tíi kɛ́ mɛni ma.

Azaya 54:16

“Ńyãa ƃé kɔli-ɣale-ƃela kpɛ̀tɛ. Da filɛ-ŋa kpɛ̀tɛ, díkɛ dífɛ̀ɛ vilɛ kêre-ŋai mu, díkɛ kɔ́ kɔ́-sãa kpɛ̀tɛ naa. Ŋá kɔ́ kɔ́-ƃela kpɛ̀tɛ máŋ. Dia ƃa gɔli-sãai ŋí sìɣe, díkɛ nûa pàa a dia.

Ɉeremi 1:18

Ŋaâ sâa íkponôi kpanaŋ yɛ̂ɛ taa-lêe nyíi m̀aa tínaŋɔ̂ɔi a siɣãŋ. Íkaa sâa yɛ̂ɛ kɔli nyíi dɔɔ̂i. Íkaa yɛ̂ɛ ƃara pɛ̂rɛ-kaŋ nyíi dɔɔ̂i Zuda kaloŋ-ŋai díyee-mu-ƃelai, zâla láa-soŋ-ƃelai, da diai kélee díkaa ǹɔii sui dîa.

Ɉeremi 51:20

Yâwɛɛ è mò ǹyɛɛ, “Babelɔŋ, yá ƃa ŋákpɔ-kpɔi nyíi gáa a ŋá kɔ́ kɔ́ kɔli-sɛŋ. Ŋá ísìɣe ŋ́gɛ lɔii-ŋuŋ ŋa da kâloŋ-laa ŋa wòlo a yá,

Zakari 9:10

Yâwɛɛ ǹyɛɛi, “Ŋa pâi gɔ́-keleŋ-ŋai kulâi Ifiraŋ, ŋá gɔ́kɔ-sôo-ŋai kúla Zerusâlɛŋ-ƃelai yêei. Ŋa pâi gɔ́kɔ-keraŋ-ŋai su têei. Kákâloŋ a pâi a lii-sêe ǹɔii-ŋûŋ-ŋai pɔ́. Ŋɔlɔii su a pâi kɛ̂tɛi é síɣe yúo ma é tóo yúo ma. É síɣe ŋɔ́nɔ ǹyá-lêei ma é tóo ǹɔii kpɛɛ ŋá ma.”

Zakari 9:8

Ŋa pâi siɣãŋ tínanîi ŋápɛrɛi ma ŋ́gɛ nàa mɛi kâa a gɛɛ kɔ-kûluƃa da fé lɔ̀ naa. Ŋwana-lɔ̂ɔ-nuu fé pâi ŋɔ́nɔ pɛlɛ̂i dímɛi, kpɛ́ni fêi, ŋá gàa berei dí mɛni-sôli kàa lai.”

Lonon mo 24:17

Ŋa tinaa-tuɛ pere kàa, ǹya ƃe ŋá Eezuɛ lɔii kâa. Kâloŋ tɔnɔ a pâi kulâi dílɔii su gɛ́ fòlo yɛ̂ɛ pɛmɛlɛŋ-kao. Kâloŋ-wuru a pâi kulâi Eezuɛ. A pâi Môa-ŋai tuɛ-ƃelai su karâi. É Sɛ̂ ŋɔsuui su-ƃelai kélee yée mɛi ɣále.

Maafîu 9:38

M̀ɛni ma, ka mɔlɔŋ-namui marê kɛ́ a gɛɛ é mɔlɔŋ-tee-ƃela tɛɛ ŋɔmɔlɔŋ-kpalaŋ ŋá.”

Lukə 20:17

Kɛ́lɛ, è díkàa, ǹyɛɛi, “Gɛ̀ ní, Ŋ̀âla-wooi ŋí bɔ̃yɛɛ̂i ŋɔsu-kulâi ƃa lé? ‘Gɔnii nyii bɛ́rɛ tɔɔ-ƃelai dí díŋɛi nàɣiŋ mɛi, a nâa kɛ́ a bɛ́rɛi sonôŋ su-kɔnii gbîŋ-kpiŋ.’

Ifisiɛŋ 2:20

Kákaa nɔ́ yɛ̂ɛ pɛ́rɛ nyíi dɔɔ̂i Zîsɛ ŋɔsia-ƃelai mɛi da Ɣâla ŋɔlóno kɛ́-ƃelai. Zîsɛ Kôrai ǹyaa kpîŋ káa a bɛ́rɛi zonoŋ-su-kɔnii.

Timote veelɛ 2:4

Kɔkuluƃai gáa ŋɔtíi mai, va ǹyée píli mɛni da kpɛni su, kpɛ́ni fêi, gáa a sɛŋ fɛ̂ɛ a ǹúui líi láa nyíi ǹáa siɣei.

Piɛrə dɔlɔɔ 2:6

Kpɛ́ni fêi, gáa Ŋ̀âla-kɔlɔi su, “Ka gáa, ŋ́gaa kɔni lâai Zãiyɔŋ su, nyíi gáa a zonoŋ su-kɔni nyíi ŋá nɛ̀ maa-mɛni kpanaŋɔɔ mai. Ǹúui a lâa lai vé pâi ŋumɛ̂i.”

M̀ɛni-lɛɛi 17:14

Da pâi kɔ́ pɛlɛ̂i M̀ála-loŋ mâ. M̀ála-loŋ a pâi díyee mɛi ɣálêi, kpɛ́ni fêi, gáa a nuu-namu kélee Mɛi-nuu-namu, gɛ ƃo a kâloŋ-ŋa kélee Mɛi-kaloŋ. Diai díkaa gɔlɛi, dítoliɛ̂i, dílɛɛ, dísã́a.”

Samuɛlə dɔlɔɔ 14:38

Sɔ̂ɔ è mò ŋɔnûai láa-tuɛ-ƃelai dîa ǹyɛɛi, “Kwaa kú gáa lé sɔnyɔŋ ƃé kwaâ sâa gɛ́ nyíi aâ gɛ́ Ɣâla fé kúwoo su toôi.